Heik pâuz lok zuôr muôs hax huv chuôr, hâur têx ciêz nhoz tox siêz Yên Bái

Đhâu thâuv phax tir thêir tâu moz Covid-19, ciêz đrôngs nhoz Yên Bái tror lov jêv ntưk huôv tsar uô lax luôv, zuôr muôs têx hax huv, zav nox.  Co cux zos six hơưv têx hax huv chuôr, hax huv tsi jông, tsi pâuz tsênhz qơư, zuôr muôs saz đrâuv luôs 2 chas thax tsav, têz qơưk lol tsi trơưk chei….muôx muôs ntâu têx ciêz đrôngs, uô tsi truôx tuk lênhx nênhs sir zôngv li đas jos, uô tuôr xuôv nhiêx txiêx. Trơưk li zơưv Nguyễn Trọng Thắng, nhoz xã Hoà Cuông, huyện Trấn Yên, tỉnh Yên Bái, zos têx cơ quan muôx vax huôv tsi qênhz yuôx mak pêx xênhv, lar heik zos tsôngv niêv txir lax pêx xênhv nhoz tox siêz đêz đrôngs lok six lax pâuz tâu têx huv ntơư, zos huv jông lok tsi jông:

“Chor hax huv zuôr muôs tsi trơưk chei, tsênhz đuô zos têx huv chuôr, huv tsi jông puôr lênhx uô ruôr hiêv txos đas jos. Lênhx nênhs sir zôngv mak cux xar cov lưv lươngv seiz car ciêz đrôngs thiêz ngênhx muôx vax huôv tsuv uô tsênhz mênhx, heik trâu pêx xênhv pâuz, iz zav li pêz pêx xênhv tsuôk pâuz zuôr xưz, tsi pâuz shor co zos huv chuôr lok huv jông, viv seiz njiê nưk jông iz zav”.

Têx chuôz zênhx tâu muôs ntơưv ciêz

Zơưv Trịnh Văn Thành, Phưv Giám đốc Sở Công thương tỉnh Yên Bái lênhk nhav tiêk: Tsênhz tiês nhiv no, iz chas têx huv muôx suôz bê to, tsơưr lươngv jông mak cux muôx lok six ntâu têx hax huv tsi jông, tsi pâuz tsênhz qơư, tsi taz por truôx tuk zav nox….. Têx huv no khênhr zos gri fênhx zis, muôx muôs shơư trâu chor huv jông chiê đas nziêk lênhx nênhs sir zôngv. Chênhr zos li heik co, por hưv lênhx nênhs sir zôngv zos ngênhx Công thương thiêz Hội por hưv lênhx nênhs sir zôngv li hâux lưv zov chênhr:

“Hội por hưv lênhx nênhs sir zôngv zuôr sir jos yax kriê lok têx huv jông, huv chuôr chiê tsôngv pêx xênhv pâuz tsênhz, đhâu co li tsi zuôr tâu têx huv chuôr. Luôs hâux lưv no tâu uô tsi so. Sở Công thương cux heik têx cơ quan muôx vax huôv sir jos sik đros yax kriê lok por hưv lênhx nênhs sir zôngv. Sở Công thương đros Cục seiz car ciêz đrôngs cux chuôz tsar qênhz yuôx, qênhz shuôs chiê taz por hax huv muôx tsơưr lươngv muôs hâur ciêz đrôngs”.

Nhiv no, thôngz đhâu têx Hội ciêz muôv muôs thiêz tsaz yênhx thâux xa têx hax huv Việt Nam  muk txos thax tsav tox siêz, cxuô ngênhx muôx vax huôv nhoz Yên Bái tưz heik kriê trâu lênhx nênhs sir zôngv pâuz lok têx hax huv chuôr, huv tsi jông khênhr muôs nhoz têx qơư muôs huv, ciêz tox siêz. Pos Nguyễn Thị Hoa, nhoz xã Hoà Cuông, huyện Trấn Yên heik pâuz: Tsuôk đhâu thâuv tâu lưv lươngv muôx vax huôv heik kriê, pos Hoa 2 niêv txir li pâuz tsênhz chor huv chuôr, huv tsi jông ntơư:

“Zos chiê pêz muk ciêz, pêz zuôr tsi pâuz zav tưs zos chuôr, zav tưs zos chor jông. Nhiv no tâu seiz njiê pov li nor thiêx pâuz tâu”.

Trơưk li mông txix Cục seiz car ciêz đrôngs tỉnh Yên Bái, hâur 6 luz hlik hâur shôngk shông, lưv lươngv muôx vax huôv tưz qênhz pov thiêz xưv bluô 265 txuz uô cxâuv lok sâuv zuôr muôs têx hax huv chuôr thiêz huv tsi jông; chor nhiêx bluô tâu txix têx uô cxâuv co zos 660 tsov đeiv ntâu.

Taz sik, co nhiv kruôr zos iz phênhv tưs têx tsiv uô, zuôr muôs chor huv chuôr, huv tsi jông trâul qênhz pov xưz. Chênhr zos li ntơư, hâux lưv yax kriê, heik tsôngv pêx xênhv tox siêz đêz đrôngs pâuz thiêz phênhz mênhx têx hax huv, bax tsưr ziv đros phax tir thêir têx tsi jông li heik sâuv tsuv tâu tror sir jos cxiz uô hâur ntu zuôr txos./.

(Đinh Tuấn-Riê Lâux cxeik, nhênhv)

COAR LIK THIÊZ POR VÊV JÔNGR

          Cơ quan muôx vax huôv choz jôngr, ntiêr jôngr:

          - UB tỉnh, thành phố nhoz saz TW cuiz tênhv choz jôngr, ntiêr jôngr đros tsưr tsix hâur têz qơưk, nênhs Việt Nam nhoz saz đrâuv têz qơưk; puz ntiêr jôngr đros têx tsưr tsix, lênhx nênhs zos nênhs saz đrâuv têz qơưk.

          - UB huyện, quận, thị xã, thành phố nhoz tỉnh cuiz tênhv choz jôngr, puz ntiêr jôngr đros ziv chuôz zis, lênhx nênhs.

          - UB muôx vax huôv choz, puz ntiêr jôngr tưs mak muôx vax huôv sâu tsês jôngr co.

          * Chiz coaz muôx vax huôv choz jôngr, puz ntiêr jôngr, sâu jôngr, hlôngr tsưr ziv sir zôngv jôngr:

          + Thủ tướng Chính phuv cuiz tênhv hlôngr tsưr ziv sir zôngv tas nro lok sik iz phênhv thax tsav jôngr zos Thủ tướng chính phuv xav tênhv.

          + Chủ tịch UB tỉnh, thành phố nhoz saz TW cuiz tênhv hlôngr tsưr ziv sir zôngv tas nro lok sik iz phênhv thax tsav jôngr zos Chủ tịch UB tỉnh, thành phố nhoz saz TW xav tênhv.

Njiê fiêx txưr tsi zôngv huôr tơưs

          Phax tar cuz tox cuz jôngr:

          - Nhoz têx thax tsav jôngr chêx chôngk, jôngr zôngx ziv trâus cuz, tsưr jôngr tsuv muôx tsưr ziv phax cuz tuô cuz jôngr; thâuv chos jôngr yiêz tsuv chêx chôngk njuôs xav, cxiv tsa cêr cêv kuôk tir tar hluôr tơưk txeik cuz, muôx qơư seiz jor hluôr tơưk, fiêx canhv pov, cxix luôk thôngz xor mông lơưr Pháp luật li cui tênhv lok phax cuz tuôx cuz jôngr, uô trơưk chiz coaz têz qơưk muôx vax huôv li heik kriê, qênhz yuôx.

          - Zos tâu hlơưr hluôr tơưk hâur jôngr, jê jôngr chiê uô liêx têz, bax ar chiê chos jôngr, hlơưr uô ntêx cheix ntux kruôr lok sik zôngv hluôr tơưk hâur xênhz huôx mak nênhs hlơưr tsuv uô têx tsưr ziv phax cuz tuô cuz jôngr.

          - Tsưr tsix, ziv chuôz zis, lênhx nênhs cxiv tsa, uô têx huôx tôngv sâuv têx côngz tsinhx muk đhâu jôngr li: cêr hlâu, cêr ar, cêr tênhv tênhz thiêz huôx tôngv ndis shuôk uô si, huôx tôngv txơưr pêv har jôngr, jê har jôngr tsuv uô têx cui tênhv lok phax cuz tuô cuz jôngr; uô trơưk têx tsưr ziv phax cuz tuô cuz jôngr mak chiz coaz têz qơưk muôx vax huôv thiêz tsưr jôngr tso tơưv.

          - Thâuv muôx cuz jôngr, tsưr jôngr tsuv ciêr chênhr tuô cuz jôngr, pov cov trâu chiz coaz têz qơưk muôx vax huôv; zos zuôr trâus mak UB têx cấp muôx txơưx jênhv thiêz vax huôv huiz tôngv cxuô lưx lươngv, phaz pênhv zuôr trâus nhoz tiv phaz, sik côngv đros têx lưx lươngv ciêr chênhr tuô cuz cov muôx chêx cuk./.

(Tuyết Lan-Txâur Vax cxeik nhênhv)