Tsôngv px ntus đriv Lai Châu huôv tsar uô nênhx nhoz trâu têx tsêr niêv côngv siêz

          Hâur têx hnuz đhâu, ntâu chuôz zis nhoz thax tsav ntus đriv huyện Mường Tè, tỉnh Lai Châu tưz tâu nhoz hâur têx tsêr cxiv uô tâu truôx khor sor siêz lul.

          Pos Sì Lén, nhoz jos Tá Pạ, xã Tá Pạ, huyện Mường Tè shir phaz lul hêik pâuz tiêk: Siv nênhx no tsuôk nhoz hâur têx tsêr kâus kiz jik, thâuv tưs ntux lok nas, kror cxiê qơư hâur chuôz zis ntuz nas kiêk nênhs njuôr. Chênhr zos luz nênhx txov nhêv, têx mê nhuôv tsuôk cơưv pâuz mê njik ntơưr thiêx tso ntơưr tsês tsik cơưv, chiê đros niêv txir nhoz hâur tsêr paz niêv thiêz txir khưr uô liêx têz. Nhiv no, muôx chor txir nzơưv tuz lênhv tuôx paz cxiv uô tâu tsêr truôx nhoz, chuôz zis tso siêz khưr uô nox:“Cur tus txir tâu tas siv nênhx lơưv nzor, yuôr cur iz lênhs khưr tu zus 6 tus mê nhuôv, chuôz zis mak txov nhêv cơưs.  Nhiv no, tâu Đảng têz qơưs, lar hêik zos tâu tuz lênhv paz cxiv uô tâu tsêr truôx khor trâu pêz chor niêv tuz nhoz, uô tsâus ntâu cán bộ tuz lênhv”

          Chiê tsôngv px cxuô hêir nênhs hâur thax tsav ntus đriv muôx tsêr nhoz truôx, hâur ntu đhâu, cán bộ tuz lênhv Biên phôngx tỉnh Lai Châu tưz sir tas ntâu đas jos tsưr ziv paz tsôngv px hauar thax tsav muk đhâu têx cêr txov nhêv, iz thênhv jux juk muôx luz nênhx truôx tuk, tsâu sor.

          Trung tá Phùng Nhù Giá, Chính trị viên, Zênhx Biên Phôngx Ka Lăng, tuz lênhv biên phôngx tỉnh Lai Châu hêik pâuz tiêk: Chiê cxiv uô cov tâu iz luz tsêr truôx khor chox lok nhoz, tuz lênhv Biên phôngx tsuv cơưv shâuv hav têx kruôr hlâu, txiêr kuôr hlâu thiêx cxiv uô tâu  thiêz txos nhiv no, tsôngv px hâur thax tsav ntus đriv truôx siêz lok nhoz têx tsêr yiêz, truôx khor, cán bộ tuz lênhv cux tso siêz tsưx phưv thax tsav ntus đriv:“Hâur ntu đhâu, tuz lênhv zênhx Biên phôngx Ka Lăng tưz sir tas ntâu côngk đas jos, tsưr ziv uô hâur yênhx hnuz thiêx cxiv uô tâu tsêr trâu tsôngv px hâur thax tsav ntus đriv nhoz”

Txix têx luôs hâux lưv uô paz trâu tsôngv px pluôs, muôx luz nênhx txov nhêv, tsik muôx tsêr truôx nhoz hauar thax tsav huyện Mường Tè, đros trâu têx pênhr nhiêx ntâu ngênhx thiêz têx lênhx nênhs siêz jông  muôz paz; tuz lênhv Biên phôngx tỉnh Lai Châu tưz cxiv uô tâu 100 ntâu luz tsêr niêv côngv siêz choz trâu tsôngv px pluôs hâur thax tsav ntus đriv  lok nhoz huôv tsar cêr uô nênhx. Đại tá Lê Công Thành, phưv chính uỷ, Bộ tuz lênhv biên phôngx tỉnh Lai Châu hêik pâuz nzir:“Hâur ntu zuôr txos no, pêz tsênhv zuôr tror chox car cxuô đơn vị uô jông luôs hâux lưv fuô yax kriê tsôngv px tso siêz nhoz truôx qơư, huôv tsar cêr uô nox thiêz pêz tsênhv zuôr đros têx tsưr tsix, lênhx nênhs siêz jông, sik côngv cxuô luôs hâux lưv muôx liv paz trâu tsôngv px pluôs hâur thax tsav ntus đriv”

Têx tsêr niêv côngv siêz cxiv uô tâu tiêr, choz zok trâu cxuô chuôz zis huv đros six hơưv hnuz nhôngs, tsôngv px pluôs nhoz thax tsav ntus đriv Mường Tè tưz muôx cêr shir phaz thiêz paz trâu tsôngv px hâur thax tsav huoov tsar cêr khưr uô nox, iz thênhv jux juk muôx luz nênhx truôx tuk tsâu sor. Txix tuz lênhv cxuô luôs hâux lưv uô muôx liv ntơư, tưz uô trâu tsôngv px sđ njênhr njôngr txos Đảng, têz qơưs têx pênhr nhiêx muôz paz, tsôngv px ziv truôx siêz đros tsưx phưv têz qơưs hâur thax tsav ntus đriv./.

                                                                                  Tsu cxêik nhênhv-Khắc Kiên-VOV Tây Bắc

Tsôngv pêx xênhv tsi cxoz seiz njuôk shuôs moz Covid-19 ntâu jiês

Tiv têx lênhx nênhs trâul moz Covid-19 tsar ndê chôngz lênhx ntâu tus hâur têx hnuz jê lok no, viv li ntâu lênhx pêx xênhv nhoz Sơn La tưz chiv chir muk zuôr têx chuôz zênhx seiz njuôk shuôs moz sei lok chiê zuk seiz njuôk zuk caz moz Covid-19 hâur tsêr.

Trơưk li qênhz shuôs ntơưv iz cxiê qơư muôs yuôx hâur thax tsav TP Sơn La, phênhv ntâu kruô lơưr tuôx zuôr têx chuôz zênhx seiz njuôk shuôs moz li heik sâuv zos Hàn Quốc, Đức thiêz Trung Quốc tsiv uô, iz zav chuôz seiz njuôk shuôs moz gri txix 70-90 cxênhz đeiv. Txơưv tiêk gri tưz tsar ndê siêz đuô txix 10-30 cxênhz đeiv iz zav pir li six hơưv uô ntêx, taz sik muôx kênh thâuv têx qơư muôs yuôx ntơư tưz muôx tsi txâuk muôs trâu tsôngv pêx xênhv. Pos Lò Thị Hoan nhoz phường Quyết Thắng, TP Sơn La heik pâuz:“Muôx kênh jiês cur mul zok nriêr zuôr đhâu 2, 3 kro qơư muôs yuôx thiêx zuôr tâu. Gri mak lơưr qơư muôs yuôx heik li chas zuk pâuz thêv li ntơư xưz, cux tsi pâuz shor tsênhz tiês gri muôs li chas”.

Thôngz sâu hâur tas nro tỉnh Sơn La, nhiv no muôx 950 ntâu qơư zuôr muôs têx yuôx kho moz gênhk tưz tâu muôz ntơưr côngk nhav tâu chei zuôr muôs têx yuôx, chuôz zênhx seiz njuôk shuôs moz. Zơưv Trần Trọng Hải, Phưv Giám đốc Sở Y tế tỉnh Sơn La heik pâuz: txix tsôngv pêx xênhv têx zoz qơưx tsênhv tsênhz zuôr chor chuôz zênhx seiz njuôk shuôs moz li heik sâuv ntâu, Sở tưz muôx ntâuz ntơưr chox kriê têx qơư y tế thiêz chor qơư zuôr muôs yuôx kho moz gênhk hâur thax tsav tỉnh uô lơưr jông têx cui tinhv lok sâuv zuôr muôs chor chuôz zênhx seiz njuôk shuôs moz Covid-19 co trơưk chei têz qơưk cui tinhv. Iz chas ntơư, Sở cux tso lênhx nênhs muk qênhz yuôx shuôs luôs hâux lưv zuôr muôs têx chuôz zênhx seiz njuôk shuôs moz, yuôx phax phôngz moz Covid-19 ntơưv chor qơư muôs yuôx, qơư seiz car, kho moz Covid-19 hâur tas nro thax tsav tỉnh, cux iz zav li cxơưz tiês hâux lưv yax kriê chiê tsôngv pêx xênhv sơưr đơưk zuôr tâu têx chuôz zênhx jông seiz njuôk shuôs moz:“Sở Y tế tưz đros têx cơ quan muôx vax huôv yax xa mông, fuô kriê trâu pêx xênhv pâuz txos têx chuôz zênhx seiz njuôk shuôs moz Covid-19 tưz tâu Bộ Y tế  muôz sôr đas cir, tso chei zuôr muôs chiê cxuô thax tsav qơư thiêz tsôngv niêv txir lax pêx xênhv tâu pâuz. Iz chas ntơư, yax kriê trâu pêx xênhv thâuv zuôr chor chuôz zênhx co tsuv muk zuôr ntơưv têx qơư muôs yuôx tưz muôx txâuk têx ntâuz ntơưr, cui tinhv tâu chei zuôr muôs têx yuôx thiêz chuôz zênhx seiz njuôk shuôs, kho moz gênhk, tsi tâu lav tâuk lav zuôr sâuv mạng xã hội uz no…. Thâuv seiz njuôk shuôs moz mak pêx xênhv tsuv uô trơưk qơư tsiv uô têx chuôz zênhx co li heik kriê”.

Txix thâuv đhâu nox tsiêz têz qơưk tas txos nhiv no, chor nênhs trâul moz Covid-19 ntơưv Sơn La tsar ndê chôngz lênhx. Trơưk li cơ quan muôx vax huôv heik, tsôngv pêx xênhv sơưr đơưk tsi cxoz cxơưx hênhr thiêz tsi tas zuôr seiz njuôk shuôs moz tsi so, viv uô li ntơư cê uô tuôr xuôv nhiêx txiêx, cê uô trâu muôx tsi txâuk têx chuôz zênhx heik sâuv lok seiz njuôk shuôs moz, uô tuôr thênhv txos luôs hâux lưv phax tir their moz gênhk.

Trơưk li Bộ  tế cui tinhv, têx lênhx nênhs tưs zos tâu nhoz jê đros lênhx nênhs moz mak tsuôk seiz njuôk shuôs iz jiês lok hnuz tiv 5 đhâu thâuv kuôk cêv; hok lênhx nênhs trâul moz tsuôk seiz njuôk shuôs lok hnuz tiv 7 xưz. Zos thâuv tâu nhoz jê đros lênhx nênhs moz ntơư mak tsuôk seiz njuôk shuôs thâuv pov muôx têx moz li: Hnôngk, uô cuz uô no, uô tsi yuô tâuk pa, thiêz hnuz tiv 5 li seiz njuôk shuôs, viv tiêk zos seiz njuôk nzor đuô mak zuôr tsi yuô pâuz mênhx, têx caz moz cik tâu trâu hâur đros chêr tsuv đhâu co 2, 3 hnuz, thâuv ntơư seiz njuôk shuôs thiêx pâuz tsênhz. Đhâu thâuv seiz njuôk shuôs sei tas, tâu xav zos trâul moz Covid-19 mak sơưr đơưk tsi tas muk tso nyar seiz njuôk shuôs lơưv, thâuv no tsuv heik zênhx max trâu cơ quan y tế pâuz chiê lơưr seiz car chor nênhs trâul moz thiêz uô trơưk têx tsưr ziv chơưv kho moz Covid-19 ntơưv qơư y tế lok sik hâur tsêr./.

                        (Thu Thùy-Riê Lâux cxeik, nhênhv)