Txix hâux lưv uô tâu hâur kriê cơưv uô hâux lưv trâu lox tôngv nhoz Điện Biên

Đros têx cưk kriê Tsênhv qơư kriê hâux lưv uô thiêz paz txưv nôngx mênhx (Hội nôngx mênhx tỉnh Điện Biên) li sir jos kriê cơưv, 35 lênhx học viên lớp cơưv kriê hâux lưv chos ndêz zos tsôngv box nôngx mênhx nhoz jos Ta Lét 1, xã Hẹ Muông, huyện Điện Biên puôr lênhx chiv chir uô tâu têx poz ndêz chos xuz thơưx. Lênhx tưs cux jông siêz thâuv pâuz tâu tsưr ziv chos ndêz thiêz tov kaz co zuôr chiv chir chos tâu ndêz hâur hâur thax tsav qơư nhoz, muôz siêz phênhv sâu trâu chuôz zis. Niêv lâuk Lò Thị Thắm, tsôngv box jos Ta Lét 1, xã Hẹ Muông, huyện Điện Biên, tỉnh Điện Biên puz pâuz: “Đhâu lớp cơưv no pêz tâu cơưv lok six ntâu yênhx tưv li uô xuô blêk, jov shơư uô zav li chas, zưs đêx, vâuv xuô blêx li chas... đhâu co mav uô ndêz. Pêz 4 lênhx hâur tuêv cơưv tiêr tsênhv sik zâuv vâuv hnhaz blêk chiê chos ndêz, viv 1 ziv uô mak ntâu uô tsi tas, viv li pêz 4 lênhx tsênhv sik zâuv yênhx lix 1 tuêv chiê uô”

          Zơưv Lò Văn Khụt nhoz jos Huổi Phúc, xã Noong Luống, huyện Điện Biên mak tưz cxaz chuôz khóa kriê tu zus njês hâur pas đêx zos Tsênhv qơư zaoz zux hâux lưv uô thiêz zaoz zux yax six huyện Điện Biên tsưr tsix txix 2 shông tov ntêx. Đros têx yênhx tưv cơưv tâu, đros thiêz siêz gruôs cơưv shâuv, nriêr pâuz, zơưv tưz cxiv uô 1 luz pas njês đar muôx nhos 1 cxênhz 500 yiv ndis. 2 shông tror lok no, chuôz zis luz pas njês sâu tâu 3 chiv, iz jiês 2 tênhr ntâu, tsi xav têx nhiêx txiêx tưz yưv, chuôz zis cux muôx phênhv sâu muôx nhos 120 tsov đeiv iz shông:“Jông siêz viv xã paz đăng cir trâu cur cơưv shâuv hâux lưv tu zus njês chiê huôv tsar tu zus trâu chuôz zis, chuôz cxaz phênhv sâu. Pir đros thiêz ntu tov ntêx, kinh têr chuôz zis jông đuô, thâuv ntêx tsuôk tu zus tâu 500-1000 cir xưz, txix thâuv tu zus lơưr trâur nuv lớp cơưv mak nhiv no sâu tâu 2 tênhr ntâu iz pas njês”.

          Zơưv Phạm Văn Huấn, Giám đốc Tsênhv qơư zaoz zux hâux lưv uô, Zaoz zux yax six huyện Điện Biên puz pâuz: Đros lưx lươngv lox tôngv nôngx cxênhz chôngz, huyện Điện Biên tưz thiêz tsênhv chêx chôngk krêz têx lớp thox cxov hâux lưv uô huv đros qênhx shênhx tsiv uô ntơưv tiv phaz. Hâur 2 shông tror lok no, huyện tưz tsưr tsix 30 ntâu lớp kriê hâux lưv uô trâu zuôr xar 1 cxênhz 100 lox tôngv nôngx cxênhz:“Tâu Đảng, têz qơưk tsov cơưv tsênhv qơư tưz tsưr tsix ntâu khóa thox cxov hâux lưv trâu lox tôngv nôngx cxênhz ntơưv ntâu xã sâuv thax tsav đros yênhx châuv lớp cơưv thiêz yênhx puôk lênhx học viên tâu thox cxov. Chêx cuk đhâu thox cxov puôr lênhx 80% ndê muk muôx hâux lưv uô thiêz muôz hâux lưv uô đhâu thox cxov. Txix co gôngr phênhv muôz siêz phênhv sâu trâu pox nhuôk hlôngr yiêz chuôz zis luz nênhx”.

          Chiê côngz xưv thox cxov hâux lưv uô thiêz hâux lưv zôngv têx yênhx tưv cơưv tâu uô hâur tsênhv tsênhz cov muôx chêx cuk siêz, têx tiv phaz thiêz ban, nganhx, đoanx thêv hâur tỉnh lok six tsov cưv txos côngz xưv qênhz yuôx, seiz shuôk thiêz njuôs pov nênhs lox tôngv nôngx cxênhz li hâux lưv uô. Zơưv Hoàng Văn Quyền, Phưv giám đốc Sở lox tôngv, thương binh thiêz xã hội tỉnh Điện Biên puz pâuz: Sở cux cxơưz tiês yax mông chiê tsôngv box pâuz cxix cxuô têx xor mông, chiê xeir hâux lưv cơưv shâuv cov huv đros tiv phaz li qênhx shênhx huôv xênhz:“Shông 2021, tỉnh tsưr tsix xeir zuôr, thox cxov hâux lưv uô trâu 8 cxênhz 185 nênhs lox tôngv, tax 101% ntâu pir đros tsưr ziv choz thiêz chuôz ndê 1,61% pir đros shông 2020. Hâur co muôx nhos 4 cxênhz 800 nênhs lox tôngv nôngx cxênhz tâu sơưv têx paz txưv txix têz qơưk li têx tsaz yênhx, dự án; chor nênhs lox tôngv đhâu thox cxov hâur tỉnh muôx hâux lưv uô ngaz tul tax 75% ntâu. Têx chêx cuk co tưz gôngr phênhv jông lok côngz xưv thox cxov hâux lưv uô thiêz cxơưz tiês huôv tsar KTXH, taz por côx phax txiv ngaz nhoz tiv phaz”

          Cux lơưr zơưv Hoàng Văn Quyền, tỉnh Điện Biên tror tso tơưv tsưr ziv iz shông thox cxov hâux lưv uô trâu muôx nhos 8 cxênhz 500 nênhs lox tôngv, sir jos txos shông 2025, nênhs lox tôngv đhâu thox cxov muôx hâux lưv uô ngaz tul nhoz hâur tỉnh tax muôx nhos 80%./.

(Vũ Lợi-Txâur Vax cxeik nhênhv)

NÔNGX MÊNHX ZUÔR TSUV PÂUZ

Lênhx hluôk tuz Hmôngz txơưx tu zus tsiêx cxu

Txix thâuv zâu, tix lâus Linh tưz zênhx uô nênhx sưv đros trâu hâux lưv tu zus têx nhux, tưv. Ntu thâuv ntêx, tiv tsuôk cor cav tu zus tso yar têx tsiêx cxu viv li sâu tâu kinh têr kik. Khov tâu kriê, cơưv shâuv têx tsưr ziv kỹ thuật thiêz cơưv nzir têx chênhz zênhv nhoz hâur thiêz đrâuv huyện viv li tix lâus Linh tưz hlôngr yiêz đuô uô lơưr tsưr ziv tu zus chor nhux, tưv co cơư hâur guôx chiê zus cov tros txix shông 2019. Xuz thơưx muôx tsơưs pênhr nhiêx, tix lâus tsuôk tu zus txix 1 txos 3 tuk nhux, tưv cơưv hâur guôx cov tros xưz. Ntu tu zus mak tix lâus cê zus, cê cơưv shâuv têx chênhz zênhv tsoz phưz, phax tar caz moz trâu têx tsiêx cxu. Tix lâus pov tâu tiêk tsưr ziv tu zus têx nhux, tưv cơư hâur guôx cov tros li no lok six huv đros trâu zuk chuôz zis. Tsưr ziv tu zus li no paz muôx tâu kinh têr siêz đuô, tror sâu tâu têx pênhr nhiêx sêi, tsơưs njiz trâus têx phiv liv tsik jông, nhiêx txiêx zuôr zav nox trâu chor nhưx, tưv cux tas tsơưs phênhv ntâu zos têx zav tâu chuôz zis chos tâu lok sik muk hlêik têx jâuz tâux hâur har jôngr lok puz trâu nox xưz.

Hâur shôngk shông 2020, thôngz đhâu Hôiv Nôngx mênhx xar sơưr bê, tix lâus Linh tưz kir txêik muôx 100 triệu đêiv nhiêx pênhr hâur Zênhx hangx Tsênhv chêi xar hôiv lok cxiv uô nzir tsêr guôx, ntiêr 5.000 thiêr ndis ar chos tâux nxư, zuôr nzir tưv lok tu zus. Chiê muôx tâu zav nox truôx tuk trâu hâux lưv tu zus tsiêx cxu, tix lâus Linh tsênhv sir jos chos nzir poz cưk chiv ntux tsâus, sâu tsês têx jâuz, tâux, njil kuôr njuôk lok zos caz tsiz, poz cưk lok xuôk mêir tsuôr cov mok vâuv kâuz chiê tsês uô zav nox trâu chor nhux, tưv. Qir chor nhux, tưv mak tâu tix lâus zôngv chiê uô qir zuôv trâu chor tâux nxư paz cxênhx txuôs tâu têx nhiêx txiêx tsuv zuôr qir lok zuôv trâu chor tsoz chos co.

Tix lâus Linh phêiz kênh, đhâu iz jiês tu zus sâu tâu liv, tix lâus ho tror yưv pênhr uô tsêr guôx thiêz zuôr nzir têx nhux, tưv lok tu zus cov chôngz đuô. Piz txix shông 2021 txos nhiv no, iz jiês tix lâus tu zus txix 6-8 tuk tưv cov tros, iz shông zus oz jas. Iz tuk tưv mak thâuv muôs paz sâu tâu liv muôx 10 triệu đêiv, xav tas cxuô kror hur si mak iz shông cux paz trâu tix lâus chuôz zis sâu tâu nhiêx liv xar muôx 100 triệu đêiv. Thâuv chor tưv zus co tưz jông muôs, mak tix lâus tsuôk zos hu tênhv xưz zênhx muôx chor nênhs uô lax luôv tuôx ti gâuk ntơưv tix lâus tsêr chiê zuôr. Tiv chor tưv co tsuôk tâu tu zus txix puz jâuz, tâux trâu nox, hâuk têx đêx nyiêz hur, tsik puz trâu nox têx zav krâur paz uô trâu chor nhux tưv co hloz lox sêi viv li muôs tâu gri lok six siêz. Njuôk xav txos iz đraz shông 2022, tix lâus zuôr tu zus ndê txos muôx 12-14 tuk tưv iz jas chiê paz muôx tâu phênhv sâu siêz đuô, muôx nhiêx txiêx lok kho đuô têx vax tsêr, sir jos cov hla đhâu tâu cêr pluôs thiêz hlôngr yiêz đuô luz nênhx.

Phênhv “Nôngx mênhx zuôr tsuv pâuz” ciêz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc sik côngv đros Tsênhv qơư cxơưz cxiz uô kôngz têz qơưk uô./.

(Thào Ly BT-Lik Thox cxêik nhênhv)