Paz trâu pox niêv mênhx cxưx tsơưs nênhs nhoz Lai Châu hlôngr yiêz đuô luz nênhx

Niêv tix Tao Thị Coong, mênhx cxưx Lự, nhoz jok Phiêng Chá, xar Nậm Tăm, huyện Sìn Hồ (Lai Châu) ziv chuôz zis zos chuôz zis pluôs. Thâuv ntêx, phênhv sâu chênhr tsuôk zos khov trâu uô mê njil liêx, têz iz chiv; thâuv tưs xar zôngv nhiêx mak niêv tix oz niêv txir tsuv muôs têx blêx, poz cưk thiêz tsik tsơưs jiês muôx siz char, siz chês, têx thâuv tsênhv siz ntâuk thiêz. Tâu chinhr quyền ntơưv qơư thiêz cxuô cấp Hôiv pox niêv paz, kriê têx tsưr ziv uô kinh têr, niêv tix tưz đros tuk txir kriz phaz nzir ar têz chiê huôv tsar uô nox lơưr tsưr ziv vax-pak-guôx. Txos nhiv no, niêv tix chuôz zis tưz muôx tâu vax ntông nox txir đar muôx 3.000 ntâu thiêr ndis, 2 tuk tưv, 2 luz pak njêl đar 1.000 thiêr ndis thiêz chos tâu têx jâuz tâuv lơưr chêix. Niêv tix Coong hêik pâuz: Tâu Hôiv pox niêv yax kriê lok pox niêv txir nênhx muôx vax huôv siz luôs, cur oz niêv txir tsik so sir jos siz paz hâur uô nox thiêz têx hâux lưv yênhx hnuz, txoz cxơưx trâu têx tuz nhuôs muk cơưv ntơưr cxix cxuô.

Xar Tà Ngảo, huyện Sìn Hồ muôx 13 jêx jok, phênhv ntâu zos tsôngv box Hmôngz thiêz Cho. Tiv trơưk mênhx cxưx li siêz xar thiêz phongx cxưx, viv li thâuv ntêx no pox niêv sâuv thax tsav tsuôk pâuz khưr uô nox, xênhz zus mê nhuôv thiêz tsik muôx vax huôv hâur ziv chuôz zis. Taz sik, khov muôx cxuô cấp chinhr quyền, chor tsưr tsix đoanx thêv, tiv zix zos Hôiv pox niêv sir jos hêik kriê têx cêr chêi thiêz paz pháp lý, tưz paz trâu chor pox niêv jux juk jênhv pâuz hlôngr yiêz đuô siêz xar, jux juk hlôngr yiêz zuk cov muôx tâu vax huôv hâur xar hôiv. Zơưv Por Xênhv Vưx, lênhx lâul jok, tsưr chuôz xênhv Vưx nhoz jok Thà Giằng Chải, xar Tà Ngảo, huyện Sìn Hồ puz pâuz:“Txix thâuv cur uô tsưr chuôz xênhv txos nhiv no mak hâur cur jok muôx 127 ziv chuôz zis, zuôr xar 800 lênhx nênhs mak sơưr đơưk tsênhv uô lơưr pox niêv txir nênhx muôx vax huôv siz luôs lok six jông, tsik chiê muôx yưv ntâuk chêv têx pox niêv”.

Huyện ntus đriv Sìn Hồ, Lai Châu nhiv no muôx 180 ntâu chi hôiv pox niêv, đros muôx 16.000 ntâu lênhx hôiv viên; hâur co 95% ntâu zos pox niêv mênhx cxưx tsơưs nênhs. pos Lâm Bích Hiến, Phưv Chủ tịch Hôiv Liên hiệp pox niêv huyện puz pâuz, chiê chor pox niêv hlôngr yiêz đuô siêz xar, jênhv pâuz, sir jos hlôngr đuô zuk hâur chuôz zis thiêz côngv thôngx, têx shông đhâu cxuô cấp hôiv pox niêv nhoz ntơưv thax tsav qơư tưz sir jos yax kriê, hêik pâuz têx tsênhv njiêz lok Chêi pox niêv txir nênhx muôx vax huôv siz luôs:“Hôiv Liên hiệp pox niêv huyện Sìn Hồ cux tưz kriz uô têx huôx tôngv, chiê paz trâu pox niêv txir nênhx muôx vax huôv siz luôs hâur cxuô kror hâux lưv. Pêz tưz tsưr tsix yax kriê, zoz zux paz trâu chor canr bôv, hôiv viên pox niêv thiêz pêx xênhv sâuv thax tsav jênhv pâuz tsênhz đuô lok pox niêv txir nênhx muôx vax huôv siz luôs”.

Cux lơưr pos Lâm Bích Hiến, khov côngv thôngx, hâur co muôx chor pox niêv hlôngr yiêz đuô siêz xar, jênhv pâuz lok pox niêv txir nênhx vax huôv siz luôs, viv li sâuv thax tsav ziv hnuz ziv muôx ntâu ziv chuôz zis muôx luz nênhx tsâu sor, pox niêv txir nênhx vax huôv siz luôs, uô nênhx shir phaz. Ntâu jêx jok tox siêz, pox niêv tsênhv zos chor nênhs uô ntêx hlo hâur cxiv tsa jêx jok yiêz, huôv tsar kinh têr, txo grêk yêiz pluôs. Txix co, tưz paz trâu luôs hâux lưv cxiv tsa jêx jok, thax tsav qơư nhoz ziv hnuz ziv huôv tsar, jông jav./.

                                                                                             Khắc Kiên-Lik Thox cxêik nhênhv

                             Ea Kar, qơư chi cax luk hâur uô chính sách paz tsôngv box pluôk nhoz Đăk Lăk

          Txar lok nhoz tsêr yiêz, niêv lâuk H’Bion Buôn Yă chuôz zis, nhoz jos Ea Sar, xã Ea Sar lok six shir phaz. Niêv lâuk H’Bion pheiz kênh, 13 shông đhâu, iz tsê 4 lênhx nênhs sik đros nhoz uô nênhx đar muôx nhos 20 yiv ndis lok six phêv liv. Oz niêv txir thâuv tưs cux xar njôngr muôx tâu iz luz tsêr lox đar đuô chiê nhoz uô nênhx, taz sik luz nênhx tsênhv txov nhêv viv li lok six lax uô tâu. Thâuv tâu pâuz têz qơưk paz cxiv uô tsêr nhoz, 2 niêv txir tưz tso tsês tsik muk uô jos, lok tsêr paz cxiv uô tsêr chiê txu grês nhiêx txiêx thêv trâu lênhx nênhs cxiv uô. Khov co, oz niêv txir luz tsêr ziv tâu cxiv uô jông đuô:“Nhiv no tâu têz qơưk paz cxiv uô tsêr nhoz lơưv, oz niêv txir tso siêz uô hâux lưv, chêx chôngk huôv tsar kinh têr, sir jos chiê hla đhâu cêr pluôk”

          Shir phaz muôx tâu tsêr nhoz yiêz đhâu 13 shông nhoz uô nênhx hâur luz tsêr lav uô lav nhoz, niêv lâuk H’Mah Mlô nhoz jos 6, xã Ea Sar, huyện Ea Kar pheiz kênh: niêv lâuk 2 niêv txir muk uô jos yênhx shông cux tsi txâuk cxơưx trâu luz nênhx thiêz chiê 2 tul mê nhuôk muk cơưv ntơưr viv li tsi car xar txos hâux lưv cxiv uô tsêr nhoz truôx jông đuô. Taz sik nhiv no siêz xar njôngr co tưz tâu uô yênhx tsênhv tsênhz, khov muôx 44 tsov đeiv têz qơưk paz thiêz 40 tsov đeiv pênhr puz txeik đros phênhv liv kis txix Zênhx hangx chính sách xã hội, muôx tâu tsêr nhoz truôx jông, oz niêv txir luz nênhx hlôngr trâu iz ntu yiêz:“Thâuv ntêx 2 niêv txir nhoz uô nênhx hâur luz tsêr tưz trâus caz tho nox ntâu, ntux lok nas mak lok six xơư nas, cux tsi pâuz uô li chas. Txix thâuv muôx tsêr chính quyênx paz txưv mak oz niêv txir luz nênhx jông đuô tuôx, sir jos uô nox thiêz mê nhuok tâu muk cơưv ntơưr cxix cxuô đuô”.

          Uô dự án 1, Tsaz yênhx têz qơưk li qơư tsov txos 1719, shông 2023, xã Ea Sar, tâu cxiv tsa 36 luz tsêr trâu têx ziv chuôz zis tsôngv box mênhx cxưx tsơưs nênhs pluôk. Txos nhiv no, têx luz tsêr co puôr lênhx tưz tâu uô tiêr, tsôngv box chox lok sir zôngv. Zơưv Văn Đình Thìn, Chủ tcịh UB xã Ea Sar puz pâuz:“Uô tsaz yênhx paz txưv ar nhoz trâu têx lênhx nênhs tâu sơuv lơưr dự án 1 mak xã cux tưz seiz shuôk. Nhiv no xã tsi yuôr ar têz viv li xã li tsưr ziv zos njuôs xav têx qơư uô uô cê chiê paz têx lênhx nênhs zuôr ar”

          Dự án 1 hâur tsaz yênhx 1719, tỉnh Đăk Lăk tâu muôz 91 tỷ đeiv ntâu chiê uô hâux lưv paz ar nhoz, tsêr nhoz, ar uô kôngz thiêz đêx xênhz huôx trâu têx ziv chuôz zis tsôngv box mênhx cxưx tsơưs nênhs pluôk. Hâur co, huyện Ea Kar zos iz hâur têx tiv phaz nhoz tỉnh uô tiêr tsưr ziv tso tơưv, đros 150 ziv tưz muôx tsêr nhoz, 629 ziv tâu sir zôngv đêx xênhz huôx. Côngz xưv paz txưv ar nhoz, ar uô kôngz cux tâu huyện cxơưz tiês uô, sir jos uô tiêr hâur shông 2024 no. Zơưv Nguyễn Đăng Kai, Phưv tsar Phongx mênhx cxưx huyện Ea Kar puz pâuz:“Thâuv uô pêz tsưr tsix krêz phêv thiêz uô li chas chiê seiz shuôk jông côngz xưv, choz trơưk lênhx nênhs chiê phưv txơưx côngz xưv thiêz uô trơưk tsưr ziv, trơưk pháp luật li cui tênhv”

          Khov chính quyênx tiv phaz thiêz têx chiz coaz muôx txơưx jênhv sik côngv uô jông, yênhx puôk ziv chuôz zis pluôk, chuôz zis zuôr xar pluôk nhoz thax tsav tsôngv box mênhx cxưx tsơưs nênhs thiêz tox siêz huyện Ea Kar, tỉnh Đăk lăk muôx tsêr nhoz, luz nênhx truôx tul, gôngr phênhv paz tiv phaz cxơưz tiês cxuôv cêr yeiz pluôk, taz por nox nhoz xã hội./.

                                                                                                         VOVTN-Txâur Vax cxeik nhênhv