CHOX ĐẢNG LI NGHỊ QUYẾT LOK HÂUR LUZ NÊNHX: LÊNHX NÊNHS SƠƯR THƠƯX JÊNHV UÔ TÊX HÂUX LƯV PHIV LIV

Ngọc Chiến zos iz hâur têx xã tox siêz, tsênhv yuôr ntâu phêv liv nhoz huyện Mường La, tỉnh Sơn La. Shông 2019, chor ziv chuôz zis pluôs hâur xã tsênhv yuôr muôx 28 phênhv puô. Chiê uô yênhx côngz Nghị quyết Đại hội Đảng bộ xã jiês tiv 21, txix ciês hâur shôngk shông 2020, tas nro Đảng bộ tưz qir krêz uô 8 chủ trương, đhâu co chuôz ndê jux jus lơưr yênhx shông, txos nhiv no zos 72 chủ trương lok huôv tsar KTXH. Hâur ntu krêz uô Đảng ủy xã li têx chủ trương, xav tênhv hâux lưv phêv liv tiv zix zos hlôngr yiêz tsôngv box mênhx cxưx li jênhv pâuz; têx hâux lưv xar uô tâu tiêr tsuv sđ sik côngv đros uô, viv li, txix Bí thư Đảng ủy, Chủ tịch UB xã thiêz nênhs sơưr thơưx têx tsưr tsix đoanx thêv tưz muk ciês ntơuv qơư đros nriêr pâuz, đros xênhz huôx thiêz đros tsôngv box uô. Jux jus, têx luôk hâux lưv lax uô tâu li krêz đar cêr muk lok, cxuôv tsêr lav uô lav nhoz, chaz tênhv tênhz tơưk pov cêr, chos pax, ntông njuôz tov cêr… puôr lênhx tâu xã Ngọc Chiến uô tiêr jông khov muôx tsôngv box gôngr paz. Txos nhiv no tưz muôx 33/72 chủ trương tưz thiêz tsênhv krêz uô muôx chêx cuk; shông 2021 chor ziv chuôz zis pluôk nhoz xã Ngọc Chiến grê yuôr 18 phênhv puô. Bí thư Đảng ủy xã Ngọc Chiến- Bùi Tiến Sỹ puz pâuz cxaz: "Txos nhiv no khav tênhv tâu tiêk hâux lưv choz têx luôk hâux lưv hnhar trâu Mặt trận thiêz têx tsưr tsix chính trị xã hội tưz chox lok têx chêx cuk tsênhv tsênhz. Pir li Mặt trận đros chủ trương xã hội hóa chiê cxuôv tsêr lav uô lav nhoz, tsêr xơư nas hâur 2 shông nhiv kruôr đhâu tưz cxuôv tâu 36 luz tsêr lav nhoz thiêz xơư nas. Đoanx hluôk nênhs đros côngz tsinhx ju lix hluôk nênhs njuôs xav kaz shông no zuôr uô tiêr. Thiêz Hội pox niêv muôx tsaz yênhx 5 tsi uô 3 hur đu tưz tâu yax mông, vênhv tôngv tsôngv box uô lơưr, nhiv no vêv xênhz tênhx qơư nhoz Ngọc Chiến muôx têx hlôngr yiêz jông".

          Đros siêz xar "Tsi chiê lênhx tưs trâus tso tsês tov kaz", "Viv iz xã hội huôv tsar", Ban thưòng vụ Huyện Ủy Mộc Châu tưz cuiz tênhv sik đros hlôngr yiêz tsôngv box li jênhv pâuz, huôx tôngv uô. Zơưv Nguyễn Đức Nguyên, Tsar ban tuyên giáo huyện ủy Mộc Châu puz pâuz, khưx phưx qênhx shênhx tsuôk hu zâuv cxuô cxuô, uô tax chêx cuk tsi siêz, ntơưv Nghị quyết 09 lok huôv tsar kinh têr xã hội, taz port xiv ngaz côx phax, hlôngr yiêz cxix luôk chính trị 10 jos buôk ntus đriv cuz nxor lok txiv ngaz; Ban thường vụ Huyện ủy Mộc Châu tưz pheiz côngz txơưx jênhv tsênhz mênhx txos yênhx cấp, nganhx; muôx qênhz yuôx, cxơưz cxiz krêz uô chiê taz por tax chêx cuk siêz tiv zix: "Pêz tưz phuôx tôngv phongz yaox uô cêr zaoz thôngz nôngx cxênhz trâu 10 jos ntus đriv, đros phongz yaox "iz hnuz iz hâux lưv uô jông" huiz tôngv tas nro têx cxênhx nênhs hâur xã hội gôngr paz lok cuiv chiê uô cêr txos 10 jêx jos txov nhêv no".

          Ciês đhâu Đại hội Đảng bộ tỉnh jiês tiv 15, lok 3 luz hlik hâur shôngk shông 2021, BCH Đảng bộ tỉnh Sơn La tưz tso tơưv 8 nghị quyết, 1 ntâuk grê lok uô 9 đề án hâur Tsaz yênhx huôx tôngv uô Nghị quyết Đại hội.

          Uô ntêx, BCH Đảng bộ titnhr, Ban thường vụ Tỉnh ủy, Thường trực tỉnh ủy lok six muôz siêz nênhs sơưr thơưx cấp ủy, chính quyênx têx cấp li pưs txux, txơưx jênhv hâur chox Nghị quyết Đại hội Đảng bộ têx cấp lok hâur luz nênhx. Hâur co tỉnh tưz tso tơưv thiêz uô jông Ban thường vụ tỉnh ủy li Cuiz tênhv số 319 hnuz xiêz 1/12/2016 cui tênhv lok txơux jênhv thiêz seiz shuok nênhs sơưr thơưx, nênhs sơưr thơưx chiz coaz, taz viv li cấp phó hâur uô txơưx jênhv, jênhv vưv tâu choz. Tỉnh Sơn La cux yênhx lix têx Ban chox kriê, tuêv côngz xưv zos đ/c Thường trực tỉnh ủy, Ủy viên Ban thường vụ tỉnh ủy, Thường trục HĐ thiêz lênhs tov UB uô tsar ban, tuêv tsar chiê chox kriê uô têx jênhv vưv tsênhv, chêx chôngk car chêx têx tsi tâu uô tâu chiê sir jos huôv tsar sâuv cxuô vênhv thix. Zơưv Nguyễn Hữu Đông, Ủy viên Trung ương Đảng, Bí thư tỉnh ủy Sơn La puz pâuz: "Tỉnh Sơn La muôx iz chênhz zênhv lok six tsiv grê, co zos ciês txix hâux lưv tso tơưv Nghị quyết tưz uô huv đros lơưv, uô huv đros lơưv taz sik mak thâuv krêz uô Nghị quyết chiê chox lok hâur luz nênhx cux lok six coaz tsôngv. Pir li six cxiv tov ntêx, tỉnh muôx 7 tsaz yênhx coaz tsôngv, lơưr co tỉnh yênhx lix 7 ban chox kriê lok 7 tsaz yênhx no thiêz têx đ/c Tsar ban puôr lênhx zos têx lênhx nênhs lênhs tov tỉnh. Co zos tso pov nênhs sơưr thơưx thiêz cấp ủy têx cấp li pưs txux, hâur co muôx Bí thư huyện ủy, Chủ tịch Ub têx huyện sik đros uô. Cur xar tiêk, têx Ban chox kriê, tuêv côngz xưv li pưs txux thiêz nênhs sơưr thơưx cấp ủy, chính quyênx thiêz têx sở, ban, nganhx li txơưx jênhv zos lok six coaz tsôngv hâur hâux lưv chox Nghị quyết lok hâur luz nênhx"./.

VOVTB-Txâur Vax cxeik nhênhv

Pêx xênhv nhoz ntus đriv Pu Lau li têx sir jos hla đhâu cêr pluôs

Pu Lau zos jok muôx thax tsav chos txir pôngr lux ntâu tiv zix hâur xar Mường Nhà, zos 30 héc ta, chuôs li tas nro chor chuôz zis hâur jok puôr lênhx chos txir pôngr lux. Pêx xênhv hâur jok hêik pâuz, zav nôngz txir pôngr lux no tâu pox nhuôs zuôr txix chor jêx jok nhoz buôs ntus đriv têz qơưk Lào txix shông 1992. Zơưv Tênhr Xênhv Vax, Bí thư Chi bộ jok Pu Lau, xar Mường Nhà, huyện Điện Biên puz pâuz: thâuv ntêx mak pox nhuôs chos tsơưs, taz sik muôx nhos 5 shông tror lok no, chor txir pôngr lux tâu chos ntâu đuô, tiv muôs tâu grê siêz: “No zos iz kror paz muôx tâu phênhv sâu tâu nhiêx txiêx, zuôr txos no pox nhuôs zuôr tror sir jos chos nzir chiê muôx nzir phênhv sâu paz txo grêk yêiz pluôs’.

Nhiv no tas nro xar Mường Nhà muôx zuôr xar 300 ziv chuôz zis nhoz 6 jêx jok hâur xar li 50 héc ta txir pôngr lux, phênhv ntâu zos tsôngv box Hmôngz chos. Txir pôngr lux Mường Nhà tâu chos sâuv têx ntar trôngz, txir lox đuô cxuô zav txir pôngr lux txơưr đuô, muôx ntâu cuô, kaz jiz, ntus blôngx tsik muôx pok. Xav mak iz luz txir hnhar txix 4-5 cir. Zơưv Lò Văn Tuấn, Phưv Chủ tịch Ủy ban xar Mường Nhà, huyện Điện Biên puz pâuz: pov tâu chos txir pôngz lux zuôr paz trâu pox nhuôs  txo grêk cêr yêiz pluôs viv li chinhr quyền ntơưv thax tsav qơư tưz sir jos cxơưz cxiz thiêz zok nriêr têx tsưr ziv chiê paz trâu chor txir pôngr lux no zos yênhx têx hax huv OCOP ntơưv thax tsav qơư. Khov muôx tsoz txir pôngr lux mak chor chuôz zis pluôs hâur xar tưz grêk tsơưs txos yuôr 11% ntâu pir li kuôk no 5 shông: “Pâuz tâu txos chor txir pôngr lux no li kror tsiv gri kinh têr viv li oz pêz shông jê lok no Ủy ban xar tưz chox kriê pox nhuôs tror huôv tsar chos txir pôngr lux, hlôngr têx ar têz chiê chos chor txir pôngr lux no”

Nhiv no txir pôngr lux Mường Nhà cux tsênhv zos iz hâur chor kôngz nuv lok six zôngx ziv muôs sâuv ciêz đrôngs, chor nênhs uô lax luôv tưz tuôx ti gâuk ntơưv jêx jok chiê zuôr têx txir pôngr lux no trâu pêx xênhv. Taz sik, chiê paz muôx tâu qơư muôs truôx mak hâur shông 2022, chinhr quyền ntơưv qơư tưz paz yênhx lix Hợp tác xã txir pôngr lux Mường Nhà chiê paz trâu pêx xênhv hâur hâux lưv sâu zuôr muôs têx txir pôngr lux no. Zơưv Giàng Xênhv Thox, Giám đốc Hợp tác xã txir pôngr lux Mường Nhà hêik: “Nhiv no pêz tưz sir jos uô jông chor txir pôngr lux no, kriê trâu pox nhuôs chos thiêz tu huv zos li kỹ thuật. Nhiv no hợp tác xã cux sik côngv đros chor nênhs zuôr zos chor công ty chiê paz sâu zuôr chor txir pôngr lux njuôz, txir siêr taz sik nhiv no cux tsênhv muôx tsik tâu txâuk chor txir pôngr lux chiê muôs trâu lơưr”.

Lơưr chinhr quyền xar Mường Nhà, xar li cêv kuôk chor txir pôngr lux nhiv no iz shông zuôr sir jos kriz đar chos nzir cov tâu muôx nhos 30%, pir li thax tsav nhiv no tsênhv muôx. Xar tưz kriz uô tsưr ziv chos txir pôngr lux ntơưv jok Pu Lau chiê choz zok khoa học kỹ thuật trâupox nhuôs, paz gra siêz đuô tsơưr lươngv, thiêz tiv zix zos paz trâu pêx xênhv uô lơưr tsưr ziv hữu cơ, huôv tsar chor txir pôngr lux Pu Lau zos yênhx iz hâur chor hax huv OCOP jông ntơưv thax tsav qơư./.

(Vũ Lợi-Lik Thox cxêik nhênhv)