Lai Châu hôx phưx kinh têr sei đhâu jiês moz Covid-19

huôv xênhz

          Hâur 6 luz hlik hâur shôngk shông thâuv qênhx shênhx moz Covid-19 sâuv thax tsav tỉnh Lai Châu tâu tir tar, têx huôx tôngv tsiv uô, muôv muôs tror huôx tôngv ngaz tul. Tas nro siv huv GRDP tax zuôr xar 6 cxênhz tỷ đeiv, chuôz tsar 9% ntâu. Phênhv ntâu têx vênhv thix puôr lênhx chuôz tsar pir đros thiêz shông 2021 thiêz tax siêz pir đros tas nro têz qơưk. Tiv zix zos kôngz, jôngr, đêx nuv; công nghiệp thiêz cxiv tsa, jix vưv....Hâur vênhv thix kôngz nuv, nhiv no tiv phaz muôx 13 cxênhz ntâu hecta cao su, 8 cxênhz 500 hecta ntâu yuôx zêx, muôx nhos 4 cxênhz hecta tsơưz. Têx zav tsoz chos tsênhv uô tâu xiv huv muôs tơưv saz đrâuv têz qơưk, khov co muôz hâux lưv uô thiêz phênhv sâu ngaz tul trâu yênhx châuv cxênhz lênhx nênhs lox tôngv tiv phaz. Zơưv Nguyễn Hữu Phước, Phưv Tổng giám đốc Công ty cổ phần Cao su Lai Châu II puz pâuz: Shông 2022, taz viv chox lok sâu 3 cxênhz 300 hecta ntâu, đhâu 3 luz hlik krêz uô hâux lưv cok cuô mis tưz sâu tâu zuôr xar 900 tênhr, tax zuôr xar 29% tsưr ziv tso tơưv:

          “Uô ntêx zos công ty chêx chôngk trâu côngz xưv ngaz tul tsiv uô, paz trâu hâux lưv krêz đar truôx vênhs mênhv chêx vax chos; thôngx cxix taz por tâu Tập đoàn li 3 tsưr ziv hâur huôv tsar truôx vênhk, co zos huôv tsar kinh têr reik đros txơưx jênhv xã hội thiêz por vêv tênhx qơư”.

          Đrâuv têx tsoz chos công nghiệp ntêr hnuz tưz nriêr tâu niêv ciêz muôs tơưv ngaz tul ntơưv têx têz qơưk Trung Đông, Đông Á thiêz 2,3 têz qơưk Châu Âu, têx xiv huv ntông nox txir ntơưv Lai Châu cux tưz yênhx lix thax tsav uô hax huv chêx chôngk muôx niêv ciêz sâu zuôr ngaz tul. Tiv zix, đhâu iz ntu tso tsês tsi huôx tôngv tiv moz Covid-19, trôngx đriv têz qơưk Ma Lù Thàng sâuv thax tsav cux tưz tror krêz trôngx, chiê huyện, tỉnh li hax huv kôngz nuv muôs tơưv tâu trâu saz Trung Quốc. Zơưv Trần Bảo Trung, Phưv Chủ tịch UB huyện Phong Thổ, tỉnh Lai Châu puz pâuz:

          “Chiê tax tâu tsưr ziv lơưr Nghị quyết Đại hội Đảng bộ huyện tso tơưv zos tuôr truôx, huôv tsar muôx nhos 4 cxênhz hecta tsơưz, uô ntêx pêz chêx chôngk nriêr qơư sâu zuôr trâu xiv huv. Đros hâux lưv chos, tsoz phưz mak pêz tsênhv chêx chôngk zaz zâuv têx doanh nghiệp yưv pênhr trâu têx dây truyền tsiv uô sâuv thax tsav. Nhiv no Công ty jâuz txir ntông Trung ương tsênhv thor chủ trương yưv pênhr tsiv uô thiêz muôs tơưv trâu saz niêv ciêz zos Trung Quốc thiêz Đài Loan”.

          6 luz hlik hâur shôngk shông, đros thiêz tas nro cxix luôk chính trị tiv phaz sik đros uô, yưv pênhr côngz nhoz Lai Châu siêz tiv zix hâur têz qơưk. Tsênhz mênhx txos nhiv no, tiv phaz tưz muôz 1 cxênhz 893 tỷ đeiv ntâu hâur tas nro pênhr côngz shông 2022 zos 2 cxênhz tỷ đeiv ntâu.

          Ntâu taz viv, tiv phaz sâuv thax tsav yưv pênhr côngz tax 50% ntâu li: Văn phongx tỉnh ủy, Bộ chỉ huiz Quân sự tỉnh, Ban coar lik dự án yưv pênhr cxiv tsa têx côngz tsinhx kôngz nuv thiêz huôv tsar nôngx cxênhz, têx huyện Nậm Nhùn, Than Uyên, Mường Tè. Zơưv Nguyễn Quang Khoa, Giám đốc Ban coar lik dự án yưv pênhr cxiv tsa têx côngz tsinhx dân dụng thiêz công nghiệp tỉnh Lai Châu puz pâuz:

          “Têx luz hlik hâur shôngk shông tsưr yưv pênhr cux cxơưz cxiz, uô hâux lưv đros têx tsưr thâux chiê car chêx têx tsi tâu uô tâu thiêz hlổng yiêz chiê têx tsưr thâux muôx têx tsưr ziv uô huv đros. Ntu zuôr txos Ban cux chox kriê têx tsưr thâux yax six tsưr tsix têx jiês khiêz phêv chiê car chêx têx phêv liv hâur ntu uô, tiv zix zos côngz xưv car chêx ar têz chiê nzor chox côngz tsinhx thi công lok krêz uô. Thiêz hâur têx luz hlik kaz shôngk shông mak Ban cux sir jos uô tiêr 100% jênhv vưv mak UB tỉnh choz”.

          Đros iz tỉnh pluôk li tỉnh Lai Châu, muôx chuôz tsar GRDP tax 9% ntâu hâur 6 luz hlik hâur shôngk shông zos lok six jông. Đhâu co tso pov têx cấp chính quyênx li sir jos côngv đros têx nganhx, têx tsưr tsix, doanh nghiệp li sir jos thiêz tsôngv box li hâux lưv khưx phưx têx phêv liv sir jos hâur luz nênhx./.

(Khắc Kiên-Txâur Vax cxeik nhênhv)

Nhoz qơư lênhx tov, Đảng viên yênhx hnuz kaz ciêz lok paz trâu cxuô thax tsav qơư

Tsik so têis cik thưr 7 yênhx ciêz, zơưv Lê Chí Dũng, Chủ tịch Ủy ban thị trấn Tằng Loỏng, huyện Bảo Thắng, tỉnh Lào Cai ho iz lênhx chêix yêz mêir muk trâu têx jêx jok, tổ dân phố sâuv thax tsav sêiz car: Têx thâuv mak chox kriê uô têx hâux lưv sêiz đrơưv; Têx thâuv ho zos hêik pêx xênhv kriz uô têx luôs hâux lưv cxiv tsa jêx jok yiêz; Têx thâuv mak tsuôk zos muk sêiz nus, thav pêv đros pêx xênhv.

“Hâur 5 hnuz uô hâux lưv ntơưv qơư uô hâux lưv chiê xưv lik cxuô kror hâux lưv thiêz têx ntâuz ntơưr hành chính mak cux tsik muôx ntâu six hơưv chiê thav đros pêx xênhv. Hnuz thưr 7 muk tâu trâu cxuô thax tsav qơư, mak zuk cux pâuz nzir ntâu kror. Đhâu co, pox nhuôs pov canr bôv hnuz so lok cux tsik nhoz hâur tsêr mak cux shir phaz đros. Zuk pov tâu tiêk cux tsuv sir jos đuô thiêz”.

Hâur hli 7 no, tas nro huyện Bảo Thẳng tsênhv tsêx trung kriz đar têx cêr muk lok hâur jêx jok, hlôngr trâu chor cêr bê tông zâu tsuôk đar muôx 3-4 thiêr. Ciês đhâu thâuv tso tơưv kriz uô, pov canr bôv, Đảng viên sir jos paz trâu pêx xênhv, pox nhuôs cux sir jos đros uô. Niêv tix Phàn Mùi Mấy Yến, mênhx cxưx Cho, nhoz jok Chát 2, thị trấn Tằng Loỏng – iz hâur chor chuôz zis uô ntêx hlo muôz ar chiê uô cêr cov đar đuô hêik:

“Cur tsêr mak nhoz đêz trâu puôs pêv lơưv, kuôk 6 cêik cêr, tas nro jok thâuv 6 six sơưr nzor tưz tuôx ntơưv no lơưv, sơưr đơưk sik đros luôx kho đuô uô cov tiêx thiêz hur oz saz ntus cêr, lov jêv hênhr viv li cux tsik hnor gênhk hlo. Cur vav tiêk zuôr uô tiêr tâu sêi chiê muôx tâu cêr lox đar cov muk lok hâur jêx jok zôngx ziv đuô, chiê thâuv njiz yêz lox mak tsik tsuv đrêk yêz, ntos yêz thiêz yêz tsik trâus puôk tsik jông”.

Đhâu yênhx ciêz, chor cêr bê tông đar 6 thiêr muôx ntâu jux juk, Bảo Thắng sir jos cov tas shông no zuôr uô tâu muôx 100 cêik cêr yiêz, txâuk trâu oz luz yêz lox siz jav. Lơưr zơưv Trần Minh Sáng, Bí thư Huyện ủy Bảo Thắng, txix hâur shôngk shông 2021 txos nhiv no, iz ciêz huyện ho hêik tas nro canr bôv, đảng viên thiêz pêx xênhv sik đros uô lox tôngv lơưr têx tsưr ziv sik txơưr:

“Bảo Thắng li tsưr ziv zos tsês têis cik hnuz thưr 7 lok trâu cxuô thax tsav qơư, tas nro chor lênhx tov tâu phêiz côngz sêiz shuôk chor xar puôk lênhx tuôx đros uô lox tôngv, paz trâu pox nhuôs. Chênhr txix tsưr ziv uô tsênhv tsênhz li co, ciês thâuv tso tơưv kriz uô pêx xênhv tưz pâuz tâu thiêz pov tâu tiêk têx hâux lưv uô no puôr lênhx zos paz muôx tâu kror liv trâu zuk viv li lơưr cux thôngx ziv thiêz sir jos đros uô”.

Khov tsưr ziv no, txos nhiv no tas nro huyện tưz uô tiêr muôx 3500 ntâu cêik cêr chos pax, 420 ntâu cêik cêr muôx tênhv tênhz tơưl pov cêr, kriz đar tâu muôx 40 cêik cêr, khơưk sâu tsês tâu xar muôx 300 tấn vuôz tsuôz. No zos têx kror zov chênhr hâur sir jos uô paz trâu Bảo Thắng uô tiêr tâu tsưr ziv cxiv tsa jêx jok yiêz jông trâu shông 2025./.

(An Kiên-Lik Thox cxêik nhênhv)