Zaoz thôngz krêz dar huôv tsar trâu têx jêx jos nhoz Lai Châu

          Sâuv txox cêr bê tông jông txix tuêv jênhv phố Sáy San 3, phường Tân Phong txuôk đros cêr muk chênhr Nội Bài-Lào Cai, tix lâuk Juôs Xênhv Thox đros pox niêv tsênhv thâux poz cưk muk ciêz. Đrês yêz tov cêr, tix lâuk Juôs shir phaz pheiz kênh, txix thâuv cêr tâu krêz uô đar lox txuôk Lai Châu đros cêr muk chênhr Nội Bài-Lào Cai, tix lâuk thiêz pox nhuôk hâur jos li hâux lưv muk lok, thâux hax huv tâu zôngx ziv đuô lok six ntâu.

          “Tâu têz qơưk paz uô cêr, tsôngv box muk lok zôngx ziv, muôv muôs hax huv cux zôngx ziv thiêz luz nênhx jông đuô tuôx. Thâuv ntêx muk đrav ciêz tsuv pôngz 1 six hơưv, nhiv no muk tsuôk pôngz 15 phênhz. Nhiv no cêr lox đar, pox nhuôk hâur jos lênhx tưs cux shir phaz”.

          Cêr txuôk tsênhv qơư tỉnh Lai Châu  đros cêr muk chênhr Nội Bài-Lào Cai ntêr zuôr xar 15 cei cêr, tâu krêz côngz uô txix kaz shông 2021, njuôs xav uô tiêr lok shông 2025. Thâuv chox lok sir zôngv, cêr zuôr txuôk Lai Châu đros têx cêr muk chênhr têz qơưk, txu grês six hơưv muk lok, nhiêx txiêx thâux hax huv thiêz krêz đar hâux lưv muôv muos đros têx tsênhv qơư kinh têr thax tsav Tây Bắc cux xưk li niêv tiêx đras Bắc Bộ. Zơưv Hoàng Phi Hùng, Phưv Chủ tịch UB xã Mường Than puz pâuz, cêr txuôk Lai Châu đros cêr Nội bài-Lào Cai ntu đhâu thax tsav ntêr 14 cei cêr ntâu. Chính quyênx xã cux tưz cxiv tsa tsưr ziv, đề án chiê krêz uô cêr, paz têx jêx jos qơư muôx cêr muk đhâu sir jos huôv tsar KTXH.

          “Cêr muk chênhr Nội Bài-Lào Cai txuôk đros tỉnh Lai Châu zos côngz tsinhx muôx ziz njiêz coaz tsôngv đros xã Mường Than. Cêr muk đhâu thax tsav xã tsi taz txu grês six hơưv muk txix Lai Châu txos xã Mường Than đros têx thax tsav niêv tiêx đras Bắc Bộ, mak tsênhv krêz đar hâux lưv huôv tsar, yưv pênhr uô ju lix đros xã Mường Than”.

          Nghị quyết Đại hội Đảng bộ tỉnh Lai Châu jiês tiv 14, six cxiv 2020-2025 xav tênhv cxiv tsa zaoz thôngz cxuô zav zos jênhv vưv zov chênhr. Chiê uô Nghị quyết no, ntu đhâu Lai Châu tưz huiz tôngv tas nro têx pênhr jos, chêx chôngk yưv pênhr uô cxuô zav yiêz jông, muôx chêx cuk thiêz truôx tul. Txos nhiv no, tiv phaz tưz muôx 7 cxênhz 200 cei cêr ar, chuôz ndê 150 cei cêr pir đros shông 2020; 100% xã muôx cêr yêz muk txos tsênhv qơư, zuôr xar 100% jêx jos muôx cêr yêz meir, ô tô muk lok tâu jông hâur yênhx shông. Zơưv Tạ Đức Hùng, Phưv giám đốc Sở cxiv tsa tỉnh Lai Châu puz pâuz, đros txox cêr txuôk Lai Châu đros cêr muk chênhr Nội Bài-Lào Cai, ntâu dự án txơưr cux tsênhv tâu krêz uô, pir li cêr kror ar Hoàng Liên txuôk Lai Châu đros Sa Pa (Lào Cai). Dự án no njuôs xav krêz côngz uô hâur hli 11/2025; thâuv uô tiêr zuôr txu grês cêr muk đhâu đơưv Ô Quý Hồ 20 cei, txu grês six hơưv muk lok txix 1 six hơưv tsuôk yuôr 11 phênhz.

          “Phuôx huiz têx chêx cuk tưz tax tâu hâur ntu 2020-2025, Sở zuôr tror heik UB tỉnh, Bộ cxiv tsa chêx chôngk têx pênhr jos chiê uô uô cê, muôx chêx cuk têx dự án huôv tsar zaoz thôngz cxuô zav”.

          Txix tsênhv qơư tỉnh txos têx jêx jos tox siêz, têx txox cêr yiêz tsênhv paz uô hlôngr yiêz luz nênhx nhoz tox siêz Lai Châu. Krêz cêr txos tưs, tênhv tênhz, tsêr cơưv, trạm y tế muôx txos co; tsiv uô hax huv, ju lix côngv thôngx cux jux jus hlôngr yiêz. Zaoz thôngz tsênhv paz krêz cêr chiê huôv tsar têx jêx jos tox siêz nhoz no. Thâuv têx côngz tsinhx, dự án zaoz thôngz uô tiêr tsi taz paz têx thax tsav siz jê đuô mak tsênhv paz uô tâu tsôngv box têx mênhx cxưx nhoz tiv phaz li siêz xar njôngr lok iz luz nênhx hlôngr yiêz thiêz huôv tsar truôx tul đuô./.

(Khắc Kiên-Txâur Vax cxeik nhênhv)

Chuôz tsar đas jos trâu tsiêx tu zus thâuv ntux txơưr txar

1.Tu jông têx tsiêx cxu

Qơư tu zus huv đros têx tsiêx, taz por txâuk sor taz sik cux tsuv lax nziês, hur si. Tu zus huv đros, lar heik zos qơư zus têx mê nhux mêx tưv,  nhuov keiz ok. Zôngv kê tênhz tơưk sor trâu tsiêx cxu mak jông đuô; thâuv trâur tơưk, xuô blêx, hmôngr ntông tsuv muôx tok trax tso pa nqo trâu saz đrâuv, tsi chiê pa nqo trâu hâur qơư tu zus thiêx tsi uô ruôr hiêv txos tsiêx cxu đas jos.

Muôx txâuk jâuz krâur trâu nox. Lar heik zos chor tsiêx lox li: Nhux tưv, yis, nênhk, zôngx ziv muôx tsi txâuk jâuz nox viv cheix ntux no, têx đrox tsuôs, tâux kênhz tsi hlar. Chênhr zos li heik co, lênhx nênhs tu zus tsuv chos tâux, bax tsês têx kuôr  blêx, flâuz cưk, muôz jâuz tâux vâuv kâuz trâu nhux tưv tâu nox.

Đros thiêz tsiêx cxu tu zus tso lok yar lok sik zus seiz:

Hâur têx hnuz lok nas lok sik no njiv, sơưr đơưk tsi tâu tso tsiêx cxu muk nox jâuz, ndis ntơưv têx, taz sik qơư tu zus tsuv txâuk trâu tsiêx cxu nhoz, ndis muk lol.

Lok sâuv têx keiz: Tsuv xor thêir qơư, tso hâur vax đhâu thâuv keiz muôx 35 hnuz, thiêz six hơưv tso keiz ndis uô si zos txix 9 six  zar tas cik txos 4 six zar zuôr tsâuk ntux hâur têx hnuz tsi lok nas ntơư xưz.

Têx tsiêx lox mak sơưr đơưk tso trâu thâuv sor sơưr, txix 8 six zar tas cik txos 4 six zar zuôr tsâuk ntux nox jâuz ntơưv têx hâur chor hnuz tsi lok nas. Tsi tas li, sơưr đơưk tsuv tso tsiêx nox jâuz ntơưv têx qơư zôngx ziv muk lol chiê thâuv tưs lok nas, muôx chuô lox thiêx lơưr, chaz tâu sei lok cơư, tsi tâu tso trâu têx qơư nxaz tox, jê ntus cưx đês cưx ha. Zos têx hnuz no njiv mak tsuv muôz têx khâuz pav kuz, trik yo kuz tsi hnar ntơư vor nhux tưv đrâuz kâuv, lar heik zos têx tsiêx tsi yuô muôx jos, mê nhuôv nhux mê nhuôv tưv. Iz chas ntơư, thâuv tso nhux tưv muk nox jâuz cux tsuv muôx nênhs seiz chiê bax phax trâu thâuv muôx yưv têx tsi jông.

2.Vêv xênhz, phax tar moz ơưk

Tu zus jông trơưk cui tinhv truôx tuk, kuôk cêv, phax jông tsi chiê cik tâu moz ơưk saz đrâuv lok hâur qơư tu zus thiêz saz hâur trâu saz đrâuv. Uô qơư cơư têx tus tsiêx nhiv kruôr zuôr lok nưk nhoz nưk iz kro. Zuôr têx tus nôngz tsiêx txix qơư truôx tuk, tsi muôx moz ơưk huôv xênhz thiêz cêv tso nưk nhoz nưk iz kro tsơưs tsơưs 14 hnuz. Tsơưs tso nênhs ndis muk lol hâur qơư tu zus, thâuv tưs muk trâu qơư zus tsiêx cxu tsuv hnar tril yo por hưv lox tôngv taz por vêv xênhz hâur qơư tu zus. Qênhz shuôs jông têx yêz fax thâux, chuôz zênhx, đaz nox jâuz, đêx hâuk, jâuz krâur uz no hur si.

Vêv xênhz, qêz suô, nzuôr hur si qơư tu zus đu lus, yêz fax thâux, chuôz zênhx phưx vưv tu zus zos iz kro jông trâu huôv tsar tu zus truôx tuk; uô hur si li co zuôr paz txo grêk tsơưs 80% ntâu têx caz moz ơưk huôv xênhz ntơưv qơư tu zus.

Tsi tas li, tsuôs yuôx tuô lov caz moz ơưk tsi so cux zos iz kro jông trâu tu zus truôx tuk, lar heik zos têx jiês vêv xênhz uô ntêx co.

3.Phax phôngz moz ơưk txix yuôx vắc xin thiêz muôz nzir têx yuôx cxaz đas jos puz tsiêx cxu

Bax cxax yuôx vắc xin phax phôngz moz ơưk trơưk cui tinhv lok sik trơưk li cơ quan kho moz tsiêx cxu heik kriê.

Muôz nzir têx yuôx cxaz đas jos puz tsiêx tsi so trơưk cui tinhv lok sik thâuv muôx têx tsi yuô jông yưv siv chiê tsiêx tu zus muôx nzir đas jos phax tir thêir moz ơưk. Tsi so moz siêz seiz shuôs njôngr têx tsiêx tu zus chiê nzor qênhz pov, chêik têx tus tsiêx muôx moz, tsi yuô muôx đas jos tso nưk nhoz nưk iz kro, chơưv kho moz.

Thanh Thủy-Riê Lâux cxeik, nhênhv