Bax tsưr ziv phax tar hluôr tơưk cuz jôngr hâur cheix ntux kruôr nhoz tox siêz

Mù Cang Chải

Huyện Mù Cang Chải nhiv no muôx zuôr xar 83 cxênhz ha ar har jôngr; hâur co xar muôx 59 cxênhz ha jôngr chiv xênhz đrox tsuôs, 19 cxênhz ha jôngr lâul, zuôr xar 30 cxênhz ha jôngr phax phưv…njuôz vor trôngx câuv har tax 67%.

Xav tinhv luôs hâux lưv seiz car, tsưx phưv jôngr zos hâux lưv zov chênhr, hâur ntu đhâu, huyện tưz chox kriê têx ngênhx muôx vax huôv thiêz tsôngv pêx cxuô thax tsav qơư uô lơưr jông hâux lưv seiz car, tsưx phưv thiêz huôv tsar jôngr. Lar heik zos phax cuz tuô cuz jôngr hâur cheix ntux kruôr thâuv tưs tưz tâu moz siêz txos, uô jông, viv li ntâu shông siz lơưr liês hâur thax tsav tsi muôx hluôr tơưk txeik cuz jôngr hlo.

Hâur cheix ntux kruôr shông no, huyện qênhz shuôs đuô hur si 14 ban chox kriê phax cuz tuô cuz jôngr cxuô cấp đros thiêz 400 ntâu lênhx nênhs; yênhx lix 100 paz nênhs uô ntêx nyuôs lês uô hâux lưv seiz car, tsưx phư jôngr. Iz chas ntơư sir jos yax kriê chei têz qơưk lol sâuv seiz car, tsưx phưv jôngr txos trâu tsôngv lax pêx xênhv pâuz. Zơưv Thênhz Xênhv Shôngx, Phưv Hạt tsar, Hạt yuôx jôngr huyện Mù Cang Chải heik pâuz:

“Pêz tưz qênhz shuôs đuô hur tiz si têx  Ban seiz car phax tar cuz tox cuz jôngr hâur xã thiêz tas nro têx paz nênhs uô ntêx nyuôs lês uô luôs hâux lưv phax cuz tuô cuz nhoz cxuô jêx jok. Ntơưv têx jok nhiv no uô iz qơư seiz shuôs hluôr tơưk nhoz têx thax tsav zôngx ziv muôx hluôr tơưk txeik cuz jôngr, phênhz 2 chuôz zis seiz jor iz hnuz iz hmo”.

Xã Chế Cu Nha zos xã muôx ntâu jôngr ntông, 5 cxênhz ntâu ha. Zơưv Shôngx Thành Công, Chủ tịch Ủy ban xã heik pâuz: Niêx shông, chor chuôz zis seiz car, tsưx phưv jôngr hâur xã tâu têx nhiêx har jôngr 2 tyv đeiv ntâu, đhâu ntơư pêx xênhv moz siêz tu, tsưx phưv têx jôngr ntông đuô. Chênhr viv li, hâur xã tưz ntâu shông tsi muôx hluôr tơưk txeik cuz jôngr; ntor luôx uô ruôr hiêv jôngr, nav ar har jôngr uô liêx têz cux tsi muôx yưv:

“Pêz tưz cơưv jêx jok chiê tsôngv niêv txir cưr tix nênhx tsa sơưr đơưk cir ntơưr chos luk uô jông hâux lưv tsưx phưv, cux iz zav li phax cuz tuô cuz jôngr hâur cheix ntux kruôr 2022-2023. Lar heik zos pêz cux xav tinhv têx paz uô luôs hâux lưv phax cuz tuô cuz hâur jêx jok zos chor nênhs uô ntêx nyuôs, pêz cơưv thiêz yax kriê trâu tsôngv niêv txir lax pêx xênhv thâuv pov hluôr tơưk zôngx ziv txeik cuz jôngr nhoz suôv qơư tưs mak heik chor nênhs co pâuz chiê lơưr zênhx max phax tir their, tuô hluôr tơưk tsi chiê txeik cuz xuz jôngr xuz tsuôs”.

Uô ntêx thâuv zuôr txos cheix ntux kruôr, huyện Mù Cang Chải cux tưz chox kriê cxuô ngênhx, taz viv muôx vax huôv thiêz têx thax tsav qơư cir ntơưr chos luk lol tsưx phưv jôngr, phax tar cuz tox cuz jôngr txos yênhx ziv chuôz zis; tso canr bôv muk ntơưv qơư kriê tsôngv niêv txir lax pêx xênhv luôx cêr cêv hluôr tơưk thiêz uô qơư seiz jor têx jôngr ntông nhoz chor qơư zôngx ziv muôx hluôr tơưk txeik cuz. Iz chas co, cơưv shâuv têx tsưr ziv lok phax tar cuz tox cuz jôngr chiê bax phax thâuv tưs muôx yưv têx tsi jông, uô hluôr tơưk txeik cuz jôngr ntơư. Zơưv Nguyễn Anh Phương, Phưv Giám đốc Ban seiz car jôngr phax phưv huyện Mù Cang Chải heik pâuz:

“Taz viv tưz buôk ti nhênhz chơưv trâu chor xã cxiv tsa tsưr ziv qênhz shuôs, seiz jor, tsưx phưv jông têx jôngr ntông, thax tsav zôngx ziv muôx hluôr tơưk txeik cuz, ntus jôngr….hâur cheix ntux kruôr gis”.

Bax thiêz muôx têx tsưr ziv tsênhv tsênhz, huyện Mù Cang Chải tror sir jos uô jông luôs hâux lưv phax tar cuz tox cuz jôngr hâur cheix ntux kruôr gis. Txix ntơư, seiz car, tsưx phưv jông chor jôngr ntông muôx nhiv no, sir jos cov têx shôngz ntông njuôz vor tox câuv har hâur thax tsav huyện ndê muôx 70% lok shông 2025./.

(VOVTB-Riê Lâux cxeik, nhênhv)

Tsưr ziv thiêz ntâuz ntơưr uô BH tsi muôx hâux lưv uô yiêz tiv zix shông 2022

1. Ntâuz ntơưr tâu sơưv cungz BH tsi muôx hâux lưv uô

          Lơưr cui tênhv nhiv no, hồ sơ ntâuz ntơưr thix ziv sơưv phênhv paz txưv tsi muôx hâux lưv uô muôx:

          - Ntơưr BHXH

          - Ntơưr thix ziv tâu sơưv phênhv paz txưv tsi muôx hâux lưv uô lơưr mẫu zos Bộ trưởng Bộ lox tôngv thương binh thiêz xã hội cui tênhv

          - Đeiv tsênhv lok sik photo muôx công chứng iz hâur têx ntâuz ntơưr đrav kaz xav jênhv tso tsês hôx thôngx lox tôngv lok sik hôx thôngx uô hâux lưv:

          + Cuiz tênhv tso tsês hâux lưv uô

          + Cuiz tênhv tso tsês tsi puz uô hâux lưv

          + Cuiz tênhv kỷ luật tso tsês tsi puz uô hâux lưv;

          + Thôngz pov lok sik thôngx ziv tso tsês hôx thôngx lox tôngv lok sik hôx thôngx uô hâux lưv.

          2. Tsưr ziv thiêz ntâuz ntơưr uô BH tsi muôx hâux lưv uô

          Nênhs lox tôngv thâuv tưz uô tiêr ntâuz ntơưr hồ sơ sơưv BH tsi muôx hâux lưv uô mak uô têx hâux lưv li đrav kaz:

          Khiêz hồ sơ ntâuz ntơưr trâu tsênhv qơư heik kriê hâux lưv uô

          Hâur six hơưv zos 3 luz hlik txix hnuz tso tsês hôx thôngx lox tôngv lok sik hôx thôngx uô hâux lưv mak nênhs lox tôngv tsi tâu muôx hâux lưv uô thiêz muôx zoz qơưx tâu sơưv phênhv paz txưv tsi muôx hâux lưv uô tsuv muk khiêz 1 hồ sơ ntâuz ntơưr trâu Tsênhv qơư heik kriê hâux lưv uô/ tsênhv qơư jix vuv hâux lưv uô ntơưv tiv phaz qơư nênhs lox tôngv xar jênhv phênhv paz txưv tsi muôx hâux lưv uô.

          Six hơưv car chêx hồ sơ ntâuz ntơưr

          +Hâur 15 hnuz txix hnuz khiêz hồ sơ ntâuz ntơưr, nênhs lox tôngv tsi tâu nriêr tâu hâux lưv uô mak muk Tsênhv qơư heik kriê hâux lưv uô xav jênhv car chêx hồ sơ ntâuz ntơưr tâu sơưv phênhv paz txưv tsi muôx hâux lưv uô.

          + Hâur 20 hnuz uô hâux lưv txix hnuz khiêz hồ sơ, tsênhv qơư heik kriê hâux lưv uô tso tơưv cuiz tênhv thôngz đhâu muôz phênhv paz txưv tsi muôx hâux lưv uô đros ntơưr BHXH muôx xav jênhv thêv trâu nênhs lox tôngv.

          + Nênhs lox tôngv tsi tâu sơưv phênhv paz txưv tsi muôx hâux lưv uô mak tsênvh qơư heik kriê hâux lưv uô tsuv thôngz pov txix ntâuz ntơưr thiêz heik mênhx lik zơưx.

          Jênhv nhiêx txiêx paz txưv tsi muôx hâux lưv uô

          + Hâur 5 hnuz uô hâux lưv txix ntu muôx cuiz tênhv thôngz đhâu phênhv thêv paz txưv tsi muôx hâux lưv uô, chiz coaz BHXH ntơưv tiv phaz uô hâux lưv thêv nhiêx txiêx paz txưv tsi muôx hâux lưv uô hli xuz thơưx trâu nênhs lox tôngv đros thiêz ntơưr BHYT.

          + Yênhx hli, chiz coaz BHXH thêv phênhv paz txưv tsi muôx hâux lưv uô hâur 12 hnuz xav txix hnuz tâu sơưv phênhv paz txưv tsi muôx hâux lưv uô hli co zos tsi jênhv tâu nênhs lox tôngv li cuiz tênhv taz tso tsês lok sik tso tsês phênhv paz txưv tsi muôx hâux lưv uô.

          Thôngz pov nênhs lox tôngv nriêr hâux lưv uô hâur yênhx hli

          Hâur yênhx hli nênhs lox tôngv tsuv muk tsênhv qơư jix vuv hâux lưv uô thôngz pov lok hâux lưv tsênhv nriêr hâux lưv uô hâur ntu tsênhv sơưv phênhv paz txưv tsi muôx hâux lưv uô ( lơưr trơưk six hơưv hâur Cuiz tênhv paz txưv tsi muôx hâux lưv uô)./.

(Thu Thùy- Txâur Vax cxeik nhênhv)