Ntâu ziv chuôz zis nhoz tox siêz Quảng Nam tâu sơưv tsênhv chei muôx tsêr yiêz nhoz

          Hâur oz pêz hnuz lok no, pox nhuôk hâur jos ntus đriv A Bát, xã Chà Vàl, huyện tox siêz Nam Giang, tỉnh Quảng Nam sir jos paz zơưv Zơ Râm Zil chuôz zis qêz suô tsêr yiêz nhoz. Zơưv Zơ Râm Zil chuôz zis zos nênhs muôx côngz đros cơưx mênhv, yax six muôx moz gênhs viv li uô tsi tâus têx luôk hâux lưv hnhar. Cxuô hâux lưv hâur tsêr puôr lênhx zos zơưv pox niêv uô. Zơưv Zil heik: Ntêr lok no, zơưv chuôz zis nhoz uô nênhx hâur luz tsêr lơưx greiv fênhz jaz fênhz juôr. Thâuv muôx ntux nas, iz huôv puôr lênhx khiêr muk đreiv ntơưv jos li tsêr xênhz huôx lok sik tsênhv qơư xã. Tâu têz qơưk paz 40 tsov đeiv, zơưv chuôz zis txeik cxaz thiêz tâu bộ đội pênhz phax, pox nhuôk hâur jos tuôx paz hnuz côngz cxiv uô tsêr, zơưv tưz cxiv uô tâu luz tsêr yiêz truôx jông:

          “Uô tsâus Đangv, têz qơưk thiêz cưr tix jêx jos tưz tsov cưv paz cxiv uô tsêr trâu cur chuôz zis, muôx tsêr yiêz jông mak chuôz zis lok six shir phaz. Txix no muk tsi nyei ntux yar ntux nas lơưv thiêz”

          Shông 1968, pos Zơ Râm Thị Nhoi, nhoz thị trấn Thạnh Mỹ, huyện Nam Giang, tỉnh Quảng Nam cxaz chuôz tơưv txênhz nhoz qơư tsav txênhz Khâm Đức, huyện Phước Sơn, tỉnh Quảng Nam. Pos trâus saz thiêz tâu xa muk faz Bắc chiê kho moz. Jiês tsav txênhz tâu zênhx liv, pos tror lok kuz têz qơưk, uô hâux lưv ntơưv Viện kiểm sát huyện Nam Giang txos thâuv so lâuk. Pos Nhoi nhoz iz lênhx thiêz sơưv chế độ thương binh 2/4. Zax hnuz 27/7 shông no, pos Nhoi tưz tâu têz qơưk paz 60 tsov đeiv chiê kho đuô tsêr nhoz:

          “Thâuv cur so lâuk Đangv thiêz têz qơưk paz nhiêx txiêx uô tsêr jông siêz. Thâuv ntêx luz nênhx lok six txov nhêv, taz sik tov kaz no tâu Đảng, têz qơưk tsov cưv paz uô tsêr nhoz truôx jông đuô, cur cux tso siêz đuô chiê nhoz uô nênhx hâur ntu lâuk”.

          Têx shông jê ntơưv no, txix têx phênhv pênhz tâu uô uô cê, tỉnh Quảng Nam tưz sik côngv đros chính quyênx paz têx chuôz zis chính sách cxiv tsa đuô tsêr nhoz cov truôx jông đuô. Hâur 3 shông đhâu, tỉnh no tưz paz cxiv yiêz thiêz kho đuô 2 cxênhz 400 luz tsêr nhoz trâu têx lênhx nênhs muôx côngz đros cơưx mênhv. Zơưv Trần Văn Chiến, Phưv giám đốc Sở lox tôngv thương binh thiêz xã hội Quảng Nam puz pâuz: Ndax hnuz 27/7 shông no, 118 cxênhz ntâu lênhx nênhs muôx côngz nhoz no tưz tâu jênhv Chủ tịch têz qơưk thiêz tỉnh li têx phênhv huv, tas nro tsiv grê zuôr xar 100 tỷ đeiv:

          “Têx phênhv huv muôx ziz njiêz, têx luz tsêr truôx jông tưz tso pov Đangv thiêz têz qơưk li têx chính sách jông paz nênhs muôx côngz, têx chuôz zis thương binh, liệt sĩ. Ho muôx cxaz têx tsưr tsix xã hội li paz têx phênhv huv viv li chuôz zis chính sách shông no lok six shir phaz. Lênhs tov tỉnh cux muk seiz thiêz khơưk muôz ntâu phênhv huv trâu têx chuôz zis chính sách jông nhoz têx tiv phaz, tso pov cêr uô nênhx jông zos “hâuk đêx tsuv ndo txos hâur đêx””./.

(VOV4-Txâur Vax cxeik nhênhv)

Nus têz lok bảo hiểm trâul pôngz hâux lưv uô

Nus: Bảo hiểm trâul pôngz hâux lưv muôx têx tsênhv chei tưs tâu paz?

Têz: Lơưr cui tinhv ntơưv Grê 42 Chei uô hâux lưv 2013, bảo hiểm trâul pôngz hâux lưv uô muôx têx tsênhv chei li đrav kaz:

-Paz trâul pôngz hâux lưv uô

-Paz heik kriê nuv uô

-Paz kriê cơưv tsưr ziv uô nuv

-Paz kriê cơưv nzir tsưr ziv huôv tsar uô nox trâu nênhs lox tôngv.

Nus: Lênhx nênhs tưs tsuv cxaz chuôz bảo hiểm trâul pôngz hâux lưv uô?

Têz: Lơưr cui tinhv Grê 43 Chei uô hâux lưv 2013, lênhx nênhs tsuv cxaz chuôz bảo hiểm trâul pôngz hâux lưv uô zos têx lênhx li đrav kaz:

1)Nênhs lox tôngv zos iz hâur têx lênhx li:

-Muôx hux thôngx lox tôngv, lok sik muôx ntâuz ntơưr uô hâux lưv tsi xav six hơưv, hnuz nhôngs uô hâux lưv.

-Muôx ntâuz ntơưr shâuv uô hâux lưv, lok sik uô hâux lưv tsi xav six hơưv, hnuz nhôngs.

-Muôx ntâuz ntơưr uô hâux lưv lơưr cheix chiv, lok sik uô iz zav hâux lưv tưs hâur iz ntuk txix 03 luz hlik txos iz shông tror zar hâur.

Tsuv ndo njôngr: Nênhs lox tôngv zos têx lênhx li heik sâuv tsênhv tâu nhiêx so lâul, paz uô nuv hâur chuôz zis mak tsi tâu cxaz chuôz bảo hiểm trâul pôngz hâux lưv uô.

2)Nênhs sir zôngv lox tôngv zos têx cơ quan, tsưr tsix, taz viv li:

-Cơ quan, taz viv lês car uô têz qơưk têx hâux lưv, taz viv vũ trang nhân dân.

-Tsưr tsix chính trị, tsưr tsix chính trị-xã hội, tsưr tsix chính trị xã hội-nuv uô, tsưr tsix xã hội, tsưr tsix xã hội-nuv uô.

-Cơ quan, tsưr tsix saz têz qơưk đrâuv, tsưr tsix ntiêx têz uô hâux lưv hâur têz qơưk Việt Nam.

-Doanh nghiệp, HTX, ziv chuôz zis, chuôz zis uô lax luôv, tổ hợp tác, tsưr tsix txơưr đuô thiêz lênhx nênhs ntiêr, sir zôngv nênhs lox tôngv muôx ntâuz ntơưr uô hâux lưv lơưr chei têz qơưk cui tinhv.

Nus: Uô pêk tsơưs luz hlik tâu nhiêx bảo hiểm trâul pôngz hâux lưv uô?

Têz: Trơưk cui tinhv nhiv no, six hơưv, hnuz nhôngs tâu muôz nhiêx bảo hiểm trâul pôngz hâux lưv uô tâu xav lơưr chor hli thêv nhiêx trâul pôngz nuv uô. Thêv txưv 12 luz hlik txos txưv 36 luz hlik mak tâu 03 hlik nhiêx trâul pôngz hâux lưv uô, đhâu ntơư, thêv nzir 12 luz hlik mak tâu nzir iz hlik nhiêx trâul pôngz hâux lưv uô, taz sik ntâu yax tsi tsênhr đhâu 12 hlik.

Chênhr viv li co, chiê tâu paz nhiêx trâul pôngz hâux lưv uô, nênhs lox tôngv tsuv:

-Thêv nhiêx trâul pôngz hâux lưv uô txưv txix 12 luz hlik tror zar sâuv hâur ntu 24 luz hlik lok zos 2 shông uô ntêx thâuv zuôr so hâux lưv uô.

-Thêv bảo hiểm trâul pôngz hâux lưv uô txưv txix 12 luz hlik tror zar sâuv hâur ntu 36 luz hlik lok zos 3 shông uô ntêx thâuv zuôr so hâux lưv lơưr cheix chiv lok sik lơưr iz zav hâux lưv uô tưs txix 3 luz hlik txos iz shông.

Chênhr viv li, nênhs lox tôngv tsuv uô nuv tsơưs tiv zix 2 shông thiêz muôx six hơưv, hnuz nhôngs thêv bảo hiểm trâul pôngz hâux lưv uô txưv txix 12 luz hlik tror zar sâuv mak tâu paz nhiêx trâul pôngz hâux lưv uô./.

Thu Thùy-Riê lâux cxeik, nhênhv