Hlôngr yiêz thax tsav qơư cách mạng Trung Bộ

        Tror muk txos trâu huyện Bắc Trà My hâur têx hnuz no, tưz pov tsôngv px cxuô hêir nênhs nhoz thax tsav qơư co muôx ntâu hlôngr yiêz. Zơưv Huỳnh Tấn Sâm, iz lênhx cán bộ so lâuk, 50 shông Đảng, hâur ntu đrav ntêx tưz uô ntâu luôs hâux lưv côngz xưv hâur huyện Bắc Trà My, nhiv no tưz shir phaz lul lok têx hlôngr yiêz nhoz thax tsav qơư co. Vax tsêr, cêr muk lok, tênhv tênhz têz qơưs, đêx hur sir zôngv tưz txos trâu cxuô luz jêx jos; tsêr vênhx huôv cux cxiv uô tâu chiê cxuô hêir nênhs hâur thax tsav huôv tsar truôx têx txux chi, vênhx huôv jông cxôngx nzor muôx đros đrêiv hâur luz nênhx. Zơưv Huỳnh Tấn Sâm shir phaz lul hêik pâuz tiêk; tsôngv px hâur thax tsav tưz hla đhâu cêr yêiz pluôs trơưk đrêiv tsưr ziv siêz xar: “Tsôngv px cxuô hêir nênhs nhoz thax tsav tox siêz, đêz đrôngl, nhiv no luz nênhx tưz hlôngr yiêz ntâu. Tsôngv px têx vax tsêr cxiv uô tâu jông jav, muôx luz nênhx truôx tuk; cêr yêz muk lok tâu cxiv uô txos tsênhv qơư xã thiêz muk txos cxuô luz jêx jos, tsôngv px sđ jông siêz hênhr”

        Xav txos trâu nhiv no, 44 luz jêx jos, xã nhoz huyện Bắc Trà My puôr lênhx tâu têz qơưs muôz pênhr nhiêx cxiv uô cêr muk lok huv đros. Đhâu 20 shông phêiz huyện, ntơưv huyện Bắc Trà My tưz muôx 5.000 ntâu côngz trênhx đêx hur tâu cxiv uô, pênhr nhiêx tas zuôr xar 7.500 tỷ đêiv. Ntâu côngz trênhx, vax tsêr nhoz huyện no tưz cxiv uô tâu truôx jông. Iz chas ntơưv tsênhv qơư huyện, hur si têx xã nhoz thax tsav tox siêz, đêz đrôngl li Trà Bui, Trà Ka, Trà Giáp… nhiv no tưz muôx ciêz muôs cxuô zav hax huv.

          Chiê txo grêk yêiz pluôs, huyện Bắc Trà My tưz tso tơưv Nghị quyết xêir qơư trâu 1.100 ntâu chuôz zis px nhoz “ ntơư zos muôx ar nhoz, ar tsêz chos kôngz lôngk, muôx cêr yêz muk lok”.  Đhâu thôngz sâu, chor chuôz zis pluôs hur si huyện txix 52% shông  2015 txos kaz shông 2021 tưz txo grêk tsơưs, tsuôk yuôr 33%; trơưk li njuôk xav tsênhv zuôr txo grêk chor chuôz zis pluôs trâu kaz shông no. Zơưv Thái Hoàng Vũ, Chủ tịch uỷ ban huyện Bắc Trà My, tỉnh Quảng Nam hêik pâuz: “Nhiv no, luôs hâux lưv cxơưz cxiz muôz pênhr nhiêx cux li cxiv kho tsênhv qơư xã, tưz tâu tsôngv px jông siêz uô trơưk. Tsôngv px muôz ar kriz uô cêr muk lok thiêz cxiv uô côngz trênhx vax tsêr cxuô zav”

          Thax tsav qơư Di tích lịch sử, zos qơư tuz lênhv, hâu nov pêz têz qơưs đrêiv tir ntâuk tros châuz hâur ntu đrav ntêx, cxiv kho têz qơưs; Taz sik hâur têx hnuz no, thax tsav qơư di tích lịch sử co, tưz muôx cêr yêz ô tô muk lok zôngx ziv, tsôngv kruô chêix tsar yêz muk lok ndis shuôk têz qơưs. Zos tỉnh Quảng Nam iz luz huyện pluôs nhoz tox siêz, đêz đrôngl, muôx ntâu hêir nênhs tsơưs li: Ca Dong, Mơ Nông, Cor, Mông... siz chos huôv tsar cêr uô nênhx nhoz. Lar hêik zos hâur 5 shông đhâu lok no, huyện Bắc Trà My, tưz uô tâu tiêr ntâu luôs hâux lưv jông. Ntơư zos chêx chôngk cxiv uô vax tsêr thiêz kriz uô cêr muk lok; hlôngr yiêz luôs hâux lưv uô têx ntâuz ntơưr zos công nghệ thôngz xor mông hâur luôs hâux lưv sêiz car chính trị; sir jos jos uô txos shông 2025 cov tsôngv px txo grêk tâu yêiz pluôs truôx đrênhk.  Zơưv Lê Văn Dũng, Phưv Bí thư Thường trực tỉnh ủy Quảng Nam hêik pâuz nzir:”Huyện Bắc Trà My tsuv chêx chôngk huôv tsar truôx uô cxuô luôs hâux lưv txix têx muôx ntơưv qơư. Ntơư zos uô txix têx jôngr ntông, chos ntông uô jôngr; lar hêik zos tsuv uô truôx luôs hâux lưv choz zok har jôngr trâu tsôngv px hêir nênhs Chăm tsưx phưv, sêiz car truôx jông”./.

                        Tsu cxêik nhênhv-PV Phương Cúc, CQTT miền Trung

Lênhx nênhs huôv tsar tu zus njêl nhoz tox siêz Nà Hẩu

HTX kôngz nuv thiêz huôv tsar Nà Hẩu tâu yênhx lix txix Đặng Văn Chính li tsưr ziv qir têk huôv tsar uô nox txix hli 5/2019 uô tâu trơưk tsưr ziv, siêz xar đros thiêz chor pênhr xuz thơưx zos 2 tyv đeiv ntâu. Hâu nov ntơưv qơư tưz muôz jông six hơưv trâu HTX lok sâuv muôz ar, cxiv uô qơư zus njêl tầm, tsơưs uô tsi jông txos chiv xênhz đrox tsuôs.

Đros thiêz pưs txux zos Giám đốc HTX, Đặng Văn Chính tưz bax tsưr ziv đros Viện nhênhz chơưv uô lơưr thiêz huôv tsar, Tsêr cơưv Đại học Hùng Vương xar tsưr ziv tu zus têx njêl tầm muôs grêix thiêz seiz car têx lênhx nênhs hâur HTX. Đặng Văn Chính heik, têx li co paz luôs hâux lưv tu zus njêl tầm njiz tsơưs têx phiv liv, cux iz zav li uô tâu trơưk siêz xar, muôx njêl muôs truôx tuk; iz chas co cxiv tsa suôz bê thiêz piêr kriê têx xiv huv: “Pêz sik hux jos đros 4 tos, co zos pêx xênhv, nênhs nhênhz chơưv khoa học, nênhs uô hâux lưv seiz car thiêz chor tuz luôv. Chênhr viv li pêz luôs hâux lưv tu zus njêl uô tâu trơưk tsưr ziv, muôs tâu pôngz, muôx qơư sâu zuôr truôx”.

Đhâu fâuv njêl xuz thơưx uô tâu trơưk siêz xar, HTX Kôngz nuv thiêz ju lix Hà Hẩu tưz krêz đar qơư tu zus ntâu đuô. Đros thiêz xav kror đruôz đraz tâu nhos 30 ntâu tênhr njêl, gri muôx txix 250 cxênhz txos 300 cxênhz đeiv iz cir, iz shông ntơư HTX cux sâu tâu xar muôx 2 tyv đeiv, muôz hâux lưv uô trâu 5 lênhx lox tôngv ntơưv qơư. Tix lâus Nzơưk Xênhv Thox, uô hâux lưv hâur HTX heik pâuz:“Xuz thơưx tuôx uô hâux lưv hâur HTX cux txov nhêv cơưk, nhiv no mak nhoz khênhr đuô lơưv, cur cux sir jos chiê ziv hnuz ziv uô tâu jông đuô luôs hâux lưv zok muôz”.

Giám đốc HTX-tix lâus Đặng Văn Chính heik pâuz nzir: Xav kror đruôz đraz, iz fâuv njêl HTX muôs muôx nhos 8 cxênhz tus njêl grêix, iz tus muôx txix 3-3,5 cir. Njêl Tầm tâu muôs, iz phênhv zos phưx vưv cêr nox hâuk thiêz kruô ndis shuôs têz qơưk uô si zuôr muk uô huv puz trâu luôs lưv tus lok sik chor nênhs hâur tsêr thâuv lơưr tuôx Nà Hẩu, iz phênhv zos muôs trâu têx qơư uô jâuz mor nox nhoz Hà Nội. Chiê huôv tsar uô tâu jông đuô, HTX tưz đas cir uô lơưr cui tinhv VietGAP, tu thiêz muôx tâu têx njêl Tầm Nà Hẩu jông, nox kaz grêix:“Pêz li tsưr ziv huôv tsar uô nox hâur ntu zuôr txos zos đros tsôngv box uô, krêz đar qơư tu zus nhoz têx chuôz zis muôx six hơưv, jông qơư zus njêl thiêz muôx lênhx nênhs tu, iz chuôz zis muôx têx uô txix 1-2 qơư zus njêl, zuôr uô tâu trơưk siêz xar”.

Tsi tiêk huôv tsar tu zus njêl Tầm, HTX Kôngz nuv thiêz ju lix Nà Hẩu tsênhv paz cxơưz huôv tsar ju lix côngv thôngx ntơưv qơư đros trâu kriê kruô muk uô si ndis shuôs têx qơư jông jav, đa đêx, seiz tsoongv box Hmôngz têx txux chi vênhx huôv….. “ HTX qơu ju lix côngv thôngx jok Tát, xã Nà Hẩu” nhiv no tưz tâu côngk nhav uô tâu têx luôs hâux lưv jông phưx vưv tsôngv kruô. Zơưv Vũ Xuân Bá, Bí thư Đảng uỷ xã Nà Hẩu, huyện Văn Yên heik pâuz:“HTX, iz fâuv njêl zus muôx nhos 8 cxênhz ntâu tus zos iz kro lok six sir jos, muôz qơư chuôz jos trâu tsôngv pêx xênhv cơưv shâuv thiêz uô trơưk chiê hla đhâu yeiz pluôs. Zuôr txos no, Đảng uỷ, hâu nov ntơưv qơư vênhv tôngv têx chuôz zis muôx qơư jông tu zus njêl co zuôr zus txix 200-500 tus”.

Đặng Văn Chính tsưr ziv tu zus njêl thiêz huôv tsar ju lix nhiv no tsênhv krêz hâu cêr yiêz chiê tsôngv box Hmôngz nhoz tox siêz Nà Hẩu cơưv shâuv thiêz uô trơưk hâur ntu zuôr txos, đhâu ntơư, vav chiê siêz zuôr krêz hâu cêr trâu têx thax tsav, suôv qơư tsênhv yuôr ntâu txov nhêv huôv tsar uô nox uô hnar./.

                            (Đinh Tuấn-Riê Lâux cxeik, nhênhv)

Vân Hồ-Sơn La, zos thax tsav qơư muôx chôngz lênhx kruô tuôx ndis uô si, sêiz shuôk têz qơưs

          Thưr 7 yênhx ciêz, jos Chiềng Đi 2, Xã Vân Hồ, huyện Vân Hồ, tỉnh Sơn La tưz tror kriz ciêz muôs tsôngv px hâur thax tsav cxuô zav hax huv. Têx qơư muôs hax huv co zos muôs hâur têx tsêr fênhz suôz, tsôngv px muôz shôngz chox lok cxok xor thêir hâur têx vax chos tsoz chos txir khơưz. Iz chas 40 ntâu qơư muôs cxuô zav hax huv li: Grêix tưv, grêix nhux kra; njuôs kruôr, cxuô zav jâuz; tsôngv px hâur thax tsav têx tsôngk tiêz tsôngk yo…Chênhr zos li hêik ntơư, txos trâu têx hnuz kaz ciêz, ciêz jos Chiềng Đi 2, tưz muôx chôngz lênhx kruô tuôx uô si, ndis shuôk têz qơưs. Pos Lê Thị Lệ, iz lênhx kruô nhoz tỉnh Vĩnh Phúc tuôx uô si, ndis shuôk têz qơưs shir phaz lul hêik pâuz: “Pêz tuôx txos trâu thax tsav tox siêz hâur têx hnuz kriz ciêz no, cux lov jêv hênhr thiêz tsôngv px hâur thax tsav co cux lov jêv shir phaz lul đros tsôngv kruô tuôx trâu ntơưv no”

          Tsôngv kruô tuôx ndis shuôk têz qơưs txos jos Chiềng Đi 2 hâur têx hnuz kriz ciêz muôs hax huv ziv hnuz ziv chôngz, tsôngv px muôx phênhv sâu tâu nhiêx txiêx chox lok sir zôngv hâur luz nênhx. Zơưv Nhiêx x Shôngx, Bí thư chi bộ jos Chiềng Đi 2, Xã Vân Hồ hêik pâuz: “Hur si cxuô zav hax huv no, zos tsôngv px hauar thax tsav khưr uô tâu thiêz tsar jos tưz choz zok trâu cxuô chuôz zis khưr huôv tsar uô huv đros yênhx chêix chiv chiê gra tuôx muôs trâu hâur têx hnuz kriz ciêz cov tsôngv kruô sđ pâuz txos”

         Txơưr đuô hâur têx qơư kriz ciêz;  ntơưv thax tsav qơư đêx tsas tsuô, nhoz Xã Chiềng Khoa, huyện Vân Hồ, cux zos iz qơư jông jav, muôx chôngz lênhx kruô tuôx uô si, sêiz shuôk têz qơưs. Pos Nguyễn Thị Huyềniz lênhx kruô nhoz hà Nội tuôx sêiz shuôk têz qơưs shir phaz lul hêik pâuz: “Cur zos jiês xuz thơưx tuôx sêiz shuôk têz qơưs trâu thax tsav đêx tsas tsuô thiêz hâu oz luz six hơưv, cur tưz tuôx sêiz pov thax tsav qơư co jông jav hênhr”

         Nhoz hâur huyện Mộc Châu, Vân Hồ zos thax tsav qơư uô si, ndis shuôk têz qơưs, muôx cxuô zav jông txơưr tsik siz thôngx. Zos txos trâu chêix ntux yiêz, cxuô zav pax txir đuôx tơưs yiêz, uô trâu têx jêx jos, tox trôngz câuv har ziv jông jav đuô. Taz sik txos trâu chêix ntux sor, tsôngv kruô muk sêiz shuôk qơư đêx tsas tsuô nhoz Xã Chiềng Khoa; Chiềng Yên thax tsav huyện Vân Hồ, muôx chuô lax nziês, jông jav huv đros tsôngv kruô siêz nhiêv. Pos Nguyễn thị Lư, tsar phôngx vênhx huôv huyện Vân Hồ, tỉnh Sơn La hêik pâuz: “Iz chas pênhr nhiêx têz qơưs, pêz cux choz zok trâu cxuô tsưr tsix, têx lênhx nênhs siêz jông, muôz pênhr nhiêx cxiv kho đuô cxuô qơư di tích chiê tsôngv kruô tuôx sêiz shuôk. Txix hâur shôngk shông txos trâu nhiv no, huyện tưz tok tâu 80 cxênhz lênhx kruô tuôx ndis uô si, sêiz shuôk têz qơưs, muôx phênhv sâu tâu 12 tỷ ntâu nhiêx. Thiêz pêz cux tsênhv zuôr tror đros tsôngv px huôv tsar truôx cxuô hêir nênhx têx txux chi, vênhx huôv jông txuôk đros cxuô ntênhk hội cxôngx nzor cov muôx cxaz nzir ntâu zav hax huv du lix, cxơưz cxiz tsôngv kruô tuôx uô si, sêiz shuôk têz qơưs txos huyện Vân Hồ, tỉnh Sơn La”

Tsu cxêik nhênhv-Lê Hạnh VOV Tây Bắc