Sơn La taz por truôx tuk zoz thôngz hâur cheix ntux nas chuô

Txox cêr lox 279 D muk txix Sơn La trâu tỉnh Lai Châu zos iz hâur têx txox cêr khênhr trâul xưz poz, uô tuôr thênhv txos têx yêz muk lol đhâu sâuv txox cêr no.

Tix lâus Vì Tiến Sơn, Phưv Phongx kế hoạch-kỹ thuật, Công ty seiz car thiêz cxiv tsa zoz thôngz sôr I Sơn La-taz viv seiz car txox cêr co heik pâuz, tsuôk xav hâur têx hnuz jê lok no, tưz muôx 25 ntu trâul xưz poz, uô ar, poz jêz cxuz cêr tas; nhiv no cux tsênhv yuôr 6 qơư zôngx ziv trâul xưz poz thiêz, lok six riêz nênhs trâu lênhx nênhs thiêz têx yêz muk lol đhâu cêr. Txix têx li heik sâuv, taz viv tưz sir jos qênhz shuôs, cxiv uô tsưr ziv phênhz cêr thiêz bax lênhx nênhs, chuôz zênhx, yêz uz no nhoz trơưr ntơưv qơư chiê zênhx max cxiv kho, thoz huk têx ar, poz jêz thâuv tưs muôx yưv têx tsi jông:“Ciês hâur cheix ntux nas, công ty tưz bax thôngz sâu, qênhz shuôs, qênhz yuôx têx ntu cêr tsi yuô khor truôx, khênhr trâul xưz poz cxuz cêr ntơư chiê muôx tsưr ziv tso lênhx nênhs, yêz uz no cxiv kho, thoz huk thâuv trâul xưz poz, tsi jông”.

Zơưv Nguyễn Văn Lợi, Phưv Giám đốc Ban seiz car cxiv kho cêr ar, Sở zoz thôngz tỉnh Sơn La heik pâuz, luôs hâux lưv khưx phưx, cxiv kho têx ntu cêr trâul puôk tsuôx, tsi jông; lar heik zos thoz huk têx cưx đês ntơưv têx ntus cêr cov đêx ntưk tâuk, kho têx ndêx cxok tâus ntus cêr, fiêx heik pâuz….sâuv têx cêr muk lol mak taz viv seiz car, nhiv no cux tsênhv tâu sir jos fuô uô cov lênhx nênhs thiêz têx yêz muk lol tâus cêr zôngx ziv, truôx tuk:“Ciês hâur cheix ntux nas, Ban seiz car  cxiv kho cêr ar tưz đros cxuô taz viv seiz car, cxiv kho têx cêr muk lol cxiv uô têx faz tsưr ziv truôx tuk zoz thôngz, phênhz têx chuôz zênhx, meir câuk ar, lênhx nênhs huv đros nhoz trơưr ntơưv têx qơư zôngx ziv trâul xưz poz, đêx nas ngaz, khênhr muôx ar cxuz, poz jêz ntos….thiêz cux heik cxuô taz viv cov cxok fiêx heik pâuz cxix cxuô thiêz bax jông têx chuôz zênhx, yêz uz no thâuv tưs muôx ar, poz jêz  trâul xưz poz, zênhx max cxiv kho, thoz huk chiê lênhx nênhs, yêz muk lol tâu đhâu”.

Ngênhx zoz thôngz tỉnh Sơn La nhiv no tsênhv seiz car, cxiv kho tsi so zuôr xar 30 txox cêr lox thiêz cêr muk lol hâur tỉnh, xav hur si xar muôx 1.700 cêik.

Trơưk li thôngz sâu, têx coz nas chuô lox hâur têx luz hlik hâur shôngk shông no tưz uô ar, poz jêz xưz lok cxuz tas ntâu ntu cêr lox, cêr muk lol hâur tỉnh. Đros trâu têx trâul uô ruôr hiêv li co, zos uô tsi jông, puôk tsuôx tas ntâu côngz trênhx, cưx đês, qox, njưs tar đêx. Zơưv Nguyễn Văn Chính, Phưv Giám đốc Sở Zoz thôngz tỉnh Sơn La cux hêik pâuz tiêk, qênhx shênhx khơưz, nquôr ar cxuz, nav têx ntus đêx chiê zuôr qơư cxiv tsa côngz trênhx, uô têx đêx tênhr ntâu, ntưk tsi tâuk, uô ruôr hiêv, puôk tsuôx cêr muk lol nhoz Sơn La cux tsênhv muôx yưv; iz chas co, hâur cheix ntux nas shông no tâu njuôk xav zuôr phiv liv đuô. Chênhr viv li, Sở tưz cxiv tsa têx faz tsưr ziv phax tar li: Bax phax tir thêir zênhx max, khưx phưx sei đrơưv têx tsi jông:“Đros tsưr ziv tsi tâu tso siêz, sơưr đơưk tsuv chênhr phax lok ntux têx txơưr txar, ngênhx zoz thôngz tưz chox kriê cxuô taz viv seiz car têx cêr muk lol qênhz shuôs, nhoz trơưr ntơưv qơư hâur niêx hnuz hmo, qir txix hnuz xiêz 01/5 txos tas hnuz 31/10, zos ntu khênhr muôx nas chuô lox, tox xưz poz    , hâur cheix ntux nas niêx shông hâur thax tsav tỉnh; iz chas co hux jos truôx đros Ban seiz car phax tar ntux uô ruôr hiêv cxuô cấp, têx ngênhx thiêz cxuô thax tsav qơư chiê sik đros đơưk uô têx luôs hâux lưv thâuv muôx tox xưz poz, nas chuô uô ruôr hiêv”.

Cux lơưr zơưv Nguyễn Văn Chính, txix bax uô têx faz tsưr ziv li heik sâuv thiêz sir jos lês uô jông cxuô luôs hâux lưv, ngênhx zoz thôngz Sơn La sir jos zuôr khưx phưx sei, zênhx max têx tsi jông, tox xưz poz cxuz cêr uz no hâur cheix ntux nas shông no, cov têx yêz muk lol tâu thôngz thiêz truôx tuk./.

(Trấn Long-Riê Lâux cxeik, nhênhv)