Shir phaz lok nênhs Poz Ziz nhoz Sơn La li txux chi đhiê pax vuôk xoè

Nền nhạc xoè

Poz Ziz txux chi đhiê pax vuôk xoè zos iz zav txux chi heik lol lênhx nênhs li cêr uô nox, sik thôngx siêz, tâu uô hâur têx cêr lov jêv vênhx huôv, luz nênhx xênhz huôx côngv thôngx. Nênhs Poz Ziz lơưr xar tiêk: “Tsi nthuôr uô lov jêv, têx pax hmaz pax ntông tsi tơưs jông; tsi nthuôr uô têx txux chi uô si lênhx nênhs tsi muôx cêr lov jêv; tsi uô lov jêv têx kôngz lôngk tsi jông; tsi nthuôr uô lov jêv têx tuz nxeik tsi yênhx txix gơưv”…. Đhâu têx suôz sênhr cưr cxiêx heik li co, tsôngv box Poz Ziz thiêz cxuô heir nênhs hur tiz si têx lâul, hluôk, hloz zâu puôr lênhx sik đros tuôr têk côngv uô lov jêv đhiê pax vuôk xoè sik thôngx siêz, paz cxơưz gra tsôngv box Poz Ziz nhoz Sơn La heik taz, thax tsav Tây Bắc heik cxuô li têx txux chi vênhx huôv jông thâuv nzor txos trâu chôngz lênhx ntâu tus pâuz txos, sik đros côngv uô lov jêv, tuôr tsês tsi chiê pôngz plox. Niêv lâul Lường Phạm Mai Phương, nhoz thị trấn Phù Yên, huyện Phù Yên, tỉnh Sơn La shir phaz heik: “Cur zos heir nênhs Poz Ziz, hnuz no cur lok six shir phaz tâu đros côngv uô lov jêv đhiê pax vuôk xoè thiêz txux chi pax vuôk xoè tâu UESSCO côngk nhav zos di sản vênhx huôv jông. Zos iz lênhx hluôk, cur zuôr sir jos đros por hưv, tuôr tsês txux chi vênhx huôv jông no thiêz piêr kriê trâu têx cưr tix nênhx tsa, tsôngv kruô sơưr đơưk pâuz txos”.

Zơưv Lường Chựa, nhoz xã Chiềng Pằn, huyện Yên Châu, tỉnh Sơn La heik pâuz, phênhv ntâu cxuô cxênhx fâuv nênhs Poz Ziz nhoz Sơn La cux lok six nhiêv đros nthuôr uô têx cêr lov jêv đhiê pax vuôk xoè heik taz thiêz xênhz huôx vênhx huôv côngv thôngx heik cxuô, viv co zos uô trâu luz nênhx hâur niêx hnuz muôx cêr lov jêv, sik thôngx siêz, lar heik zos hâur shôngk shông yiêz thiêz luz six hơưv, hnuz nhôngs sơưr đơưk tâu nhoz so đhâu uô kôngz lôngk tas: “Pax vuôk xòe zos nênhs Poz Ziz li txux chi vênhx huôv jông, muôx thâuv nzor lok, qir txix tsôngv cưr tix nênhx tsa sơưr đơưk têx cêr sik thôngx siêz, siz hluz siz paz, lar heik zos txux chi sik tuôr têk đhiê uô si lov jêv. Nênhs Poz Ziz txux chi đhiê pax vuôk xòe txix thâuv ntêx txos nhiv no muôx 6 jax, ntơư zos kror zov chênhr. UNESCO côngk nhav pax vuôk xòe zos di sản vênhx huôv jông, pêz lok six shir phaz”.

Tỉnh Sơn La nhiv no cux tsênhv tuôr tsês, por hưv chiê ntâu txux chi đhiê pax vuôk xòe thâuv nzor li: Đhiê siz hu zâuv hâuk chơưr, đhiê nthuôr fuôv txiêx, buôx têk….. Têx jax đhiê uô si co nhiv no cux tưz tâu nhênhz chơưv thiêz kriê txos trâu chor canr bôv, đảng viên, tsôngv pêx xênhv cxuô heir nênhs hâur tỉnh, phưx vưv xênhz huôx côngv thôngx thiêz sik đros nthuôr uô si lov jêv thâuv muôx jiês siz chuôs njiz, cơưv uz no têx.

“Nênhs Poz Ziz txux chi đhiê pax vuôk xòe” tâu UNESCO côngk nhav zos di sản vênhx huôv jông tsi tiêk zos côngv thôngx Poz Ziz li cêr shir phaz, tsênhv zos cxuô heir nênhs hâur tas nro tỉnh li têx jông siêz, shir phaz thiêz. Zơưv Trần Xuân Việt, Phưv Giám đốc Sở Vênhx huôv, thêv thao thiêz ju lix tỉnh Sơn La heik pâuz: Hâux lưv por hưv thiêz huôv tsar cxuô heir nênhs tsơưs heik cxuô thiêz nênhs Poz Ziz heik taz hâur tỉnh Sơn La li txux chi vênhx huôv jông cê lok six zuôr trâul txos, cê jông thiêz muôx liv trâu ntu tov kaz no: “Đhâu jiês no, pêz zuôr yax kriê chiê sơưr đơưk muk cơưv shâuv, nthuôr uô trơưk đêz đar thiêz tror tuôr truôx têx txux chi đhiê pax vuôk xòe uô si lov jêv li heik sâuv, tiv zix zos hâur têx jiês, têx hnuz muôx lov jêv chiê tsôngv pêx xênhv sik đros por hưv, tuôr tsês têx txux chi đhiê pax vuôk xòe tưz tâu kruôs txos, tưz tâu UNESCO côngk nhav zos di sản vênhx huôv jông tsi chiê pôngz plox”./.

(Trấn Long-Riê Lâux cxeik, nhênhv)

Sơn La: Sir jos uô cov tâu luôs hâux lưv txo grêk tsơưs txiêz nanv zoz thôngz hâur chor hli kaz shông 2022

Lơưr co, Ban ngaz tuk zoz thôngz tỉnh Sơn La tror uô truôx thiêz sir jos uô jông Ban ngaz tuk zoz thôngz cxuô cấp li têx huôx tôngv; huiz tôngv tas nro cxiv luôs chinhr triv tỉnh đros uô luôs hâux lưv taz por ngaz tuk zoz thôngz.

Chox kriê chuôz cxaz sir jos uô thiêz gra siêz tsơưr lươngv luôs hâux lưv yax kriê, hêik pâuz, zoz zux chêi têz qơưs lok taz por ngaz tuk zoz thôngz. Tror sir jos uô yax kriê txos ciês trâu nênhs cxaz chuôz zoz thôngz pâuz, yax mông đhâu xưv lik têx kror uô cxâuv; tsêx trung trâu chor hluôk nênhs.

Sir jos gra siêz tsưr ziv sêiz car têz qơưk lok taz por ngaz tuk zoz thôngz: Cêv kuôk, Tsưr ziv, yưv pênhr cxiv tsa thiêz sêiz car, kho đuô têx cxiv luôs zoz thôngz. Hâur co, tsov cưv txos côngz xưv taz por ngaz tuk zoz thôngz hâur chêix ntux nas chuô thiêz kho đuô, cxaz nzir cxiv luôs ngaz tuk zoz thôngz; pov, xưv lik cov ndar six hơưv têx phiv liv muôx yưv sâuv cêr, têx qơư phiv liv zos qir tiv uô muôx yưv têx txiêz nanv zoz thôngz.

Sêiz car chor nênhs tsar yêz muk lok: qênhz yuôx, xưv lik têx lênhx nênhs tsar yêz uô cxâuv chêi thâux xa hax huv. Qênhz yuôx, xưv lik truôx jông têx yêz thâux chôngz lênhx nênhs tsik trơưk cui tênhv.

Yax kriê, cungz hlôngr đuô ntơưr tsar yêz: Chuôz cxaz tsưr tsix qênhz yuôx, xưv lik truôx chor tsênhv qơư kriê tsar yêz, cungz ntơưr tsar yêz li têx uô cxâuv. Tror kriz uô hâux lưv cungz, hlôngr đuô ntơưr tsar yêz yiêz lơưr Bôv Zoz thôngz Vận tải hêik kriê ntơưv iz cxiê huyện.

Chuôz cxaz nzir lưx lươngv chiê uô hâux lưv qênhz yuôx thiêz xưv lik truôx jông chor nênhs uô cxâuv lok zoz ngaz tuk zoz thôngz. Kriz uô truôx jông xưv lik têx uô cxâuv đros trâu yax kriê, hêik pâuz lok têz qơưs têx chêi chiê paz trâu sơưr đơưk pâuz tsênhz, uô truôx jông lok taz por ngaz tuk zoz thôngz thâuv cxaz chuôz zoz thôngz.

Sik côngv chuôz cxaz qênhz yuôx thiêz xưv lik truôx jông lơưr chuyên đề, hâur co tsov cưv txos xưv lik chor yêz tas hax sir zôngv,  qênhz yuôx hâuk chơưr, bia, ntông câuk mov yêz, qênhz yuôx têx yêz thâux ntâu, yêz tsik muôx ntâuz ntơưr hêik pâuz tsênhz lok ngaz tuk kỹ thuật thiêz por vêv tênhv qơư, yêz pêz luz los chiv chir uô, yêz mêir kuz, tsik jông lơưr tsưr ziv tưz tso tơưv.

Sir jos uô cov tiêr hâux lưv njêis yêv têx kror uô cxâuv sâuv ntus cêr lok ngaz tuk zoz thôngz cêr ar lơưr Ủy ban tỉnh li tsưr ziv tưz tso tơưv.

Tror sik côngv đros Ủy ban ngaz tuk zoz thôngz Têz qơưk hêik têx lênhx nênhs siêz jông, muôz nzir têx chuôz zênhx sir zôngv hâur đêx paz trâu chor pêx xênhv muôx luz nênhx txov nhêv uô nênhx nhoz thax tsav ntus pak đêx tênhv tênhz Hòa Bình thiêz paz đêx tênhv tênhz Sơn La./.

(Bích Thủy BS-Lik Thox cxêik nhênhv)