Krêz tơưv iz luz nênhx yiêz nhoz tox siêz

Đảng bộ tỉnh Lai Châu nhiv no muôx 30 cxênhz ntâu lênhx đảng viên, hâur co đảng viên zos tsôngv box mênhx cxưx tsơưs nênhs tsav 70 phênhv puô ntâu, 100% jêx jos tưz yênhx lix tâu chi bộ. Đảng viên thâuv tâu tso nhoz hâur Đảng tưz phuôx huiz jông pưs txux uô ntêx nyuôk, heik tâu tsuv uô tâu, tsênhz tsênhz zos lênhx nênhs jông, uô ntêx nyuôk nhoz ntơưv qơư. Tror ndo txos shông 2010, thâuv tâu Bí thư Đảng ủy xã Pa Ủ Ly Sạ Pu yax mông, vênhv tôngv lok nhoz hâur Đangv, tix lâuk Pờ Lò Hừ, mênhx cxưx La Hủ, nhoz jos Pha Pu, xã Pa Ủ, huyện Mường Tè, tỉnh Lai Châu ndo njôngr luk zơưv Pu heik: Lok nhoz hâur Đảng chiê paz tsôngv box txo grêk yeiz pluôs. Lo luk heik co tưz uô trâu Hừ ziv xar gôngr côngv zuk li đas jos paz trâu tsôngv box, trâu đảng txix ciês sâuv zuk jêx jos:

          "Tâu lok nhoz hâur Đangv cur lok six jông siêz, ziv hnuz ziv pâuz ntâu đuô thiêz zuk tsiv txơưx huôv tsar cêr uô nox uô hâuk chiê paz tsôngv box. Zos bí thư Chi bộ, zos đảng viên tsuv heik kriê pox nhuôs txơưx huôv tsar cêr uô nox, huôv tsar kinh têr"

          Tuôx nhoz ntơưv jos yiêz, tsuv uô tul tsi chiê hla đhâu cêr pluôs zos kror mak tix lâuk Hừ thâuv tưs cux xar txos chiê tsiv nhos đros têx lênhx nênhs tưz njênhs njôngr , xeir zuk lok nhoz hâur đangv. Xuz thơưx tix lâuk Pờ Lò Hừ đros pox niêv yưv pênhr tu zus nhux tưv, nhux đas thiêz chos blêx. Chiê uô tâu, tsi xưk li têx lênhx nênhs txơưr hâur jos, tix lâuk Hừ 2 niêv txir tsi hâuk chơưr, hâuk zênhz thiêz tsuôk xênhz zus 2 tul mê nhuôk thiêz txơưx zôngv KHKT yiêz lok tsêz chos, tu zus chiê tsoz chos, tsiêx tu zus huôv tsar, hloz lox jông. Jux jus, chuôz zis li paz nhux tưv nhux đas tưz huôv yênhx 150 ntâu tul; blêx iz shông sâu tâu 200 ntâu sênhr, tas nro phênhv sâu tax 300 tsov đeiv iz shông. Muôx nox muôx tsês, tix lâuk Hừ 2 niêv txir tsi zôngv lav phêv mak truôx siêz paz têx ziv chuôz zis tsênhv trâus yeiz pluôs, pheiz kênh chênhz zênhv huôv tsar cêr uô nox. Niêv lâuk Ly Na Đồ, ziv chuôz zis txov nhênhv nhoz jos Pha Pu jông siêz heik:

          "Shông tưs tix lâuk Hừ chuôz zis cux puz cxur, blêx chiê cur chor mê nhuôk tsi trâus yeiz. Cur cux sir jos uô liêx têz chiê muôx txâuk cxur nox taz sik cux tsi tâu txâuk. Tix lâuk Hừ cux heik tiêk tsuv sir jos uô, 2 niêv txir tsi hâuk chơưr thiêz, sik đros chos blêx liêx, tu zus cxaz tul keiz, tul buô thiêx li muôx txâuk nox"

          Tsênhv six fênhx xar njôngr txos tsôngv box mênhx cxưx Cống li cêr cor cav uô kôngz lôngk pôngz kaz, luz nênhx txov nhêv đuô têx mênhx cxưx txơưr, tix lâuk Lò Văn Hùng, nhoz jos Xám Láng, xã Nậm Khao, huyện Mường Tè, tỉnh Lai Châu tưz hlôngr têx liêx têz tsuôk, chos tâu kôngz lôngk tsi jông chiê chos ciêv fix. Tix lâuk Hùng tưz chos 2 hecta ntâu ciêv fix đros tu zus buô. Tix iz ziv chuôz zis txov nhêv, chuôz zis đangv viên Lò Văn Hùng tưz sir jos yênhx iz ziv chuôz zis bluô nux.

          Shông 2016, thâuv nhiv kruôr tâu 26 shông hnuz nhôngs, Pờ Chà Song, mênhx cxưx Si La, nhoz xã Can Hồ, huyện Mường Tè, tỉnh Lai Châu tưz tâu tso lok nhoz hâur Đangv. Đros siêz xar xưk li tix lâuk Lò Văn Hùng, Song thâuv tưs cux xar njôngr paz tsôngv box Si La nhoz zuk têz qơưk muôx tâu luz nênhx kinh têr huôv tsar li têx mênhx cxưx txơưr. Đangv viên hluôk Pờ Chà Song pheiz kênh:

          "Nhiv no cur tsênhv muôx 9 tơưz njês thiêz njuôs xav zuôr huôv tsar ntâu đuô thiêz. Taz sik cur cux xar đoàn viên hluôk nênhs hâur xã đros côngv đas jos uô, huôv tsar hâux lưv tu zus njês hâur tơưz sâuv niêv pas đêx nhoz zuk tiv phaz"

          Zơưv Phạm Hồng Bình, Phưv Bí thư Đảng ủy xã Pa ủ khav tênhv: Têx shôngk đhâu, ntâu đangv viên zos nênhs mênhx cxưx tsơưs nênhs tưz yênhx lênhx nênhs paz heik tơưv tsôngv box li têx siêz xar njôngr txos Đảng, heik kriê Đảng, têz qơưk li chủ trương, cêr chei txos tsôngv box pâuz. Tiv zix, ntâu lênhx đảng viên tsênhv tsi so sir jos cơưv shâuv, sir zôngv KHKT, trâur nuv tsêz chos, tu zus yiêz lok huôv tsar đêz đar hâur jêx jos, paz hluôk nênhs sir jos chiê tâu lok nhoz hâur Đangv:

          "Têx đangv viên jông li no mak lok six tsiv nhos tâu seiz tâus. Lơưr cê zos lênhx nênhs nhoz ntơưv qơư, zos tsôngv box mênhx cxưx tsơưs nênhs tâu tsôngv box njênhs njôngr thiêz ntu đhâu lơưr li têx hâux lưv uô tsênhv tsênhz zos đeiv iêr chi cax lus chiê tôngv vênhx thiêz paz max, vênhv tôngv pox nhuôk cơưv shâuv thiêz uô lơưr, gôngr phênhv lok huôv tsar kinh têr xã hôiv nhoz tiv phaz".

          Tsôngv box thax tsav mênhx cxưx tsơưs nênhs li Cống, Mảng, Si La nhoz ntus đriv Lai Châu li luz nênhx tsênhv yuôr ntâu phiv liv, li nhoz đangv viên Pờ Lò Hừ li xã Pa Ủ tsênhv yuôr 80 phênhv puô chor ziv chuôz zis pluôk, taz sik têx lênhx nênhs li tix lâuk Hừ, tix lâuk Hùng, lok sik chor đangv viên hluôk li Pờ Chà Song, mênhx cxưx Si La zos têx lênhx nênhs zuôr paz huôv tsar đảng viên nênhs mênhx cxưx tsơưs nênhs nhoz Lai Châu muôx chêx cuk. Txix têx lênhx đangv viên jông co zuôr krêz tơưv trâu tsôngv box mênhx cxưx tsơưs nênhs nhoz tox siêz sir jos tâu lok nhoz hâur Đangv, sir jos huôv tsar cêr uô nox chiê hla đhâu txox cêr nyeiz pluôs./.

                                              VOVTB-Txâur Vax cxeik nhênhv

YAX KRIÊ

Lok cxax yuôx phax moz thiêz cxuô zav moz tưz muôx vắc xin phax moz hâur cxax yuôx li kror liv

Dự án cxax yuôx phax moz đêz đar tâu sêiz zos iz hâur Y têr dự phòng li têx kror zov chênhr uô tâu jông tiv zix nhiv no. Cxax yuôx phax moz đêz đar lok six zov chênhr viv tưz paz uô hlôngr yiêz tâu jông moz gênhs nhoz chor nhuôs zâu. Hâux lưv cxax yuôx tâu kriz uô jông viv li ntâu zav moz siz cik tâu txo grêk tsơưs yênhx châuv txos yênhx puô jiês. Cxax yuôx vắc xin paz phar tar thiêz por vêv đas jos trâu lênhx nênhs thiêz đhâu co paz huôv tsar pênhr jos, paz trâu chor mê nhuôv muôx jos huôv tsar jông. Viv li zuôr paz txo grêk tsơưs trâus moz gênhs thiêz tuôx tsêr kho moz, txo grêk tsơưs têx nhiêx txiêx tsoz phưz y têr, tiv zix zos txo grêk tsơưs chuôz zis li six hơưv thiêz đas jos tiv tsik tsuk tsoz phưz trâu mê nhuôs trâus moz gênhs, txo grêk tsơưs trâus sêv khiz luz chêr lok sik pôngz đas jos lox tôngv tiv moz gênhs, paz gra siêz đas jos trâu pêx xênhv.

Sâuv thax tsav tỉnh Sơn La txơưv muôx ntâu zav moz siz cik tuz trâus txo grêk taz sik iz cxiê zav moz cux tsênhv nhoz phênhv siêz xav tas nro chor nênhs trâus moz thiêz trâus tuôs li: Moz hlưz hâu Nhật Bản, moz Uốn ván nhoz mê nhuôv nhiv kruôr xênhz zus, moz kruô piêk thiêz tiv zix zos Covid-19…

Nhiv no chor yuôx vắc xin hâur cxax yuôx puôr lênhx tâu cxax tsik tas nhiêx txiêx ntơưv têx qơư cxax yuôx nhoz chor xar, phường, thị trấn sâuv thax tsav tas nro tỉnh lơưr Bôv Y têr li tsưr ziv, six hơưv cxax yuôx zos:

- Vắc xin BCG phax moz kruô njưl; vắc xin Viêm Gan B phax moz Viêm gan tiv caz moz B. Oz zav vắc xin no mak tsuv tâu cxax ziv nzor mak ziv jông đhâu thâuv nhiv kruôr xênhz zus.

- Vắc xin sik côngv DPT-VGB-Hib chiê phax 5 zav moz zos bạch hầu, hnôngk, uốn ván, viêm gan B thiêz moz njưl, viêm hlưz hâu tiv Hib; vắc xin OPV phax moz tuôs chêr. Chor vắc xin no muôz cxax trâu mê nhuôv thiêz muôz trâu mê nhuôv nox yuôx jiês xuz thơưx thâuv mê nhuôs txưv oz hli hnuz nhôngs, jiês 2 thâuv txưv pêz hli thiêz jiês 3 thâuv txưv 4 hli hnuz nhôngs.

- Vắc xin IPV: phax moz tuôs chêr. Cxax trâu mê nhuôs thâuv txưv 5 hli hnuz nhôngs thiêz cxax nzir côngz yuôx tiv 2 trâu mê nhuôs txưv 9 hli hnuz nhôngs.

- Vắc xin moz kruô piêk: Phax moz kruô piêk. Cxax trâu mê nhuôs thâuv muôx 9  hli hnuz nhôngs.

- Vắc xin phax moz hlưz hâu Nhật Bản: Cxax thâuv mê nhuôv muôx 1 shông.

- Vắc xin moz kruô piêk-Rubella thiêz vắc xin DPT (phax moz bạch hầu, uốn ván, hnôngk) cxax thâuv mê nhuôv muôx 18 hli hnuz nhôngs.

- Vắc xin phax moz uốn ván: Cxax phax moz trâu Pox niêv xênhz nhuôs hâur chêr thiêz chor nxêik muôx 15 shông chiê phax moz Uốn ván trâu lênhx niêv thiêz phax moz Uốn ván trâu mê nhuôs nhiv kruôr xênhz zus.

- Vắc xin Covid-19. Cxax phax moz Covid-19, nhiv no tsênhv tâu cxax trâu chor nhuôs muôx 5 shông tror sâur.

Cxax yuôx phax moz zos viv đas jos, ngaz tuk trâu chor nhuôs zâu, viv li niêv txir tsuv muk cxax yuôx thiêz nox yuôx huv six hơưv ntơưv tas nro têx qơưk cxax yuôx sâuv thax tsav tas nro tỉnh chiê phax tar trâus moz gênhs, txo grêk tsơưs trâus tuôs tiv têx zav moz siz cik, paz gra siêz tsơưr lươngv luz nênhx trâu pêx xênhv cxuô mênhx cxưx sâuv thax tsav tỉnh Sơn La./.

(Hồng Việt-Lik Thox cxêik nhênhv)