Tsênhv yuôr têx cêr pôngz siêz txix yuôx nox tuôs nhoz tox siêz Lào Cai

Sơưr ntơưv tsoz yuôx nox tuôs nhoz sâuv luz trôngz saz kâuv tsêr, pos Si Xênhv Zax, mênhx cxưx Hmôngz nhoz jok Mà Sa Phìn, xar Nậm Xây, huyện Văn Bàn, tỉnh Lào Cai jêik tsik tâu cêr pôngz siêz lok tuk nhuôs  tuz tưz trâus tuôs thâuv muôx 18 shông tiv nox yuôx tuôs:

“Thâuv co nưk tuk pox niêv muk uô jos, nưk tsik khênhr muk taz sik hêik pox niêv mak pox niêv ho tsik mnôngs, nưk thiêx li bâu tơưl thiêz muk đê yuôx nox tuôs lok nox viv li chơưv paz tsik tâu. Thâuv tưs xar txos mak cur pôngz siêz hênhr”.

Mà Sa Phìn tưz zênhx tâu xav zos “thax tsav qơư” muôx ntâu yuôx nox tuôs tiv zix, viv kror tưs cux pov muôx yuôx nox tuôs hur si.

Lơưr cưk kriê ntơưr Vương Thị Việt, Tsêr cơưv cxênhx iz sôr 2 Nậm Xây, huyện Văn Bàn, hâur chor nênhs njiz trâus cêr pôngz siêz viv nox yuôx tuôs, đrâuv chor nênhs chiv chir nox yuôx tuôs tsênhv muôx chor nhuôs zâu tiv pov chor hmaz co muôx pax jông gâux tưz đê chox lok uô si thiêz nox siv. Viv li, yuôx nox tuôs tưz zos yênhx têx kror tsuv tâu cơưv thiêz kruôz kriê ciês hâur tsêr cơưv ntơưr:

“Tsêr cơưv ntơưr cux tưz muôx ntâu tsưr ziv xưk li kruôz kriê tsưr ziv uô nênhx ciês hâur tsêr cơưv ntơưr, paz trâu chor nhuôs jênhv pâuz tâu têx tưx muôx hâur chor yuôx nox tuôs, pâuz tâu chor yuôx nox tuôs co jông li chak chiê tsik cor thiêz tsik đê tâu chor yuôx nox tuôs co”.

Thôngz sâu puz pov, txix shông 2018 txos nhiv no, tas nro xar Nậm Xây muôx 6 lênhx nênhs nox yuôx tuôs. Hâur co, 5 lênhx nênhs zos nox têx yuôx nox tuôs no. Lơưr tix lâus Sênh Xênhv Zax, zos iz lênhx nênhs nhoz hâur xar hêik pâuz mak nhiv no chor nênhs nox yuôx tuôs tưz tsơưs đuô thâuv ntêx lơưv:

“Nhiv no pêx xênhv nhoz ntơưv no cux tưz luôx têx yuôx nox tuôs cox ntâu lơưv, sơưr đơưk cux tưz pâuz nyêi thiêz sir jos tir tar đuô lơưv”.

Zơưv Triệu Phúc Thắng, Trạm trưởng Trạm Y têr xar Nậm Xây puz pâuz, chor nênhs zok nriêr cêr tuôs txix nox yuôx tuôs phênhv ntâu tsuôk zos tsôngv box Hmôngz, nhoz chor jêx jok tox siêz li Mà Sa Phìn. Kror tsuv tsov cưv txos zos chor shông jê lok no, sir zôngv yuôx nox tuôs phênhv ntâu tsêx trung nhoz chor hluôk nênhs, đros têx kror cêr qiv zâu li bâu tơưl, pôngz siêz, siz char siz chês, cêr gâux đrâus trâus txưr:

“Tư pháp xar thiêz têx ban nganhx ntơưv thax tsav qơư cux yax kriê lok six ntâu taz sik pêx xênhv tưz zênhx nox cav txix thâuv ntêx lok lơưv viv li cux lok six lax kriz uô thiêz phax tir tar tâu”.

Txơưv tiêk tưz trâus txo grêk tsơưs taz sik têx cêr pôngz siêz txix nox yuôx tuôs tiv têx cêr qiv zâu cux tsênhv muôx yưv ntơưv Nậm Xây cux xưk li ntơưv têx thax tsav qơư tox siêz txơưr đuô nhoz Lào Cai./.

(An Kiên-Lik Thox cxêik nhênhv)

Têx tsi jông thâuv tsi txâuk i-ốt thiêz tsưr ziv phax txar jav

Têx tsi jông tiv tsi txâuk i-ốt

Hlôngr suôz: Tsi txâuk i-ốt muôx têx uô muôx yưv iz cxiê tsi jông li đrav kaz:

-Moz txiê: Zos muôx tsi txâuk i-ốt, chax đaz zuôr o lox jux juk tuôx ( huôv uô moz txiê), viv thâuv tsi txâuk i-ốt, chax đaz tsuv uô hâux lưv ntâu đuô chiê nox hâuk tâu zôngx ziv…. Thâuv trâul moz txiê, chor poz hâur chax đaz zuôr o lox đuô, chênhr viv li, lênhx nênhs moz txiê muôx têx zuôr uô tsi yuô tâuk pa, lar heik zos thâuv pư khưr trưs, zuôr uô tsi tâuk pa, grok tsi yuô tâu têx kâuz ndâus.

-Chax đaz moz: Chor i-ốt hâur đros chêr trâul txo grêk, zuôr uô chax đaz moz, viv muôx tsi txâuk i-ốt.

-Têx moz cik txos lênhx nhuôv nhoz hâur niêv chêr: Lênhx niêv muôx tsi txâuk i-ốt muôx têx zuôr uô tus nhuôv hâur niêv chêr trâul nquôr, tuôs, xênhz zus lok tsi txưv hli thiêz trâul sêv khiz luz chêr thâuv nhoz hâur đruôz thiêz đhâu xênhz zus tâu lok. Muôx têx zos tsi txâuk i-ốt hâur ntu xênhz tuz ci hâur chêr cux zuôr uô lênhx nhuôs tsi yuô txơưx njê li luôs lưv tus. Lar heik, chax đaz uô hâux lưv tsi yuô jông muôx têx zuôr uô lênhx nênhs khênhr tsi yuô hnor kaz uz no. Muôx tsi txâuk i-ốt li heik sâuv zos qir tiv chênhr uô trâu lênhx nênhs tsi yuô muôx jông têx txux chi, tsưr ziv, muôx têx zuôr phax tir thêir tâu.

Têx pov muôx yưv thâuv đros chêr muôx tsi txâuk i-ốt

Hlôngr suôz:

Chiêv kuôr, plơưr đhiê sei, têx moz cik txos tus nhuôv hâur lênhx niêv chêr, moz txiê, tsi yuô hnor kaz jông têx uz no, plâuz hâu hlê ntâu thiêz têx tơưr grêix khâus, kruôr.

Phax tar muôx tsi txâuk i-ốt

Hlôngr suôz: Chiê phax tar têx tsi jông tiv tsi txâuk i-ốt, sơưr đơưk tsuv sir zôngv njêr i-ốt hlôngr trâu têx njêr fênhx yax hâur nox hâuk, uô jâuz mor niêx hnuz. Tsuv cxaz nzir i-ốt tsi so cov taz por txâuk i-ốt, tsi tiêk zôngv iz ntuk ho tso tsês.

Iz chas zôngv njêr i-ốt, tsôngv cưr tix nênhx tsa sơưr đơưk tsuv nox ntâu đuô têx zav nox muôx i-ốt li: Kê, njêl, chưk, trâuz tril, grêix, cuô mik, cxuô zav jâuz njuôz…./.

(Thu Thùy-Riê Lâux cxeik, nhênhv)