Luz nênhx yiêz nhoz chor jêx jok hêir nênhs Cống ntơưv Lai Châu

Tix lâus Chảo Văn Hương ziv chuôz zis, nhoz jok Xám Láng, xar Nậm Khao, huyện Mường Tè (Lai Châu) muôx 6 lênhx nênhs thâuv ntêx no tsuôk pâuz tok khov trâu mê njil ar têz chos blêx, poz cưk, viv li yêiz pluôs tsik so. Iz shông, chuôz zis tsuv tok trâu têz qơưk têx cxur paz thâuv kôngz lôngk tsik tâu siêr xar muôx 3 luz hli.

Shông 2018, tâu canr bôv xar, huyện lok hêik kriê tsưr ziv uô kinh têr, chuôz zis tưz kir txêik 50 triệu đêiv txix zênhx hangx tsênhv chêi xar hôiv chiê yưv pênhr huôv tsar uô nox. Khov sir jos, txos nhiv no, tix lâus chuôz zis tưz muôx tâu 5 héc ta cuêv fix, xar muôx 10 tuk nhux, tưv, 3.000 ntâu thiêr ndis pak đêx zus njêl… đros tas nro phênhv sâu tâu muôx 100 triệu đêiv ntâu iz shông:“Shông nhiv kruôr đhâu cur chuôz zis tror yưv pênhr zuôr xar muôx 40-50 cir njêl nôngz chiê zus. Đrâuv zus njêl, nhiv no cur chuôz zis tsênhv tu zus tsiêx cxu, kêi ol chiê huôv tsar kinh têr”.

Mênhx cxưx Cống ntơưv Lai Châu nhoz chôngz ntơưv oz xar Nậm Khao, Can Hồ (huyện Mường Tè) thiêz xar Nậm Chà, huyện Nậm Nhùn. Ntơưv Nậm Khao, mênhx cxưx Cống tsav muôx 60% ntâu dân sôr, đros xar muôx 270 ziv chuôz zis, zuôr xar 1.000 lênhx nênhs, uô nênhx nhoz ntơưv 2 jok Lãng Phiếu thiêz Xám Láng.

Chiê pox nhuôs mênhx cxưx Cống luz nênhx tsik yuô txov nhêv, txix phênhv pênhr chor tsaz yênhx tsưr ziv têz qơưk, cấp ủy, chinhr quyền xar Nậm Khao tưz sir jos yưv pênhr chiê uô cêr cxuô zav. Txix co, pox nhuôs zôngx ziv zuôr muôs têx hax huv, gra siêz txux chi, por vêv đas jos, jux juk hlôngr yiêz đuô luz nênhx. Zơưv Lò Văn Thi, Tsar jok Lãng Phiếu, xar Nậm Khao, huyện Mường Tè puz pâuz:“Đảng thiêz Têz qơưk sir jos paz đros muôx luz pak đêx tênhv Lai Châu viv li pêz txar lok nhoz ntơưv luz jok yiêz. Pêz luz nênhx nhiv no tưz muôx đuô pir li thâuv tsênhv uô nênhx nhoz ntơưv luz jok kuz lơưv”.

Lơưr Phưv Chủ tịch xar Nậm Khao Lò Văn Hạnh, Khov sir jos uô lơưr Đảng, Têz qơưk têx cêr chêi; tiv zix zos khov trâu têx pênhr nhiêx kir txêik zuôr nhiêx liv kik txix zênhx hangx chiê yưv pênhr uô kinh têr, viv li sâuv thax tsav qơư tưz pov muôx yưv ntâu tsưr ziv uô nox jông, xưk li zơưv Chảo Văn Sơn nhoz jok Xám Láng ziv chuôz zis; Zơưv Khoàng Văn Khừ, Khoàng Văn San, Phéng Văn Lồng nhoz jok Lãng Phiếu… paz trâu phênhv sâu xav lênhx nênhs hâur xar tâu muôx 26 triệu đêiv iz lênhx nênhs iz shông, chor chuôz zis puôs tâu txo grêk tsơưs ntâu. Xar cux tưz uô tiêr 15 hâur 19 luôs hâux lưv lok cxiv tsa jêx jok yiêz:“Pox nhuôs luz nênhx đhâu thâuv txar lok qơư nhoz yiêz mak tâu kho đuô qơư nhoz truôx jông. Tiv oz zos lok kinh têr mak cux huôv tsar đuô pir li thâuv tsik tâu txar qơư nhoz, pêx xênhv sir jos huôv tsar uô nox, paz trâu huôv tsar kinh têr xar hôiv cux xưk li mênhx cxưx Cống hêik taz mak ziv hnuz ziv huôv tsar đuô”.

Tuôx Nậm Khao nhiv no tsik pov muôx chor jêx jok pluôs li thâuv ntêx lơưv, hlôngr trâu co zos chor vax tsêr tâu uô khor truôx jông, đros chor cêr bê tông lox jông… Hlôngr yiêz siêz xar, pox nhuôs cux tưz tso tsês têx phongx cxưx pôngz kaz, sik đros côngv siêz chiê cxiv tsa luz nênhx vênhx huôv yiêz, tuôr truôx têx vênhx huôv mênhx cxưx jông, sir jos cov muôx tâu luz nênhx tsâu sor, shir phaz đuô./.

Khắc Kiên-Lik Thox cxêik nhênhv

PHÊNHV ĐAS JOS THIÊZ SIV NÊNHX

Txix hnuz xiêz 01/7/2023: Lênhx tưs muôx ntơưr seiz njuôk shuôs moz lok zos BHYT thâuv muk seiz njuôk shuôs kho moz tâu sơưv têx tsênhv chei paz, sơưr đơưk tsuv pâuz tsênhz

Txix hnuz xiêz 01/7/2023, phênhv nhiêx hli tâu tsar ndê 1,8 tsov đeiv iz hlik, chênhr viv li, têx tsênhv chei tâu sơưv BHYT cux tâu cxiv kho huv đros cui tinhv co.

Lênhx nênhs muôx ntơưr BHYT muk seiz njuôk shuôs, kho moz trơưk cui tinhv, xav hur si têx nhiêx txiêx thêv seiz njuôk shuôs, kho moz iz jiês tsơưs đuô 270 cxênhz đeiv (bâuv 15% phênhv nhiêx hli ntơưv qơư) thiêz tsi tâu thêv iz đraz nhiêx seiz njuôk shuôs, kho moz.

-Tiv oz, iz cxiê lênhx nênhs li têx nhiêx thêv ntâu yax trâu iz jiês seiz njuôk shuôs, kho moz trơưk cui tinhv zos 81 tsov đeiv (bâuv li 45 hlik nhiêx hli ntơưv qơư).

-Tiv pêz, phênhv nhiêx đros thêv seiz njuôk shuôs, kho moz hâur shông, ntâu đuô 6 luz hlik nhiêx hli ntơưv qơư zos 10 tsov 800 cxênhz đeiv.

Zos lênhx nênhs moz zuôr BHYT 5 shông siz lơư liês tror zar sâuv thiêz lênhx nênhs moz chor nhiêx đros thêv seiz njuôk shuôs, kho moz ntơư hâur shông ntâu đuô pir li cui tinhv heik sâuv, zuôr tâu BHYT paz thêv 100% nhiêx seiz njuôk shuôs, kho moz gênhk.

Trơưk li ngênhx BHXH hêik kriê, têx cui tinhv heik co tâu uô txix hnuz xiêz 01/7, txơưv lênhx nênhs zuôr ntơưr seiz njuôk shuôs moz muk nhoz tsêr yuôx uô ntêx hnuz xiêz 01/7 taz sik tơưv tsêr yuôx txix hnuz xiêz 01/7.

Muôx iz cxiê lênhx nênhs tâu BHYT thêv 100% nhiêx seiz njuôk shuôs, kho moz gênhk trơưk li qơư đas cir seiz njuôk shuôs moz:

-Iz, Lênhx nênhs muôx côngz trâu têz qơưk lơưr chei têz qơưk tsov cưv trâu nênhs muôx côngz têz qơưk; chor tuz lênhv lâul trâul moz trâul saz hâur ntu tir ntâuk trol châuz; chor nênhs tâu têz qơưk paz hâur yênhx luz hlik; nênhs muôx chuôz zis pluôs, txov nhêv; heir nênhs tsơưs tsênhv uô nênhx nhoz ntơưv thax tsav txov nhêv; têx lênhx uô nênhx nhoz thax tsav, suôv qơư lok six txov nhêv; nênhs uô nênhx nhoz xã poz hiêr, huyện poz hiêr; lênhx nênhs muôx côngz trâu têz qơưk li chor nênhs hâur chuôz zis, pir li: Niêv zus, txir zus, pox niêv lok sik tus txir, tuz lênhv tâu tas siv nênhx li mê tuz mê nhuôv; lênhx nênhs muôx côngz tu zus chor tuz lênhv tâu tas siv nênhx; Chor lâul nênhs muôx 80 shông tror zar sâur tsênhv tâu sơưv nhiêx paz hâur yênhx hli....

-Oz, chor nênhs li đrav kaz tâu têz qơưs paz thêv 100% nhiêx seiz njuôk shuôs, kho moz gênhk thiêz nhiêx zuôr yuôx , chuôz zênhx seiz njuôk shuôs kho moz:

Lênhx nênhs đros uô hâux lưv tir ntâuk trol châuz, tsưx phưv têz qơưk uô ntêx hnuz xiêz 01/1/1945; nênhs đros tir ntâuk trol châuz, tsưx phưv têz qơưk txix hnuz xiêz 01/1/1945; Niêv pos Việt Nam zênhz shôngx; chor tuz lênhv trâul moz trâul saz hâur ntu tir ntâuk trol châuz, lênhx nênhs tâu têz qơưk paz iz zav li chor tuz lênhv trâul moz trâul saz hov B, trâul txo grêk đas jos lox tôngv txix 81% tror zar sâuv; Tuz lênhv trâul moz hâur ntu tir ntâul trol châuz, lênhx nênhs tâu têz qơưk paz iz zav li chor tuz lênhv co thâuv muk nhoz tsêr kho moz chơưv kho têx kuz moz tror huôv moz; nênhs đros tir ntâuk trol châuz, tsưx phưv têz qơưk trâul tsơưr tưx da cam, txo grêk tsơưs đas jos lox tôngx txix 81% tror zar sâuv; nhuôs zâu tsi tâu muôx 6 shông.

-Pêz, lênhx nênhs cxaz chuôz BHYT seiz njuôk shuôs, kho moz gênhk qơư y tế xã.

-Plâuz, nhiêx txiêx thêv trâu iz jiês seiz njuôk shuôs, kho moz tsơưs đuô 15% phênhv nhiêx hli ntơưv qơư.

-Tsiz, cxaz chuôz BHYT 5 shông siz lơư liês tror zar sâuv thiêz chor nhiêx đros thêv seiz njuôk shuôs, kho moz hâur shông ntâu đuô 6 luz hlik nhiêx hli ntơưv qơư./.

                                               Thu Thùy-Riê Lâux cxeik, nhênhv