Ndis uô si chêix ntux yiêz muk Sìn Hồ, tsuv nox siv mênhx cxưx Cho Khâu li chor nduôr hmôngr cxur

Đros mênhx cxưx Cho Khâu Sìn Hồ-Lai Châu, lênhx tưs cux pâuz uô nduôr hmôngr blêx txix pos zơưs, niêv txir kriê thiêz no zos zav nduôr tsik so tâu uô trâu hâur zuk mênhx cxưx li têx jiês ntênhk hội thiêz hâur têx hnuz tsiêz.

Têx tsuv muôx chiê uô zav nduôr no zos hmôngr blêx txuô thiêz suôz thax caz tsiz. Tsuv xêir tsov chor cxur txuô liêz ntơưv zuk qơư nhoz txix chiv uô ntêx mak thâuv uô nduôr chor hmôngr blêx thiêx su jông. Đhâu thâuv xêir tsov tâu cxur pox nhuôs chox muk jơưr cov hur thiêz muôz tsâu đêx đhâu iz hmo, đhâu co muôz jov yênhx hmôngr tsês chiê cov kruôr đêx, đhâu co muôz chox muk vâuv cov ndê chơưr. Pos Chẻo Mý Lai, nhoz khu 5, thị trấn Sìn Hồ, tỉnh Lai Châu puz pâuz:“Chiê cov nduôr kaz thiêz su siz luôs mak tsuv xêir uô txix chor cxur liêz ntơưv thax tsav qơư mak nduôr thiêz tsư kaz. Đhâu thâuv chor cxur tâu jov uô hmôngr thiêz xar cov chor hmôngr cxur su thiêz ndê chơưr thâuv chox chor nduôr muk chuz cov su mak tsuv uô cov siêr uô ntêx iz chor hmôngr cxur đhâu co muôz siz tor đros chor hmôngr cxur tsênhv yuôr thiêz chox muk jiêz yar ntux lok sik tso jê ntơưv ntus chuz cov kruôr sêi tsik chiê chor hmôngr cxur co tuôx pưv”.

Iz zav tsuv muôx chiê uô nduôr no zos chor suôz thax caz tsiz. Chor suôz thax caz tsiz co tâu muôz lok râuz cov zax uô cuô, đhâu co muôz liv iz jiês tas mav muôz tor shơư đros chor hmôngr cxur tưz vâuv tâu, đhâu co muôz têk đo thiêz juôx tax thâuv tưs chor hmôngr cxur co tsik khor uô têx luz mav muôz tso trâu hâur têx têik chox muk chuz hâur oz six hơưv. Thâuv kriz mak hnor tsư kaz jiz thiêz tsư hmôngr cxur ndê chơưr. Chiê muôx tâu chor nduôr hmôngr cxur kaz mak pox nhuôs mênhx cxưx Cho tsuv bax txix hmo uô ntêx, txos hnuz kriz ciêz, nduôr tâu chuz trâu thâuv sơưr nzor thiêz muôz iz đêiv ntâuz vor ntov jông, zơưk đêiv ntâuz mak chor nduôr tsênhv sor cuz tsư kaz nziês. Nduôr tâu chôngz lênhx nênhs zuôr lok tsêr chiê nox đhâu iz jiês tuôx muk ciêz. Niêv tix Tẩn Sun Mẩy, xar Phăng Xô Lin, huyện Sìn Hồ puz pâuz:“Cur pâuz uô chor nduôr hmôngr cxur no tâu muôx 20 ntâu shông lơưv. Txos trâu yênhx jiês ciêz mak cur chuôz zis ho bax cxuô zav chiê uô nduôr, chiê uô tâu iz chor nduôr li no mak tsuv tas oz hnuz oz hmo. Chor nduôr no cux lax uô viv li tas nro ciêz mak tsuôk muôx 3 ziv chuôz zis thiêx uô chor nduôr no muôs ntơưv ciêz xưz”.

Hâur chor nênhs ndêiv muk đêz zuk qơư nhoz, tror ndo txos thâuv zâu đros niêv muk ciêz, đros cxuô zav nduôr, thax…, zav nduôr no zos iz zav nox sưv jê thiêz tsênhv ndo njôngr txos. Têx luz nduôr đax jông, tsư kaz uô trâu sơưr đơưk nox tâu mak zênhx ndo njôngr nhoz đuôz siêz tsik plox. Niêv tix Vương Thị Thủy, iz lênhx nênhs txix Hà Nội tuôx hêik pâuz:“Cur lok six nhiêv txos têx jiês ciêz nhoz tox siêz li no, tiv zix zos mênhx cxưx Cho Khâu li chor nduôr hmongr cxur. Nox mak kaz txơưr tsik xưk li têx zav nduôr txơưr đuô”.

Zos muôx jiês tuôx txos trâu Sìn Hồ, tsôngv fôngx zưs tsuv ndo njôngr muk ndis shuôk têx ciêz chiê nox siv mênhx cxưx Cho Khâu nhoz ntơưv no li zav nduôr hmôngr cxur hêik tas co./.

(Chẻo Thu-Lik Thox cxêik nhênhv)

Sơn La seiz car muôv muôs chuôz zênhx y tế phax tar

moz Covid-19

          Hâur têx hnuz hâur shôngk shông yiêz no, moz Covid-19 tsênhv huôv xênhz phêv liv, Sơn La tror muôx têx lênhx nênhs trâus moz hâur côngv thôngx, đros thiêz lênhx nênhs tror lok tiv phaz chuôz ndê siêz, viv li tsôngv box li zoz qơưx zuôr têx chuôz zênhx y tế phax tar moz cux chuôz ndê, tiv zix zos têx zav chuôz zênhx njuôs siv moz Covid-19 sei chiê chuv tôngv phax tar moz. Chiê taz por qênhx liv trâu nênhs sir zôngv thiêz taz por côngv thôngx li đas jos, Sở y tế Sơn La tưz chuôz tsar coar lik, qênhz yuôx hâux lưv uô têx cui tênhv lok muôv muôs chuôz zênhx y tế hâur phax tar moz Covid-19 nhoz têx qơư muôv muôs yuôx, têx qơư coar lik, kho moz Covid-19 sâuv thax tsav tỉnh.

          Lơưr zơưv Trần Trọng Hải, Phưv giám đốc Sở y tế Sơn La, têx qơư muôv muôs yuôx tsuv côngz fur muôx txâuk theox chênhv muôv muôs chuôz zênhx y tế zav B,C,D lơưr cui tênhv ntơưv Grê 40 Chính phuv li Nghị định số 98/2021/NĐ-CP hnuz xiêz 8/11/2021 lok coar lik chuôz zênhx y tế.Thâuv tưz uô tiêr ntâuz ntơưr côngz fur tâu muôv muôs lơưr cui tênhv, têx qơư muôv muôs yuôx tsuv muôs têx chuôz zênhx njuôs siv caz moz SARS Cov 2 tưz tâu Bộ y tế cungz số đăng cir, ntơưr tsi chei zuôr, taz por tsơưr lươngv, pâuz tsênhz qơư tsiv uô, qơư cungz huv cêr chei. Zơưv Trần Trọng Hải, Phưv giám đốc Sở y tế Sơn La heik: “Sở y tế zuôr tror chuôz tsar qênhz yuôx hâux lưv muôv muôs ntơưv tas nro têx qơư muôs chuôz zênhx y tế phax tar moz Covid-19, têx qơư coar lik, kho moz Covid-19 sâuv thax tsav; tiv zix zos qênhz yuôx hâur pâus tsiv uô, grê muôs têx zav bos kror ndâux y tế, yuôx kho moz Covid-19, chuôz zênhx njuôs siv moz Covid-19...”

          Hâux lưv qênhz yuôx jông huôx tôngv muôv muôs xiv huv njuôs moz sei heik taz thiêz têx chuôz zênhx y tế phax tar moz heik cxuô tưz gôngr phênhv muôz siêz têx qơư muôv muôs yuôx sâuv thax tsav tỉnh Sơn La li chinhz yênhx, txơưx jênhv. Dược sĩ Đinh Công Dương, qơư muôs yuôx Hồng Thúy nhoz TP Sơn La pheiz kênh:“Zav chuôz zênhx njuôs siv moz Covid sei mak nhiv no cur qơư muôs yuôx tsi tâu tsi chei muôs, viv li pêz tsi muôs. Nhiv no Sở y tế tưz muôx ntâuz ntơưr heik kriê chiê đăng cir cxaz muôs hax huv no. Thâuv Sở y tế tso chei mak pêz zuôr muôs”.

          Nganhx y tế Sơn La cux chuôz tsar yax mông, heik tsôngv box tsi cxoz chiv chir zuôr têx chuôz zênhx njuôs siv moz sei thiêz têx zav chuôz zênhx tsi tâu côngz fur txâuk theox chênhv muôv muôs lơưr cui tênhv; tsi zuôr têx chuôz zênhx tâu muôs sâuv mạng xã hội lok sik muôv muôs chuôz zênhx zuôr txix saz đrâuv têz qơưk lok. Thâuv njuôs siv moz, tsôngv box tsuv uô trơưk têx tsưr ziv mak qơư tsiv uô heik kriê sâuv chuôz zênhx njuôs siv sei co.

          Thôngx cxix, zos lênhx nênhs tưs njuôs siv pov trâus moz mak tsôngv box tsi cxoz cxơưx, tsuv chox đeiv bos kror ndâux y tế, tsi njiz lênhx nênhs txơưr, chiv chir cêv kuôk hâur tsêr; thôngz pov trâu qơư y tế, tuêv Covid côngv thôngx, chính quyênx tiv phaz chiê tâu heik kriê, paz txưv./.

(Lê Hạnh-Txâur Vax cxeik nhênhv)