Hloz Hôx đros đrêiv sơưr đơưk luz nênhx

 “Sêiz pov zơưv Hloz Hôx tuôx, pêz jông siêz hênhr. Hloz Hôx, zox têk cov pêz chor mê nhuôv sđ jâuv chiê mnôngs Hloz Hôx thav luk. Hloz Hôx hêik ntâu njiêz luk, taz sik kror uô trâu cur ndo njôngr zos Hloz Hôx hêik txos luôs hâux lưv kriê cơưv ntâuz ntơưr trâu thax tsav tox siêz đêz đrôngl. Zơưv Hloz Hôx têx luk hêik tsênhv nhoz trơưr cur siêz tsik plox”

           Nhiv no tưz zuôr xar 90 shông, taz sik pos Cầm Thị Chiêu, zos iz lênhx cưk kriê ntơưr xuz thơưx hâur ngênhx tỉnh Sơn La, nhiv no tsênhv uô nênhx nhoz trâu đrôngl Sơn La thiêz tsênhv ndo njôngr zơưv Hloz Hôx têx luk hêik trâu ngênhx zoz zux thiêz hêik trâu tsôngv px thax tsav faz Bắc

          Shông 1956, pos Chiêu tưz tâu muk trâu Hà Nội đros cơưv hội nghị zoz zux hur si têz qơưs thiêz tâu njiz zơưv Hloz Hôx. Thâuv njiz co, hur si cxuô lênhx sđ tưz shir phaz lul sơưr hơưv tok zơưv Hloz Hôx. Shông 1956 zos ntu faz Bắc nhiv kruôr truôx tuk, chuôz piz cxiv kho têz qơưs. zơưv Hloz Hôx tưz hêik, cxuô lênhx cưk kriê thiêz cán bộ ngênhx zoz zux, tsuv uô truôx jông cxuô luôs hâux lưv trâu Đảng thiêz px. Sir jos cơưv shâuv, gra siêz tsưr ziv, txux chi cxiv kho têz qơưs truôx khor. Lar hêik, tsuv uô truôx jông luôs hâux lưv kriê cơưv ntâuz ntơưr trâu tsôngv px cxuô hêir nênhs tsơưs nhoz thax tsav tox siêz, đêz đrôngl cov cxuô lênhx sđ tâu tuôx trâu tsêr cơưv ntơưr.

Shông 1959, ndax trâu chiv nhênhv 5 ntâuk zênhx tros châuz Điện Biên Phủ, Hloz Hôx thiêz Đoax cán bộ Trung ương tuôx sêiz shuôk tuz lênhv thiêz px thax tsav faz Bắc ntơưv Sơn La. Pos Chiêu đros trâu chor shuv xênhz cơưv uô cê thiêx tâu njiz zơưv Hloz Hôx jiês tiv 2 đros trâu Hloz Hôx têx luk hêik kriê tsôngv px thiêz tuz lênhv tsuv sir jos khưr huôv tsar cêr uô nox cov sđ hla đhâu cêr yêiz pluôs muôx luz  nênhx tsâu sor. Lar hêik zos yax kriê cán bộ cxuô hêir nênhs ntơưv qơư tsuv muôx cêr côngv siêz, sir jos cơưv ntâuz ntơur cxiv kho têz qơưs truôx khor. “Hloz Hôx hêik kriê ntâu njiêz luk; hâur ntơư muôx njiêz luk hêik tsôngv px cxuô hêir nênhs tsuv muôx cêr thôngx siêz jông thiêz nox hâuk tsuv uô cov siêr, sir jos cơưv ntâuz ntơưr. Shông 1959, đhâu Hloz Hôx tuôx sêiz shuôk thax tsav faz Bắc, Hloz Hôx tưz tso 300 lênhx cưk kriê tuôx uô hâux lưv trâu ngênhx zoz zux tỉnh Sơn La”

Xênhz zus thiêz hloz lox trâu Mường Chanh, huyện Mai Sơn, tỉnh Sơn La, pos Chiêu truôx siêz cơưv ntâuz ntơưr yênhx iz lênhx cưk kriê xuz thơưx hâur txix shông 1950. Đhâu ntâu ntu cơưv thiêz cơưv trung cấp kriê ntơưr, muk kriê ntơưr trâu ntâu thax tsav tox siêz. Hâur ntu so lâuk, pos Chiêu pos Chiêu cux tsênhv muk kriê hâur pâuk ntơưr trâu tsôngv px nhoz thax tsav jêx jos, tox siêz: “Hloz Hôx hêik, zav tưs muôx liv trâu px, txơưv phiv liv bâuv tưs tsuv uô cov tâu tiêr; zav tưs uô ruôr hiêv txos px tsuv tso tsês, tsik cxoz uô. Ntơư zos luôs hâux lưv zôngx ziv cơưv shâuv tâu”.

Trơưk li pos Lạc Hồng Mai, thâuv ntêx uô tsar Ban Dân vận tỉnh ủy Sơn La, zos pox Chiêu tus nxêik: Chênhr zos cơưv shâuv nưs niêv têx cêr nênhx jông, pos Chiêu tus nxêik thiêz têx tuz nxêik xênhz nzưr puôr lênhx sir tas đas jos tsưr ziv uô tâu tiêr ntâu luôs hâux lưv jông, muôx liv trâu chuôz zis thiêz muôx liv trâu jêx jos thax tsav qơư nhoz: “Txơưv cur niêv tưz lâuk, taz sik tsênhv niêx hnuz yax kriê têx tuz nxêik hâur chuôz zis uô nênhx tsiv txiêx muôx liv trâu têz qơưs; tsuv sir jos cơưv shâuv, uô trơưk Hloz Hôx têx cêr nênhx jông. Thiêz thâuv tưs pêz cux cơưv shâuv uô trơưk cur niêv têx tsưr ziv đros cxiv kho têz qơưs thiêz đros cxiv kho thax tsav qơư nhoz muôx liv trâu côngv thôngx”

Zuôr xar 90 shông hnuz nhôngs, 62 shông nhoz Đảng, zos pos Cầm Thị Chiêu têx cêr shir phaz thiêz têx tsưr ziv cơưv shâuv, uô trơưk zơưv Hloz Hôx têx cêr nênhx jông tsênhv nhoz trơưr đruôz siêz tsik plox./.

                                                                                          Tsu cxêik nhênhv- Bích Thủy VOV Tây Bắc

                                      Lào Cai: Nhuôs zâu moz hlưz hâu chuôz ndê  hâur chêix ntux sor

Hâur iz ciêz đhâu lok no, tuk nhuôv C. T. L (5 shông) tsênhv chơưv kho moz ntơưv Khoa chơưv paz đas jos-Tsêr kho moz nhuôv zâu tỉnh Lào Cai. Đhâu njuôk shuôk pov lênhx mê nhuôv no trâu moz hlưz hâu hnhar. Kror no uô trâu mê nhuôv niêv txir xar tsik txos viv tsuôk xar tiêk mê nhuôv trâus moz têx zav moz khâuz thuôk. Niêv tix Tẩn Lở Mẩy, lênhx mê nhuôv trâus moz no niêv puz pâuz:“Mê nhuôv moz tâuz hâu, ntuôr, cuz, nhoz tsêr mak muôz yuôx trâu mê nhuôv hâuk 2 hnuz lơưv, tuôx trâu Tsêr kho moz Đa khoa Bát Xát, đhâu co thiêz chox tuôx ntơưv no. Cux tsik pâuz tiêk mê nhuôv zuôr trâus moz li no”.

Nhoz kho moz đros C. T. L hâur khoa tsênhv yuôr 4-5 lênhx mê nhuôv txơưr đuô trâus moz iz zav li co, phênhv ntâu zos trâus moz hnhar tsuv xuôk mêir paz chiê uô paz.Tâu pâuz txix hâur hlik hli 4 txos nhiv no, muôx zuôr xar 20 lênhx nhuôs zâu trâus moz hlưz hâu tâu chox tuôx kho moz ntơưv Tsêr kho moz Sản Nhi tỉnh Lào Cai, 70% hâur chor no tsuv njiz trâus têx phiv liv lox tiv muôx moz. Lơưr bác sĩ Vũ Thị Hải Yến, Trưởng Khoa chơưv paz đas jos hâur tsêr kho moz, chor nênhs trâus moz hlưz hâu shông no phênhv ntâu zos tiv caz moz, tsik tâu pov muôx nênhs trâus moz hlưz hâu Nhật Bản. Trâus moz hlưz hâu mak tsuv pov nzor thiêz tsuv tâu chơưv kho ziv nzor mak ziv jông, têx thâuv tsênhv xav lơưr six hơưv xưz thiêx zuôr paz chơưv kho tâu jông siêz:“Zos tsik chơưv kho moz sêi mak zuôr njiz trâus têx phiv liv lox. Viv li oz shông lok no tsêr kho moz cux muôx têx tsưr ziv chơưv kho yiêz. Zos tiêk njuôk shuôk pov trâus moz hlưz hâu mak pêz zuôr chơưv kho ciês. Zos đhâu njuôk shuôk, pâuz tsênhz kror moz thiêz tsik trâus moz hnhar mak pêz zuôr chơưv kho iz zav, hok zos trâus moz hnhar mak pêz zuôr chơưv kho ciês lơưr Bôv Y têr têx tsưr ziv chơưv kho moz”.

Bác sĩ Vũ Thị Hải Yến hêik, chor uô niêv uô txir tsuv sêiz shuôk jông thâuv pov mê nhuôv muôx yưv têx tsik jông li: yênh lok sik muôx moz đros uô cuz, uô no tsuv chox ciês tuôx trâu têx qơư y têr chiê njuôk shuôk thiêz chơưv kho moz. Đuô li, tsuv cxax yuôx phax moz cxix cxuô, huv six hơưv trâu chor nhuôs zâu chiê paz phax tar tâu jông moz hlưz hâu./.

                                                                                                                TTTB-Lik Thox cxêik nhênhv