Têx zav nox kaz muôx ntơưv vênhx huôv Festival txir ntông

Cxaz chuôz jiês sik tưr muôx 14 đôiv, đros 14 zav nox kaz tâu uô txix txir ntông muôx nhoz 12 huyện, thành phố, tỉnh Sơn La thiêz 2 tỉnh Bắc Giang, Cao Bằng. Chor zav nox tâu uô txix têx txir ntông muôx ntơưv thax tsav qơư, đros cxuô zav zênhx muôx sưv đros hâur luz nênhx yênhx hnuz li: Salat txir ntông; Mor blâuv đros txir mo môngk , txir dừa; Nduôr txir mo môngk; Chè txir vải nôngz sen; Thạch mác púp….

Tuôx txix thax tsav qơư Yên Châu muôx suôz bê zos thax tsav qơư “Txir tsơưz kaz jiz, txir mo môngk tsư kaz” nhoz tỉnh Sơn La, đôiv thik tưr huyện Yên Châu chox tuôx thik tưr zav nox kaz zos “Njêl hồi nthênh hâur ziêk đros txir mo môngk hlơưr txix chơưr rum thiêz cuô txir mo môngk shơư txir lưk suôr” zos uô txix têx txir mo môngk khênhx nhoz Yên  Châu. No zos zav txir mo môngk tưz tâu Cục Sở Hữu trí tuệ cungz ntơưr cungz jênhv đăngk cir lok qơư uô, đros siêz xar tiêk zuôr tror tâu hêik pâuz nzir lok zav txir mo môngk no ntơưv Yên Châu txos trâu sơưr đơưk hâur têz qơưk thiêz saz đrâuv têz qơưk pâuz. Niêv tix Nguyễn Thị Xiêm, thành viên đôiv thik tưr puz pâuz:“Zav nox mak đôiv Yên Châu chox tuôx thik tưr ntơưv no zos zav nox muôx grêix njêl hồi đros trâu chơưr rum cuô txir mo môngk đros txir lưk suôr siz shơưk uô cê. Tas nro zuôr paz muôx yưv iz kror kaz jông, tsư kaz thiêz njiêz mak cux lok six jông gâux zuôr paz uô trâu nênhs nox tâu ndo njôngr txos. Pêz njênhs tiêk tưz nox tâu lơưv mak sơưr đơưk zuôr nhiêv nox txos zav nox no”.

Quỳnh Nhai, Sơn La muôx thax tsav phênhv ntâu zos tox trôngz siêz, muôx tuk đêx đas ntưk lok đhâu, zuôr paz trâu huôv tsar du lịch sâuv pak đêx tênhv thiêz chos ntông nox txir sâuv ar têz tox nxaz. Đros cxuô zav zênhx muôx ntơưv thax tsav qơư, đôiv thik tưr Quỳnh Nhai gra tuôx ntơưv hôiv thik zav nox Thạch rau câu 3D tâu uô txix chor txir pôngr lux đros chor cuô txir dừa, hmôngr thạch rau câu. Luz nduôr tâu uô đros muôx đuôz luz tsêr lơưx nhoz hâur tơư trôngz, đros muôx têx pax lâus tơưs jông jav paz hêik tơưv tâu mênhx cxưx Thái nhoz Quỳnh Nhai hêik taz thiêz nhoz Sơn La hêik cxuô li luz nênhx vênhx huôv jông. Niêv tix Quàng Thị Chung, thành viên đôiv thik tưr huyện Quỳnh Nhai shir phaz puz pâuz:“Đôiv thik tưr Quỳnh Nhai chox tuôx ntơưv Hôiv thik tưr zav nox Thach rau câu 3D, tâu uô txix chor txir pôngr lux đros muôx bê hu zos “Zar hnuz kêix Tây Bắc”. Uô ntêx zuôr tuôx thik tưr mak pêz cux tưz bax lok six jông, xêir tsov tâu chor nênhs txơưx uô, muôx txux chi tuôx ntơưv no chiê thik tưr đros sơưr đơưk”.

2 tỉnh Bắc Giang thiêz Cao Bằng cux chox tuôx ntơưv hôiv thik tưr oz zav nox kaz thiêz jông gâux. Niêv tix Hoàng Diệu Linh, Đội thik tưr tỉnh Cao Bằng puz pâuz: Tỉnh li đôiv thik chox tuôx ntơưv no zav nox Thạch Mác púp uô txix zav txir ntông mác púp-zos iz zav hmaz ntông muôx nhoz huyện Trùng Khánh, tỉnh Cao Bằng:“Thạch mác púp tâu cxênhx nênhs uô ntêx tsês chiê lok nox mak kaz jiz, uô trâu luz chêr lax, paz phax tar tưx thiêz jông trâu plaz hnur…. Đhâu jiês thik tưr no, cur cux xar hêik txos zav thạch no trâu sơưr đơưk pâuz txos thiêz vav tiêk muôx iz hnuz tưs sơưr đơưk zuôr tuôx trâu Cao Bằng, zos cur thax tsav qơư nhoz, chiê  tâu nox, nriêr pâuz txos têx zav nox kaz muôx ntơưv pêz thax tsav têz qơư Cao Bằng”.

Đros chôngz tsôngv kruô, muôx njêx muôs ntơưv tỉnh Sơn La cxaz chuôz trâu Festival txir ntông thiêz hax huv OCOP Việt Nam shông 2022,  tâu sêiz pov têx jông jav muôx nhoz thax tsav Tây Bắc, ho tâu sêiz pov, nox têx zav nox kaz tâu uô txix txir ntông uô trâu lơưr lok six nhiêv. Niêv tix Nguyễn Thị Huyền, iz lênhx kruô txix Hà Nội tuôx puz pâuz:“No zos jiês xuz thơưx ciês cur tuôx trâu Sơn La thiêz lok six shir phaz thâuv tâu cxaz chuôz trâu xor xưv Festival no. Cur pov no zos iz xor xưv lok six lox, tiv zix zos têx zav nox txix txir ntông muôx ntơưv têx thax tsav qơư co. Tiv zix zos Hôiv thik tưr zav nox muôx lok six ntâu zav txir ntông, njiê mak lok six jông thiêz lok six kaz”.

Pos Bùi Thanh Thủy, Chủ tịch Hôiv Liên hiệp pox niêv tỉnh Sơn La-taz viv sêiz car tsưr tsix uô vênhx huôv zav nox thax tsav Tây Bắc thiêz jiês sik tưr zav nox kaz uô txix têx txir ntông puz pâuz: Txir ntông thiêz zav nox txix txir ntông ntêr lok tưz tâu uô yênhx ntâu zav nox txos trâu têx zav đêx hâuk thiêz têx zav nox paz trâu đas jos. Hâux lưv tsưr tsix jiês thik tưr cux zos chiê piêr pâuz txos têx zav txir ntông thiêz têx hax huv du lịch muôx ntơưv thax tsav qơư. Ban giám khảo tâu hu tuôx zos chor nênhs nhênhz chơưv lok zav nox thiêz Hôiv nênhs uô jâuz mor nox Việt Nam:“Jiês thik tưr “Zav nox kaz tâu uô txix têx txir ntông” zos iz hâur têx huôx tôngv muôx tsiv gri tsênhv tsênhz chiê paz trâu cxuô thax tsav qơư hâur xar tơưv, uô têx zav nox txix txir ntông thiêz cux zos jiês chiê taz viv piêr pâuz đuôz lok lênhx nênhs, zav nox, txir ntông thiêz hax huv du lịch jông ntơưv thax tsav qơư txos trâu sơưr đơưk pâuz. Đhâu co, chiê paz zaz zâuv trâu huôv tsar kinh têr, yưv pênhr trâu uô kôngz nuv, jux juk cxiv tsa tâu côngz bê thiêz têx tsiv gri trâu chor txir ntông muôx ntơưv cxuô thax tsav qơư cov huôv tsar tâu lơưr tsưr ziv uô truôx đrênhk”./.

(Tòng Anh-Thào Ly-Lik Thox cxêik nhênhv)

Phênhv ndis shuôk têz qơưs

Quảng Ninh khơưk tsês têx txux chi, vênhx huôv jông ntơưv qơư chiê huôv tsar  truôx du lix

       Iz ntu ntêr nhoz uô hâux lưv trâu tỉnh Quảng Ninh thiêz tâu muk sêiz shuôk ntâu thax tsav qơư nto bê li: Pak đêx Hạ Long; trôngz Yên Tử, tix lâus Si mon Tantey (zos nênhs nhoz saz têz qơưs đrâu) thâuv tuôx sêiz shuôk txos Huyện ntus đriv Bình Liêu, sêiz pov cxuô zav cux uô trâu tus tix lâus co jông siêz hênhr. Iz chas muôx têx đêx ntưk trơưk tsas tsuô, muôx trôngz jôngr ntông jông jav thiêz tâu sêiz pov têx nxêik vir ndâuk hêir nênhs Sán chỉ hnar têx tsôngk tiêz cxôngx nzor nhoz thax tsav no siz tưr ndơưk bóng, siz tưr ntâuk tik kêiz lov jêv lul. Tix lâus Si mon Tantey shir phaz lul hêik: “Cur tuôx sêiz pov cxuô lênhx nzêik nhoz ntơưv no hnar têx tsôngk tiêz cxôngx nzor siz tưr ndơưk bóng đhiê uô lov jêv, shir phaz lul thiêz sưv jê đros tsôngv kruô sđ”

        Bình Liêu zos huyện muôx txos 98% hêir nênhs tsơưs thiêz hâur têx shông đhâu lok no, thâuv tâu sđ pâuz txos thax tsav qơư co muôx têx tox trôngz câuv har đros trâu hêir nênhs Tày, Cho, Sán Chỉ têx vênhx huôv txux chi jông jav thiêz ntơư zos iz qơư chiê cxơưz cxiz huôv tsar du lix txuôk đros. Hêir nênhs Sán Chỉ ntênhk hội hêik cưr cxiêx cọ hli 3; Hêir nênhs Cho ntênhk hội chêir chuô  hli 4 …puôr lênhx zos têx vênhx huôv txux chi cxôngx nzor, tsôngv kruô nhiêv tuôx sêiz shuôk txos.

        Ntâu tsênhv qơư nhoz iz cxiê thax tsav faz đông Quảng Ninh li: Tiên Yên, Đầm Hà, đrôngl Móng Cái cux muôx ntâu vênhx huôv, txux chi jông, zôngx ziv huôv tsar du lix côngv thôngx.  Txix ntơư, tưz cxươz cxiz tsôngv tuz nxêik shuv xênhz thiêz cưk kriê ntơưr hâur tsêr cơưv hnar zuk hêir nênhs têx tsôngk tiêz tsôngv yo cxôngx nzor trâu têx hnuz kaz ciêz. Tix lâus Trạc A Thìn, zos iz lênhx pêx xênhv nhoz xã Húc Động, huyện Bình Liêu shir phaz lul hêik pâuz: “Hâur ntu zuôr txos no, tsuv muôz têx txux chi, vênhx huôv jông cxôngx nzor chox lok kriê trâu hâur têx tsêr cơưv ntơưr. Viv nhiv no tưz muôz têx cưr cxiêx cọ chox lok kriê trâu hâur tsêr cơưv ntơưr thiêz pêz tsênhv zuôr muôz têx cưr cxiêx co chox lok nthuôr uô cêr lov jêv trâu tsôngv kruô ndis shuôk têz qơưs sêiz.

        Muôx 600 ntâu qơư di tích lịch sử, vênhx huôv; hâur ntơư muôx 6 di tích têz qơưs; ntơư zos (Pak đêx Hạ Long, qơư di tích Yên Tử, Di tích lịch sử tsêr mnov, Di tích lịch sử Bạch Đằng…tưz tâu côngk nhav zos qơư zơưv hloz Hôx sâuv poz hiêr  (Cô Tô), zos Quảng Ninh têx qơư di tích tsiv grê. Zơưv Lê Trọng Thanh, Phưv Giám đốc Công ty Tùng Lâm hêik pâuz: “Hâur ntu tưz đhâu thiêz hâur ntu zuôr txos, pêz têx xiv huv zos huôv tsar uô txuôk đros vênhx huôv lịch sử, huv đros thax tsav Yên Tử. Lar hêik zos pêz khơưk tsês, huôv tsar truôx pox côngz zơưv côngz têx txux chi, vênhx huôv jông tsik chiê pôngz plox

        Đhâu iz ntu muôx caz moz Covid-19 huôv xênhz uô phiv liv, cxuô qơư vênhx huôv, tsuv muôz pênhr nhiêx cxiv uô cov huv đros tsôngv kruô siêz nhiêv. Iz chas cxuô tsênhv qơư du lix đêx hiêr, qơư ndis uô si jôngr ntông, qơư so ndis uô si Hạ Long, Vân Đồn, Quảng Ninh …cux huôv tsar truôx tsênhv qơư du lix vênhx huôv-lịch sử thiêz thax tsav Bình Liêu, Ba Chẽ, Tiên Yên, Đầm Hà, Hải Hà, Móng Cái puôr lênhx huôv tsar du lix txuôk đros hêir nênhs tsơưs têx vênhx huôv, txux chi jông. Ntơư cux zos qơư chiê kriz đar huôv tsar uô cxuô zav xiv huv du lix cov muôx txos 9,5 triệu lênhx kruô tuôx sêiz shuôk hâur shông 2022./.

Tsu cxêik nhênh- Trường Giang, CQTT Đông Bắc