Cxiv tsav txênhz phax tar zax zênhz nhoz Điện Biên tsi so cuz nxor

Tỉnh Điện Biên li cêr ntus đriv nhoz puôz 2 têz qơưk Lào thiêz Trung Quốc ntêr muk đhâu 29 xã đros muôx 310 ntâu jêx jos hâur thax tsav 4 huyện zos Điện Biên, Mường Chà, Nậm Pồ thiêz Mường Nhé. Viv li, têx lênhx nênhs phamv cxâuv lok zax zênhz khênhr liv zôngv têx thax tsav ar têz nxaz đros muôx ntâu txox mêr cêr muk lok chiê muôv muôs zax zênhz lok hâur thax tsav thiêz chox muk muôs. Nênhs phamv cxâuv lok zax zênhz li huôx tôngv sâuv ntus đriv nhoz Điện Biên ziv hnuz ziv riêz nênhs, lơưr car zôngv fov, triêv....chiê tir tar lưx lươngv phax tar zax zênhz thâuv trâus qênhz pov.

          Jê ntơưv no, Bộ đội pênhz phax tỉnh Điện Biên li têx taz viv tưz ruôr yênhx côngz chuyên án số ĐB523p, ntês tâu 2 lênhs nênhs, sâu tâu 120 cxênhz njiêr zax zênhz. No zos têx lênhx nênhs thôngz đhâu mạng xã hội sik côngv đros têx lênhx nênhs nhoz tỉnh ntus đriv Lào chiê zuôr thiêz thâux gra zax zênhz lok Việt Nam. Thiếu tá Hoàng Văn Hải, Phưv tsar zênhx pênhz phax nghiệp vụ Zênhx pênhz phax Na Cô Sa, Bộ đội pênhz phax tỉnh Điện Biên puz pâuz:"Phênhv ntâu têx lênhx nênhs phamv cxâuv zos lênhx nênhs hâur iz chuôz zis viv li lok six tsưv ziv. Thâuv lơưr muôv muôs thâux gra zax zênhz phênhv ntâu lơưr gra fov, triêv. Tsuv chuôz tsar pênhr xưv chính trị uô ntêx, đhâu co zos võ thuật chiê lơưr tir tar, tơưv txênhz đros nênhs phamv cxâuv".

          Xav tênhv zos tỉnh nhoz lok six jê thax tsav 3 luz têz qơưk- qơư tâu seiz zos ntiêx têz li qơư cuz nxor lok zax zênhz, zos thax tsav coaz tsôngv lok txiv ngaz-côx phax, thax tsav trôngz jôngr ar nxaz, ntâu cêr muk lok. Viv li, hâur têx shôngk đhâu, đrâuv chêx chôngk seiz car zax zênhz muôv muôs lok hâur thax tsav têx cêr ntus đriv, têx lưx lươngv phax tar zax zênhz tỉnh Điện Biên thâuv tưs cux chuv tôngv sik côngv đros têx lưx lươngv muôx txơux jênhv têx thax tsav nhoz buôk uô cê thiêz têx tỉnh saz đrâuv têz qơưk hâur côngz xưv tơưv txênhz, pâuz tâu qênhx shênhx, phax tar nênhs phamv cxâuv zax zênhz muôx lênhx coaz txos 2 têz qơưk. Hâur co tiv zix zos 6 tỉnh faz Bắc Lào.

          Đros co zos uô jông Cục cảnh sát qênhz yuôx nênhs phamv cxâuv lok zax zênhz Bộ công an thiêz Công an tỉnh Điện Biên, Sơn La, Lai Châu, Lào Cai, Hòa Bình, Yên Bái li tsưr ziv 02 thiêz tsưr ziv nghiệp vụ số 3631 lok phax tar, tơưv txênhz đros nênhs phamv cxâuv zax zênhz sâuv thax tsav Tây Bắc chiê chêx chôngk lưx lươngv, krêz uô uô cê têx tsưr ziv nghiệp vụ chiê pâuz tâu qênhx shênhx nênhs phamv cxâuv zax zênhz. Khov co ruôr yênhx côngz yênhx châuv txuz án lox zâu, phax tar tâu hâux lưv muôv muôs zax zênhz lok hâur thax tsav. Trung tá Hoàng Trung Hiếu, Tuêv phó tuêv côngz xưv Công an tỉnh Điện Biên ntơưv Lào pheiz kênh:"Ntu nhiv kruôr đhâu têx lênhx nênhs phamv cxâuv thâuv tưs cux liv zôngv nhiês muôv muôs zax zênhz lok Việt Nam pêz tưz seiz car têx thax tsav, qơư cuz nxor chiê xav tênhv lênhx nênhs co. Đhâu ntu uô hâux lưv, pêz đros thiêz lưx lươngv muôx txơưx jênhv têz qơưk đrâuv sik thav thôngz xor mông pâuz tâu lênhx nênhs co thiêz tsưr ziv huôx tôngv chox zax zênhz đhâu Lào lok Việt Nam".

          Lơưr số laov thôngz sâu, sâuv thax tsav tỉnh Điện Biên nhiv no muôx zuôr xar 9 cxênhz lênhx nênhs muôx zênhs zax zênhz muôx ntâuz ntơưr seiz car. Hâux lưv no ziv khav tênhv tiêk hâux lưv tơưv txênhz, phax tar zax zênhz nhoz Điện Biên, phax tar zax zênhz txix saz ntus đriv lok Việt Nam tsi tâu suôv câuv. Zơưv Lê Thành Đô, Chủ tịch UB tỉnh Điện Biên puz pâuz:"Hâur ntu, tỉnh ủy, UB tỉnh Điện Biên heik ntâu tsưr ziv chiê tơưv txênhz phax tar zav nênhs phamv cxâuv no, gôngr phênhv tuôr truôx txiv ngaz sâuv thax tsav cux xưk li sâuv thax tsav ntus đriv. Thôngx cxix chuôz tsar cxaz cêr coaz siv sik hux jos hâur Điện Biên đros lưx lươngv têx tỉnh faz Bắc Lào thiêz Trung Quốc chiê phax tar zax zênhz, tuôr truôx luz nênhx ngaz tul trâu tsôngv box".

          Txơưv cxiv tsav txênhz phax tar nênhs phamv cxâuv lok zax zênhz nhoz Điện Biên heik taz, thax tsav Tây bắc heik cxuô tsênhv lêx ntêr thiêz zov chênhr, taz sik đros têx lưx lươngv phax tar zax zênhz tỉnh Điện Biên li têx sir jos truôx siêz hla đhâu têx phêv liv nhoz no, chox lok luz nênhx ngaz tul thiêz shir phaz trâu tsôngv box./.

Vũ Lợi- Txâur Vax cxeik nhênhv