Hluôk nênhs Sơn La muôx ntâu tsưr ziv, dự án uô nox jông

Nhoz thax tsav qơư Ngọc Chiến, tix lâus Lường Văn Xiên, Phưv Bí thư Đoàn xar tưz cuêz tênhv kriz uô nox txix dự án “Huôv tsar cxiv luôs sinh thái du lịch Ngọc Chiến đros trâu uô kôngz nuv ngaz tuk”. Dự án tâu kriz uô thâuv Xiên đros chor hluôk nênhs ntơưv thax tsav qơư sik côngv yênhx lix HTX du lịch côngv thongx Ngọc Chiến trâu hli 7/2022.

Đhâu 2 shông huôx tôngv, dự án tưz paz huôv tsar têx kror liv, paz muôx têx hax huv du lịch yiêz mak cux tuôr tsês tâu têx kror jông lok chiv xênhz, vênhx huôv; cê gra siêz tsơưr lươngv têx hax huv du lịch, thôngx cxix, paz sâu zuôr muôs têx kôngz nuv trâu pox nhuôs, paz trâu tsôngv kruô tâu nriêr pâuz lok têx hax huv du lịch jông thiêz ngaz tuk. Tix lâus Lường Văn Xiên puz pâuz:

“Tsưr ziv uô no mak piz uô txix muôx têx chiv xênhz jông ntơưv Ngọc Chiến, đros qiv hơưv 4 chêix lax nziês yênhx shông, muôx yênhx cxênhz héc ta jôngr txir tuôz ziz, 18.000 héc ta jôngr chiv xênhz, muôx tuk đêx sor… lok six zôngx ziv chiê huôv tsar du lịch sinh thái, du lịch nhoz so. Viv li, cur cxiv tsa iz cxiv luôs sinh thái du lịch chiê paz muôx hâux lưv uô trâu chor hluôk nênhs cux xưk li pêx xênhv ntơưv thax tsav xar”.

Niêv tix Lìa Thị Vế, tuôx txix xar Chiềng Tương, huyện Yên Châu (Sơn La), muôx tsưr ziv uô nox txix dự án “Huôv tsar tsưr ziv tu zus chor kêiz đuz grêis tso vax”. Niêv tix Vế hêik pâuz, kêiz đuz grêis zos iz zav kêiz kaz grêix nhoz tox siêz Tây Bắc. đrâuv tsiv gri lok tsơưr pưr, chor kêiz no tsênhv muôx tsiv gri uô yuôx thiêz, đros siêz xar muôx tâu chor hax huv hur, ngaz tuk trâu ciêz đrrôngs, paz huôv tsar vênhx huôv zav nox jông nhoz têx tỉnh tox siêz Tây Bắc, Lìa Thị vế tưz cuêz tênhv kriz uô nox txix tsưr ziv no:

“Cur thax tsav qơư nhoz zos tsôngv box Hmôngz tưz zênhx tu zus chor kêiz đuz grêis no txix ntêr lok lơưv, muôx ntâu chênhz zênhv, muôx thax tsav đar chiê huôv tsar uô tsưr ziv no. Tiv zix, cur zos iz lênhx nênhs hluôk, zos iz lênhx đoàn viên mak cur zuôr sir zôngv CNTT chiê buôs ti đros tsôngv kruô, ciêz đrôngs. Thâuv kriz uô dự án no, cur xar cov muôx tâu hâux lưv uô thiêz phênhv sâu truôx trâu pox nhuôs”.

No zos 2 hâur 7 dự án, tsưr ziv uô nox jông cxaz chuôz chungz kết jiês thik “Tsưr ziv, dự án kriz uô nox hâur hluôk nênhs, shux xênhz  tỉnh Sơn La shông 2022”. Ntâuz tsưr ziv uô nox jông, jiês xuz thơưx ciês tâu kriz uô li: Uô têx zav paz plênhr uô khax txix cxax cưk, tsưr ziv chos ndêz bào ngư lok zos ndêz tơưr zax, huôv tsar du lịch côngv thôngx, nriêr pâuz lok tsôngv box Hmôngz li vênhx huôv ntơưv thax tsav qơư đros trâu huôv tsar iz cxiê hâux lưv uô cxôngx nzor.

No zos shông tiv 5 tsik so, jiês thik tưr tâu tsưr tsix, zaz zâuv chor hluôk nênhs cxuô mênhx cxưx Sơn La li yênhx puô tsưr ziv uô nox, dự án cxaz chuôz thik tưr. Chuôs li chor tsưr ziv uô nox no puôr lênhx tâu piz uô txix huôv tsar têx kror liv muôx nhoz thax tsav Sơn La, tox siêz Tây Bắc. Jiês thik tưr zos iz hâur têx huôx tôngv paz thơưz, huôv tsar phongz yaox sir jos uô nox, hlôngr yiêz xar tơưv thiêz huôx tôngv nhênhz chơưv khoa học hâur hluôk nênhs thiêz shux xênhz; paz trâu chor hluôk nênhs uô tâu zuk têx tsưr ziv, siêz xar hâur huôv tsar uô nox. Tix lâus Nguyễn Duy Dũng, Phưv Bí thư Thường trực Tỉnh đoàn, Chủ tịch Hôiv Liên hiệp hluôk nênhs Việt Nam tỉnh Sơn La hêik pâuz:

“Jiês thik tưr no muôx tsiv gri lox trâu chor hluôk nênhs Sơn La hâur hâux lưv sir jos uô nox. Pêz paz hêik pâuz chiê paz trâu chor hluôk nênhs txix tsưr ziv txos trâu tsênhv tsênhz; paz buôs ti tâu chor pênhr txêik nhiêx liv kik; tâu chor nênhs nhênhz chơưv hêik pâuz, têx tsưr ziv hlôngr yiêz sôr…”.

Ndaz ndơưv jiês no, Tỉnh đoàn Sơn La thiêz Zênhx hangx tsênhv chêi xar hôiv tỉnh tưz khơưk muôz pênhr txêik trâu chor hluôk nênhs li 5 dự án, tsưr ziv xar tơưv uô nox jông, iz dự án 100 triệu đêiv. Txix no, chor hluôk nênhs li ntâu tsưr ziv huôv tsar uô nox zuôr tâu kriz uô đêz đar; paz trâu chor hluôk nênhs kriz uô nox tâu ciês sâuv zuk thax tsav qơư nhoz./.

(Lê Hạnh-Lik Thox cxêik nhênhv)