Yên Bái sir jos cov cêr muk lok tâu thôngz hâur chêix ntux nas chuô

Thax tsav faz Tây tỉnh Yên Bái zos têx huyện: Trạm Tấu, Mù Cang Chải, Văn Chấn thiêz thị xar Nghĩa Lộ. Cêr zoz thôngz muk lok ntơưv têx thax tsav qơư no zos muk sâuv têx ntar trôngz siêz, nxaz tox… thâuv muôx lok nas lox mak tsik so muôx đêx huôv, ngaz cuôr, ar poz uô ruôr hiêv txos têx côngz trinhx zoz thôngz, trâus cêv kuôk.

Huyện Trạm Tấu nhiv no muôx 800 ntâu cêik cêr zoz thôngz, hâur co tsuôk muôx 20 ntâu cêik cêr zos muk lok hâur đrôngs thiêz muk trâu tỉnh, tsênhv yuôr zos cêr muk trâu têx xar, jêx jok… Đros thax tsav zuôr xar 100% zos tox trôngz siêz, muôx têx cưx ha zâu, viv li thâuv muôx nas lok mak tsik so muk lok tsik tâu tiv ar poz, tiv zix zos txos cêr 174 ntu đhâu thax tsav xar Trạm Tấu thiêz cêr muk trâu tsênhv qơư chor xar Tà Xi Láng, Làng Nhì, Pá Hu. Viv li, chiê têx cêr muk lok tâu thôngz, huyện Trạm Tấu tưz tso tơưv têx tsưr ziv kriz uô; hêik chor xar tsik so qênhz shuôk chor ntu cêr zôngx ziv muôx ar poz, chor qox đêi chiê pov tâu nzor têx kror trâus puôk tsuôx, kho đuô cov sêi. Zơưv Hoàng Long Xênhv Thox, Trưởng phòng kinh tế-Hạ tầng huyện Trạm Tấu puz pâuz:

“UBND huyện tưz chox kriê thoz huk têx cưx đêx cov đu lus, luôx hur si iz ndis têx hâur qox, cưx đêx chiê têx đêx ntưk tâu muk thâuv muôx lok nas lox; qênhz shuôk chor ntông trơưk têx cêr, zos pov zuôr zôngx ziv xưz poz mak muôz txiêr ntor uô ntêx chiê paz cov ngaz tuk zoz thôngz. Đros chor cêr tsênhv kriz uô cux hêik chor tsưr yưv pênhr chox kriê têx taz viv uô uô jông côngz xưv ngaz tuk zoz thôngz, muôx txơưx jênhv sik côngv thâuv muôx lok nas đêx huôv lox”.

Zos taz viv tâu choz sêiz car, kho đuô, paz trâu cêr muk lok tâu thôngz sâuv cxuô txos cêr nhoz faz Tây tỉnh Yên Bái li txox cêr 32, 37, txox cêr 174, Công ty Cổ phần cxiv tsa cêr ar I-Yên Bái tưz bax mêir cxuô zav trâu yênhx kror qơư, yênhx ntu cêr, tiv zix zos ntơưv têx qơư phiv liv nhoz sâuv cxuô txox cêr hêik sâur.

Zơưv Bùi Quốc Hương, Giám đốc Công ty puz pâuz, txix 30 txos 50 cêik cêr taz viv ho muôx iz kror qơư tsês chiê cxuô zav mêir, chuôz zênhx chiê khưx phưx ciês tâu têx phiv liv muôx yưv:

“Pêz tưz bax cxuô zav mêir, poz jêz… zos muôx yưv cêr muk lok tsik tâu mak pêz zuôr kriz uô khưx phưx ciês. Zos muôx ar poz ntâu mak pêz zuôr tso nzir têx mêir, chuôz zênhx nhoz jê tuôx đros paz chiê thoz huk, kho đuô cov cêr muk lok tâu thôngz sêi tiv zix”.

Đros 9.000 ntâu cêik cêr zoz thôngz cêr ar, hâur co muôx 80 cêik cêr ntâu muk chênhr, xar muôx 400 cêik cêr lox, tsênhv yuôr zos têx cêr muk trâu tỉnh, huyện thiêz xar… chiê têx cêr muk lok tâu thôngz hâur chêix ntux nas chuô, Sở Zoz thôngz Vận tải tỉnh Yên Bái cux tưz chox kriê têx taz viv cik txos sik côngv đros chinhr quyền cxuô thax tsav qơư bax chuôz zênhx cxuô zav, cxiv tsa tsưr ziv khưx phưx têx phiv liv muôx yưv… cov têx cêr muk lok tâu thôngz./.

Thừa Xuân-Lik Thox cxêik nhênhv

Trâus tưx ndêz thiêz tsưr ziv phax tar

Pêz têz qơưk zos têz qơưk muôx ntux nas ntâu viv li tuôx ntâu cxuô zav ndêz, hâur co muôx têx zav ndêz muôx tưx. Iz cxiê zav ndêz muôx tưx tsuôk tuôx hâur cheix ntux yiêz lok sik hâur cheix ntux sor. Iz cxiê zav txơưr tuôx phênhv ntâu zos cheix ntux sor lok sik sor-lax taz sik muôx iz cxiê zav mak tuôx hâur yênhx shông. Chênhr viv ndêz lox zâu thiêz muôx cxuô zav maux liêz, đuz, xiêr…hâur iz ntu lur viv li zôngx ziv uô lênhx nênhs phênhz tsi mênhx zos ndêz muôx tưx lok sik tsi muôx tưx thiêz đê lok uô nox.

          Phênhv ntâu têx txuz trâus tưx ndêz xav tênhv tsi tâu zav ndêz muôx tưx lênhx nênhs co nox trâus viv li lax yưr lir chơưv kho tâu. Qênhx shênhx trâus tưx ndêz cux zos qir tiv uô tuôs lênhx nênhs hâur phênhv ntâu têx txuz trâus tưx yênhx shông nhoz pêz têz qơưk.

Têx moz yưv thâuv nox trâus ndêz muôx tưx

Thâuv nox trâus ndêz muôx tưx, lơưr yênhx zav ndêz mak muôx têx moz yưv txơưr. Khênhr pov têx moz yưv đhâu thâuv nox tas 2-4 six hơưv, muôx têx mak pov moz yưv lis đuô zos 20 six hơưv. Trâus tưx ziv lis mak ziv lax chơưv kho, trâus tưx tiv nox trâus ndêz muôx tưx khênhr pov moz yưv li đrav kaz no:

          - Moz plaz zov chênhr, tơưv trôngx lok ntâu cuô đêx, lok nyar.

          - Xar ntuôr, ntuôr thiêz muôx têx pov ntuôr shơư nyar.

          - Iz chêr gênhs gênhs, tês tơư txiêk, nkrik đêx, muôx têx thâuv pov tơưv poz liêz sâuv tơưr greix.

          - Txeix muôk, tsuôk muôk, tơưr greix xiêr njuôz tas

          - Tso jik tsơưs lok sik tsi điv jik

          - Lax uô pa, hâur njưk lok nyar.

          Thâuv pâuz nox trâus ndêz muôx tưx tsuv ciêr chênhr uô li đrav kaz: Thâuv nox trâus ndêz muôx tưx thiêz pov muôx têx moz yưv li heik sâuv tsuv ciêr chênhr uô li chas cov ntuôr tas têx zav nox tơưv lok…đhâu co chox ciês nênhs moz muk qơư y tế nhoz jê tiv zix chiê tâu chơưv kho.

          Chiê phax tar trâus tưx ndêz, pêz tsuv uô li đrav kaz

          Tsi nox ndê đê pêv har jôngr thiêz ndê tuôx pêv har jôngr mak tsi pâuz co zos ndêz muôx tưx lok sik tsi muôx tưx. Thâuv pâuz tsênhz co zos ndê tsi muôx tưx thiêx li tâu uô nox.

          - Seiz shuôk jông zav ndê co uô ntêx thâuv muôz uô nox, tsi nox têx ndêz kuk.

          - Thâuv tsi zos zuk đê ndêz lok sik tsi muôx lênhx nênhs txơưx phênhz zav ndêz muôx tưx thiêz tsi muôx tưx mak tsi cxoz uô zav ndêz co nox.

          - Tsi nox siv lok sik puz tsiêx cxu nox siv, viv muôx zav ndêz thâuv nox mak têx moz yưv tso pov muôx tưx huôv lis đhâu 20-24 six hơưv txix thâuv nox siv viv li zuôr phênhz tsi tâu co zos ndêz muôx tưx lok sik tsi muôx; lok six riêz nênhs, cux zuôr uô tuôs lênhx nênhs zos nox trâus ndêz muôx tưx.

          - Tsi đê ndêz tsênhv zâu lok uô nox (viv thâuv co tsi tâu phênhz tâu ndêz jông li chas chiê xav tênhv tâu zos ndêz muôx tưx lok sik tsi muôx). Tsi nox ndêz tưz lâuk.

          - Thâuv trâus tưx ndêz tsuv ciêr chênhr chox tas nro têx lênhx nênhs trâus tưx thiêz lênhx nênhs sik đros nox ndêz taz sik tsi tâu pov muôx moz yưv muk qơư y tế jê tiv zix chiê tâu chơưv kho thiêz seiz njuôs./.

(Hồng Việt- Txâur Vax cxeik nhênhv)