Nênhs Mnông nhoz Đăk Lăk li chei siz jênhv uô cưr tix

Hâur zơưv Y Thiên Cil, mênhx cxưx Mnông, nhoz jos Jiê Yuk, xã Đăk Phơi, tỉnh Đăk Lăk li luz tsêr lơưx, cê uô nênhz cê hu têx đaz lok dưv chei siz jênhv uô cưr tix. Hnuz no, zơưv Y Thiên Cil chuôz zis uô chei siz jênhv uô cưr tix đros chuôz zis zơưv Y Nam Pan Ting đros nhoz côngv hâur iz luz jos. Lơưr zos 2 lênhx fôngx zưs siz pâuz txix nzor. Viv xar siz jênhv uô cưr tix, lơưr tưz thôngx ziv sik đros tsưr tsix chei siz jênhv uô cưr tix. Bax trâu jiês tsưr tsix chei no tsuv muôx greix buô, mor blâuv, txir tsơưz siêr, kê keiz, iz tul keiz, 2 luz câux tês tôngx, 2 txox sơưk. Têx chuôz zênhx no tâu tso ntơưv 2 gơưv niêv txir uô chei siz jênhv uô cưr tix. Lênhx nênhs sơưr uô zos lâuk jos Y Krai Cil. Zơưv sơưr lơưr saz hnuz tuôx, uô chei siz jênhv uô cưr tix. Lâuk jos Y Krai Cil heik: "Hnuz no, 2 fôngx zưs tsưr tsix chei siz jênhv uô cưr tix. Lơưr tưz siz pâuz txix nzor txos nhiv no. Cur sơưr ntơưv no uô chei siz jênhv cưr tix chiê phôngv trâu gơưv muôx jông đas jos, phôngv lơưr yênhx cưr tix jông chuôk li iz niêv iz txir xênhz zus lok. Tov kaz no, lênhx tưs njiz trâus têx phêv liv, cêr khêv nax hâur luz nênhx mak lơưr cux zuôr sik paz max, siz hluz chiê sik đros hla đhâu têx phêv liv co"

          Chei siz jênhv uô cưr tix muôx 5 trus uô, đros 2 phongz cxưx zos hu plis thor phôngv đas jos, pov trâu pos zơưs pâuz lok jiês siz jênhv uô cưr tix hâur 2 chuôz zis thiêz phongz cxưx sik đros nox mor hâur 2 chuôz zis tâu jênhv uô cưr tix. Xuz thơưx, txir nênhz muôz tul lâur keiz tsênhv chiêx tso sâuv huz chơưr xơưk, muôz keiz oz cxeik tơư tso hâur  huz chơưr thiêz cxuôv trâu sâuv oz gơưv niêv txir li hâur pliêx 7 jiês, cê cxuôv cê hu zâuv têx pos zơưs lok seiz, phôngv jông trâu chuôz zis siz jênhv uô cưr tix. Lơưr co, txir nênhz ro 8 tul plâuz tik keiz tror uô chei trâu yênhx lênhx nênhs thiêz reik sâuv 2 lênhx txir nênhx li njêx thiêz reik sâuv lơưr li 2 lênhx pox niêv plâuz hâu. Zôngv câux tês tôngx chox trâu 2 cưr tix thiêz chox 2 txox sơưk trâu lơưr li 2 lênhx pox niêv. No zos têx muôx ziz njiêz phôngv jông đas jos, cêr sik côngv jông hâur 2 chuôz zis,  txix nhiv no muk lơưr zos cưr tix hâur iz tsê, zos nênhs cxênhz jê li iz niêv iz txir xênhz zus lok. Zơưv Y Nam Pan Ting, lênhx cưr tix siz jênhv uô cưr tix đros tsưr tsêr pheiz kênh: "Tưz siz jênhv uô cưr tix mak zuôr seiz jông li cưr tix iz niêv iz txir xênhz zus lok, zos nênhs cxênhz jê. Tưz siz jênhv uô cưr tix mak tov kaz no cur chuôz zis thiêz cur tul fôngx zưs zos Y Thiên chuôz zis zuôr sik côngv jông, yax six siz paz max thâuv njiz trâus têx phêv liv".

          Suôv câuv chei siz jênhv uô cưr tix, cxuô lênhx nênhs caz chuôz zuôr sik đros hâuk chơưr xơưk, đhiê pax vuôs, siz thav pêv thiêz phôngv jông trâu 2 chuôz zis siz jênhv uô cưr tix zuôr tiêv tiêv siz hluz siz paz hâur luz nênhx. Niêv lâuk H Lang Cil, nhoz jos Jiê Yuk, xã Đăk Phơi, huyện Lăk shir phaz heik:"No zos jiês xuz thơưx cur uô chei siz jênhv uô cưr tix, cur pov lok six coaz tsôngv đros zuk mênhx cxưx. Zos iz lênhx hluôk nênhs cur zuôr muôx txơux jênhv phuôx huiz, tuôr tsês trâu cxênhx nênhs tov kaz pâuz lok mênhx cxưx Mnông li chei no".

          Cux xưk li ntâu mênhx cxưx txơưr nhoz Tây Nguyên, chei siz jênhv uô cưr tix zos iz phongz cxưx tưz muôx cxôngx nzor, tâu nênhs Mnông nhoz Đăk Lăk tuôr tsês đhâu ntâu tiêv nênhx. Zos xưk li nênhs Ê Đê tsuôk siz jênhv uô cưr tix đros têx lênhx nênhs đros iz xênhv nênhs lok sik iz mênhx cxưx mak nênhs Mnông ho siz jênhv uô cưr tix đros têx xênhv nênhs txơưr, tsi zos iz mênhx cxưx… Hâux lưv siz jênhv uô cưr tix no zos txưv zênhv, tsi zuôv thiêz zos nênhs Mnông li iz vênhx huôv jông, gôngr phênhv muôz siêz chinhz yênhx sik côngv siêz, sik paz max hâur cxuô lênhx nênhs hâur côngv thôngx, jêx jos./.

VOVTN-Txâur Vax cxeik nhênhv

Phênhv ndis shuôk têz qơưs

  Điện Biên zos thax tsav qơư, cxuô lênhx kruô tuôx sêiz txos

        Ntơưv tsêr tsês cxuô huôz zênhx tir ntâuk zênhx tros châuz Điện Biên Phủ ntu đrav ntêx, zos ntâuk hâur 56 hnuz thiêz hmo uô trâu tros châuz xưz plơưk thiêz uô trâu ntiêx têz pâuz txos. Đhâu 20 ntâu shông tror tuôx txos trâu thax tsav qơư tir ntâuk zênhx tros châuz Điện Biên. Zơưv Nguyễn Công Nhàn, 78 shông, nhoz hà Nội tuôx sêiz shuôk têz qơưs hêik pâuz: “Hâur 20 ntâu shông đhâu, nhiv no cur thiêx tror tuôx trâu Điện Biên; xav txix thâuv nhiv phêiz thành phố Điện phủ txos trâu nhiv no tưz pov muôx ntâu hlôngr yiêz. Txơưv muôx ntâu hlôngr yiêz, taz sik pêz cux tsênhv ndo njôngr txos thax tsav qơư tir ntâuk zênhx tros châuz đrav ntêx

          Zơưv Nguyễn Hồng Hà nhoz thành phố Nha Trang, tỉnh Khánh Hòa, zos jiês xuz thơưx tuôx trâu Điện Biên, pâuz tâu ntâu zav chuôz zênhx zênhx tir ntâu tros châuz đrav ntêx thiêz ndax trâu hnuz kriz hội vênhx huôv nthuôr uô cêr lov jêv, huôv tsar cêr côngv siêz VN-Lok Tsuôk: “Thax tsav qơư Điện Biên zos qơư tir ntâuk tros châuz. Đhâu ntâu shông uô hâux lưv, nhiv no thiêx zos jiês xuz thơưx tror tuôx sêiz shuôk iz cxiê qơư tir ntâuk tros châuz đrav ntêx. Hmôngr jông cux tuôx ndax trâu hnuz hội vênhx huôv nthuôr uô cêr lov jêv tâu kriz uô trâu ntơưv tỉnh Điện Biên thiêz cux zos qơư VN-Lok Tsuôk huôv tsar cêr côngv siêuz.

          Muôx njiêz luk “Huôv tsar truôx cêr côngv siêz hâur ntu zuôr txos” Hnuz hội vênhx huôv-du lix thax tsav ntus đriv VN-Lok Tsuôk jiês tiv 3, tâu kriz uô trâu ntơưv tỉnh Điện Biên. Ntơư zos luôs hâux lưv chính trị-Vênhx huôv zov chênhr uô hơưv tok chiv nhênhv 60 shông hnuz huôv tsar cêr fôngx zưs jông hâur oz têz qơưs, 45 shông hnuz cir Hiệp ước huôv tsar cêr fôngx zưs jông Việt Nam – ook Tsuôk.

        Hâur têx hnuz đhâu, tỉnh Điện Biên tưz tok tâu chôngz lênhx kruô hâur têz qơưs thiêz kruô têz qơưs Lok Tsuôk nhoz 10 tỉnh puôz ntus đriv VN tuôx sêiz shuôk cxuô qơư tir ntâuk zênhx tros châuz đrav ntêx hâur thax tsav tỉnh Điện Biên; zos zơưv hloz Hôx thiêz  Chủ tịch Cay - xỏn – Zơưv Chan Phênh Sai Tham Ma Vông, nhoz tỉnh Sa La Văn, têz qơưs Lok Tsuôk shir phaz lul hêik pâuz: “Huôv tsar cêr fôngx zưs hâur oz têz qơưs VN-Lok tsuôk, ziv hnuz ziv huôv tsar truôx, cur jông siêz hênhr. Điện Biên zos VN thax tsav qơư tir ntâuk zênhx tros châuz đrav ntêx. Lar hêik zos tuz lênhv VN tưz sir tas ntâu đas jos tsưr ziv tir ntâuk zênhx tros châuz, chor hluôk hnuz no tsuv ndo njôngr têx côngk đas jos co tsik chiê pôngz plox.

Hnuz hội vênhx huôv-du lix thax tsav ntus đriv Việt Nam-Lok Tsuôk jiês tiv 3 shông 2022, tâu kriz uô trâu ntơưv tỉnh Điện Biên thiêz muôx chôngz lênhx kruô hâur têz qơưs thiêz kruô oz chas têz qơưs tuôx sêiz shuôk txos./.

                                     Tsu cxêik nhênhv-CQTT khu vực Tây Bắc