Muôx ntâu zav kôngz nuv, txir ntông thiêz xiv huv OCOP ntơưv Festival shông 2022

Tuôx đros cxaz chuôz Festival txir ntông thiêz xiv huv OCOP shông 2022, tỉnh Hậu Giang tưz gra 21 xiv huv OCOP thiêz têx xiv huv jông hâur tỉnh Hậu Giang tuôx muôs, piêr kriê trâu sơưr đơưk, lar zos têx huv li: Chơưr tsâu ndêz đông trùng hạ thảo, têx txir ntông hur jông OCOP uô tâu trơưk li cui tinhv. Zơưv Phạm Thanh Hòa, Phưv Chủ tịch Hội Nôngx mênhx tỉnh Hậu Giang heik pâuz:“Đhâu têx li hnuz no, tsôngv pêx xênhv Hậu Giang xar piêr, heik kriê tỉnh Hậu Giang têx xiv huv jông trâu luôs 2 chas thax tsav qơư pâuz txos, chiê uô li chas cov sik côngv, sik paz sâu zuôr têx huv côngz trâu ciêz đrôngs hâur têz qơưk thiêz piêr kriê  trâu tsôngv fôngx zưs sâuv ntiêx têz pâuz txos chiê muôx ntâu qơư sâu zuôr tsôngv pêx xênhv têx kôngz uô tâu”.

Đros cxaz chuôz Festival, tsênhv muôx 1.300 ntâu xiv huv zos têx jông hâur thax tsav qơư, li: Txir mo môngk, txir khơưz, Yuôx zêx, txir tsơưz Tiến Vua, txir thanh long plơưr liêz, nôngz điều….tâu buôk ti muôs ntơưv 400 ntâu qơư thiêz 65 qơư muôs huv txuôk đros luôs 2 chas thax tsav sâuv thương mại điện tử, phưx vưv lênhx nênhs sir zôngv hâur têz qơưk thiêz sâuv ntiêx têz li zoz qơưx zuôr txos. Trơưk li pos Trịnh Thị Kim Thư, Giám đốc Công ty MD Queens, ciês hâur zar tas cik, tưz muôx lok six ntâu lênhx kruô tuôx ndis seiz, hâuk siv Công ty têx yuôx zêx tâux đuz, no zos iz hâur têx kror jông, Công ty vav chiê siêz ntơưv Festival  jiês no:“Tuôx đros côngv uô Festival jiês no, pêz pov co zos tsaz yênhx tâu tsưr tsix lox đar thiêz jông, lar heik zos tas nro cxuô tỉnh thành puôr lênhx tuôx hur si ntơưv Sơn La thiêz gra đros têx zuk li thax tsav qơư nhoz têx xiv huv jông, nox kaz tuôx đros côngv cêr lov jêv, piêr kriê, muôs ntơưv Sơn La, cux iz zav li siz heik kriê, sik đros paz sâu zuôr muôs. Pêz cux xar gra Hà Nội têx xiv huv jông tuôx piêr kriê, đros côngv muôs ntơưv no”.

Ntơưv Quảng trường Tây Bắc tưz pov muôx cxuô thax tsav qơư li ntâu tsar zav txir shôngz txir ntông jông thiêz têx xiv huv nox kaz; iz chas co zos têx qơư buôk ti muôs hax huv, têx txir ntông, zav nox tâu pheiz uô nhiêk muôx nhiêk txơưr tsi siz thôngx, li: Kôngz nuv Việt Nam thiêz xiv huv OCOP; tsưr ziv huôv tsar uô kôngz Việt Nam; Hnuz hội jok Việt Nam; qơư zuôr muôs, uô têx zav nox kaz. Đros chuôz zis tuôx ndis seiz têx qơư muôs huv heik sâuv, niêv lâul Hoàng Quyên nhoz phường Quyết Thắng, TP Sơn La heik:“Hnuz no, cur lok six shir phaz viv tâu tuôx côngv ndis uô si seiz Festival, chênhr viv tâu ndis seiz têx tỉnh thành li ntâu têx qơư muôs huv, cux iz zav li tâu seiz njiê pov lok six ntâu xiv huv thiêz hnuz no ho tâu đros côngv uô si lov jêv, nox hâuk siv têx xiv huv, zav nox kaz, cur lok six jông siêz, no zos iz kro jông, muôx liv, cur vav chiê siêz zuôr muôx têx cêr lov jêv uô li no ntâu đuô thiêz”.

Festival txir ntông thiêz xiv huv OCOP VN shông 2022 zos hâux lưv uô tsênhv tsênhz chiê paz max têx doanh nghiệp, HTX, tsôngv pêx xênhv krêz đar qơư zuôr muôs kôngz nuv, lar heik zos chor xiv huv txir ntông, ndar txos trâu huôv tsar hur si ciêz đrôngs hâur têz qơưk thiêz sâuv ntiêx têz./.

Trấn Long-Riê Lâux cxeik, nhênhv

Cưk kriê ntơưr nhoz thax tsav phêv liv: Cơưv shâuv zơưv Côngz Hôx chiê uô nênhx jông

Đhâu six hơưv kriê ntơưr trâu shux xênhz hâur lớp cơưv, cưk kriê Nguyễn Viết Lân, kriê môn Tin học, tsêr cơưv cxênhx pêz Krông Bông, huyện Krông Bông, tỉnh Đăk Lăk tsês ntâu six hơưv nhoz thư viện hâur tsêr cơưv lok sik nriêr pâuz sâuv mạng lok Hloz Hôx. Tix lâuk Lân heik, txơưv kriê Tin học; taz sik tix lâus lok six nhiêv nriêr pâuz lok lix xưv. Txix thâuv tsênhv zâu, têx jax pêv lok Hloz Hôx tưz tâu niêv txir, cưk kriê ntơưr kriê trâu tix lâus. Chênhr txix têx jax pêv lok Hloz li têx kruôz kriê co ziv uô trâu tix lâus nhiêv zuk li hâux lưv kriê ntơưr thiêz têz qơưk cơưx mênhv Krông Bông tưz yênhx têz qơưk tiv 2 mak tix lâuk uô côngz xưv tâu xar muôx 10 shông đhâu:     “Cur khênhr nriêr pâuz lix xưv lok Hloz, têx lix xưv muôx lênhx coaz txos Hloz cur puôr lênhx lok six nhiêv thiêz nriêr pâuz. Pâuz têx njiêz luv yiêz chiê kriê đros zuk têx jax kriê uô trâu shux xênhz nhiêv cơưv ntơưr đuô. Lok huôx tôngv Đoàn mak thâuv tsưr tsix cur uô li chas cov heik tơưv têx njiêz luv muôx tsênhv tsênhz, cov shux xênhz nhiêv txix co shux xênhz xar cxaz chuôz têx jiês thik tập thể, têx tsưr tsix thiêz uô fôngx zưs jông đuô”

          Cơưv tiêr Đại học sư phạm Huế, shông 2014, cưk kriê Lân tâu xeir tso lok kriê ntơưr ntơưv huyện Krông Bông. Hluz shux xênhz tox siêz yuôr ntâu phêv liv, tix lâus chox tas zuk têx yênhx tưv txux chi kriê trâu shux xênhz. Tix lâus chuv tôngv nriêz pâuz sâuv mạng chiê kriê ntơưr trâu shux xênhz. Iz jiês kriê, tix lâuk sir jos kriê cov shux xênhz zôngx ziv to tâuz tiv zix, paz shux xênhz nhiêv cơưv ntơưr đuô. Shux xênhz Hoàng Thị Kim Ngân, cơưv lớp 11A7, Tsêr cơưv THPT Krông Bông heik:“Cur pov cưk kriê Lân zos iz lênhx nênhs sir jos hâur hâux lưv kriê ntơưr, moz siêz, chuv tongv sik côngv têx mê nhuôs shux xênhz chiê kriê ntơưr. Cưk kriê max mav kriê cov shux xênhz to tâuz. Sâu jênhv shux xênhz li têx ziv chênhv. Cur đhâu iz ntu tâu cưk kriê Lân kriê ntơưr tưz pâuz cxaz tâu ntâu yênhx tưv yiêz thiêz zuôr sir jos đuô cov zuk yênhx lênhx nênhs jông”

          Tsi taz zos cưk kriê moz siêz đros hâux lưv uô, cưk kriê hluôk Nguyễn Viết Lân tsênhv zos cán bộ đoàn sei đrơưv, uô ntêx nyuôk. Tix lâuk nhiv no zos Bí thư chi đoàn cưk kriê, UB BCH đoàn tsêr cơưv thiêz Chủ tịch Hội liên hiệp hluôk nênhs tsêr cơưv THPT Krông Bông. ZƠưv Dương Kim Thạch, Hiệu trưởng tsêr cơưv THPT Krông Bông puz pâuz, txơưv tsênhv hluôk, kinh têr txov nhêv thiêz tsênhv nhoz hâur tsêr cơưv li qơư tsês trâu cưk kriê nhoz, mê nhuôs tsênhv zâu, pox niêv mak uô côngz xưv đêz, taz sik cưk kriê Lân thâuv tưs cux sir jos uô tiêr têx jênhv vưv cxuô. Cưk kriê cux muôx ntâu tsưr ziv xar tơưv jông hâur kriê ntơưr, paz têx cưk kriê txơưr lok công nghệ thôngz xor mông, tiv zix zos ntu tsêr cơưv kriê ntơưr trực tuyến chiê phax tar moz Covid-19. ZƠưv Dương Kim Thạch heik:     “Cưk kriê Lân zos cưk kriê hluôk sei đrơưv, muôx têx tsưr ziv jông hâur huôx tôngv phongz yaox lok đoàn viên hluôk nênhs. Cưk kriê muk vênhv tôngv têx lênhx nênhs siêz jông, têx mê nhuôs shux xênhz lớp txơưr, fôngx zưs...chiê paz chuôz zênhx cxuô zav, nhiêx txiêx trâu têx jiês muk jêx jos paz têx mê nhuôs txov nhêv li yo sor cheix ntux no...”

          Nhiêv nriêr pâuz lok hloz Hôx li luz nênhx thiêz luôk hâux lưv uô jông, cưk kriê Nguyễn Viết Lân tưz muôx tâu têx cxeik laov tsiv grê lok Hloz. Khov co paz tix lâuk tax tâu ntâu yênhx tix jông li Giải 1 Hội thik nriêr pâuz 110 shông hnuz Hloz Hôx nriêr tsưr ziv chơưv paz têz qơưk zos tỉnh đoàn Đăk Lăk tsưr tsix shông 2021; 2 shông tax giải siêz ntơưv jiês thik “Hluôk nênhs cơưv shâuv, uô lơưr zơưv hloz Hôx têx cêr uô nênhx jông” zos Bộ zaoz zux tsưr tsix shông 2020-2021. Tix lâus cux zos 1 hâur 45 lênhx hluôk nênhs tâu kruôk zos hluôk nênhs jông uô lơưr Hloz li luk kruôz kriê tỉnh Đăk Lăk shông 2022. Tix lâus Lân pheiz kênh, đhâu têx jiês cxaz chuôz thik, paz tix lâus nriêr pâuz cxaz lok Hloz, txix co muôz siêz đuô zuk li txơưx jênhv, sir jos cơưv shâuv uô lơưr Hloz txix têx luôk hâux lưv mê tiv zix hâur niêx hnuz./.

(H Xíu-Txâur Vax cxeik nhênhv)