Cxuô hêir nênhs tsơưs Lai Châu têx txux chi, vênhx huôv jông nhoz trơưr tsôngk kruô siêz

        Iz chas zuôr thiêz muôs cxuô zav hax huv kôngz lôngk đros trâu têx tsôngk tiêz, tsôngk yo, pax ntâuz, đuôr tưk, kênhx Hmôngz…. zos tsôngv px ntơưv qơư uô tơưv tưz tâu thâux gra tuôx muôs trâu hnuz kriz ciêz jos Sin Suối Hồ. Chiê hêik kriê cxuô hêir nênhs ntơưv qơư têx txux chi, vênhx huôv jông cxôngx nzor trâu tsôngv kruô sđ pâuz txos; hâur ntu đhâu, tsôngv px hâur thax tsav tưz muôz zuk li têx txux chi, vênhx huôv jông muôs hâur mạng xã hội, muôx chôngz lênhx kruô zuôr thiêz pâuz txos. Tus niêv hluôk Ke x Hav, nhoz jos Sin Suối Hồ, xã Sin Suối Hồ, huyện Phong Thổ (Lai Châu) shir phaz lul hêik pâuz: “Cur tso trâu sâuv tiktok thiêz sâuv facebook,  mạng xã hội, li ntơư cur cux muôs tâu ntâu hax huv. Phênhv ntâu zos muôs tsôngk tiêz tsôngk yo pox niêv đros trâu têx trik yo txir nênhx thiêz têx hnaz ntâuz ntok. Txix cur zôngv mãng xã hội muôs hax huv, cux muôx chôngz lênhx kruô zuôr txos”

Têx đuôz muôs hax huv sâuv mạng xã hội, hâur ntu đhâu lok no, chor kruô tuôx ndis uô si, sêiz shuôk têz qơưs txos Sin Suối Hồ ziv hnuz ziv chôngz. Đros ntơư, tsôngv px hâur jos co cux sir tas đas jos tsưr ziv xơưk tsôngk tiêz, tsôngk yo, xơưk hnaz uô jav, câuv mov….muôs trâu tsôngv kruô oz chas têz qơưs. Chênhr zos li hêik ntơư, hâur iz jiês kriz ciêz muôs hax huv, jos du lix côngv thôngx Sin Suối Hồ muôx chôngz lênhx kruô tuôx ndis uô si. Iz lênhx kruô nhoz têz qơưs Pháp cux tuôx ndis uô si, sêiz shuôk têz qơưs txos jos Sin Suối Hồ cux hêik pâuz tiêk: “Tuôx sêiz shuôk txos luz ciêz no cux muôs ntâu hax huv, huv đros tsôngk kruô siêz nhiêv. Lar hêik zos muôx ntâu zav tsôngk tiêz tsôngk yo jông jav thiêz cux xar zuôr oz pêz zav chox muk sêiz đaz muôs, puz trâu têx fôngx zưs cxênhz jê”

        Pir li ciêz Sin Suối Hồ muôs pêz hêir nênhs Hmôngz cxuô zav tsôngk tiêz tsôngk yo, pax ntâuz đuôr tưk…huv đros pêz hêir nênhs Hmôngz luz nênhx nox nhoz muk lok hâur niêx hnuz.

  Taz sik ntơưv qơư kriz ciêz San Thàng nhoz đrôngl Lai Châu cux muôx hêir nênhs Giáy ntâu zav nduôr thax cxôngx nzor huv đros tsôngv kruô siêz nhiêv. Lar hêik zos cxuô qar tsêr muôs cuz thaz nto bê, muôx chôngz lênhx kruô nhiêv nox. Tus muôv Nùng Thị Nga,  nhoz jos San Thàng, xã San Thàng, đrôngl Lai Châu shir phaz lul hêik pâuz: “Chor cuz thaz no, zos cur chuôz zis cơưv shâu uô txix thâuv tsênhv zâu; niêv thiêz txir kriê uô zav cuz thaz co tưz muôx 10 ntâu shông đhâu, muôx chôngz lênhx kruô nhiêv nox”

          Chor cuz thaz muôs ntơưv ciêz  San Thàng, tâu tsôngv pox niêv, vir ndâuk ntơưv no muôz zav cxur kaz chox lok uô, muôx chôngz lênhx kruô nhiêv nox. Zơưv Nguyễn Thanh Hải, iz lênhx kruô nhoz saz Hà Nội tuôx ndis shuôk têz qơưs shir phaz lul hêik pâuz: “Ntâu jiês cur tuôx ndis uô si trâu Lai Châu, taz sik zos jiês xuz thơưx cux tuôx ndis uô si txos ciêz Sa Thàng.  Tâu nox siv ntiv  cuz thaz no cux kaz cơưs; lar hêik zos muôx cxuô zav jâuz nhôngk nox đros”

       20 hêir nênhs siz chos huôv tsar uô nênhx nhoz hâur thax tsav tỉnh Lai Châu đros ntâu zav txux chi, vênhx huôv jông thiêz muôx ntâu zav nox kaz jông txơưr tsik siz thôngx huv đros tsôngv kruô siêz nhiêv.

          Lar hêik zos chor hluôk nhiv no tưz pâuz khơưk tsês thiêz huôv tsar  truôx zuk hêir nênhs têx txux chi, vênhx huôv jông cxôngx nzor chiê hêik kriê trâu tsôngv kruô pâuz txos. Txix ntơư, cxơưz cxiz huôv tsar kinh tế, vênhx huôv, xã hội chiê tỉnh Lai Châu zos iz qơư muôx cxuô zav jông jav, muôx chôngz lênhx kruô tuôx sêiz shuôk txos./.

                                                Tsu cxêik nhênhv-Khắc Kiên, CQTT Tây Bắc

  “Cxiv tsa” thị xã tox siêz Mộc Châu jông jav

 Qơư muôx tox trôngz câv har jông jav sâuv thax tsav châu Á thiêz sâuv ntiêx têz. Ntơư zos huyện Mộc Châu, tỉnh Sơn La hâur ntâu shông đhâu, tưz muôx chôngz lênhx kruô tuôx ndis uô si, sêiz shuôk têz qơưs txos:  Pêz xar tiêk sir jos tuôr cov tâu truôx côngz bê cux tsik zôngx ziv; viv li hâur ntu zuôr txos, pêz tsênhv zuôr sir jos chêx chôngk sêiz car truôx cxiv uô têx qơư ndis uô si hâur thax tsav huyện Mộc Châu, cxơưz cxiz têx tsưr tsix muôz pênhr nhiêx tuôx cxiv uô têx qơư jông jav ndis uô si cov ziv hnuz ziv muôx chôngz lênhx kruô hâur têz qơưs thiêz sâuv ntiêx têz tuôx ndis shuôk”

    Phưv Chủ tịch uỷ ban huyện Nguyễn Thị Hoa cux hêik pâuz tiêk, txix Đảng bộ, hâu nov ntơưv qơư thiêz pêx xênhv hâur thax tsav luôs hâux lưv uô tâu hâur ntu đhâu, huyện Mộc Châu tsênhv zuôr tror sir jos huôv tsar cov tâu truôx cxuô hêir nênhs hâur thax tsav têx txux chi, vênhx huôv jông, qơư ndis uô si cov ziv hnuz ziv jông jav huv đros hâur ntu têz qơưs hlôngr yiêz nhiv no. Zơưv Mai Trí Tuệ, Phưv Tổng Giám đốc Công ty Du lịch 26 Mộc Châu cux hêik pâuz tiêk: đhâu thôngz sâu 6 luz hli hâur shông no, tưz muôx 100 cxênhz lênhx kruô tuôx ndis uô si, sêiz shuôk têz qơưs txos tox siêz huyện Mộc Châu. Chiê cxiv uô cxuô qơư ndis uô si cov ziv hnuz ziv huv đros tsôngv kruô siêz nhiêv, haua nov huỷện Mộc Châu tsênhv chox car uô yiêz nzir 15 ha qơư ndis uô si, pênhr nhiêx cxiv uô zos 770 tỷ txos 1.200 tỷ:

Nhiv no pêz tsênhv taz tov uô cov tiêr ntâuz ntơưr chiê muôz pênhr nhiêx tuôx cxiv uô yiêz cxuô qơư ndis uô si cov huv đros tsôngv kruô hâur têz qơưs thiêz kruô sâuv ntiêx têz siêz nhiêv

        Chiê cxơưz cxiz cxuô tsưr tsix muôz pênhr nhiêx tuôx cxiv uô, hâu nov huyện Mộc Châu tưz sâu têx côngz trênhx trâu hâur ntâuz ntơưr cxiv uô txos shông 2025. Thiêz xav txos nhiv no tưz uô tiêr 7 hâur 16 luôs hâux lưv tso tơưv; ntơư zos kho đuô têx cêr muk lok hauar thax tsav qơư ndis uô si li jos Áng, xã Đông Sang; txox cêr lox 43 muk trâu đrôngl Nông trường Mộc Châu; qơư tik tênhv tênhz tơưk pov cêr trơưk oz saz ntus cêr lox hâur thax tsav đrôngl huyện. Zơưv Nguyễn Thế Nghĩa, Giám đốc Ban sêiz car yưv pênhr huyện cux hêik pâuz tiêk: hâur shông 2023 no, huyện tsênhv taz tov fuô 70 ntâu luôs hâux lưv uô yiêz chiê  Mộc Châu yênhx thị xã trâu shông 2025: Luôs hâux lưv uô hâur đrôngl huyện Mộc Châu cux tsênhv taz tov cxiv uô. Huyện sir jos cxiv uô têx qơư hâur đrôngl huyện cov tiêr  trâu shông 2023 thiêz cxiv uô nzir têx hâux lưv txơưr trâu shông 2024 chiê cxơưz cxiz huôv tsar kinh tế xã hội huv đros cov tâu côngk nhav zos thị xã

    Zơưv Lê Trọng Bình, Chủ tịch uỷ ban huyện Mộc Châu cux hêik pâuz nzir, Ban Thường vụ huyện uỷ tưz cxiv tsa Nghị quyết lok huôv kinh tế - xã hội ntơưv 10 luz jos txov nhêv nhoz thax tsav ntus đriv:  Nghị quyết huôv tsar 10 luz jos txov nhêv nhoz thax tsav ntus đriv hâur huyện Mộc Châu tâu xav tênhv uô 21 luôs hâux lưv, zos huôv tsar kinh tế-xã hội,quốc phôngx-an ninh, cxiv kho chính trị. Đhâu njuôk shuôk muôx 12 luôs hâux lưv tưz uô tâu tiêr zos đrêiv luôs hâux lưv tso tơưv. Yuôr 8 luôs hâux lưv zuôr uô cov tiêr trâu shông 2025

        Trơưk li zơưv Lê Trọng Bình, hâu nov huyện Mộc Châu luôs hâux lưv tso tơưv zos txos shông 2025, tsuv uô cov tâu tiêr cxuô luôs hâux lưv cxiv tsa jêx jos yiêz thiêz yênhx thị xã; txos trâu shông 2040, zos iz đrôngl huyện jông jav lok cxuô qơư ndis uô si hâur têz qơưs./.

                                                                                      Tsu cxêik-Tuyết Lan, Thuỳ