Txir lưv tsiz sôngz Sông Mã siêr nzor, grê muôk chuôz ndê siêz 3 jiês pir đros chiv cheix

Jos Huổi Bó, xã Chiềng Khoong, huyện Sông Mã (Sơn La) têx hnuz no muôx ntâu ziv chuôz zis tsênhv muk sâu đê txir lưv tsiz siêr nzor, đros têx tâur txir lox jông. Tix lâus Lường Văn Mười, Giám đốc HTX jix vuv kôngz nuv Hoa Mười puz pâuz: HTX muôx muôx nhos 30 hecta ar chos txir lưv tsiz, iz shông sâu txix 230-270 tênhr txir, txos chiv cheix sâu mak khênhr muôs tâu grê txix 10-15 cxênhz đeiv iz cir. 2 shôngk tror lok no, tix lâuk đros têx xã viên truôx siêz zuôr nôngz lok chos chês siv txir lưv tsiz sôngz siêr nzor; pov muôx chêx cuk viv li yênhx trus krêz đar cxaz. Tix têx xã viên li siêz sir jos, txos nhiv no, HTX tưz muôx 10 hecta txir lưv tsiz sôngz siêr nzor, hâur co 1 hecta ntâu tưz sâu tâu. Txir lưv tsiz siêr nzor muôx tsơưr lươngv siêz, tâu sâu zuôr ciês ntơưv vax đros grê zos 60 cxênhz đeiv iz cir: “Ntu no khav tênhv tâu tiêk pêz tưz yênhx côngz thiêz pêz lok six jông siêz. Tiv zix zos shông no Festival txir ntông thiêz xiv huv OCOP Việt Nam shông 2022 tâu tsưr tsix ntơưv Sơn La cux zos iz hâux lưv jông trâu pêz chiê pêz chox xiv huv tuôx heik kriê txos tuz luôv, têx công ty, doanh nghiệp thiêz têx lênhx nênhs saz đrâuv têz qơưk, ndar txos hâux lưv muôs tơưv trâu saz đrauv têz qơưk lêx ntêr”.

          Tix lâuk Mười cux puz pâuz: Chiê muôx tâu xiv huv txir lưv tsiz siêr nzor, tsôngv box nôngx mênhx tsuv uô trơưk tsưr ziv tsoz phưz, pôngz ntâu côngz thiêz tsuv uô trơưk six hơưv. Thâuv sâu tsuv seiz njôngr tsoz chos li huôv tsar thiêz tsov lơưr qiv hơưv chiê xav tênhv hâux lưv tsoz phưz; fênhx yax mak txix kaz hli 10 txos hâur hlik hli 11 niêx shông tsuv fông qir, zưs đêx cxix cxuô cov ar nông, tsoz chos thiêx tơưs pax huv đros:“Phêv liv xuz thơưx, cur cux xưk li têx xã viên thiêz pox nhuôs nhoz iz ndis tsênhv sâu đê txir lưv tsiz sôngz ngaz tul, txơưv muôz txiêr por tsês, pôngz lơưv 2 chiv tsi tâu sâu, co zos têx mak pêz xar lok six ntâu; taz sik đros tsưr ziv uô jông, truôx siêz uô mak nhiv no tưz yênhx côngz, txir lưv tsiz sôngz siêr nzor chox lok chêx cuk kinh têr siêz đuô”

          Huyện Sông Mã nhiv no muôx 7 cxênhz 500 hecta ntâu mênhv chêx chos txir lưv tsiz sôngz, hâur co muôx muôx nhos 300 hecta txir lưv tsiz sôngz siêr nzor, chêx chôngk nhoz têx xã Chiềng Khoong, Chiềng Khương thiêz Nà Nghịu....Txir lưv tsiz sôngz siêr nzor nhoz Sông Mã phênhv ntâu zos ziv chuôz zis nôngx mênhx, HTX chiv chir uô. Zơưv Nguyễn Tiến Hải, Tsar phongx kôngz nuv thiêz huôv tsar nôngx cxênhz huyện Sông Mã puz pâuz: Xiv huv txir lưv tsiz sôngz siêr nzor muôx grê muôs siêz đuô 2-3 jiês pir đros chor txir siêr trơưk chiv cheix. Nhiv no phongx tsênhv sir jos sik côngv đros Tsênhv qơư jix vuv kôngz nuv, Viện nhênhz chơưv jâuz txir ntông cxơưz cxiz thiêz heik kriê nôngx mênhx chos chês txir lưv tsiz sôngz siêr nzor sâuv têx nôngz txir lưv tsiz sôngz T6, Ánh Vàng...chiê krêz uô đêz đar, muôz siêz nênhs chos txir lưv tsiz sôngz li phênhv sâu. Tas nro huyện sir jos txos shông 2030 muôx zuôr xar 1 cxênhz hecta txir lưv tsiz sôngz siêr nzor:“Nhiv no txir lưv tsiz sôngz siêr nzor Sông Mã tâu têx tuz luôv hâur têz qơưk cux xưk li tuz luôv Trung Quốc pâuz txos, cux tưz cir ntơưr đros HTX Hoa Mười thiêz iz cxiê HTX sâuv thax tsav Sông Mã sâu zuôr. No zos têx kror jông trâu xiv huv txir lưv tsiz sôngz Sông Mã, chiê ntâu lênhx nênhs tâu pâuz txos, sâu zuôr thiêz tsôngv box tso siêz chos”

          Tsi taz tso lok yar lengx siêz, txir lưv tsiz sôngz siêr nzor nhoz Sông Mã tsênhv muôx tsơưr lươngv jông, kaz thiêz tâu ntâu tuz luôv hâur thiêz đrâuv tỉnh tênhv sâu zuôr./.

(Trấn Long-Txâur Vax cxeik nhênhv)

Cêr sik côngv jông nhoz tuz lênhv thiêz pêx xênhv hâur chêix muôx ntux nas chuô

Pos Điêu Thị Lọi ziv chuôz zis, nhoz jok Pa Tần 3, xar Pa Tần, huyện Sìn Hồ, tỉnh Lai Châu zos chuôz zis zuôr xar pluôs; 5 lênhx nênhs hâur chuôz zis li phênhv sâu khov trâu mê njil blêx liêx thiêz tuk txir li hnuz côngz muk uô jos. Nhiv no blêx tưz txos trâu six hơưv sâu, taz sik oz pêz hnuz đhâu ntux lok nas tsik so, uô trâu chor blêx iz cxiê kror trâus lor vâu tas. Pos lok six cxơưx, zos hlêi tsik tâu mak chor blêx zuôr tsik jông tas thiêz zuôr sâu tsik tâu lơưv:“Cur chuôz zis muôx 2.000 thiêr ndis ntâu blêx liêx, ntux nas lox đros chuô tưz uô trâu chor blêx trâus lor vâu tas ntâu lơưv, zos hlêik tsik tâu blêx mak chor blêx zuôr tuôx câuk thiêz lưx tas. Tsênhv lok six cxơưx viv chuôz zis cux tsik muôx chôngz nênhs, cur chuôz zis tưz tâu chor cán bôv pênhz phax tuôx paz đros hlêik blêx”.

Chor bôv đôiv paz trâu pos Lọi thiêz pox nhuôs hlêik blêx nhoz Tiểu đoàn Huấn luyện-Cơ động, Bôv chỉ huy Bôv đôiv Pênhz phax tỉnh Lai Châu. No zos taz viv uô hâux lưv kruôz kriê chor tuz lênhv yiêz, cungz têx pênhr jos trâu cxuô taz viv thiêz chor zênhx Pênhz phax sâuv thax tsav. Viv li, hâux lưv paz pêx xênhv hlêik têx blêx liêx jiês no tưz paz trâu chor tuz lênhv yiêz no tâu nriêr pâuz lok têx kror tsênhv tsênhz, thiêz pâuz uô truôx jông đuô cêr sik côngv nhoz quân thiêz pêx xênhv thax tsav ntus đriv: Tuz lênhv Đèo Hải Tiến, Tiểu đổi 3, Trung đôiv 1, Tiểu đoàn Huấn luyện-Cơ động, Bôv Chỉ huy Bôv đôiv Pênhz phax tỉnh Lai Châu hêik:“No zos jiês xuz thơưx ciês cur thiêz sơưr đơưk tâu cxaz chuôz hlêik blêx paz trâu pêx xênhv. Txơưv tiêk muôx njil gênhk taz sik cur thiêz sơưr đơưk cux lok six shir phaz. Pêz vav tiêk zuôr muôx ntâu jiês đuô paz trâu pêx xênhv li no”.

Tas nro xar Pa Tần ntu no muôx 40 ntâu héc ta blêx, poz cưk chiv Tsâus Yiêz txos trâu six hơưv sâu. Têx hnuz no, yênhx puô Lênhx canr bôv, chiến sĩ bôv đôiv Pênhz Phax tsênhv sir jos paz trâu chor chuôz zis tâu sơưv cêr chêi, chuôz zis muôx luz nênhx txov nhêv sâu têx kôngz cov ndar chêix chiv. Đros tsưr ziv uô zos “paz trâu chuôz zis tưs mak uô cov tiêr ciês ntơưv chuôz zis co tso mav muk paz trâu têx chuôz zis txơưr”, canr bôv, chiến sĩ pênhz phax tưz sir jos chiê sâu têx blêx thiêz kôngz lôngk co chox lok trâu ntơưv pêx xênhv têx vax tsêr: Thượng tá Nguyễn Thành Đô, Chinhr triv viên Tiểu đoàn Huấn luyện-Cơ động, Bôv Chỉ huy Bôv đôiv Pênhz phax Lai Châu puz pâuz: Hâux lưv sâu têx blêx, poz cưk tâu canr bôv, chiến sĩ sir jos uô txix zuk li đas jos. Chor chiến sĩ tsuv phêiz uô yênhx paz chiê muk paz trâu pêx xênhv hlêik blêx, hlêik kror tưs mak uô cov suôv câuv ntơưv kror qơư co cov zôngx ziv trâu thâux xa thiêz taz por ngaz tuk hâur chêix ntux nas chuô:“Sâuv thax tsav Pa Tần muôx ntux nas truz ntêr hnuz ndax ciês trâu six hơưv sâu têx blêx thiêz poz cưk. Tiểu đoàn Huấn luyện-Cơ động tưz tso canr bôv, chiến sĩ muk paz trâu pêx xênhv sâuv thax tsav sâu têx blêx thiêz poz cưk, paz trâu pêx xênhv sâu cov ndar tâu chêix chiv, tsik chiê pox nhuôs njiz trâus ntux nas chuô ruôr hiêv txos, uô trâu têx kôngz lôngk tsik jông, chiê paz taz por luz nênhx trâu pêx xênhv nhoz ntus đriv”.

Kror chor bôv đôiv lok paz trâu pêx xênhv sâu têx kôngz lôngk cov ndar six hơưv thiêz chêix chiv tưz paz uô trâu cêr sik côngv siêz nhoz quân thiêz pêx xênhv tâu uô truôx jông đuô./.

(Khắc Kiên-Lik Thox cxêik nhênhv)