Yuôx tâu muôs ntâu trâu têx qơư muôs hax huv ntơưv ciêz tox siêz Lào Cai

          Ciêz Sín Chéng, huyện Si Ma Cai, tỉnh Lào Cai zos luz ciêz lox tâu krêz lok hnuz thứ 4 yênhx ciêz. Ntơưv no, đros cxuô zav hax huv tâu muôv muôs, muôx têx siv huv zos yuôx thiêz tâu muôs lơưr iz tsưr ziv txơưr.

          Lơưr seiz shuôk, têx zav yuôx no muôx yuôx kho nôngk, kho moz suôz, kho moz khâuk tơưr greix, yuôx kháng sinh; têx zav plênhr uô jông gâux, yuôx chuôz cxaz đas jos, yuôx kho moz trâu tsiêx cxu keiz ok, yuôx đrox tsuôk....tas nro puôr lênhx tâu piêr muôs sâuv têx qơư muôv muôs hax huv. Nênhs zuôr yuôx cux tsi zuôr muôx ntơưr zuôr yuôx, chiv chir xeir tsuôk li muk têx siêu thị zuôr hax huv. Tix lâuk Shôngx A Vư, tuôr iz huv yuôx sâuv tês lo ntơưr Suôr nhiv kruôr zuôr tâu lok pheiz kênh:   “Cur zuôr chiê zôngv xưz, zôngv li chas, qơư tsiv uô yuôx nhoz tưs mak zuk tsi pâuz, tsuôk tuôx ntơưv qơư muôs luôv no pov mak zuôr xưz”.

          Yuôr nênhs muôs, puôr lênhx zos muôs lơưr chênhz zênhv thiêz cêr cor cav muôs hax huv xưz. Niêv lâuk Shôngx Thị May, tsưr iz qơư muôs yuôx nhoz ciêz Sín Chéng heik:“Zos cuk nôngk, zuk moz gênhs, zuk zôngv mak jông thiêx li zuôr lok chiê muôs trâu kruô. Viv zuk tưz hâuk lơưv tsi uô li chas thiêx li car zuôr lok muôs. Zuk tsi zôngv uô ntêx mak tsi car muôs trâu kruô”

          Yuôx zos iz zav hax huv muôv muôs tsuv tâu tso chei. Hâux lưv muôs yuôx, tsuv uô jông lok chuôz zênhx por coar, lênhx nênhs muôs tsuv muôx chuyên môn....Viv li, hâux lưv piêr muôs yuôx ntâu tsuôk li muôs tês jâuz tov ciêz zos tsi trơưk cui tênhv, njuôs xav zuôr uô zênhr shar txos tsôngv box li đas jos zos hâuk tsi huv yuôx.    Lơưr zơưv Đinh Đức Trung- Phưv tuêv tsar tuêv coar lik niêv ciêz số 3, Cục coar lik niêv ciêz tỉnh Lào Cai, têx lênhx nênhs muôv muôs yuôx ntơưv ciêz phênhv ntâu zos tsôngv box tiv phaz, tsi muôx ntâuz ntơur tso chei muôs yuôx. Txơưv têx lưx lươngv tưz qênhz yuôx, yax mông, taz sik tsôngv box tox siêz li jênhv pâuz tsênhv kis thiêz muôx cêr cor cav muôs zuôr yuôx ntơưv têx ciêz lok zôngv txix ntêr lok no, viv li lok six lax chiê car chêx txos qơư:“Chor cán bộ công chức mak tsơus, thâuv muk qênhz yuôx sâu tsês chor yuôx tos tov no mak tos tov kaz tưz gra yuôx khiêr lơưv, lok six lax thâuv qênhz yuôx. Muôx têx thâuv tsôngv box tsênhv tsi thôngx ziv đros cán bộ li hâux lưv uô, sik txênhz hax huv chiê chox muk jeik”

          Thôngz sâu tso pov, hâur têx shông đhâu, ntơưv thax tsav Si Ma Cai, lưx lươngv coar lik niêv ciêz tưz ntês tâu 2 txuz, sâu tâu zuôr xar 700 huv yuôx tsi pâuz tsênhz qơư tsiv uô tâu muôv muôs ntơưv ciêz./.

(An Kiên-Minh lê-Txâur Vax cxeik nhênhv)

Gia Lai: Tsênhv chei nhiêx txiêx paz tsôngv box heir nênhs tsơưs hla đhâu txov nhêv

Tix lâus Rơ Châm Tích chuôz zis, zos iz hâur têx chuôz zis nhoz jok Lung Prông, xã Ia Kriêng, huyện Đức Cơ tưz hlôngr yiêz luz nênhx đhâu tâu buôk ti txos têx tsênhv chei nhiêx txiêx. Txix iz ziv chuôz zis lok six txov nhêv, tưz hla đhâu cêr pluôs, cxiv kho, muôx tâu vax tsêr jông đros luôs nhoz. Tix lâus Rơ Châm Tích, heik pâuz li no:“Txix thâuv buôk ti txos tsêr nhiêx tsênhv chei li têx pênhr tso txeik, cur chuôz zis tưz nhoz khênhr lok six ntâu, paz muôx nhiêx txiêx zuôr qir, ntiêr nênhs tu têx tsoz điều, cà phê. Thâuv tsi tâu buôk ti txos chor pênhr txeik no mak txov nhêv cơưk, hâur shông 2017 cur chos cà phê, tov kaz ntơư chos điều, uô tâu trơưk tsưr ziv xar, muôx phênhv sâu truôx”.

Niêv lâul Kpă H’nen nhoz jok 9, thị trấn Phú Thiện cxiv tsa chuôz zis đros thiêz 1.800 xưv phaz liêx đêx niêv txir pheiz. Viv têx liêx têz tsơưs, txơưv 2 niêv txir sir jos khưr, taz sik cux txov nhêv, tsuv cxơưx iz pluôk nox jux juk hâur niêx hnuz. Khov têx cưr tix nênhx tsa sơưr đơưk hâur, hâu nov ntơưv qơư paz, niêv lâul 2 niêv txir tâu kêr txeik 30 tsov đeiv txix Phongx Giao dịch tsêr nhiêx tsênhv chei xã hội huyện, niêv lâul tưz zuôr nzir ar liêx têz, chos mos. Niêv lâul Kpă H’nen heik pâuz, txos nhiv no chuôz zis tưz thêv tas têx nux grik, luz nênhx cux truôx tuk đuô:“Thâuv ntêx chuôz zis lok six txov nhêv, thâuv cur tâu kêr txeik têx pênhr nhiêx têz qơưk lol huôv tsar uô nox, cur luz nênhx nhiv no tưz nhoz khênhr đuô lok six ntâu lơưv”.

Trơưk li tsêr nhiêx Tsênhv chei xã hội tỉnh Gia Lai, taz viv tưz fuô uô tâu 17 tsaz yênhx tso tsôngv pêx xênhv sơưr đơưk kêr txeik têx pênhr nhiêx tax 16.800 tyv đeiv, txos hli 9 shông no têx nhiêx muôz tâu pêx xênhv kêr txeik zos tax zuôr xar 5.800 tyv đeiv, muôx nhos 400 cxênhz chuôz zis txeik chiê huôv tsar uô nox uô hnar, paz uô têz qơưk tsaz yênhx txo grêk cêr pluôs, cxiv tsa jêx jok yiêz hâur thax tsav. Zơưv Lê Văn Trí, Giám đốc Tsêr nhiêx Tsênhv chei Xã hội tỉnh Gia Lai heik pâuz, hâur ntu zuôr txos, taz viv taz por 100% nênhs pluôs thiêz têx lênhx tâu sơưv têz qơưk têx chei paz tâu buôk ti txos chor pênhr txeik zuôr nhiêx nju tsơưs co, reik đros ntơưv qơư têx tsưr ziv hlôngr yiêz huôv tsar uô nox thiêz cxiv tsa jêx jok yiêz:“Hâur 20 shông fuô uô Nghị định 78 tưz khav tinhv tâu luôs hâux lưv tsưr tsix thiêz seiz car têx pênhr tso txeik co tâu trơưk li tsưr ziv xar. Tsêr nhiêx tsênhv chei xã hội tỉnh Gia Lai đros cxuô sở, ngênhx chiê muôz têx pênhr txeik txos lênhx nênhs tâu sơưv, paz nênhs pluôs thiêz têx lênhx tâu sơưv têz qơưk li chei paz txơưr đuô huôv tsar uô nox uô hâuk, truôx tuk luz nênhx”.

Nhiv no, Gia Lai muôx 91 xã uô tâu luôs hâux lưv cxiv tsa jêx jok yiêz, taz sik 46% ntâu jênh sôr zos tsôngv box heir nênhs tsơưs, luz nênhx, kinh tế tsênhv yuôr ntâu txov nhêv. Đros trâu têx tsênhv tsênhz co, pênhr nhiêx tsênhv chei cux tsênhv zos qơư chuôz jos jông, paz cxuô jêx jok muôx nzir pênhr huôv tsar uô nox uô hnar. Têx tsưr tsix hội, đoanx thêv lênhk nhav paz kêr txeik, tsi tiêk gra têx pênhr nhiêx txos trâu lênhx nênhs txov nhêv, muôx zoz qơưx txeik, tsênhv paz pêx xênhv pâuz tsưr ziv uô nox, sik pheiz kênh phiv liv, cêr txov thiêz./.

(Hoàng Qui VOVTN-Riê Lâux cxeik, nhênhv)