Cxur Séng Cù Lai Châu- Tox siêz Tây Bắc li zav nox kaz

  Đras liêx Mường Than, huyện Than Uyên zos đras liêx lox tiv 3 sâuv thax tsav faz Bắc thiêz zos đras liêx lox tiv zix nhoz tỉnh Lai Châu, muôx mênhv chêx tsêz chos kôngz nuv zos muôx nhos 2 cxênhz hecta. Nhoz no muôx tâu thax tsav ar jông, hâur đêx hur, qiv hơưv jông, paz uô tâu cxur Séng Cù Than Uyên tsư ha thiêz lok six kaz nto bê.

          Zơưv Tòng Văn Phát, nhoz jos Pom Pó, xã Mường Cang, huyện Than Uyên pheiz kênh: Cxur Séng Cù nhiv no muôx nôngz chos zos txix nôngz tiv phaz thâuv ntêx. Thâuv uô siêr njiêz lok six blâuv thiêz tsư kaz. Viv zos nôngz blêx tsi trâus txuôv đros têx zav nôngz txơưr viv li yar lengx sâuv tâu kis đuô pir đros thiêz têx nôngz blêx txuôv txơưr, taz sik tsiv grê mak siêz đuô lok six ntâu jiês thiêz tsuôk muôx nhoz HTX pox nhuôs thiêx li chos ntâu:

          "Cur chuôz zis tưz cir ntơưr đros HTX cxiv tsa Thanh Xuân. 2 shông đhâu krêz uô mak nôngz chos zos HTX cungz, liêx mak sik côngv tsêz chos cur chuôz zis đăng cir 2 sào. Chuôz zis thôngx ziv muôs tas nro cxur uô tâu trâu HTX Thanh Xuân, zos ntux lok nas mak HTX zuôr lok tsi chiê cxur trâus tuôx pưv, zos nyar ntux mak cur chuôz zis chiv chir jiêz thiêx li mav muôs, grê muôs cux ngaz tul".

Xiv huv cxur Séng Cù

          Shông 2021, cxur Séng Cù tưz tâu tỉnh Lai Châu côngz jênhv zos xiv huv OCOP thiêz tâu Cục sở hữu trí tuệ VN cungz ntơưr côngz jênhv đăng cir bê "Cxur nto bê Séng Cù Than Uyên". Chiê bê cxur Séng Cù ziv hnuz ziv tâu chôngz lênhx ntâu tul pâuz txos, huyện Than Uyên tưz krêz uô dự án zôngv tsưr ziv kỹ thuật yiêz lok tsêz chos thiêz tsiv uô, đros mênhv chêx ndê txos yênhx puôk hecta. Tsôngv box nôngx mênhx li tas nro siv huv thâuv sâu lok zos HTX sâu zuôr thiêz muôv muôs. Zơưv Nguyễn Văn Yên, Chủ tịch HĐQT xã cxiv tsa Thanh Xuân, huyện Than Uyên, tỉnh Lai Châu puz pâuz:

          "Ntu zuôr txos HTX cux bax iz cxiê njiêz luv chiê muôz siêz têx xiv huv, tiv zix zos cxur Séng Cù. Chiê uô tâu hâux lưv no HTX tưz sik côngv đros iz thax tsav chêx chôngk tsêz chos lơưr tsưr ziv VietGap. Nhiv no taz viv tưz bax cxix cxuô têx njiêz luv thiêz chiê tâu côngz jênhv VietGap mak ntu zuôr txos zuôr thor chiz coaz muôx txơưx jênhv côngz jênhv chuôz ndê xiv huv no"

          HTX cxiv tsa Thanh Xuân nhiv no tsênhv sik côngv đros muôx nhos 400 ziv chuôz zis nôngx mênhx chos blêx; hâur co muôx nôngz blêx Séng Cù zos zuôr xar 100 hecta ntơưv xã Mường Cang, Hua Nà. Đrâuv co HTX tsênhv sik congv tsêz chos têx xiv huv yiêz txix têx nôngz blêx Tan Pỏm, Tẻ Tròn, ntơưv xã Tà Hừa thiêz Mường Than.

          Đros qơư tsov txos zos chuôz ndê tsiv grê cxur Séng Cù hâur shông no thiêz tuôr truôx hâux lưv sik côngv uô chos lơưr tsưr ziv VietGap, HTX cxiv tsa Thanh Xuân tưz yưv pênhr zuôr cxix luôk meir jov, cxiv tsa tsêr, qơư jiêz kruôr; yênhx lix trang web thiêz chox têx xiv huv uô tâu trâu sâuv sàn muôv muôs điện tử chiê heik kriê txos cxuô lênhx nênhs pâuz txos.

          Zơưv Lò Văn Hương, Chủ tịch UB huyện Than Uyên, tỉnh Lai Châu puz pâuz: Đros tsưr ziv uô nhiv no, huyện tưz tuôr tsês thiêz huôv tsar tâu nôngz blêx kaz nhoz tiv phaz, sik côngv jông hâur nôngx mênhx thiêz HTX. Khov trâur nuv sik côngv no mak tưz hlôngr yiêz tsôngv box nôngx mênhx li siêz xar, muôz siêz yar lengx tsoz chos thiêz pox nhuôs li phênhv sâu txix uô liêx têz nhoz zuk têz qơưk cux truôx tul.

          "Xiv huv kôngz nuv nhoz huyện Than Uyên ntu đhâu tâu tsov cưv jông, hâur co muôx 2 taz viv tâu Sở công thương tsov cưv paz txưv. Ntu nhiv kruôr đhâu HTX Thanh Xuân tâu Sở công thương tso tơưv cuiz tênhv muôz trang web chiê chox xiv huv kôngz nuv trâu sâuv co muôv muôs điện tử, chiê tsưr tsix krêz uô hâux lưv heik kriê zuk li xiv huv kôngz nuv".

          Chiê xiv huv cxur Séng Cù ziv hnuz ziv tâu chôngz lênhx ntâu tul pâuz txos, huyện Than Uyên tsênhv sir jos cxơưz tiês hâux lưv yax mông muôz siêz tsôngv box li jênhv pâuz lok hâux lưv tuôr tsês, cxiv tsa thiêz huôv tsar xiv huv nto bê nhoz tiv phaz. Tiv phaz heik tsôngv box nôngx mênhx tsêz chos tsuv uô trơưk tsưr ziv tsoz phưz li: chos nôngz, tsiv uô xiv huv, por coar cxur…Đros co, chuôz tsar coar lik quy chế suôz bê xiv huv, tsưr ziv sir zôngv thiêz coar lik tsơưr lươngv xiv huv, cxiv tsa têx kênh muôv muôs, txix co chiê xiv huv tsênhz tsênhz muôx qơư sơưr truôx tul sâuv niêv ciêz./.

Khắc Kiên- Txâur Vax cxeik nhênhv

Lạng Sơn: Uô truôx luôs hâux lưv huôv tsar du lix

          Jos Lũng Làng, xã Tri Phương, huyện Tràng Định, tỉnh Lạng Sơn, zos thax tsav qơư muôx chôngz hêir nênhs Cho huôv tsar cêr uô nênhx nhoz đros trâu hêir nênhs co têx txux chi, vênhx huôv jông cxôngx nzor. Zos muk txos trâu jos lũng Làng, tsôngv kruô cux pov tâu têx tox trôngz câuv har jông jav thiêz tsôngv kruô pâuz tâu tsôngv px hêir nênhs Cho têx cêr đaz, cêr kruô thiêz têx tsôngk tiêz, tsôngk yo cxôngx nzor tsênhv muôx đros đrêiv hâur luz nênhx.

          Zos muk cov txos trâu jos Lũng Làng, tsuv muk đhâu 2 cêik cêr thiêx txos. Txox cêr no txuôk txix txox cêr lox 4A muk đhâu trôngz Lũng Phầy thiêx muk txos trâu jos thiêz hâur thax tsav jos pov têx tox trôngz câuv har cux jông jav huv đros tsôngv px sđ luz nênhx nox nhoz muk lok hâur niêx hnuz. Zơưv Triệu Xuân Phú, nhoz jos Lũng Làng hêik pâuz:

          “Têx suôz đruôk, suôz trax đror uô lov jêv lul hâur hêir nênhs Cho ntênhk yôngz cok tưz lês đhâu ntâu tiêv txos nhiv no tsik chiê zuk hêir nênhs têx txux chi, vênhx huôv jông trâus pôngz plox. Thiêz tâu têz qơưs cxiz trâu jêx jos huôv tsar đros du lix côngv thôngx chiê tsôngv kruô tuôx uô si, sêiz shuôk têz qơưs pâuz txos”

Iz qơư ndis shuôk nto bê nhoz Lạng Sơn

          Lũng Làng, xã Tri Phương, huyện Tràng Định, muôx ntâu qơư jông jav zôngx ziv huôv tsar du lix, hâur ntu zuôr txos no cux zuôr muôx ntâu hlôngr yiêz thiêz yênhx thax tsav qơư du lix côngv thôngx, chiê tsôngv kruô tuôx ndis shuôk têz qơưs pâuz txos. Pos Lục Thị Phương, phưv tsar phôngx vênhx huôv huyện Tràng Định shir phaz lul hêik pâuz:

          “Hâur ntu zuôr txos, pêz tsênhv zuôr hêik hâu nov ntơưv qơư yax kriê tsôngv px sđ sik côngv đas jos tsưr ziv huôv tsar du lix, lar hêik zos du lix côngv thôngx thiêz du lix jôngr ntông. Iz chas ntơư, pêz cux tsênhv zuôr đros cxuô doanh nghiệp, pov tsir yax mông, hêik pâuz lok cxuô qơư du lix chiê huôv tsar yênhx thax tsav qơư du lix jông jav huv đros tsôngv kruô siêz nhiêv”

          Zơưv Hoàng Thế Vinh, phưv Giám đốc sở vinhx huôv tỉnh Lạng Sơn hêik pâuz:

          “Lạng Sơn zos tỉnh ntus đriv, muôx ntâu qơư jông huôv tsar du lix. Thiêz nhiv no, cxuô zav hax huv hâur thax tsav qơư du lix tsik tâu muôx ntâu. Chênhr zos li hêik ntơư, nhiv no pêz tsênhv taz tov cxơưz cxiz  cxuô doanh nghiệp tuôx trâu Lạng Sơn cxiv cxiv uô cxuô zav hax huv jông  txuôk đros huôv tsar du lix cov huv đros hâur ntu têz qơưs hlôngr yiêz nhiv no”

          Muôx ntâu qơư jông jav, zôngx ziv huôv tsar du lix, hâur ntu zuôr txos no, Lạng Sơn zos thax tsav qơư trâu chôngz lênhx kruôr hâur têz qơưs thiêz kruô oz chas têz qơưs tuôx ndis uô si, tsôngv px muôx phênhv sâu ntâu nhiêx txiêx chox lok cxiv kho luz nênhx truôx tuk, tsâu sor./.

                                             (Tsu cxêik nhênhv-CQTT Đông Bắc)