Ntênhs hội ntor đêx ntơưv Lai Châu

Hâur cêr shir phaz, lov jêv, yênhx cxênhz lênhx nênhs zos tsôngv box cxuô heir nênhs ntơưv qơư thiêz tsôngv kruô tưz sik đros muk hâur tus đêx Nậm Lụm  chiê siz ntor đêx, đros thiêz siêz xar zuôr njiz tâu cxuô tsar zav jông hâur shông, tsi muôx moz gênhk, sơưr đơưk nhoz luôs nxi. Txơưv tiêk tsi siz pâuz, taz sik thâuv grêk trâu hâur đêx, cxuô lênhx sơưr đơưk puôr lênhx jông siêz, shir phaz lus xưk li tưz siz pâuz, siz sưv ntêr lok. Tix lâus Trần Văn Huỳnh, iz lênhx kruô tuôx đros côngv cêr lov jêv ntor đêx heik:“Cur nhoz Thái Bình tuôx, thâuv pâuz txos têx mông lok ntênhs hội ntor đêx no, cur lok shir phaz thâuv tâu đros côngv uô si lov jêv. Đros côngv cêr lov jêv, cur cux pâuz nzir tâu tsôngv box nênhs Poz Ziz đơưz li ntâu txux chi vênhx huôv jông thiêz. Ju lix Lai Châu tsênhv huôv tsar thiêz iz zav li suôv qơư Phong Thổ no muôx ntâu kror jông li heik sâuv, pêz tsuv tuôx chiê tâu pâuz, ndis seiz uô si. Lar heik zos txux chi ntor đêx li hnuz no, co zos iz kro lok six jông”.

Tix lâus Nguyễn Ngọc Anh nhoz tỉnh Lào Cai heik: Txơưv zuôr pox niêv ntơưv Lai Châu, taz sik tsi tâu muôx iz jiês tưs tix lâus tâu đros côngv uô têx cêr lov jêv lox li: Ntênhs hội Then Kin Pang hlo. Lar heik, ntênhs hội ntor đêx tưz uô tix lâus seiz njiê pov muôx cêr lov jêv cơưk li, thâuv muôx chôngz lênhx ntâu tus tuôx đros côngv uô si siz ntor đêx hâur đêx lox. Xưk iz zav li cxuô lênhx sơưr đơưk, tix lâus cux sir jos ntor ntâu đêx, viv lơưr tsôngv pêx xênhv nhoz no tsưr ziv xar, ziv ntor tâu ntâu đêx thiêz trâul ntâu tus ntor đêx ntuz zuk mak ziv jông.“Cur zos nênhs Lào Cai, hnor tiêk muôx nênhs Poz Ziz nhoz Lai Châu li txux chi uô si ntor đêx, hnuz no cur chox pox niêv, mê nhuôv thiêz tas nro chuôz zis tuôx uô si, đros côngv cêr lov jêv. Hnuz no zos jiês xuz thơưx cur tâu đros cxaz chuôz ntênhs hội no, heik cxuô tas nro chuôz zis lênhx tưs cux lok six jông siêz thiêz shir phaz”.

Trơưk li Ban Tsưr tsix thôngz sâu, txux chi ntor đêx hâur ntênhs hội Then Kin Pang ntơưv huyện Phong Thổ shông no muôx nhos 5 cxênhz ntâu lênhx zos tsôngv box cxuô heir nênhs li: Poz Ziz, Cho, Hmôngz, Choz Tsiz….tuôx đros côngv uô si lov jêv. Đhâu ntênhs hội Then Kin Pang heik cxuô, txux chi ntor đêx heik taz, cxuô heir nênhs sơưr đơưk ziv muôx cêr sik thôngx siêz truôx jông đuô. Zơưv Vương Thế Mẫn, Chủ tịch Ủy ban huyện Phong Thổ, tỉnh Lai Châu heik:“Shông no pêz uô ntênhs hội lov jêv. Hâur ntênhs hội Then Kin Pang muôx txux chi siz ntor đêx, tsâus plâuz hâu thiêz hmo đhiê pax vuôk xòe sik thôngx siêz. Têx txux chi uô hâur ntênhs hội tâu uô 3 hnuz, tưz hu zâuv ntâu tus chôngz lênhx kruô tuôx trâu Phong Thổ chiê đros côngv uô si lov jêv. Txix tsôngv box hâur thax tsav têx sir jos thiêz moz siêz đros trâu tsôngv kruô sơưr đơưk têx siêz nhiêv đros uô si lov jêv, ntênhs hội Then Kin Pang shông 2022 tưz uô tâu yênhx côngz. Phong Thổ tror vav chiê siêz, zuôr tror txeik tâu tsôngv kruô têx cêr thôngx ziv, sik đros cxơưz paz chiê lưv jiês ziv uô tâu jông đuô”.

Cux trơưk li Chủ tịch Ủy ban huyện Phong Thổ, txux chi ntor đêx tưz uô suôx câuv ntênhs hội Then Kin Pang li tsaz yênhx uô si lov jêv hâur 3 hnuz. Taz sik, sơưr đơưk têx cêr shir phaz, lov jêv, truôx jông co tưz uô trâu cxuô heir nênhs ntơưv ntênhs hội muôx cêr sik thôngx siêz, krêz hâu cêr jông uô têx hâux lưv, txux chi vênhx huôv hâur ntênhs ciêz Ju lix-Vênhx huôv Lai Châu tsưr tsix txix hnuz 14-17/4/2022./.

(Khắc Kiên-Riê Lâux cxeik, nhênhv)

Phênhv ndis shuôk têz qơưk

Pêz Hmôngz uô du lix côngv thôngx nhoz mường Hoa, tuôr tsês hâux lưv ntok ntâuz cxôngx nzor

          Hâur 20 shông đhâu lok no, luz ntok ntâuz tưz zênhx đros đrêiv tus niêv hluôk Tẩn Thi Si, nhoz jos Hoà Sử Pán 1, Xã Mường Hoa, đrôngl Sa Pa, tỉnh Laox Cai. Iz chas ntok ntâuz xơưk tsôngk tiêz tsôngk yo cxôngx nzor trâu cxuô lênhx hâur chuôz zis trơưk li tsưr ziv huôv tsar du lix, iz luz hli,  niêv hluôk Si cux sâu tâu 3-4 triệu nhiêx muôs têx tsôngk tiêz, tsôngk yo cxôngx nzor. Niêv hluôk Si shir phaz lul thav li no:

          Trơưk li pos Chảy x Zax, zos iz lênhx pos nhoz Mường Hoa, têx nxêik Hmôngz, thâuv muôx 14-15 shông cux zênhx pâuz chos max sơưk ntuôs ntok ntâuz, trâuk ntâuz thiêz pâuz xơưk cxuô zav pax ntâuz đuôr tưk, xơưk tâu têx chêr tsôngk tiêz, tsôngk yo txêix pax jông jav cxôngx nzor chox lok hnar.

          Đros trâu luôs hâux lưv chos max, sơưk ntuôs, ntok ntâuz, nhiv no Mường Hoa cux tsênhv yuôr yênhx châuv chuôz zis uô luôs hâux lưv ntok ntâuz, ntâuk triêv, txuôk, hlâu…chox lok sir zôngv hâur luz nênhx niêx hnuz. Zơưv Châ A Gả nhoz Mường Hoa hêik pâuz nzir:

          Nhiv no, Mường Hoa muôx 70 ntâu luz tsêr tok kruô, huv đros pêz Hmôngz chax chêk cxôngx nzor; taz sik iz luz tsêr tok kruô, nhiêk jông txơưr tsik siz thôngx. Xav txix VN tror kriz kror trôngx-huôv tsar uô du lix, tsôngv kruô oz chas têz qơưs cux xêir tsov Mường Hoa tuôx ndis uô si. Tsu x Zax, chủ tịch uỷ ban xã Mường Hoa hêik pâuz:“Pêz tsênhv taz tov sir jos fuô yax kriê tsôngv px sđ tror cxiv kho đuô têx tsêr tok kruô cov huv đros zuk hêir nênhs hâur thax tsav qơư nhoz. Lar hêik zos tsôngv kruô oz chas têz qơưs cux xar pâuz txos zuk hêir nênhs tsơưs têx txux chi, vênhx huôv jông cxôngx nzor”

          Qơư ndis uô si côngv thôngx jông txơưr, tưz tâu tsôngv kruô xêir tsov tuôx ndis uô si, sêiz shuôk têz qơưs trâu cxuô luz jêx jos; pâuz tâu cxuô heir nênhs tsơưs têx hâux lưv uô cxôngx nzor, paz phênhv huôv tsar truôx qơư ndis uô si, sêiz shuôk têz qơưs  nhoz Mường Hoa./.

                                          Tsu cxêik nhênhv-An Kiên Tây Bắc