Cheix ntux yiêz tsâu sor nhoz tox siêz chos ntông cao su

          Vax cao su xã Chăn Nưa, huyện Sìn Hồ (Lai Châu) têx công nhân thiêz nênhs lox tôngv nhoz tiv phaz tsênhv sir jos cok cuô mis cov tas. Zơưv Trần Nam Long, Giám đốc Nông trường cao su Chăn Nưa, Công ty cổ phần cao su Lai Châu II puz pâuz: Fênhx yax thâuv txos hli 12 niêx shông, cao su qir jênhs blôngx thiêz txos six hơưv so tsi tror cok cuô mis chiê tror qir lok trâu jiês tsoz phưz yiêz. Taz sik, cheix ntux yiêz shông no tsi xưk li niêx shông hâux lưv cok cuô mis tsênhv tror tâu uô. Zuôr xar 300 lênhx công nhân, nênhs lox tôngv tsênhv sir jos cok cuo mis sâuv mênhv chêx đar 1 cxênhz 200 hecta. Hâux lưv no cux zos paz công nhân, nênhs lox tôngv zuor muôx cxaz phênhv sâu chiê nox iz luz tsiêz cxix cxuo đuô:“Vax chos ntông qir sâu cuô mis txix shông 2018, txos nhiv no pox nhuôk muôx hâux lưv uô ngaz tul. Công nhân, nênhs lox tôngv hâur taz viv phênhv ntâu zos tsôngv box nênhs tiv phaz nhoz no, pox nhuôk li phênhv sâu fênhx pheiz tâu muôz siêz tưz gôngr phênhv muôz siêz luz nênhx chinhz yênhx trâu pox nhuôk nhoz tiv phaz”

          Têx hnuz zuôr txos tsiêz, niêv lâuk Lường Thị Tuyền 2 niêv txir zos công nhân nông trường cao su Chăn Nưa hnuz tưs cux muk txix pov thâuv sơưr nzor chiê uô tiêr hâux lưv cok cuô mis tâu choz. Niêv lâuk Tuyền pheiz kênh: phênhv sâu ngaz tul txix nhiêx shar công nhân, đros phênhv sâu zos 6-8 tsov đeiv iz lênhx nênhs iz luz hlik tưz paz niêv lâuk oz niêv txir bax trâu mê nhuôk muk cơưv ntơưr, zuôr tâu cxix cxuô têx chuôz zênhx sir zôngv hâur chuoz zis…Đrâuv phênhv sâu ngaz tul, niêv lâuk oz niêv txir tsênhv gôngr cxix cxuô BHXH, bảo hiểm lox tôngv. Têx hnuz tsiêz hnuz ntênhs,chuôz zis cux tâu lênhs tov công ty tsov cưv khơưk muôz huv:   “Cur uô công nhân cao su txix shông 2011, lok six jông siêz viv muôx tâu phênhv sâu ngaz tul. Công ty yax six tsov cưv txos nênhs lox tôngv luz nênhx, viv li pêz lok six uô tsâus ntâu. Tsiêz shông no cur chuoz zis cux bax tâu buô, keiz ok cxix cxuô chiê nox tsiêz”

          Đros 12 cxênhz hecta cao su txos six hơưv sâu, têx công ty cao su nhoz Lai Châu tưz xeir zuôr 2 cxênhz 500 lênhx nênhs uô công nhân, phênhv ntâu zos tsôngv box nhoz tiv phaz. Muôx hâux lưv uô truox tul, tsôngv box luz nênhx jông đuô tuôx. Zơưv Nguyễn Hữu Phước, phưv tổng giám đốc Công ty CP cao su Lai Châu II puz pâuz: Nhiv no công ty tưz chox lok muôz cuô mis 3 cxênhz 800 hecta cao su nhoz têx huyện Sìn Hồ, Nậm Nhùn, Mường Tè. Shông 2023, công ty sâu tâu zuôr xar 3 cxênhz 700 tênhr mis kruôr. Tsiêz no txix Tập đoàn công nghiệp cao su VN li phênhv paz, taz viv tưz khơưk muoz iz lênhx công nhân, nênhs lox tôngv txix 300-600 cxênhz đeiv:“ Tsiêz no đrâuv nhiêx shar lơưr cui tênhv, công ty cux tưz muôz cuiv nhiêx shar 800 tsov đeiv ntâu trâu công nhân chiê lơưr tso siêz nox tsiêz. Công đoàn công ty cux paz 1 cxênhz phênhv huv tsiv grê 200 tsov đeiv thôngx cxix paz nhiêx yêz trâu cán bộ, công nhân viên nênhs lox tôngv muk tsêr nox tsiêz. Chiê cxơưx trau nênhs lox tôngv muôx iz luz tsiêz sor si, muôv muôs shông 2024 sir jos hla đhâu tsưr ziv tso tơưv…”

          Tsoz cao su tsênhv chox lok têx hlôngr yiêz jông trâu jêx jos nhoz tox siêz Lai Châu. Txix têx jôngr cao su, pox nhuok tưz muôx tâu phênhv sâu truôx tul. Cheix ntux yiêz no njênhs njôngr zuôr muox tâu luz tsiêz sor si thiêz iz shông yiêz tsiv uô lox tôngv yênhx côngz jông./.

K.Kiên-Txâur Vax cxeik nhênhv