Yên Bái chuôz tsar phax tar pôngz đêx trâus saz trâu mê nhuôk zâu

          Tsêr cơưv mê nhuôk zâu Bông Sen Túc Đán, huyện Trạm Tấu, tỉnh Yên Bái muôx 400 ntâu lênhx shux xênhz, zuôr xar 100% zos mê nhuôk tsôngv box mênhx cxưx Hmôngz. Ciês têx hnuz kaz shôngk shông cơưv, hâux lưv yax mông phax tar txiêz nanv trâus saz trâu mê nhuôk hâur cheix so sor tâu tsêr cơưv krêz uô tsênhz mênhx txos yênhx lênhx shux xênhz thiêz shux xênhz li niêv txir, huv đros qênhx shênhx tsênhv tsênhz nhoz xã tox siêz. Cưk kriê Lê Thị Bích Lan, Hiệu trưởng tsêr cơưv puz pâuz:“Tsêr cơưv tsưr tsix khiêz phêv têx lênhx uô niêv uô txir thiêz heik kriê lơưr tsoz phưz, zaoz zux, taz por trâu mê nhuôk hâur cheix so sor; tsi chiê mê nhuôk muk tov têx tul đêx uô si. Tsêr cơưv cux yax mông txos têx lênhx uô niêv uô txir thâuv chox mê nhuôk muk uô têz tsuv seiz njôngr mê nhuôk, muôx têx tul hloz seiz jor chiê taz por trâu mê nhuôk”

          Đros têx tsêr cơưv ntơưr, xã Túc Đán, huyện Trạm Tấu cux chox kriê đoanx hluôk nênhs têx jêx jos tsưr tsix têx huôx tôngv zaz zâuv mê nhuôk cxaz chuôz xênhz huôx cheix so sor; yax mông, heik kriê têx mê nhuôk sir zôngv hluôr tơưs taz por, tsi uô cxâuv cêr chei zaoz thôngz, tsi muk tov têx tul đêx, pas đêx đa đêx thâuv tsi muôx nênhs hloz đros muk; heik  kriê shux xênhz cxênhx nhuôk zâu, cxênhx iz jênhv pâuz ndêz muôx tưx, tsoz yuôx nox tuôs, tsi cxov tâuz njênhz ….Zơưv Vax Nỏ Dia, Phưv Chủ tịch UB xã Túc Đán, huyện Trạm Tấu puz pâuz:“Nhiv no têx mê nhuôk so cheix ntux sor xã chox kriê têx chi đoanx tsưr tsix sik thav chiê mê nhuôk pâuz so sor tsi tsar yêz meir muk tov têx cêr, tsi muk pêv har jôngr viv zos môngr tsi jông mak zuôr uô cuz jôngr; heik têx lênhx uô niêv uô txir choz chêv kruôz kriê mê nhuôk tsi muk ntơưv têx njưs đêx tênhv viv muôx têx ntu tsi muôx hâu vor,tsi taz por”.

          Xã Tô Mậu, huyện Lục Yên (Yên Bái) nhoz buôk tul đêx Chảy, ho muôx ntâu pas đêx, sâuv thax tsav cux muôx ntâu txuz pôngz đês hâur cheix so sor. Chiê phax tar têx txuz pôngz đêx, xã tưz chox kriê têx lưx lươngv seiz car jông têx thax tsav riêz nênhs chiê kho đuô, cxok fiêx canhv pov, xor their jông…Zơưv Hoàng Khí Phách, Phưv Chủ tịch UB xã puz pâuz:          “Chiê taz por phax tar pôngz đêx, txiêz nanv trâus saz trâu mê nhuôk, uô ntêx thâuv so sor, xã tưz seiz car têx thax tsav riêz nênhs đros têx mê nhuôk chiê cxok fiêx canhv pov, xor their cov jông iz ndis pas đêx, thax tsav njưs đêx, tul đêx Chảy….Thôngx cxix chuôz tsar yax mông txos tsôngv box tsoz phưz jông mê nhuôk, tsês six hơưv ntâu đuô trâu mê nhuôk chiê mê nhuôk muôx iz cheix so sor taz por, shir phaz”

          Đros tỉnh đoàn Yên Bái, uô zuk li txơưx jênhv, txix ciês hâur cheix so sor tưz chox kriê tas nro têx đoanx cơ sở yênhx lix Ban chox kriê huôx tôngv cheix ntux sor shông 2024. Tix lâuk Triệu Trí Lộc, Phưv Bí thư tỉnh đoàn Yên Bái puz pâuz, qơư tsov txos zos tsưr tsix têx huôx tôngv uô si, taz por, jông trâu mê nhuôk txix ciês ntơưv qơư, cux li phax tar txiêz nanv trâus saz trâu mê nhuôk hâur cheix so sor. Têx huôx tôngv zuôr chêx chôngk lok zaoz zux cêr uô nênhx, siêz nhiêv têz nhiêv qơư, kriê cxaz pênhr xưv phax tar têx hâux lưv muôx yưv thiêz tsưr tsix têx huôx tôngv uô si lov jêv:“Tỉnh đoàn tưz chox kriê tas nro têx cơ sở đoàn tsưr tsix thiêz krêz đar têx huôx tôngv cơưv shâuv muôz siêz pênhr xưv txux chi txix têx huôx tôngv uô si, uô lơưr nênhs muôx liv, cơưv shâuv hâur quân đội….Tiv zix zos tsov cưv yax mông phax tar txiêz nanv trâus saz, pôngz đêx trâu hluôk nênhs. No zos iz hâur têx njiêz luv tsênhv hâur côngz xưv đội, đoàn têx cơ sở đoàn uô hâur cheix ntux sor shông 2024”.

          Côngz xưv phaz tar txiêz nanv trâus saz trâu mê nhuôk tưz tâu têx tiv phaz nhoz Yên Bái huiz tôngv tas nro cxix luôk chính trị sik côngv uô. Taz sik, chiê phax tar muôx chêx cuk, têx lênhx uô niêv uô txir tsuv seiz jông zuk têx mê nhuôk; yax six tsov cưv, heik kriê mê nhuôk jav đêz têx qơư riêz nênhs chiê muôx iz cheix so sor taz por, muôx ziz njiêz./.

                                                                                                  Thừa Xuân-Txâur Vax cxeik nhênhv

:

                                                             Thêv nhiêx tsưx phưv har jôngr

IV. Hâux lưv:

1, fuô yax kriê tsôngv px tưx đros cxiv cxa luôs hâux lưv, njiêz luk yax kriê, tưx uô trơưk luôs hâux lưv tso tơưv: Tsưr tsix yax kriê tsôngv px nhoz cxuô luz jêx jos tưx đros tsưx phưv truôx têx har jôngr ntông, huôv tsar jôngr ntông, huôv tsar uô vax tsêr, cêr muk lok trâu cxuô luz jêx jos, cxiv tsa chor nênhs đros sêiz car, tsưx phưv har jôngr ntông…chiê paz phênhv trâu tsôngv px huôv tsar cêr uô nox iz thênhv jux juk muôx luz nênhx tsau sor thiêz txuôk đros têx njiêz luk yax kriê têz qơưs têx chêi lok tsưx phưv truôx jôngr ntông, cuiv huôv tsar thiêz tsưx phưv jôngr; yax kriê chêir sir zôngv jôngr ntông thôngz đhâu cxuô xor mông ntơưv cxuô jiês cơưv cov huv đros.

-Cơ quan sêiz car: Củi tsưx phưv thiêz huôv tsar jôngr ntông hâur tỉnh.

 -Cơ quan sêiz car sik côngv đros: Ủy ban cxuô huyện, thành phố; ủy ban cxuô xã, phường hâur hur si thax tsav tỉnh.

-Hâur ntu uô trơưk: Shông 2022-2024.

Trax

2, Cxaz nzir, uô cov tâu tiêr 10 ntâuz ntơưr tưz tâu dự án har jôngr thiêz tiêx đras Việt Nam paz: Njiêz luk hêik lok têx luôs hâux lưv uô tâu tiêr, têx njiz trâus phiv liv hâur luôs hâux lưv fuô uô trâu ntơưv 10 luz jêx jos; thiêz đros Ban sêiz car jêx jos, ủy ban cấp xã chiê px haur côngv thôngx hêik cxaz nzir chiê yax kriê thiêz cxaz nzir uô cov huv đros; kriz cơưv 10 jiês trâu ntơưv 10 luz jêx jos đros côngv thôngx hêik cxaz nzir chiê uô cov tâu tiêr luôs hâux lưv tso tơưv.

-Cơ quan sêiz car: Củi tsưx phưv thiêz huôv tsar jôngr

-Cơ quan sik côngv đros: Ủy ban cxuô huyện: Mường La, Thuận Châu, Phù Yên, Mai Sơn, Mộc Châu; Uỷ ban cxuô xã li: Ngọc Chiến, Phỏng Lái, Mường Thải, Chiềng Lương, Mường Sang; Chi cục Kiểm Lâm, Hạt Kiểm lâm cxuô huyện, thành phố.

-Hâur ntu uô: txix 3 luz hli kaz shông 2021-hli 6 shông 2022./.

                                                                          Tsu cxêik nhênhv-Tuyết Lan- Lưu VB và in đĩa