Pêx xênhv Yên Bái tsênhv taz tov sik tưr tsêz chos blêx liêx

Têx hnuz no, khov trâu qiv hơưv huv đros, pox nhuôs nhoz Yên Bái tsênhv taz tov sik tưr shir phaz lul muk uô liêx chiê chos blêx liêx chiv tsâus yiêz.

Cux xưk li ntâu chuôz zis txơưr đuô nhoz Yên Bái, shông no zơưv Trần Văn Phú, nhoz xar Báo Đáp, huyện Trấn Yên tror zôngv tsưr ziv uô zuz blêx trơưk hax chiê paz tsik tas ntâu đas jos uô lox tôngv, thôngx cxix paz trâu chos tâu sêiz đuô:“Nox tsiêz tas mak chor zuz blêx cux tưz jông chos lơưv, li chêk tuôx uô ar chiê chos blêx xưz. Vav tiêk shông no chor blêx cux zuôr hloz lox huôv tsar jông”.

Uô ntêx tsiêz, cxuô thax tsav qơư nhoz Yên Bái tưz cxiv tsa tsưr ziv tsênhv tsênhz trâu uô chiv tsâus yiêz shông 2023. Đhâu Tsiêz chor canr bôv kôngz, jôngz nuv đros canr bôv chor xar, thị trấn tsik so muôx njêx muôs ntơưv têx đrak liêx kruôz kriê trâu pêx xênhv chos blêx cov taz por huv chêix chiv, zuz nôngz tsoz chos… Thôngx cxix tsêx trung tu cxuô zav tsoz chos txơưr hâur chiv tsâus yiêz. Zơưv Nguyễn Văn Nguyên, Phưv Chủ tịch Ủy ban xar Báo Đáp, huyện Trấn Yên puz pâuz:“Nox tsiêz tas pox nhuôs tưz kriz uô chos blêx cov huv chêix chiv thiêz chor zuz nôngz tsoz chos. Txos nhiv no pox nhuôs tưz chos tâu xar muôx 20 héc ta, lơưr tsưr ziv zos taz por cov huv chêix chiv”.

Chiv ntux yiêz shông no, tas nro tỉnh Yên Bái sir jos tsêz chos cov tâu xar muôx 19 cxênhz héc ta blêx. Tiv hâux lưv uô ar, tsêz zuz, zuôv qir tưz tâu bax jông txix thâuv uô ntêx Tsiêz viv li pêx xênhv tưz sir jos tsêz chos. Txos nhiv no, pêx xênhv cxuô thax tsav qơư tưz tsêz chos tâu xar muôx 10 cxênhz héc ta. Tỉnh sir jos cov uô tâu tiêr tsêz chos blêx uô ntêx hnuz 28/2. Zơưv Phạm Đình Vinh, Phưv Chi cục trưởng Chi cục Chos kôngz lôngk thiêz Por vêv đrox tsuôs tỉnh Yên Bái puz pâuz:

“Lok kriz uô chêix chiv zos kror zov chênhr chiê uô tâu huv li six hơưv. Hâur ntu zuôr txos zuôr tsêx trung tsoz phưz trâu chor blêx. Đhâu ntu no têx caz hmoz zuôr huôv tsar, pêz zuôr tsêx trung njuôk xav, kruôz kriê phax tar cov nzor chiê taz por tâu tsơưr lươngv trâu chor blêx”./.

                                                          (Trịnh Xuân-Lik Thox cxêik nhênhv)

Sir jos txo grêk tsơưs têx lênhx nhuôs zâu tox siêz Lào Cai nox tsi txâuk jâuz mor

Hâur luz tsêr kâus kêz jik nhoz jok Mào Seo Phìn, xã Sín Chéng, huyện Si Ma Cai, tỉnh Lào Cai, niêv lâul Njuôz Xênhv Zax iz lênhs tu 2 tus nhuôv mê lok six txov nhêv, lar heik zos hur si niêv thiêz mê nhuôv nox tsi txâuk cxuô zav jâuz mor:“Cur tus nhuôv hloz iz shôngk tsuôk muôx 7 cir xưz, tus tiv 2 mak nhiv kruôr xênhz zus tâu 7 hnuz. Hâur tsêr tsi muôx đaz tsi nox, phênhv ntâu zos nox mor nzuôs jâuz xưz”.

Kuôk co tsi đêz, pos Sơ Xênhv Vax nhoz jok Ngải Phóng Chồ, xã Sín Chéng chuôz zis cux lok six txov nhêv. Chuôz zis txov nhêv, ho tsơưs nênhs, pos Sơ iz lênhs tu 3 lênhx nhuôv xênhz nzưr tsênhv zâu, viv li hur si 3 tus nhuôv co puôr lênhx nox tsi txâuk jâuz mor, mê, choz poz. Pos Sơ heik:“Chor nhuôs lơưr muk uô nox đêz tas lơưv, cur iz lênhs đros 3 lênhx nhuôv co nhoz xưz, chuôz zis cux tsi muôx đaz tsi nox”.

Têx chuôz zis txov nhêv li niêv lâul Njuôz, pos Sơ nhoz iz xã tox siê muôx chor chuôz zis pluôs 50% ntâu li Sín Chéng tsi zos tsơưs. Trơưk li niêv lâul Vế Xênhv Lik, canr bôv qơư y tế xã, tsi tiêk phiv liv lok kinh tế, pêx xênhv ntơưv qơư cux tsi muôx tsưr ziv tu têx mê nhuôv, viv li ntâu lênhx nhuôs nhoz no yuôr trâul lok ntâu zav txix ciês thâuv xênhz tâu lok:“Hâur pêz xã têx nhuôs zâu nox tsi txâuk jâuz mor lok six ntâu, txix têx li heik co, pêz chor canr bôv y tế tsi so muk trâu têx chuôz zis muôx nhuôs trâul choz poz, nox tsi txâuk têx jâuz mor ntơư chiê kriê pêx xênhv zôngv têx zav nox muôx hâur vax tsêr uô trâu nhuôs nox”.

Thôngz sâu tso pov, chor nhuôs zâu tsi tâu muôx 5 shông hâur tas nro tỉnh Lào Cai nox tsi txâuk têx jâuz mor, choz poz txo grêk txix 40% shông 2010 yuôr 27% shông 2022. Txơưv luôs hâux lưv co uô tâu jông, taz sik pir li hâur tas nro têz qơưk cux tsênhv yuôr ntâu lênhx nhuôs nox tsi txâuk têx jâuz mor, zos xav trơưk li cấp xã, muôx kênh qơư chor nhuôv li heik co tsav txos 40% ntâu, thiêz phênhv ntâu zos tsôngv box heir nênhs nhoz têx thax tsav txov nhêv. No zuôr zos phiv liv lox lok moz gênhk thiêz tsoz phưz đas jos trâu têx nhuôs zâu nhoz Lào Cai; iz chas ntơư cux zos iz phiv liv trâu luôs hâux lưv sir jos uô tiêr têx nuv thâuv cxiv tsa jêx jok yiêz.

Trơưk li zơưv Lục Hậu Giang, Phưv Giám đốc Sở Y tế tỉnh Lào Cai, hâur ntu zuôr txos, Lào Cai zuôr tror cxơưz tiês tsaz yênhx tsơưr pưr; hâur co zov chênhr zos hlôngr yiêz, tsoz phưz đas jos trâu têx nhuôs zâu thiêz pox niêv xênhz tuz ci hâur chêr cov nox txâuk têx jâuz mor; nzaz nzơưv pênhr jos txix chor tsaz yênhx zov chênhr thiêz têz qơưk tsưr ziv lok tsơưr pưr chiê tsoz phưz trâu têx lênhx pox niêv, nhuôs zâu.

Iz hâur têx dưv anr tror tâu Lào Cai fuô uô đêz đar, co zos hlôngr yiêz tsoz phưz thiêz tu zus têx nhuôs zâu khov lok côngv thôngx. Zơưv Lục Hậu Giang heik pâuz, tsưr ziv uô no tâu yênhx lix chiê seiz car, chơưv kho moz gênhk trâu têx nhuôs zâu nox tsi txâuk jâuz mor khov lok côngv thôngx; lar heik zos bax phax tir thêir trâu luz hnuz nhôngs txix ciês thâuv lênhx nhuôs tsênhv nhoz hâur niêv chêr txos trâu thâuv muôx 2 shông. Đhâu 6 shông fuô uô li co, Lào Cai tưz uô tâu lok six jông:“Luôs hâux lưv tsoz phưz tsơưr pưr tưz paz cxaz đas jos trâu chor nhuôs zâu kaz lok nox têx jâuz mor, khênhr hloz, tsi trâul choz poz, tsik trâus muôx moz gênhk. Chênhr viv li, pêz fuô uô luôs hâux lưv li heik sâuv zuôr paz tâu trâu têx mê nhuôv muôx luz nênhx jông”./.

                                                         (An Kiên-Riê Lâux cxeik, nhênhv)