Zav nox nhoz jêx jos yênhx zav nox văn phongx nhoz niêv đrôngs

Đăk Lăk

          Thâuv nox su, qơư uô jâuz mor nox Lê Na, nhoz jos Ako Dhông, TP Buôn Ma Thuột, tỉnh Đăk Lăk ziv muôx chôngz kruô tuôx nox đuô. Txuôk txix 40 cxênhz đeiv, tsôngv kruô txơưv xeir tâu 4 zav nox muôx jâuz mor, greix cxiêz, cuô jâuz cxuô zav. Tiv zix zos tas nro puôr lênhx uô lơưr nênhs Ê Đê li tsưr ziv uô jâuz mor chax chês. Cê hu mor nox đros cuô jâuz lưs iêz, blôngx kok ntông ciz, greix buô juôx cuô txoz cxiêz, tix lâuk Lê Vạn Tiếp nhoz phường Ea Tam, TP Buôn Ma Thuột pheiz kênh:“Thâuv ntêx cur tsuôk tâu nox têx zav nox no thâuv muk txos têx jêx jos, iz cxiê pluôk nox hâur têx hnuz ntênhs. Muôx têx thâuv xar nox mak cux chiv chir uô taz sik tsi kaz xưk li nênhs nhoz jêx jos lơưr uô”

Lơưr niêv lâuk H’Rul Niê, tsưr qơư uô jâuz mor Lê Na, khov muôx jâuz kok cxuô zav txix jêx jos, uô tâu ntâu zav nox kaz, qơư uô jâuz mor ziv muôx chôngz kruô tuôx nox hâuk. Đhâu iz ntu tsi ntêr, tưz krêz tâu 3 qơư muôs muôs jâuz mor nox nhoz jos Ako Dhông, krêz muôs jâuz mor txix 10 six tar su txos 10 six tsâus ntux niêx hnuz:“Xar nox tul tsi kruô sâu trâu iz đeiv ntơưr thiêz zuk uô lơưr kruô li zoz qơưx, tiv zix zos blôngx kok ntông, cuô lưs iêz, njês kruôr, cxuô zav jâuz…Zuk zuôr tas nro ntơưv jos nênhs Ê Đê lơưr chiv cheix”.

          Txix tsuôk uô jâuz mor nox lơưr kruô ju lix li siêz nhiêv, txix hâur shông shông txos nhiv no, ntâu ziv chuôz zis hâur jos Ako Dhông tưz hlôngr chiê uô phưx vưv nênhs uô hâux lưv văn phongx nox mor. Têx zav nox tsuôk muôx nhoz têx jêx jos, nhiv no ho yênhx têx zav nox kaz nto bê tâu chôngz lênhx nênhs nhiêv nox. Niêv lâuk H Minh Byă, tsưr qơư uô jâuz mor Mnga Tăng Bi, nhoz jos Ako Dhông pheiz kênh:    “Kruô cux chôngz, nhiv no uô jâuz mor ntâu đuô. Cur uô lơưr tsôngv box Ê Đê li tsưr ziv uô, taz sik tsi uô njiv thiêz iêz chuôk li lơưr uô chiê lênhx tưs cux nox tâu. Zav nox mak muôx ntâu hênhr, hnuz tưs cux hlôngr têx zav nox thiêz muôx tul tsi mak uô têx co trâu kruô nox”.

          Tsi taz nhoz niêv đrôngs Buôn Ma Thuột, jâuz mor văn phongx uô lơưr nênhs Ê Đê tsưr ziv uô jâuz mor chax chês cux pov muôx nhoz thị xã Buôn Hồ. Tix lâuk Lê Thanh Vinh, tsôngv kruô tuôx txix TP HCM puz pâuz:

          “Cur xar tiêk nênhs Ê Đê li têx zav nox lok six kaz thiêz muôx têx kror txơưr uô tsôngv kruô ju lix lok six nhiêv nox thâuv tuôx txos tỉnh Đăk Lăk. Viv ju lix đrâuv têz qơưk jông zav, zav nox kaz cux zos phênhv tưs tsôngv kruô li têx cuiz tênhv thâuv xeir tuôx ndis seiz uô si”.

          Nền nhạc…

          Tsi zuôr tos txos thâuv muôx ntênhs phêv lok sik muk txos têx jêx jos nhoz đêz, nhiv no tsôngv kruô tuôx Đăk Lăk zôngx ziv nriêr muk nox tâu nênhs Ê Đê li têx zav nox kaz chax chês nhoz ciês hâur niev đrôngs Buôn Ma Thuột. Têx suất jâuz mor tâu chox lok hâur luz nênhx hlôngr yiêz, yênhx zav nox kaz nto bê phưx vưv chôngz tsôngv box thiêz tsôngv kruô đros thiêz grê muôs fênhx yax li têx zav jâuz mor nox hâur niêx hnuz./.

                                                                                               H Xíu-Txâur Vax cxeik nhênhv

Chiê pêz hêir Hmôngz têx suôz kênhx đros đrêiv tsôngv px nhoz xã

Nùng Nàng

Hnuz tưs cux li, thâuv têis cik sơưr nzor hnuz ciêz yênhx hli, ntơưv tsêr vênhx huôv jos Lao Tỷ Phùng, xã Nùng Nàng, huyện Tam Đường, tỉnh Lai Châu, tsôngv px sđ tưz tuôx muôx njêx muôs cxix cxuô chiê cơưv shâuv yuôz pêz Hmôngz têx suôz kênhx, đhiê kênhx. Ntơưv no, tsôngv px thiêz tsôngv kruô cux shir phaz lul yuôz kênhx nthuôr uô cêr lov jêv, sik phêiz kênh têx njiêz luk khơưk tsês thiêz huôv tsar truôx pêz Hmôngz têx txux chi kênhx cxôngx nzor. Đros trâu tsưr ziv, siêz xar njôngr tuôr cov tâu truôx zuk hêir nênhs têx txux chi, vênhx huôv jông cov muôx đros đrêiv hâur luz nênhx niêx hnuz, txuôk đros huôv tsar cxuô qơư, ndis huôk têz qơưs. Txix shông 2020, Qơư khơưk tsês thiêz huôv tsar pêz Hmôngz txux chi kênhx jos Lao Tỷ Phùng, xã Nùng Nàng, huyện Tam Đường tưz tâu cxiv tsa, muôx 22 lênhx. Cxuô lênhx uô hâux lưv khơưk tsês têx txux chi kênhx co,  hnuz nhôngs lâuk, hluôk tsik siz thôngx, taz sik sđ têx tsưr ziv siêz xar cux xar cov tuôr tâu truôx zuk hêir nênhs têx txux chi, vênhx huôv jông cxôngx nzor tsik chiê pôngz plox. Zơưv Cường x Chang nhoz jos Chin Chu Chải, xã Nùng Nàng, huyện Tam Đường hêik pâuz: “Qơư khơưk tsês thiêz tsiv uô pêz Hmôngz têx kênhx no, pêz cux tsik so chox muk yuôz nthuôr uô cêr lov jêv trâu têx hnuz tỉnh, huyện kriz ntênhk hội. Cur đros uô hâux lưv tsiv uô kênhx cux tsik so gra kênhx muk yuôx nthuôr uô cêr lov jêv, zos huyện, tỉnh tsưr tsix”

Pêz hêir nênhs Hmôngz nhoz Lai Châu cux li cxuô hêir nênhs tsơưs hâur thax tsav, hâur ntu khưr huôv tsar uô kôngz lôngk, pêz Hmôngz cux pâuz tsiv uô tâu ntâu zav txux chi jông huv đros đrêiv zuk hêir nênhs luz nênhx nox nhoz muk lok hâur niêx hnuz. Hâur ntơư, kênhx cux zos iz zav txux chi, vênhx huôv jông tâu sir zôngv nthuôr uô cêr lov jêv thiêz tâu sir zôngv uô đaz uô kruô. Zơưv Dũng x Thox zos iz lênhx cưk pâuz yuôz kênhx nhoz xã Nùng Nàng, huyện Tam Đường hêik pâuz:“Txix thâuv tsênhv zâu cur tưz pâuz txos pêz Hmôngz têx kênhx, thâuv cur muôx 13 shông cur tưz cơưv shâuv yuôz kênhx. Pêz Hmôngz têx kênhx tâu sir zôngv uô đaz uô kruô thiêz tâu chox muk yuôz nthuôr uô cêr lov jêv hâur têx hnuz kriz ntênhk hội. Chênhr zos li hêik ntơư, txix thâuv muôx 16 shông, cur tưz cơưv shâuv pâuz tsiv uô tâu kênhx chox lok sir zôngv thiêz muôs trâu ciêz đrôngl”

Chiê khơưk tsês tâu truôx pêz Hmôngz têx txux chi, vênhx huôv jông cxôngx nzor cov muôx đros đrêiv hâur luz nênhx, hâur ntâu shông đhâu hâu nov cxuô tsênhv qơư hâur thax tsưav tỉnh Lai Châu tưz muôx phênhv nhiêx paz cxơưz cxiz tsôngv px sđ huôv tsar truôx têx txux chi, vênhx huôv jông txuôk đros huôv tsar qơư ndis uô si, sêiz shuôk têz qơưs. Zơưv Hảng A Nhà, Phưv Chủ tịch ủy ban xã Nùng Nàng, huyện Tam Đường, tỉnh Lai Châu hêik pâuz nzir: “Chor cưk yuôz kênhx, cưk tsiv uô kênhx hâur thax tsav xã Nùng Nàng tưz paz tâu qơư tsês thiêz huôv tsar truôx têx txux chi, vênhx huôv jông cxôngx nzor. Hâur ntu đhâu, chor cưk yuôz kênhx, cưk tsiv uô kênhx tưz  tror cxênhz đuô têx txux chi, vênhx huôv jông co; lar hêik zos txux chi kênhx, cxuô jax đhiê kênhx”

Luôs hâux lưv khơưk tsês thiêz huôv tsar truôx têx txux chi, vênhx huôv jông tsiv grê, hâur ntơư muôx pêz Hmôngz txux chi kênhx tưz tâu hâu nov hâur thax tsav tỉnh Lai Châu moz siêz txos txuôk đros huôv tsar cxuô qơư ndis uô sik, sêiz shuôk têz qơưs. Thiêz ntơư cux chênhr zos iz luôs hâux lưv cxơưz cxiz pêz hêir nênhs Hmôngz huôv tsar truôx zuk hêir nênhs têx txux chi, vênhx huôv tsiv grê, paz phênhv trâu cxuô hêir nênhs VN muôx ntâu txux chi, vênhx huôv jông huv đros hâur luz nênhx./.

                                         Tsu cxêik nhênhv-Khắc Kiên, CQTT Tây Bắc