Tsôngv pêx xênhv, doanh nghiệp cxênhx txuôs tênhv chiê txo grêk tsơưs nhiêx txiêx thêv

Txix hâur hlik hli 5 txos nhiv no, hâur thax tsav tỉnh Sơn La muôx têx jiês yar ntux cuz sor hênhr, đros co zos sir zôngv tênhv tênhz, lar heik ntâu chuôz zis zôngv ntâu têx meir nzuôx chuô. No cux zos ntu tâu cxiv kho tsar ndê gri tênhv, zos iz hâur têx qir tiv uô nhiêx thêv tênhv tênhz muôx têx tsar ndê. Niêv lâul Bùi Phương Hồng, nhoz TP Sơn La heik:“Pêz tsơưs sir zôngv ntâu txos têx chuôz zênhx tênhv thâuv luz six hơưv sơưr đơưk khênhr zôngv ntâu tênhv; hok têx chuôz zênhx tênhv tsi zov chênhr mak pêz  ro hur si tsi njiê tênhv. Thâuv hmo ntux zos sor hênhr, pêz zuôr krêz kror trêi chiê muôx chuô saz đrâuv lok xưz, tsi zôngv tênhv, qêz suô hur si vax tsêr, qơư uô hâux lưv cov lax…chiê cxênhx txuôs tênhv, cxênhx txuôs chuôz zis têx nhiêx txiêx thêv tênhv tênhz”.

Ntơưv Xí nghiệp tsiv uô khâu Phù Yên, Công ty uô khâu Ngọc Hà, huyện Phù Yên (Sơn La), muôx 05 qơư uô hâux lưv tưz uô nuv tsi so hlo hâur hli 5 chiê tsiv uô têx khâu tâu trơưk li chor tuz luôv têz qơưk Ấn Độ đas cir zuôr. Jông siêz, thôngx ziv đros cxênhx txuôs tênhv, chor công nhân uô hâux lưv lơưr tưz txuôs tênhv, tsi tơưk hâur niêx hnuz. Hlôngr trâu co zos, tus tưs jâuv nhoz jê kror trêi mak tsi sir zôngv tênhv, tuô hur si tênhv ntơưv têx qơư tsi uô hâux lưv; hok têx qơư uô nuv tsi yuô sor hênhr mak tsi sir zôngv meir nzuô chuô… Zơưv Bùi Mạnh Dũng, Giám đốc Xí nghiệp heik pâuz, co zos tsưr ziv chiê doanh nghiệp cxênhx txuôs huv đros hâur ntu cuz sor thiêz tsi yuô muôx txâuk tênhv sir zôngv li nhiv no:“Pêz xav tinhv, co zos tsưr ziv cê paz ngênhx tênhv tênhz đơưk thiêz pheiz kênh têx phiv liv, cux iz zav li paz trâu zuk txo grêk tsơưs têx nhiêx txiêx thêv tênhv hâur ntu uô hâux lưv, lax luôv. Chênhr viv li, công ty muôx tsưr ziv tsênhv tsênhz qênhz shuôs, phênhz đuô têx nuv uô, txo grêk chor hâux lưv tsi yuô zov chênhr, zuôr meir phưx vưv uô hâux lưv, tsar ndê xiv huv jông….”.

Zơưv Đinh Văn Minh, tsar phongx lax luôv, Công ty tênhv tênhz Sơn La heik pâuz: Ngênhx tưz sir jos yax kriê sâuv têx qơư yax xa mông txos trâu kruô, pêx xênhv hâur niêx hnuz lok qênhx shênhx côngz tênhv hâur shông 2023, chiê chor tsưr tsix, cơ quan, doanh nghiệp thiêz pêx xênhv pâuz, sik đros cxênhx txuôs tênhv:“Tsưr ziv công ty moz siêz txos hâur yax kriê zos, piêr kriê têx chuôz zênhx jông paz max kruô njuôk tâu têx tênhv zuk sir zôngv, txix ntơư zôngv tênhv huv đros. Iz chas co, kriê cxaz têx tsưr ziv yuôr trâul trâu canr bôv, chor nênhs lês uô luôs hâux lưv no chiê zênhx max paz kruô, kriê kruô. Đhâu co cux uô trâu chôngz lênhx ntâu tus pâuz txos thiêz đros cxênhx txuôs tênhv”.

Trơưk li cơ quan njuôk ntux yar ntux nas, muôx têx yar ntux tsênhv zuôr tror cuz sor hâur têx luz hlik zuôr txos, Công ty tênhv tênhz Sơn La tưz bax cxiv uô tsưr ziv tso tênhv huv đros cov muôx txâuk tênhv tênhz trâu sơưr đơưk sir zôngv./.

                                                                  Lê Hạnh-Riê Lâux cxeik, nhênhv

Tsôngv pêx xênhv nhoz thax tsav tox siêz tsuv txuôs đêx

  “Pêz muôz trax zak zưr tok đêx pêv hâur đêx lok, đêx ntưs yênhx hnuz hmo, tsi xâur đêx”.

          Txơưv xâur đêx thiêz tsik xâur cux xưk iz zav, viv đros ntâu lênhx tsôngv box nhoz tox siêz, đêx thâuv tưs cux muôx pêv hâur đêx.

          Taz sik shông no tsi xưk li ntơư, yar ntux cuz sor truz ntêr hnuz uô ruôr hiêv txos ntâu luz hâur đêx đêx kruôr tas. Ntâu vênhv thix txơưr muôx yưv txix xênhz huôx txos tsiv uô kôngz nuv, hâux lưv tul tsi  tsuv muôx txâuk đêx. Pir li tix lâuk Chảo Láo Tả li qơư tu zus njês hồi nhoz jos Can Hồ B, xã Ngũ Chỉ Sơn, thị xã Sa Pa, tỉnh Lào Cai, njês tuôs ntâu đhâu têx jiês yar ntux cuz sor truz ntêr hnuz hâur ntu đhâu:“Ntux kruôr gis, đêx muôx lok six tsơưs, ntâu ziv chuôz zis zôngv uô cê iz hâur đêx viv li muôx ntâu jiês sik txênhz, đêx muôx tsi txâuk chiê tso trâu têx pas tu zus njês”.

          Lơưr zơưv Lử xênhv Shôngx, Chủ tịch Hội nôngx mênhx xã Ngũ Chỉ Sơn, thị xã Sa Pa, tsôngv box tox siêz li cêr cor cav sir zôngv đêx lơưr trơưk lơưr li siêz xar tưz muôx txix thâuv nzor, tsi zôngx ziv chiê hlôngr yiêz tâu:       “Zuôv lơưr uô mak tsi tâu, phênhv ntâu zos zuk vênhv tôngv lơưr cxênhx txuôk đêx, tsi uô lav phêv. Pir li ziv no txâuk đêx lơưv mak hlôngr trâu ziv txơưr, taz sik tsôngv box nhoz no tsênhv muôx cêr cor cav thiêz xar tiêk tưz zos zuk li hâur đêx mak tsi xar pheiz kênh, zôngv li chas mak zôngv xưz”.

          Sir zôngv đêx tsi huv đros iz phênhv cux uô yênhx cxênhz hecta blêx liêx nhoz Lào Cai trâus zênhr shar tiv ntux kruôr truz ntêr hnuz. Viv đêx muôx sâuv têx pas đêx liv hâur tas nro tỉnh shông no tsuôk tax fênhx pheiz 50-60% pir đros zoz qơưx, taz sik tsôngv box li cêr cor cav sir zôngv đêx mak tsênhv six fênhx xưk li têx shông tov ntêx. Zơưv Nguyễn Quang Ngọc, Chi cục tsar Chi cục đêx liv tỉnh Lào Cai puz pâuz:     “Pêz tưz chox kriê têx tuêv đêx liv nhoz têx tiv phaz cungz đêx cxênhx txuôk, huv đros, tsi uô lav phêv. Coaz tsôngv tiv zix zos cêr cor cav sir zôngv đêx tsuv cxơưz tiês hlôngr yiêz tsôngv box li siêz xar tsưr ziv co”.

          Lơưr zơưv Hồ Cao Khải, Giám đốc Sở tênhx qơư tỉnh Lào Cai: Njuôs xav ntu 2021-2030, ndar txos shông 2050 thiêx tâu Chính phuv tso tơưv thiêz dự thảo Chei tênhx qơư đêx (kho đuô) tsênhv tâu cxiv tsa zuôr zos têx kror coaz tsôngv chiê krêz uô muôx chêx cuk tênhx qơư đêx no:“Xar njôngr Chei kho đuô no zuôr muôx têx tsênhv tsênhz uô trơưk Chei tênhx qơư đêx shông 2012, cxaz nzir cơ chế, chêi xưv bluô, cxaz nzir pênhr huôv tsar đêx cov ngaz tul”.

          Zơưv Khải cux xar tiêk, đros iz tiv phaz nhoz hâur đêx li Lào Cai, ho muôx chôngz tsôngv box mênhx cxưx tsơưs nênhs nhoz uô nênhx, hâux lưv hlôngr yiêz jênhv pâuz trâu tsôngv box tiêk đêx lok six muôx tsiv grê, tsuv sik côngv tês cxênhx txuôk đêx zos luôs hâux lưv tsuv uô cov tâu truôx./.

                                                                         An Kiên-Txâur Vax cxeik nhênhv