Cxơưz paz đas jos trâu shux xênhz muôx luz nênhx txov nhêv muk tsêr cơưv cơưv txux chi

Tsêr cơưv cxênhx iz Lóng Luông, huyện Vân Hồ, tỉnh Sơn La muôx 800 ntâu lênhx shux xênhz, hâur co 14 lênhx nhuôv njuôs, 30 ntâu lênhx muôx luz nênhx txov nhêv, txir lok sik niêv trâul muôx zênhk zax zênhz, muk nhoz cêr cxâuv lok sik khiêr trâu lưv thax tsav qơư txơưr đuô. Chênhr viv li chor nhuôs cêr cơưv txux njiz trâul ntâu phiv liv. Đros trâu luôs hâux lưv kriê ntơưr, ntâu shông lok no, tsêr cơưv tưz uô đreiv phôngz yaox sik đros cxơưz paz têx nhuôs shux xênhz.

Lênhx txir muk nhoz tsêr tux viv zax zênhz, lênhx niêv nhoz tov Lol Tsuôk tsi lok, tus nhuôv Shôngx Tường Vy, shux xênhz lớp 2, tsêr cơưv cxênhx iz Lóng Luông tâu lênhx txir hloz tok mul tu, đros txir hloz nhoz thâuv nhiv kruôr muôx 3 luz hlik. Taz sik hur si txir hloz thiêz 2 tus tuz puôr lênhx trâul muôx zênhk zax zênhz. Chiê Vy tâu muk cơưv txux chi, cưk kriê Bô Xênhv Muôk, seiz car Vy lơưr lớp cơưv tưz lênhk nhav cxơưz paz trâu Vy cêr cơưv ntâuz ntơưr. Niêx hnuz Vy tâu cưk kriê Bô xa muk cơưv thiêz tok lol tsêr, zar tar su mak Vy lok nox mor tov cưk kriê Bô. Tâu cưk kriê Bô hluz thiêz txoz cxơưx tok, xa muk cơưv txux, Vy tưz muôx cêr shir phaz, đros luôs lưv tus mê nhuôv uô si, lov jêv, heik tâu luk Choz Tsiz bliês, cơưv tâu ntơưr jông đuô pir li shông cơưv uô ntêx:

“Cưk kriê Bô muôz mor trâu cur nox, nox mor ntơưv cưk kriê Bô tsêr lok six kaz, cur shir phaz thiêz nhiêv muk tsêr cơưv, cơưv ntơưr, cur zuôr sir jos cơưv txux cov tâu jông chiê cưk kriê Bô shir phaz”.

Cưk kriê Bô Xênhv Muôk vax tsêr nhoz jê tsêr cơưv, luz nênhx cux tsi muôx pêk tsơưs, pox niêv uô liêx têz, chos poz cưk cux tsuôk txâuk puz keiz, puz buô, hok nhiêx txiêx zôngv hâur luz nênhx niêx hnuz phênhv ntâu zos khov trâu cưk kriê Bô têx nhiêx hli zuôr xar 10 tsov đeiv hâur yênhx hlik xưz. Txơưv li ntơư, taz sik cưk kriê Bô 2 niêv txir thiêz chor mê nhuôv thâuv tưs tưz jông siêz, shir phaz lus kênh têx pluôk nox, tsôngk tril yo hnar, paz max shux xênhz muôx luz nênhx txov nhêv li Vy, đros thiêz xar cov chor nhuôs tâu muk đros luôs lưv tus cơưv ntâuz cơưv ntơưr cxix cxuô:

“Pêz têx lênhx cưk kriê iz lênhs tưz paz 2 tus shux xênhz, khênhr paz lok têx pav vor, tsôngk tril yo hnar thiêz ntơưr cơưv, ntơưr sâu, uô li chas cov txâuk trâu chor nhuôs tso siêz muk cơưv txux. Shông tứ pêz cux paz shux xênhz li ntơư thiêz nhiv no cur tsênhv lênhk nhav paz 2 tus nhuôv zos: Tường Vy Xênhv Shôngx thiêz Phương Xênhv Muôk. Thâuv tâu pêz paz li ntơư mak chor nhuôv tso siêz, shir phaz thiêz sir jos cơưv txux jông đuô”.

Nhoz tsêr cơưv cxênhx iz Lóng Luông, Nzông Xênhv Hơưx, cux zos iz hâur têx nhuôs shux xênhz muôx luz nênhx lok six txov nhêv. Lênhx txir trâul tuôs viv zax zênhz, niêv tâu tas siv nênhx viv uô yêz siz yar siz tsông tâus cêr, Nzông đros 2 tus nhaz nuk nhoz. Lênhx nuk hloz mak tso ntơưr tsês thiêz zuôr pox niêv thâuv nhiv kruôr 15 shông, muôx 2 tus nhuôv nxeik, nhiv no txoz cxơưx nzir trâu Nzông muk cơưv ntâuz ntơưr thiêz, luz nênhx ziv trâul txov nhêv đuô.

Pâuz tâu Nzông luz nênhx txov li heik sâuv, cưk kriê seiz car lớp cơưv Xuân Mai Xênhv Zax tưz muk txos tsêr heik Nzông nhaz nuk cov tso Nzông muk cơưv txux thiêz paz max têx chuôz zênhx phưx vưv cơưv ntơưr, tsôngk tril yo sor….. Nzông heik pâuz, hmôngr jông muôx chor cưk kriê paz viv li cur tưz cơưv tâu ntơưr txos lớp 5 thiêz zuôr sir jos cơưv cov tâu jông chiê yênhx lênhx cưk kriê ntơưr, tov kaz no zuôr paz max têx shux xênhz pluôs, muôx luz nênhx txov nhêv hâur jok tâu muk đros luôs cơưv txux cxix cxuô:

“Niêx hnuz chor cưk kriê tuôx hu cur muk cơưv ntơưr, paz cur lok six ntâu, cur nhiêv muk cơưv txux chi hênhr”.

Zơưv Phạm Thanh Hải, Tsar phongx Zoz zux huyện Vân Hồ, tỉnh Sơn La heik pâuz, đros thiêz têx sir jos viv shux xênhz, shông cơưv tưs chor cưk kriê nhoz Lóng Luông cux tsês têx nhiêx txiêx iz kro mê njik chiê paz shux xênhz muôx luz nênhx txov nhêv tâu muk đros luôs lưv tus cơưv ntâuz cơưv ntơưr. Khov li co, têx nhuôs shux xênhz gruôs muk tsêr cơưv, cơưv txux hâur chor shông jê lok no thâuv tưs tưz tax txix 99% tror zar sâuv thiêz sir jos yênhx tsêr cơưv uô tâu luôs hâux lưv kriê txux chi jông cấp têz qơưk hâur ntu zuôr txos:

“Đros thiêz chor cưk kriê buôk ti kriê txux chi ntơưv têx lớp, tsêr cơưv li cêr paz, moz siêz txos, chor cưk kriê tưz muôx têx nuv uô jông, txoz cxơưx trâu nhuôs shux xênhz. Têx nuv uô co tưz paz chor nhuôv hla đhâu cêr yeiz, cêr txov, paz têx nhuôs muôx nzir cêr sor si, ciêz, mnôngs luk, cơưv ntơưr hênhr thiêz lar heik zos tsi tso ntơưr tsês, truôx siêz, sir jos hla đhâu phiv liv hâur luz nênhx”.

(VOVTB-Riê Lâux cxeik, nhênhv)

Sik côngv, paz muôz hâux lưv uô trâu nênhs lox tôngv zos mê nhuôk tsôngv box mênhx cxưx tsơưs nênhs

           Hâur ntâuz ntơưr coar lik, đoanx xã heik huyện Kỳ Sơn muôx 421 lênhx đoàn viên hluôk nênhs, taz sik tsênhz mênhx, thâuv krêz uô iz huôx tôngv coaz tsôngv mak chor hluôk nênhs chêx chôngk tuôx tsuôk tâu zuôr xar 1 đraz, viv li, đoàn xã njiz lok six ntâu phêv liv chiê tax tâu chêx cuk li zoz qơưx tso tơưv. Tix lâuk Lương Văn Tạc, bí thư đoàn xã Phà Đánh, huyện Kỳ Sơn, Nghệ An pheiz kênh:

          "Muk uô têx côngz tsinhx hluôk nênhs, hâux lưv hluôk nênhs niêx shông mak cux chêx chôngk tsi tâu ntâu hluôk nênhs viv lơưr muk uô jos đêz thiêz thâuv txos tsiêz lơưr thiêx lok ntâu xưz".

          Txix têx tsênhv tsênhz xã heik tơưv tsênhv muôx yưv nhoz phênhv ntâu têx huyện tox siêz Nghệ An. Vênhv thix no tsi taz uô muôx tsi txâuk lênhx nênhs uô đoanx hluôk nênhs li têx phongz yaox cxuôv yeiz thiv pluôk nhoz tox siêz mak tsênhv uô zênhr shar ntâu txos côngz xưv huôv tsar đangv viên zos nênhs mênhx cxưx tsơưs nênhs. Tix lâuk Nguyễn Đình Thuận, Bí thư huyện đoàn Quỳ Hợp, Nghệ An xar li no:

          "Chor hluôk nênhs nhoz ntơưv tiv phaz mak lok six tsơưs uô zênhr shar txos hâux lưv chêx chôngk tsưr tsix cux xưk li uô têx phongz yaox nhoz tiv phaz".

          Yuôr niêv lâuk Lữ Thị Băng Châu, Bí thư huyện Đoàn Con Cuông, Nghệ An heik:

          "Hluôk nênhs li siêz xar cux xưk li jênhv pâuz lok huôv tsar kinh têr tsênhv kis, viv li têx trâur nuv hluôk nênhs huôv tsar kinh têr tsênhv mê, tax chêx cuk tsi siêz".

          Ndar txos tsưr ziv car chêx hâux lưv uô trâu hluôk nênhs mênhx cxưx tsơưs nênhs, cấp ủy, chính quyênx têx cấp thiêz tsưr tsix đoanx nhoz Nghệ An tưz cxiv tsa ntâu tsaz yênhx, dự án paz hluôk nênhs mênhx cxưx tsơưs nênhs nhoz tiv phaz lok sik tror lok tiv phaz chiê huôv tsar cêr uô nox, yênhx trus uô bluô nux sauv zuk têz qơưk:

          "BCH huyện đoàn phuôx huiz têx pênhr jos chiê paz hluôk nênhs hâur vênhv thix huôv tsar cêr uô nox. Đrâuv co mak BCH huyện đoàn zuôr tror tsov cưv, sik côngv đros têx nganhx tsưr tsix têx lóp kriê hâux lưv uô, thox cxov hâux lưv uô lur hnuz thiêz ntêr hnuz, krêz têx lớp choz KHKT trâu hluôk nênhs chiê paz hluôk nênhs huôv tsar cêr uô nox".

          Shông 2016, Mong Văn Sơn cuiz tênhv tror lok jos Phà Khảo, txeik pênhr txix zênhx hangx chính sách xã hội, zênhx hangx kôngz nuv, yưv pênhr tu zus nhux tưv nhux đas. Qir thơux zus 1 tul nhux tưv thiêz 3 tul nhux đas, thiêz tâu chính quyênx xã Phà Đánh paz uô qơư tu zus đar 3 hecta, txos nhiv no tix lâuk tưz muôx qơu tu zus iz shông tso lok phênhv sâu yênhx puôk tsov đeiv. Đros thiêz siêz gruôs uô hâux lưv, Mong Văn Sơn yênhx lênhx hluôk nênhs txơưx huôv tsar cêr uô nox nhoz jos Phà Khảo cux xưk li tsôngv box Khơ Mú nhoz huyện Kỳ Sơn. Tix lâuk shir phaz heik:

          "Cur yưv pênhr tu zus nhux tưv nhux đas, lok đoanx hluôk nênhs mak cux paz chiê txeik pênhr thiêz tsưr tsix têx lớp kriê cxaz lok tsưr ziv tu zus thiêz tsoz phưz. Cur cux cơưv shâuv tâu lok tsưr ziv tu zus nhux tưv nhux đas thiêz uô lơưr".

          Chiê krêz uô têx dự án paz txưv hluôk nênhs mênhx cxưx tsơưs nênhs, sik côngv paz hâux lưv uô trâu hluôk nênhs huôv tsar kinh têr cux xưk li gôngr phênhv tsênhv tsênhz lok côngz xưv cxuôv yeiz thiv pluôk nhoz tiv phaz, cux xưk li phuôx huiz chor hluôk nênhs li chinhz yênhx car xar, car uô, truôx siêz huôv tsar cêr uô nox muôx ziz njiêz lok six coaz tsôngv. Đros đoàn xã Minh Hợp, huyện Quỳ Hợp, paz txưv sik côngv, paz hâux lưv uô trâu hluôk nênhs mênhx cxưx tsơưs nênhs tâu xav tênhv zos tsưr tsix đoanx li iz hâur têx jênhv vưv coaz tsôngv hâur phongz yaox hluôk nênhs huôv tsar cêr uô nox. Đrâuv cxiv tsa têx trâur nuv đoàn xã Minh Hợp chêx chôngk krêz uô tsaz yênhx hlôngr yiêz tsưr ziv tsêz chos hâur đoàn viên hluôk nênhs, txix co gôngr phênhv lok uô Nghị quyết Đại hội Đảng bộ xã six cxiv 2020-2025.

          Thâuv muôx chính sách paz txưv huv đros, paz lok yênhx tưv mak hluôk nênhs mênhx cxưx tsơưs nênhs zuôr sir jos tsi taz hla đhâu cêr pluôk uô bluô nux trâu chuôz zis mak tsênhv zos iz lưx lươngv gôngr phênhv uo tiv phaz li têx tsaz yênhx huôv tsar kinh têr xã hôiv./.

Hoài Thu-Txâur Vax cxeik nhênhv