Ntus đriv Sơn La shir phaz tsưr tsix ntênhs phêv hâur shôngk shông

          Ntênhs phêv hlơưr shaz txi côngv ntơưv tsêr mnov Hai Bà Trưng tâu tsưr tsix ntơưv jos Thống Nhất, xã Chiềng Khương, huyện Sông Mã, Sơn La zos iz vênhx huôv jông muôx txix nzor tso pov siêz ndo txos 2 lênhx pox niêv zênhz shôngx txơưx njê muôx côngz lox đros têz qơưk, đros tsôngv box mênhx cxưx.

          Tsêr mnov tâu cxiv tsa shông 1852 ntơưv jos Nại Từ, xã Hồng Hà, huyện Đan Phượng, tỉnh Hà Tây (kuz). Shông 1975, uô Đảng thiêz têz qơưk li chủ trương lok hâux lưv chox tsôngv box muk cxiv tsa kinh têr yiêz nhoz Tây bắc, pox nhuôk jos Nại Từ tưz tuôx jos Thống Nhất, xã Chiềng Khương, huyện Sông Mã thiêz cxiv tsa Tsêr mnov Hai Bà Trưng ntơưv no. Txix co, tsêr mnov yênhx tsôngv box xã Chiềng Khương thiêz tsôngv kruô nhoz cxuô qơư li qơư xênhz huôx vênhx huôv tâm linh.

          Shông 2011, tsêr mnov Hai Bà Trưng tâu Ub tỉnh Sơn La xeir zos di tích lix xưv cấp tỉnh. Luz tsêr mnov tâu kho đuô jông thiêz đar 520 yiv ndis.  Zơưv Lê Văn Sản, Thủ từ Tsêr mnov Hai Bà Trưng, xã Chiềng Khương, huyện Sông Mã, tỉnh Sơn La pheiz kênh:“Chính quyênx têx cấp, têx nganhx tưz paz ntâu chiê tsêr mnov tâu cxiv kho jông đuô, pêz lok six jông siêz. Pêz nhoz sâuv thax tsav cux zuôr por vêv jông qơư di tích lix xưv no thiêz heik kriê tuz nhuôk tov kaz no pâuz”.

          Krêz uô ntêx hâur ntênhs phêv zos ntênhs muk cưr đêx txix niêv đêx Sông Mã lok tsêr mnov Hai Bà Trưng, đros siêz xar njôngr muôx tâu iz shông yiêz ntux nas jông, sâu tâu kôngz tâu lông, tsôngv box lênhx tưs cux muôx jông đas jos, chuôz zis muôx luz nênhx tsâu sor shir phaz. Thâuv hlơưr shaz txi côngv zuôr muôx cxaz têx huôx tôngv li piêr đhiê tês tơư, ntâuk đruôs, hlơưr shaz ndo txos Hai Bà Trưng li têx lênhx nghĩa binh sir tas đas jos trox nya cxiv tsa thiêz por vêv têz qơưk. Zơưv Nguyễn Chí Chung, Phưv Chủ tịch UB huyện Sông Mã, tỉnh Sơn La puz pâuz:“Đhâu ntênhs phêv, pêz xar njôngr tas nro tsôngv box sâuv thax tsav huyện, tiv zix zos đros huyện ntus đriv, xã ntus đriv chuôz tsar sik côngv siêz tas nro têx mênhx cxưx, txix co cxiv tsa cêr niêv côngv siêz cxuô. Ntênhs phêv cux zos jiês chiê tsôngv box sik đros piêr kriê têx vênhx huôv mênhx cxưx jông, thôngx cxix sir jos huôv tsar kinh têr thiêz ju lix”.

          Shir phaz lov jêv đros têx huôx tôngv vênhx huôv, thiv thao, têx jiês thik uô mor; thik têx tsưr ziv uô si trâur lâuk li sik truz hluô, lâuz pak, leiv poz….tsôngv box thiêz tsôngv kruô tuôx ndis shuôk uô si tsênhv tâu cxaz chuôz têx tsưr ziv uô si li pok kror muôs ntês ok, pok kror muôk ntâuk đruôs….     Tix lâuk Quàng Văn Thành, nhoz jos Thống Nhất, xã Chiềng Khương, huyện Sông Mã, Sơn La heik:“Cur pov lok six shir phaz viv sâuv cur têz qơưk muôx têx ntênhs phêv jông li no. Cur tâu cxaz chuôz têx môn tưr thik trâur lâuk. Cux xar njôngr ntênhs phêv tror zaz zâuv tâu chôngz đuô lênhx nênhs tuôx ndis seiz thiêz uô si”.

          Ntênhs phêv tâu tsưr tsix hâur shôngk shông yiêz tưz zaz zâuv lok six chôngz tsôngv box têx mênhx cxưx thiêz tsôngv kruô tuôx cxaz chuôz, hlơưr shaz txi côngv. Đhâu co, têz qơưk, vênhx huôv thiêz lênhx nênhs nhoz thax tsav ntus đriv Sơn La no ziv tâu chôngz lênhx ntâu tul đuô pâuz txos./.

Lê Hạnh-Nghĩa Hùng-Txâur Vax cxeik nhênhv

Muôz têx suôz sênhr cưr cxiêx, đuôz shav chox lok kriê hâur tsêr cơưv, zos iz luôs hâux lưv uô huv đros chiê tuôr tsês cxuô hêir nênhs ntơưv Điện Biên têx txux chi, vênhx huôv jông

Cxuô hêir nênhs li poz ziz, Hmôngz, Lok Tsuôk têx suôz trax, suôz sênhr cưr cxiêx jông txơưr tsik siz thôngx huv đros hêir nênhs co li luz nênhx nox nhoz muk lok hâur niêx hnuz, tưz tâu cưk kriê nhoz tsêr cơưv cxênhx oz, xã Núa Ngam, huyện Điện Biên, tỉnh Điện Biên xêir tsov chox lok kriê trâu shuv xênhz hauar tsêr cơưv. Shuv xênhz Đỗ Thị Kim Thư, nhoz tsêr cơưv xã Núa Ngam shir phaz lul hêik pâuz: (Cur tâu cơưv jax cưr cxiêx muôx njiêz luk hêik lok zuk jêx jos, qơư nhoz, cur jông siêz hênhr. Thiêz chuôs li ziv muôx cêr hluz yuô txos zuk niêv zuk txir thiêz zuk pos zuk zơưs)

Iz chas kriê cơưv têx suôz trax, suôz sênhr cưr cxiêx; cxuô hêir nênhs tsơưs têx txux chi, vênhx huôv jông cux tâu cưk kriê muôz chox lok kriê đros môn Mỹ thuật hâur tsêr cơưv chiê kriê trâu shuv xênhz. Cxuô đuôz shav sâu cok hêik lok hêir nênhs tsơưs têx cêr khưr, têx tsôngk tiêz tsôngk yo, cêr lov jêv đhiê pax vuôs sênhr chêr, cux paz trâu shuv xênhz hâur tsêr cơưv pâuz tsênhz đuô lok zuk hêir nênhs têx txux chi, vênhx huôv jông cxôngx nzor. Shuv xênhz Hà Thị Thanh Thảo, cơưv tsêr cơưv cxênhx oz xã Núa Ngam hêik pâuz: (Hnuz no cur tâu cơưv hêik lok zuk hêir nênhs têx cêr khưr hâur niêx hnuz. Thiêz đêiv đuôz shav sâu cok hnuz no, muôx iz tus nxêik tsênhv sâuv hlêik blêx.Txix thâuv ntêx txos nhiv no, hêir nênhs VN zênhx zos khưr uô tsêz chos kôngz lôngk)

Cưk kriê Lù Thị Yên phêiz kênh: Tsêr cơưv cxênhx oz xã Núa Ngam muôx 84% lênhx shuv xênhz zos hêir nênhs tsơưs. Chiê paz trâu tsôngv tuz nxêik shuv xênhz hlôngr yiêz thiêz shir phaz lul cơưv ntơưr, iz ciêz pêz kriê shuv xênhz hnar zuk hêir nênhs têx tsôngk tiêz, tsôngk yo thauav tuôx trâu hauar tsêr cơưv ntơưr cov huv đros trâu hnuz kriê cơưv lok zuk hêir nênhs tsơưs têx txux chi, vênhx huôv jông cxôngx nzor.

Iz chas co, cưk kriê hâur tsêr cơưv cux tsênhv kriê shuv xênhz nthuôr uô cêr lov jêv, đhiê pax vuôs, sênhr chêr bax tok chiv nhênhv 70 shông tir ntâuk zênhx tros châuz Điện Biên Phủ: (Môn mỹ thuật mak nhiv no, shuv xênhz tâu cơưv uô cxuô zav hâux lưv. Ntơư zos kriê cơưv trâu shuv xênhz sâuk cok cxuô zav đuôz shav cov hv đros zuk hêir nênhs luz nênhx khưr uô kôngz lôngk hâur niêx hnuz.

Ntơưv Điện Biên, hêir nênhs poz ziz cux nto bê lok nthuôr uô cêr lov jêv, đhiê pax vuôs, sênhr chêr. Chênhr zos hnuz no cơưv kriê hêik lok hêir nênhs poz ziz, shuv xênhz hâur tsêr cơưv thiêx hnar zuk hêir nênhs têx tsôngk tiêz, tsôngk yo cov huv đros)

Ntơưv tỉnh Điện Biên, muôx 19 hêir nênhs siz chos huôv tsar cêr uô nênhx nhoz; luôs hâux lưv zok nriêr thiêz muôz hêir nênhs tsơưs têx txux chi, vênhx huôv jông chox lok kriê cơưv trâu shuv xênhz, cux chênhr zos iz luôs hâux lưv jông, uô huv đros thiêz khơưk tsês tâu cxuô hêir nênhs tsơưs têx txux chi, vênhx huôv jông cxôngx nzor tsik chiê pôngz plox./.

         Tsu cxênhk nhênhv-Vũ Lợi –TTTB