Têx nziêk đas muôx luz nênhx hlôngr yiêz nhoz saz đrâuv ntus đriv

Phòng Cảnh sát Hình sự Công an tỉnh Tây Ninh puz pâuz, txix hâur shôngk shông txos nhiv no tưz txêik tâu chor chuôz zis nhoz sâuv thax tsav tỉnh muôx nênhs trâus nziêk đas muk trâu Campuchia uô lox tôngv, zuôv uô đaz uô tuôs li 21 ntâuz ntơưr hêik cov chơưv paz. Chor lox tôngv no zos xar tror lok Việt Nam mak tsuv muôz nhiêx txiêx thêv trâu chor nênhs saz đrâuv têz qơưk tso mav li tâu lok.

Lơưr iz cxiê chuôz zis, lơưr têx tuz nhuôs tưz jêik chuôz zis, chiv chir uô ntâuz ntơưr chiê muk trâu Campuchia uô hâux lưv trâu hâur Công ty Thiên Đường trò chơi. Chuôz zis tsuôk thav tâu đhâu điện thoại thiêz pâuz tiêk qơư zuk têx tuz nhuôs uô hâux lưv co cux muôx qơư nox nhoz, hok luz nênhx jông li chak mak pâuz tsik tâu. Cxơưx zos chor uô niêv uô txir li siêz xar cxuô thâuv txêik tâu chor mê nhuôv nhoz saz têz qơưk đrâuv hu tênhv lok hêik cov paz. Niêv tix Hồng, nhoz huyện Dương Minh Châu, tỉnh Tây Ninh puz pâuz, pov zuk niêv lok six khưr, niêv tix tuk nhuôv nxêik shông no nhiv kruôr muôx 17 shông, tưz nhiêx uô ntâuz ntơưr chiê muk trâu Campuchia uô hâux lưv xar nriêr nhiêx chiê paz trâu zuk niêv. Taz sik, nhiêx hli nhoz kror tưs tsik pov, tsuôk pov niêv tix nhiv no tsênhv zok nriêr nhiêx chiê chox mê nhuôv tror lok:

“Nhiv kruôr no nưk pov nưk chor fôngx zưs trâus ntâuk, chêv thiêz muôs trâu kror no, kror tor viv li lok six nyêi, tưz hu tênhv lok tiêk cov paz chox nưk tror lok trâu Việt Nam xưz”.

Nênhs trâus nziês đas muk uô lox tôngv trâu Campuchia

Tâu pâuz, ntu jê lok no qênhx shênhx pêx xênhv muk tsik zos chêi trâu têz qơưk Campuchia lok six phiv liv tiv zoz qơưx zok nriêr nênhs uô hâux lưv trâu têx casino nhoz Campuchia chuôz ndê. Đhâu chor mạng xar hội zalo, Facebook, Wechat… chor nênhs nhoz Campuchia tưz sâu xor mông xêir zuôr nênhs uô hâux lưv đros nhiêx hli siêz thiêz têx nhiêx txiêx muk lok tâu nênhs nhoz Campuchia thêv uô ntêx. Tix lâus Tùng nhoz huyện Gò Dầu, muôx mê nhuôv tsênhv uô lox tôngv ntơưv Campuchia cxơưx hlo:

“Nhiêx hli uô tâu mak tâu hêik pâuz tiêk tưz muôz xav tas trâu têx nhiêx nox, nhoz lơưv, iz hli tiêk tâu muôx 10 ntâu triệu taz sik ho txêik tsik tâu nhiêx hli hlo. Cur tuk nhuôv hêik tiêk trâus zuôv uô hâux lưv txix 10 six têik cik txos 10 six iz tas hmo, ntâu jiês đêx tưz tsik tâu hâuk thiêz”.

Đhâu nriêr pâuz, thâuv muk txos trâu Campuchia, zos tsưr công ty pov nênhs lox tôngv tsik xưk li lơưr zoz qơưx xêir zuôr mak zuôr muôs chor nênhs co trâu tsưr têx công ty txơưr đuô đros gri siêz đuô gri zuk zuôr uô ntêx co. Zos tiêk nênhs lox tôngv xar tror lok Việt Nam mak hu trâu chuôz zis xa nhiêx muk thêv tso thiêx tâu lok. Chor nênhs co hêik pâuz têx nhiêx txiêx zos 1.800 USD (bâuv li 40 triệu đêiv) chiê thêv chox zuk nênhs tror lok Việt Nam, hok tsik thêv mak zuôr muôs nênhs lox tôngv muk trâu têx công ty txơưr đuô, thâuv co mak têx nhiêx thêv tsênhv zuôr siêz đuô thiêz.

Nhiv no, Phòng Cảnh sát Hình sự Công an Tây Ninh tưz muôx ntâu kror huôx tôngv yax kriê txos trâu pêx xênhv pâuz txos hâux lưv: đhâu mạng xar hôiv chor nênhs fêv zuôr nziêk đas hêik tiêk muôx ntâu hâux lưv uô siz, nhiêx hli siêz ntơưv Campuchia, đros muôx nhiêx hli truôx tuk, tâu muôx 20 triệu đêiv ntâu iz hli; tsik tas nhiêx txiêx uô ntâuz ntơưr, tsik thav muôx txux chi uô hâux lưv, tsuôk zos pâuz ntâuk mêir… No tsênhv tsênhz zos têx xor mông mak chor nênhs tsênhv zok nriêr hâux lưv uô xar muôx tâu thiêz zuôr njiz trâus têx tsưr ziv nziêk đas no. Thượng tá Trần Minh Kiệt, Phưv trưởng Phòng An ninh đối ngoại Công an Tây Ninh puz pâuz:

“Công an Tây Ninh hêik trâu pêx xênhv pâuz tsik cxoz mnôngs trơưk têx nziêk đas tiêk muôx hâux lưv uô siz đros nhiêx hli siêz saz đrâuv luôs oz chas têz qơưk. Vav tiêk pox nhuôs sơưr đơưk zuôr tuôx trâu ntơưv têx qơư tâu têz qơưk tso chêi nriêr hâux lưv uô chiê tâu paz, por vêv thiêz muôx tâu qênhx liv jông”.

Tsênhv tsênhz, zoz qơư zok nriêr hâux lưv uô zos kror huv đros. Taz sik, pêx xênhv sơưr đơưk tsuv uô jông sêiz shuôk, nriêr pâuz chiê tsik trâus nziêk đas, zos yênhx chor nênhs trâu têx nênhs fêv nziêk đas chiê zuôr muôs lênhx nênhs. Kror no cux zuôr paz tuôr truôx tâu ngaz tuk xar hôiv ntơưv thax tsav qơư./.

(TTHCM-Lik Thox cxêik nhênhv)

 Faz tsưr ziv tưs taz por cxax yuôx vắc xin phax tar moz Covid-19 nhoz tox siêz Sơn La

Tênhv six hơưv, hnuz nhôngs cxax yuôx phax phôngz moz hnuz no đhâu hnuz tov zos têx chor canr bôv y tế phường Chiềng Lề, TP Sơn La tâu hnor heik hâur niêx hnuz. Txơưv tưz tsi so hu xor tôngx heik tsôngv pêx xênhv sơưr đơưk tuôx cxax cov trơưk li six hơưv, hnuz nhôngs tâu tênhv tsês, taz sik, muôx kênh lênhx lơưr tưz tsi mnôngs xor tôngx, têx lênhx mak heik li uz li no, muôx iz cxiê tus tênhv tuôx taz sik txos six cxax tsi pov kror tưs hlo. Y sỹ Cầm Thị Huyền, Phưv thơưx seiz car Y tế phường Chiềng Lề, TP Sơn La heik:

“Pêz njiz trâul lok six ntâu phiv liv hâur hu xor tôngx, pêx xênhv lơưr tênhv six hơưv tuôx cxax taz sik tsênhz tiês ho tsi tuôx, tsuv hu xor tôngx lok six ntâu jiês. Txos nhiv no cux tsi pâuz zuôr uô faz tsưr ziv tưs thiêx jông chiê pêz fuô uô luôs hâux lưv cxax yuôx phax phôngz moz gênhk”.

Cxax yuôx vắc xin trâu nênhs lâuk

Ntơưv qơư y tế phường Chiềng Cơi, txơưv têx yuôx vắc xin cux tsênhv yuôr taz sik chor nênhs tuôx cxax cux tsơưs hênhr. Têx lênhx nênhs tuôx cxax phênhv ntâu zos chor tưz trâul moz Covid-19 đhâu 3 luz hlik, nhiv no lơưr chiv chir tuôx cxax nzir côngz tiv 4 chiê muôx đas jos phax tir thêir moz xưz. Nhiv kruôr cxax yuôx tas ntơưv qơư y tế, zơưv Phan Văn Đạt heik pâuz:

“Đhâu thâuv cxax tas côngz tiv 3, cur trâul moz Covid-19. Thâuv txâuk six hơưv, hnuz nhôngs cxax trơưk li cơ quan y tế heik, cur tuôx cxax côngz tiv 4 chiê muôx nzir đas jos phax tir thêir moz Covid”.

Chiê cxiz sei six hơưv, hnuz nhôngs cxax yuôx phax phôngz moz trơưk li tsưr ziv tso tơưv, chor qơư y tế hâur thax tsav TP Sơn La tưz fuô lok six ntâu faz tsưr ziv, hâur co buôk ti heik kriê, vênhv tôngv, tso lênhx nênhs muk cxax ntơưv tsêr nhoz trâu chor nênhs tuôx tsi tâuk hâur qơư y tế li: Nênhs lâul tsi muôx đas jos, têx lênhx hu tsi tâu tuôx cxax. Pos Sa Thị Tuyển, nhoz phường Chiềng Cơi, TP Sơn La heik:

“Têx lênhx lâul nênhs li pêz, têx thâuv tưz muk tsi tâuk thiêz tâu chor canr bôv y tế moz siêz txos, lơưr gra yuôx tuôx cxax ciês ntơưv tsêr, pêz uô tsâus lok six ntâu”.

Luôs hâux lưv uô li heik sâuv tưz gra lok têx jông hâur cxiz sei six hơưv cxax yuôx phax phôngz moz gênhk. Taz sik, trơưk li pos Lù Thị Hoa, Phưv Gián đốc Tsênhv qơư y tế TP Sơn La, no cux zos tsưr ziv uô tax xưz, viv uô trơưk faz tsưr ziv no cux uô chor qơư  y tế muôx txâuk nênhs lês uô têx hâux lưv ntơưv qơư:

“Tsưr ziv yax kriê cux zos iz kro jông đuô hur si, yax kriê trâu pêx xênhv lok sâuv cxax yuôx vắc xin côngz tiv 3 li kror jông, cxax cxaz nzir chiê sơưr đơưk pâuz tsênhz thiêz bax tuôx têx qơư y tế cxax cxix cxuô, thâuv canr bôv y tế muk yênhx chuôz zis yax kriê li heik sâuv mak zuôr muôx chôngz lênhx ntâu tus mnôngs thiêz uô trơưk đuô”.

Txos nhiv no, chor nênhs txix 18 tror zar sâuv hâur tỉnh Sơn La cxax côngz tiv 3 nhiv kruôr tax 78%, côngz tiv 4 tax zuôr xar 24%. Nhiv no ntơưv qơư cux muôx zuôr xar 100 lênhx nênhs tsênhv nhoz chơưv kho moz Covid-19.

Lênhx tưs cux pâuz tsênhz, cxax nzir yuôx phax phôngz moz cux zos jông đuô hur si chiê txo grêk tsơưs tsi yuô trâul cik tâu têx caz moz. Chênhr viv li, tsôngv pêx xênhv sơưr đơưk tsuv gra siêz tsưr ziv jênhv pâuz, txơưx jênhv hâur cxax yuôx phax tar moz Covid-19, đhâu ntơư paz tsưx phưv đas jos trâu zuk, trâu chuôz zis thiêz côngv thôngx./.

(Lê Hạnh-Riê Lâux cxeik, nhênhv)