Hâur têx hnuz zuôr txos tsiêz têz qơưk, ciêz đrôngs hax huv nhoz Sơn La tsi yuô muôx kruô zuôr  txos

Niêv lâul Vũ Thị Hạnh nhoz phường Quyết Thắng, TP Sơn La, tỉnh Sơn La uô luôs hâux lưv muôs grêix ntơưv ciêz 7/11, TP Sơn La tưz 20 shông lok no. Taz sik, tsi yuô pov shông tưs jông xưk li shông no. Yuôr 2, 3 hnuz xưz tưz zuôr txos tsiêz têz qơưk, taz sik têx grêix cux muôs tsi tâu ntâu. Niêv lâul Hạnh heik pâuz, cxiê shông, têx hnuz zuôr txos tsiêz li no, iz hnuz puôr lênhx muôs tâu 200 cir grêix, phênhv ntâu zos sơưr đơưk zuôr uô grêix caz puôz, ntiv hnhur nzưv.....chiê nox tsiêz; taz sik shông no tsi yuô muôx nênhs zuôr txos ntâu grêix, niêv lâul tsuôk zuôr mê njik lol muôs xưz, muôs tas li chas mav zuôr li ntơư:“Shông no tsi yuô muôx kruô tuôx car ciêz zuôr huv, têx lênhx muôs huv tsơưs li pêz phênhv ntâu muôs tsi pôngz. Nzênh shông 2024, cur xar cov cxuô lênhx sơưr đơưk muôx luz nênhx jông đuô chiê paz pêz zuôr tâuk ntâu têx hax huv đuô”.

Nhoz têx ciêz đrôngs lox, txơưv muôx ntâu zav hax huv, gri truôx tuk; tsi tsơưs tsaz yênhx jông li: Txo grêk gri têx hax huv tâu chor doanh nghiệp fuô uô chiê cxiz lênhx nênhs sir zôngv, taz sik cux tsi yuô muôx lênhx nênhs tuôx zuôr txos. Tix lâus Bùi Văn Chiến, seiz car tsênhv qơư muôv muôs hax huv, TP Sơn La heik pâuz, viv kinh tế tsênhv txov nhêv, nhiv no tsi yuô muôx nênhs zuôr txos têx hax huv hâur ciêz đrôngs pir li têx shông uô ntêx; txix têx hax huv zuôr trâul txos li: Cxur, cuô đêx njêl njêr, mì chính.....txos trâu têx chơưr, zênhz gaz ntơưr....puôr lênhx muôs pôngz kênhz:“Chiê phưx vưv tsôngv box zuôr têx hax huv bax nox tsiêz, pêz tsênhv qơư tưz muôx tsưr ziv bax zuôr têx hax huv kuôk no 3 hlik lơưv, taz sik shông no cux tsi yuô muôx lênhx nênhs zuôr txos ntâu huv li cxiê shông. Txơưv Tsênhv qơư tưz muôx têx tsaz yênhx li: Txo grêk gri hax huv, paz max nzir nênhs sir zôngv, taz sik nhiv no cux tsi yuô muôx nênhs zuôr txos ntâu têx hax huv”.

Nhiv no têx tuz luôv, doanh nghiệp, nênhs zuôr muôs hax huv nhoz Sơn La tsênhv sir jos fuô uô têx tsaz yênhx jông, cxiz zuôr muôs, sir zôngv hax huv....; iz chas ntơư vav chiê siêz hâur têx hnuz zuôr txos, zuôr muôx ntâu tus chôngz lênhx nênhs zuôr txos ntâu đuô têx hax huv./.

Trấn Long-Riê Lâux cxeik, nhênhv

Nôngx mênhx Lai Châu chaz tsiêx cxu lok tu zus trâu guôx hâur têx hnuz ntux no njiv

Nhoz siêz 1 cxênhz 200 yiv pir đros niêv đêx hiêr, têx hnuz đhâu jêx tưv nhoz xã Tả Lèng, huyện Tam Đường, tỉnh Lai Châu txu grês kis, tưz uô zênhr shar txos tsôngv box luz nênhx, tsiv uô xênhz yar, tiv zix zos tu zus tsiêx cxu. Chiê por vêv paz tsiêx cxu, têx ziv chuôz zis tu zus tưz chaz tsiêx cxu lok cơư hâur guôx, zuôr ntâuz tax lok their cov jông thiêz txiêr jâuz cxênhx tsês, puz nox cxaz krâur chiê tsiêx cxu muôx đas jos phax tar no. Zơưv Zax A Chư nhoz jos Thèn Pả, xã Tả Lèng, huyện Tam Đường puz pâuz:“Mnôngs njuôs pov qiv hơưv ntux no njiv chuôz zis tưz txiêr jâuz trâu nhux, tiv oz zos cơư hâur guôx thiêz their guôx cov jông, trâur tơưs trâu tsiêx cxu ntê, cov taz por”

  Jos Phìn Ngan-Lao Chải, qơư nhoz siêz tiv zix xã Tả Lèng ntâu hnuz đhâu ntux pok huôz gi, njuôs xav uô zênhr shar txos kôngz nuv, tiv zix zos paz tsiêx cxu muôx zuôr xar 100 tul. Txos nhiv no tas nro paz tưv tso pêv têz, pêv har jôngr tưz tâu pox nhuôk lơưr lok thax tsav kis thiêz lơưr lok tsêr their ntâuz tax, trâur tơưs trâu nhux ntê. Tix lâuk Lù A Khoa, nhoz jos Phìn Ngan-Lao Chải xã Tả Lèng heik:       “Cur chuôz zis muôx 5 tl tưv, pâuz tiêk zuôr muôx jiês no njiv chuôz zis tưz lơưr tas nhux lok cơư. Cur pox niêv tưz muk hleik jâuz trâu nhux lơưv, cur mak zuôr ntâuz tax lok their guôx cov sor si, tsi chiê uô zênhr shar txos nhux li đas jos”

Huyện Tam Đường, tinh Lai Châu muôx ntâu xã li: Tả Lèng, Nùng Nàng, Giang Ma, Sơn Bình thiêz muôx qiv hơưv cheix ntux no lok six no njiv. Tas nro huyện muôx 38 cxênhz tul tsiêx cxu, hâur co nhux tưv nhux đas thiêz nênhk muôx zuôr xar 9 cxênhz tul. Txix ciês hâur cheix ntux no txos nhiv no huyện pov muôx ntâu jiês lok đâuk tê, uô zênhr shar lox txos kôngz nuv, hâur co muôx paz tsiêx cxu. Zơưv Hoàng Đình Quân, Giám đốc Tsênhv qơư jix vuv kôngz  nuv huyện Tam Đường, tỉnh Lai Châu puz pâuz: Txix qênhx shênhx txơưr txar, UB huyện tưz chox kriê têx xã, thị trấn yax six heik cán bộ muk jêx jos qênhz yuôx, tsi chiê tsôngv box tso tsiêx cxu pêv har jôngr; heik kriê tsôngv box muôx têx tsưr ziv phax tar ntux no cov muôx chêx cuk, txu grês têx trâus ruôr hiêv:“Têx chiz coaz chuyên môn tưz heiik UB têx xã cux xưk li pox nhuok muôx tsiêx cxu tsuv lơưr zuk li tsiêx cxu lok qơư kis thiêz cơư hâur guôx. Thôngx cxix vênhv tôngv pox nhuôk bax jâuz tâux, môngr krâur puz nhux nox; vêv xênhz guôx cơư, tsi uo zênhr shar txos tsiêx cxu li huôv tsar”

K.Kiên-Txâur Vax cxeik nhênhv