Tsôngv pêx xênhv nhoz thax tsav tox siêz tsuv txuôs đêx        

  “Pêz muôz trax zak zưr tok đêx pêv hâur đêx lok, đêx ntưs yênhx hnuz hmo, tsi xâur đêx”.

          Txơưv xâur đêx thiêz tsik xâur cux xưk iz zav, viv đros ntâu lênhx tsôngv box nhoz tox siêz, đêx thâuv tưs cux muôx pêv hâur đêx.

          Taz sik shông no tsi xưk li ntơư, yar ntux cuz sor truz ntêr hnuz uô ruôr hiêv txos ntâu luz hâur đêx đêx kruôr tas. Ntâu vênhv thix txơưr muôx yưv txix xênhz huôx txos tsiv uô kôngz nuv, hâux lưv tul tsi  tsuv muôx txâuk đêx. Pir li tix lâuk Chảo Láo Tả li qơư tu zus njês hồi nhoz jos Can Hồ B, xã Ngũ Chỉ Sơn, thị xã Sa Pa, tỉnh Lào Cai, njês tuôs ntâu đhâu têx jiês yar ntux cuz sor truz ntêr hnuz hâur ntu đhâu:“Ntux kruôr gis, đêx muôx lok six tsơưs, ntâu ziv chuôz zis zôngv uô cê iz hâur đêx viv li muôx ntâu jiês sik txênhz, đêx muôx tsi txâuk chiê tso trâu têx pas tu zus njês”.

          Lơưr zơưv Lử xênhv Shôngx, Chủ tịch Hội nôngx mênhx xã Ngũ Chỉ Sơn, thị xã Sa Pa, tsôngv box tox siêz li cêr cor cav sir zôngv đêx lơưr trơưk lơưr li siêz xar tưz muôx txix thâuv nzor, tsi zôngx ziv chiê hlôngr yiêz tâu:       “Zuôv lơưr uô mak tsi tâu, phênhv ntâu zos zuk vênhv tôngv lơưr cxênhx txuôk đêx, tsi uô lav phêv. Pir li ziv no txâuk đêx lơưv mak hlôngr trâu ziv txơưr, taz sik tsôngv box nhoz no tsênhv muôx cêr cor cav thiêz xar tiêk tưz zos zuk li hâur đêx mak tsi xar pheiz kênh, zôngv li chas mak zôngv xưz”.

          Sir zôngv đêx tsi huv đros iz phênhv cux uô yênhx cxênhz hecta blêx liêx nhoz Lào Cai trâus zênhr shar tiv ntux kruôr truz ntêr hnuz. Viv đêx muôx sâuv têx pas đêx liv hâur tas nro tỉnh shông no tsuôk tax fênhx pheiz 50-60% pir đros zoz qơưx, taz sik tsôngv box li cêr cor cav sir zôngv đêx mak tsênhv six fênhx xưk li têx shông tov ntêx. Zơưv Nguyễn Quang Ngọc, Chi cục tsar Chi cục đêx liv tỉnh Lào Cai puz pâuz:     “Pêz tưz chox kriê têx tuêv đêx liv nhoz têx tiv phaz cungz đêx cxênhx txuôk, huv đros, tsi uô lav phêv. Coaz tsôngv tiv zix zos cêr cor cav sir zôngv đêx tsuv cxơưz tiês hlôngr yiêz tsôngv box li siêz xar tsưr ziv co”.

          Lơưr zơưv Hồ Cao Khải, Giám đốc Sở tênhx qơư tỉnh Lào Cai: Njuôs xav ntu 2021-2030, ndar txos shông 2050 thiêx tâu Chính phuv tso tơưv thiêz dự thảo Chei tênhx qơư đêx (kho đuô) tsênhv tâu cxiv tsa zuôr zos têx kror coaz tsôngv chiê krêz uô muôx chêx cuk tênhx qơư đêx no:“Xar njôngr Chei kho đuô no zuôr muôx têx tsênhv tsênhz uô trơưk Chei tênhx qơư đêx shông 2012, cxaz nzir cơ chế, chêi xưv bluô, cxaz nzir pênhr huôv tsar đêx cov ngaz tul”.

          Zơưv Khải cux xar tiêk, đros iz tiv phaz nhoz hâur đêx li Lào Cai, ho muôx chôngz tsôngv box mênhx cxưx tsơưs nênhs nhoz uô nênhx, hâux lưv hlôngr yiêz jênhv pâuz trâu tsôngv box tiêk đêx lok six muôx tsiv grê, tsuv sik côngv tês cxênhx txuôk đêx zos luôs hâux lưv tsuv uô cov tâu truôx./.

                                                       (An Kiên-Txâur Vax cxeik nhênhv)

Lênhx Hôiv viên mênhx cxưx hmôngz txơưx uô kinh têr

Thắng zos tuk nhuôv nzơưs xênhz zus hâur iz ziv chuôz zis khưr uô kôngz, shông 2011, cơưv tiêr ntơưr cxênhx pêz ho lok zuôr pox niêv, shông 2014, Thắng tâu nhoz hâur Đảng, lơưr co tror muk cơưv ntơưv Tsêr cơưv Trung cấp Luật Thái Nguyên. Đhâu thâuv cơưv tiêr, shông 2019, Thắng oz niêv txir piz huôv tsar uô nox, txix pênhr nhiêx niêv thiêz txir tsês chiê zos 90 triệu đêiv. Xuz thơưx Thắng zuôr pêz tuk nhux đas lok tu zus cov tros, đhâu co tu zus nzir ntâu jux juk.

Shông 2020 tiv caz moz Covid-19 huôv xênhz phiv liv, ntus đriv tsuv cơưv trôngx, chor nhux, tưv muôs tsik tâu trâu saz đrâuv têz qơưk, Thắng hlôngr tu zus tưv sha mê nhuôv. Khov uô tâu jông txix tu zus tưv sha mê nhuôv, kinh têr chuôz zis ziv hnuz ziv huôv tsar, hâur ntu tu zus, Thắng cơưv shâuv chênhz zênhv thiêz sir zôngv kỹ thuật tu zus, uô jông têx tsưr ziv phax, tar caz moz ơưk, viv li chor nhux tưv hloz lox, huôv tsar jông. Nhiv no, Thắng chuôz zis têx guôx tu zus tưz muôx 2 tuk nhux đas, 3 tuk nênhl, 2 tuk niêv buô đros trâu 12 tuk buô muôs grêix, 16 tuk tưv sha mê nhuôv. Muôx têx ntu, hâur iz hli, muôs 20 tuk nhux, tưv trâu tuz luôv. Đhâu ntâu shông cxênhx txuôs, Thắng oz niêv txir tưz zuôr tâu yêz ô tô lox chiê thâux hax huv.

Đros têx ar têz hâur zuk thax tsav qơư nhoz, Thắng chos 1 héc ta ntâu tâux nxư chiê muôx txâuk jâuz trâu nhux, tưv nox. Txos chêix sâu blêx, Thắng muk trâu têx xar zuôr tsôngv box têx kuôr blêx lok tsês chiê uô zav nox trâu chor tsiêx cxu hâur chêix ntux no njiv. Đuô li, Thắng zus nzir buô, kêiz ol chiê paz trâu luz nênhx, paz muôx nzir phênhv sâu, hâur iz shông xav tas têx tsiêx tu zus muôs trâu tuz luôv, sâu tâu txix 200-300 triệu đêiv.

Iz chas huôv tsar cêr uô nox trâu chuôz zis, Thắng tsênhv sir jos đros uô têx huôx tôngv xar hôiv, sir jos sik côngv siêz, sik paz chiê paz trâu chor chuôz zis pluôs huôv tsar kinh têr, hlôngr yiêz luz nênhx. Ntâu shông sik lơưr liês, Thắng tâu hội Nôngx mênhx xar Mã Ba kruôk zos lênhx Nôngx mênhx txơưx uô nox. Shông 2021-2022, Thắng tâu Hội Nôngx mênhx huyện Hà Quảng côngz jênhv zos chuôz zis txơưx uô nox, kinh doanh hênhr.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc sik côngv đros Tsênhv qơư cxơưz cxiz uô kôngz Têz qơưk uô./.

Chiabiên soạn-Lik Thox cxêik nhênhv