Uô li chas chiê tuôr truôx bê cxur Điện Biên?

          Zuôr cxur Điện Biên tsi lax zuôr, viv nhiv no muôx yênhx puôk qơư muôs cxur lox zâu sâuv niêv đrôngs Điện Biên Phủ, muôx têx qơư muôs trâu têx ciêz hâur thiêz đrâuv tỉnh. Taz sik chiê xeir tâu cxur kaz tsênhz tsênhz zos cxur Điện Biên mak lok six lax, tiv zix zos đros têx lênhx nênhs tsi tâu tâu nox cxur Điện Biên lok sik têx lênhx kruô nhoz têx qơư txơưr tuôx. Niêv lâuk Lăng Thị Thúy Huyền, nhoz tuêv jênh phố 2, phường Tân Thanh, đrôngs Điện Biên Phủ taz sik niêv lâuk cux njiz phêv liv thâuv xeir trơưk cxur Điện Biên chiê chox lol uô nox:

          “ Tsênhz mênhx mak zuôr ntơưv têx qơư zuk shưv xưz. Cux muôx têx thâuv tsi tso siêz, viv lơưr khênhr muôz cxur kaz thiêz tsi kaz shơư uô cê, lok six nyei lơưr tsuôk ntâu yuôx tuô caz. Zos chiê cxiv tsa bê cxur Điện Biên kaz tsuv muôx tsưr ziv uô jông, tsi zos tsôngv box nôngx mênhx xưz. Chiz coaz têz qơưk tsuv sik đros uô, chiê cxur Điện Biên tsi trâus muôz shơư đros têx cxur txơưr, uô pôngz luz bê cxur Điện Biên kaz jôngx”.

          Nhiv no, cxur Điện Biên tâu chos ntơưv đras liêx Mường Thanh, đros mênhv chêx muôx nhos 4.300 hecta, hâur co muôx nhos 2000 hecta zos chos chiê muôs. Txơưv mênhv chêx lox, taz sik tsôngv box nôngx mênhx phênhv ntâu tuôr truôx cêr cor cav chos. Muôx têx thâuv chos tsi thôngx ziv lok nôngz mak nhiês chos nhiês iz zav, uô trâu cxur trâus txuôv ntâu, khênhr trâus caz hmoz, tsơưr lươngv cxur tsi kaz li kuz lơưv thiêz. Đrâuv co, hâux lưv sâu zuôr, thâux thiêz muôs cxur Điện Biên nhiv no tsi tâu tâu seiz car jông, nênhs uô luôv khênhr muôz xiv huv cxur Điện Biên shơư đros têx cxur txơưr chiê muôs.

          Viv têx lik zơưx li co, têx shôngk jê ntơưv no, nganhx kôngz nuv Điện Biên thâuv tưs cux xav tênhv jênhv vưv tsênhv zos cxiv tsa bê cxur Điện Biên truôx vênhs, chiê muôz siêz tsiv grê cxur. Đrâuv muôz siêz yênhx tưv tsêz chos trâu tsôngv box nôngx mênhx, hlôngr yiêz tsưr ziv chos, nganhx kôngz nuv tỉnh cux tsênhv chêx chôngk ndar txos huôx tôngv seiz car têx qơư jov blêx, cxôngx co taz por cxur muôx tsơưr lươngv jông thâuv tuôx txos lênhx nênhs sir zôngv tês. Zơưv Bùi Minh Hải, Phưv giám đốc Sở kôngz nuv thiêz huôv tsar Nôngx cxênhz tỉnh Điện Biên puz pâuz:

          “ Sở kôngz nuv thiêz huôv tsar nôngx cxênhz li Chi cục coar lik tsơưr lươngv tsuv yax six seiz car têx qơư no. Thiêz nhiv no pêz tưz cungz tâu trâu zuôr xar 30 qơư muôv muôs taz por ploz tsênhr. Taz sik kror tsênhv zos cxur hâur thax tsav mak tax ploz tsênhr tsơưr lươngv, viv liv zix mak muôz cxur shơư đros cxur txơưr. Chênhr viv li pêz xar têx HTX thâuv sik côngv tsiv uô tsuv cxiv tsa bê cxur Điện Biên thiêz heik kriê tsênhz mênhx têx hax huv muôx tsơưr lươngv, thâuv co têx taz viv tưs sâu bê tiêk zos cxur Điện Biên taz sik tsi muôx ntơưr côngz jênhv mak tsuv yưr lir hành chinhr”.

          Đrâuv co, iz tsưr ziv thiêz tâu seiz zos tul zơưv six tsênhv tâu tiv phaz krêz uô zos tsiv uô lơưr tsưr ziv taz por, chuôz tsar sik côngv hâur hâux lưv tsêz chos lơưr tsưr ziv đras liêx lox. Tsưr ziv no chiê cxơưz cxiz têx doanh nghiệp, HTX sik đros cxaz chuôz thiêz cungz xiv huv muôx tsơưr lươngv siêz. Txos nhiv no tưz muôx 3 taz viv uô ntêx nyuôk zos Công ty TNHH Safe Green, HTX Thanh Yên thiêz HTX kôngz nuv tsơưr lươngv siêz jos Mé. Tas nro mênhv chêx njuôs xav chos tas shông 2018 zos muôx nhos 150 hecta đros yênhx puôk ziv chuôz zis sâuv thax tsav cxaz chuôz.

          Chiê taz por bê cxur Điện Biên tax ploz tsênhr thâuv tuôx txos lênhx nênhs sir zôngv, đrâuv hâux lưv coar lik jông hâux lưv tsiv uô, têx heik kriê tsênhz mênhx lok hâur pâus xiv huv txos nênhs sir zôngv. No zos têx sir jos lox mak nganhx kôngz nuv tỉnh Điện Biên sir jos chiê cxiv tsa bê xiv huv đros lênhx nênhs sir zôngv, tuôr truôx bê cxur Điện Biên kaz nto bê nhoz Tây Bắc./.

( Vũ Lợi- Txâur Vax cxeik nhênhv)

Muôx cov txâuk đêx tu zus tsiêx cxu

          Hlôngr suôz….

          Tsôngv px sđ tsuv bax cov txâuk đêx hur trâu tsiêx cxu hâuk thiêz tsuv bax cov txâuk cxuô zav jâuz krâur, jâuz tâux trâu tsiêx cxu nox hâur chêix ntux kruôr.

          Hâur têx hnuz ntux kruôr gis, tsôngv px sđ tsuv hlôngr cxuô zav jâuz krâur, jâuz tâux trâu tsiêx cxu nox cov huv đros. Đros ntơư, tsuv muôz krâur poz cưk lok sik hmôngr vơưs trâu tsiêx cxu nox nzir thiêz tsuv muôz cov txâuk đêx trâu tsiêx cxu hâuk thiêz tsik chiê têx guôx ntuz nas, vuôz tsuôz kiêk nênhs.

Nhạc cắt

          Nhux tưv nhux đas, yik tu zus tso yar: Hâur têx hnuz muôx ntux yar cuz sor, thâuv têis cik tsuv tso muk nox jâuz nzor, zar hnuz kêix tsuv tso  lis thiêz tsuv muôz cov txâuk jâuz tâux, krâur trâu chor mê nhuôv nhux tưv nhux đas nox.

          Tu zus kêiz: Thax tsav qơư tu zus tsuv uô cov huv đros thiêz tsuv muôx shôngz ntông nzôngr, yar ntux thiêx tsik cuz sor uô ruôr hiêv txos têx kêiz tu zus. Chor pox kêiz zus chiê ntês kê, tsuv zus cov tros tov thơưx thiêz tsuv muôz cov txâuk cxuô zav jâuz njuôz trâu nox nzir, kêiz thiêx ntês kê ntâu.

          Tu zus buô: Têx guôx, thax tsav qơư tu zus tsuv uô cov huv đros, tsuv muôx cov txâuk đêx trâu buô hâuk thiêz tsuv muôx đêx nzuôr têx guôx tu zus cov hur si, tsik chiê têx guôx tu zus trâus vuôz tsuôz kiêk nênhs.

          Tsôngv px uô guôx tu zus buô, tsuv uô tis trâu faz Đông Nam thiêz tsuv cxax cov txâuk cxuô zav yuôx vắc xin tir thêir caz moz ơưk trâu buô. Têx qơư tu zus, tsuv tsuôs yuôx vắc xin tuô caz moz ơưk, tsik chiê caz moz ơưk huôv xênhz, caz moz ơưk thiêx tsik cik trâu têx tsiêx cxu.

          Đhâu iz ntu muôx yar ntux cuz sor truz ntêr hnuz, têx tsiêx cxu đas jos cux trâus txo grêk, tsiêx cxu zôngx ziv trâus cik caz moz ơưk; Chênhr zos li hêik ntơư, tsuv muôz cov txâuk cxuô zav jâuz tâux, krâur trâu tsiêx cxu nox nzir, tsiêx cxu thiêx muôx txâuk đas jos tir thêir caz moz ơưk.

          Phênhv “nôngx mênhx zuôr tsuv pâuz”ciêz no, zos Đêix VN đtos tsênhv qơư cxiz kôngz têz qơưs uô./.

                                                     (Tsuv cxêik nhênhv-VOV4)