“Uô ntêx nyuôk” cxơưz cxiz pox nhuôs jos Vàng Ngần hla đhâu cêr pluôs thiêz uô bluô nux

Vàng Ngần- qơư zơưv Triệu Văn Lý uô tsar jos zos iz thax tsav tox siêz nhoz đêz, muôx ntu lok six txov nhêv, yeiz pluôs pir đros thiêz thax tsav txơưr. Têz qơưk no cux muôx jiês trâus ruôr hiêv hnhar đhâu jiês đêx cuôr yôngz lix xưv kuôk nor 4 shông tov ntêx. Taz sik, Vàng Ngần nhiv no tưz muôx ntâu hlôngr yiêz jông đros têx luz tsêr yiêz jông, muôx cxix cxuô têx chuôz zênhx yiêz phưx vưv luz nênhx đros têx txox cêr bê tông tâu uô lok six jông muk lok đhâu têx trôngz ciêv fix chos njuôz jông.

          Tsar jos Triệu Văn Lý puz pâuz, shông 2018, tsôngv box hâur jos tưz gôngr côngv, krêz đar tâu 8 cei cêr muk txos thax tsav qơư Ngã Hai thiêz 4 cei cêr muk txix Bản Trên txos Khe Bảo. Têx shông tov kaz no, txix têz qơưk li paz txưv, tsôngv box tưz uô yiêz tâu 5,5 cei cêr zaoz thôngz thiêz, hâur co 2,3 cei cêr lox, chor tsênhv yuôr zos muk têx qơư tsiv uô:“Cur tsuv yax six uô jông Đảng, têz qơưk li têx chủ trương, cêr chei viv li yax mông, vênhv tôngv tsôngv box heik txos tưs tsôngv box cux thôngx ziv uô lơưr txos co”.

          Uô tâu têx co, zos zơưv Triệu Văn Lý li têx sir jos hla đhâu phêv liv, iz siêz viv zuk têz zuk qơư. Zơưv Lý sir jos nriêr pâuz, cơưv shâuv, chox ciêv fix- zav tsoz chos tâu seiz zos paz tsôngv box cxuôv yeiz thiv pluôs nhoz Yên Bái lok chos sâuv têx tox trôngz iz ndis jêx jos. Txix 2,3 puôk yiv ndis, txos 1 hecta, 2 hecta, txos nhiv no zơưv Lý chuôz zis tưz muôx 10 hecta ntâu ciêv fix. Đrâuv co, chuôz zis zơưv tsênhv tu zus cxaz nhux tưv, nhux đas, buô chiê phưx vưv xênhz huôx thiêz muôs trâu niêv ciêz, chuôz cxaz phênhv sâu. Chiê cxêx txuôk nhiêx txiêx, zơưv Lý cux chos zuz ciêv fix chiê huôv tsar chos ciêv fix thiêz heik kriê trâu têx ziv chuôz zis hâur jos sik đros uô lơưr. Zơưv Đăng Kim Lý, Chủ tịch UB xã Suối Quyền shir phaz puz pâuz: Đros tsar jos Triệu Văn Lý li vênhv tôngv, yax mông, tsôngv box jos Vàng Ngần tưz muôx têx hlôngr yiêz jông. 100 ntâu ziv chuôz zis hâur jos tsênhv sir jos chos, tsoz phưz, krêz đar mênhv chêx chos ciêv fix. Tas nro jos nhiv no muôx 350 hecta, fênhx pheiz iz shông chos tâu 20 hecta ntâu:“Tsuôk đ/c Lý vênhv tôngv mak pox nhuôk lênhx tưs cux mnôngs thiêz uô lơưr, lok huôv tsar KTXH hâur jos mak pox nhuôk lok six njênhs njôngr”.

          Tuôx txos Vàng Ngần, đrâuv pov tâu têx chuôz zis nênhs Cho nhoz no li têx hlôngr yiêz jông, hâux lưv uô ntâu lênhx nênhs tsov cưv txos thiêz zos têx trâur nuv por vêv, huôv tsar jôngr ciêv fix hâur jos. Iz chuôz zis, iz lênhx tsôngv box puôr lênhx muôx txơưx jênhv sik đros chos, sik đros tsoz phưz, sik đros seiz car, por vêv jôngr ciêv fix. Tas nro mênhv chêx ciêv fix nhiv no tưz ndê txos 35 hecta ntâu.

          Chiê taz por côngz fênhx, tsênhz mênhx, tsar jos Triệu Văn Lý tưz cxaz chuôz thiêz pheiz côngz têx ziv chuôz zis hâur jos sik hlôngr tsoz phưz, por vêv. Shông tưs, nhiêx txiêx sâu tâu txix muôv muôs chês, blôngx ciêv fix thiêz iz cxiê xiv huv txơưr tâu fênhx pheiz 150 tsov đeiv. Phênhv ntâu chor nhiêx txiêx no tâu zôngv chiê paz têx ziv chuôz zis muôx luz nênhx txov nhêv, thâuv muôx moz gênhs, thâuv uô tsêr lok sik puz têx ziv chuôz zis txeik tsi zuôr nhiêx liv chiê huôv tsar cêr uô nox. Zơưv Triệu Trung Páo, iz lênhx tsôngv box hâur jos heik:“Tsôngv box cux huôv tar uô nox, truôx siêz uô tâu têx txox cêr bê tông muk lok zôngx ziv đuô, pov tâu têx co mak txơưv pâuz đ/c Lý tâu tsôngv box sđ njênhs njôngr li chas lơưv”

          Đros têx sir jos gôngr côngv, ntâu shông đhâu, tsar jos Vàng Ngần Triệu Văn Lý tưz tâu UB tỉnh Yên Bái, UB huyện Văn Chấn thiêz xã Suối Quyền khơưk muôz ntâu ntơưr kruôk; tâu jênhv Thủ tướng chính phuv li ntơưr kruôk lok yênhx tix jông hâur cơưv shâuv thiêz uô lơưr Hloz Hôx li shưz xar cêr uô nênhx jông ntu 2016-2020./.

                                                                  Đinh Tuấn- Txâur Vax cxeik nhênhv

Lào Cai: Sir jos xưv lik chor yêz thâux ntâu hâur qơư công nghiệp hóa chất lox tiv zix têz qơưk

Txox cêr 151, 152 txuôk đros Qơư công nghiệp Tằng Loỏng iz hnuz muôx yênhx puô luz yêz thâux ntâu hax huv muk lok đhâu. Cêr zâu, pêx xênhv thiêz công nhân yênhx hnuz tsuv muk lok đros chor yêz lox no cux zôngx ziv njiz trâus têx phiv liv. Tix lâus Nguyễn Văn Chiến – iz lênhx pêx xênhv nhoz ntơưv no puz pâuz:“Cux zos nênhs cxaz chuôz zoz thôngz taz sik cur lok six tsik jông siêz viv chor nênhs tsar yêz ntơưv no uô trâu pêz muk lok njiz ntâu phiv liv. Zos tiêk ho njiz trâus têx yêz uô muôx yưv txiêz nanv zoz thôngz mak cux zos iz kror tsik jông hlo”.

Siz txênhz muk lok sâuv têx cêr thiêz tsênhv muôx yưv têx phiv liv lox. Zơưv Nguyễn Công Lập, Chủ tịch Ủy ban xar Xuân Giao, huyện Bảo Thắng puz pâuz:“Muôx têx txuz uô tuôs lênhx nênhs tiv chor yêz thâux ntâu muk lok sâuv thax tsav; lok six ntâu têx yêz lox thâux ntâu đrêk , nhoz so uô phiv liv txos zoz thôngz thiêz pêx xênhv luz nênhx, cux xưk li têx yêz txơưr muk lok đhâu sâuv thax tsav”.

Lơưr Trung tá Phạm Đình Tuân – Đội trưởng đôiv Cảnh sát zoz thôngz – Công an huyện Bảo Thắng, tiv chor chuôz lov li quặng, than, lưu huỳnh, hóa chất tâu thâux muk lok trâu hâur qơư công nghiệp viv li thâux ntâu zos iz hâur têx kror muôx yưv phiv liv tiv zix, hâux lưv xưv lik têx uô cxâuv no cux njiz ntâu kror phiv liv:“Muôx têx luz yêz tôv qênhz yuôx tsuv sir jos hêik, xưv lik muôx yênhx châuv six hơưv. Muôx têx lênhx nênhs tsar yêz tsênhv tưr, uô phiv liv trâu chor tôv uô côngz xưv thiêz. Muôx têx lênhx mak tsênhv sir jos tưr thiêz hêv chor canr bôv hâur tôv uô côngz xưv”.

Chiê sir jos txo grêk têx uô cxâuv no, txix ciês thâuv hâur shôngk shông, lưx lươngv muôx vax huôv huyện Bảo Thắng tưz sir jos chuôz cxaz nênhs chiê qênhz yuôx, tir tar ntơưv têx qơư phiv liv yênhx hnuz hmo. Txos nhiv no, tôv tưz xưv lik xar muôx 30 luz yêz thâux ntâu, xưv bluô nhiêx txiêx muôx 600 triệu đêiv ntâu; sâu tsês 16 ntơưr tsar yêz. Iz chas co, chor lưx lươngv cux sir jos xưv lik chor yêz txuôk nzir têx đaz yêz, nênhs tsar yêz chêix yêz muk chênhr thiêz hâuk chơưr, bia thâuv tsar yêz./.

An Kiên-Lik Thox cxêik nhênhv