Tsôngv box La Hủ nox tsiêz

Txix thâuv ntêx lok nênhs La Hủ tsik so uô têx tsêr lav nhoz hâur har jôngr, ntơưv têx têz, sâuv tox trôngz siêz. Tsêr vor blôngx njuôz, txos thâuv tưs blôngx đax kruôr mak muk uô luz tsêr txơưr đuô chiê nhoz viv li tsênhv muôx bê hu uô Sá blôngx đax. Đros muôx Đảng, têz qơưk li tsov cưv txos, chính quyền cấp xar, bôv đội pênhz phax li vênhv tôngv, tsôgv box La Hủ ntâu shông lok no tưz hoz truôx qơư hâur chor tsêr vor vuôz đơưz. Jêx jok nhoz têx ntar trôngz siêz, iz luz jok muôx oz pêz châuv luz tsêr.

Zơưv Phà Chu Lô nhoz jok Tân Biên puz pâuz: Nênhs La Hủ cux xưk li têx mênhx cxưx txơưr đuô muôx 12 hliz hâur iz shông. Tsôngv box La Hủ cux nox tsiêz trâu iz đraz hli 12 zênhz lix kaz shông, taz sik tsik nox hâur iz hnuz mak xav hnuz nhôngs jông hâur hli huv lênhx tsưr tsêr luz nênhx chiê nox. Pox nhuôs tsik nox tsiêz ndax trâu liêz, tsor, đêr, hnaz hnuz hiêz ndax trâu huz muôx nênhs cxênhz jê trâus tuôs.“Mênhx cxưx La Hủ nox tsiêz lơưr cxôngx nzor tsês chiê lok zos hâur hli mak lơưr tsưr tsix tas iz hli, ciêz no zos luz jok no nox, ciêz tov kaz ho zos luz jok tor nox chiê sơưr đơưk tuôx sik yav sik phôngv kôngz hmôngr. Tsiêz zos tuôx sêiz yuô mak muôx huv sik puz, phôngv tsiêz..”.

Chiê bax tok tsiêz, lênhx pox niêv hâur chuôz zis muk zok txiêr tâu pêv jôngr lok cov txâuk trâus hor chor hnuz tsiêz. Vax tsêr, jêx jok tâu qêz suô hur si. Zơưv Thàng Hu Lô nhoz jok Thăm Pa puz pâuz:“Chuôz zis tưs cux li, cưr tix nênhs tsa sơưr đơưk tuox sik đros nox tsiêz, phôngv tsiêz, phôngv trâu chuôz zis, têx tuz nhuôs muôx jos. Thâuv muk tsêr mak tsưr tsêr ho muôx huv tsiêz muôz trâu chiê gra muk tsêr”.

Uô ntêx mak nênhs La Hủ cux krưr nduôr txâuk puôz. Thâuv nduôr siêr mak tsưr tsêr muôz trâu têx tuz nhuôs gro nox mu uô si tsiêz. Lơưr tsôngv box siêz xar mak chor mê nhuôs gra nduôr nox muk uô si thâuv hâur shôngk shông yiêz zos hêik tơưv muôx cêr tsâu sor, shir phaz. Tsôngv box La Hủ nox tsiêz tsênhv muôx nzir nduôr blêx xưk li Hmôngz têx nduôr. Chor nduôr no cux zuôr nox tâu ciês lok sik tsês txiêk mav nthênh nox lok cux tâu.

Zơưv Thàng Hu Lô puz pâuz nzir: Shir phaz đuô zos tsiêz mak chuôz zis tưs cũ tuô buô. Txơưv muôx thiêz pluôs lok chuôz zis tưs cux tuô iz tuk buô chiê sêiz siêz. Buô tâu muôz tuô thiêz fêik luz siêz xuz thơưx ciês lok trâu tsưr tsêr sêiz. Lơưr nênhs La Hủ, buô zos tuk tsiêx zus hâur chuôz zis viv li sêiz siêz xuz thơưx ciês thâuv hâur shôngk shông yiêz mak zuôr pâuz tâu txos têx jông, fêv hâur chuôz zis thiêz jêx jok hâur shông yiêz. “Sêiz mak sêz hâur iz shông co nox tsiêz shông yiêz chuôz zis puôk muôx đas jos, cêr shir phaz lok tsik muôx, puôr zuôr muôx moz gênhs, njiz cêr phiv liv li chak xưz”.

Ntênhk txix côngv pox côngz zơưv côngz hâur shôngk shông yiêz tâu uô trâu six hơưv jông thâuv sơưr nzor. Tsưr tsêr zuôr muôz ntiv mor xuz thơưx ciês hâur luz lâux câu mor blêx yiêz tso trâu hâur luz vaz gra muk ntơưv zuk luz txax txix côngv thiêz thor pos zơưs, pox côngz zơưv côngz paz trâu shông yiêz muôx đas jos, sâu tâu kôngz lôngk ntâu:“Txi côngv pox côngz zơưv côngz mak thor shông yiêz tu zus tâu tsiêzz cxi ntâu, chos kôngz lôngk, tu zus lok cux uô tâu ndê têk, huôv tsar đuô shông kuz”.

Đhâu jiês txi côngv pox côngz zơưv côngz, chor chuôz zis hâur xênhv nênhs piz tuôx siz yuô, phôngv shông yiêz muôx cêr shir phaz, muôx ntâu đas jos. Tsuv mor hơưv shông yiêz tâu tsưr tsêr chox lok zâuv kruô nox, sơưr đơưk sik côngv cêr lov jêv, phôngv têx lo luk jông thiêz sik đros đhiê mênhx cxưx li têx pax vuôs xèo./.

                                  (Thanh Thủy-Lik Thox cxêik nhênhv)

Tsôngv px Hát Lót shir phaz lul uô nduôr tsax

Nduôr tsax hâur thax tsav xã Hát Lót tưz tâu tsôngv px huôv tsar uô tâu ntêr shông lok; ntơư zos cơưv shâuv tsưr ziv uô nduôr txix ntơưv Hà Tây. Txơưv shông tưs thâuv zuôr txos tsiêz 30 têz qơưs, tsôngv px nhoz thax tsav xã Hát Lót, txơưv chuôz zis tưs cux shir phaz lul uô nduôr tsax chiê muôs trau tsôngv kruô nhoz cxuô tỉnh. Pos Nguyễn Thị Dịu nhoz jos No, xã Chiềng Mung, huyện Mai Sơn, zos iz lênhx kruô tsik so tuôx zuôr huv hêik pâuz: “Cur cux muk lok đhâu ntơưv no ntâu jiês, sêiz njiê pov chor nduôr tsax ntơư nox cux kaz cơưs. Chênhr zos li hêik ntơư, muôx hâux lưv muk lok đhâu, thâuv tưs cux cux zuôr chox muk trâu sđ nox”.

Pos Trần thị Soi chuôz zis, zos iz hâur chor chuôz zis tsik so uô nduôr tsax tâu ntêr shông thiêz nto bê nhoz thax tsav qơư co. Hâur ntu đrav ntêx, pos Soi tsuôk zos uô nduôr trâu chuôz zis nox hâur têx hnuz tsiêz; taz sik tov kaz no tâu chôngz lênhx ntâu tus kruôk tiêk, chor nduôr tsax cur uô ntơưkaz cơưs, li ntơư cur thiêx uô nduôr muôs. Thâuv qir uô tsuôk zos uô nduôr tsax muôs trâu tsôngv px hâur thax tsav thiêz muôs trâu tsôngv kruô muk lok tâus cêr; hâur iz hnuz cux muôs tâu 50-100 luz nduôr; grê zos 10 luz nduôr muôs 20 cxênhz đêiv nhiêx. Txix ntơư txos trâu nhiv no, ziv hnuz ziv muôx chôngz lênhx kruô tuôx zuôr chor nduôr tsax chox muk nox uô si thiêz muôx chônhz lênhx kruô pâuz txos. Thiêz xav hâur têx hnuz zuôr txos tsiêz 30 têz qơưs mak hâur iz hnuz cur chuôz zis muôs tâu 400-500 cxênhz luz nduôr tsax; grê muôs 10 luz 40 cxênhz đêiv nhiêx. Zos xar uô cov tâu têx nduôr ntơư nox kaz mak tsuv uô cov huv đros tsưr ziv kriê. Pos Soi hêik pâuz nzir: “Xar uô cov tâu iz luz nduôr tsax mak tsuv uô đhâu ntâu ntu thiêz tsik zôngx ziv uô, ho muôs tâu grê tsơưs; taz sik txơưv li chas lok tsuôk zos muôx chôngz lênhx kruô nhiêv nox, cux uô trâu cur shir phaz lul”.

Luôs hâux lưv uô nduôr tsax muôs cux muôx phênhv sâu tâu cxaz nzir nhiêx txiêx chox lok sir zôngv hâur chuôz zis, iz thênhv jux juk txo grêk tâu cêr yêiz pluôs. Pos Nguyễn Thị Vi, nhoz Phú Thọ, thâuv nhiv kruô tuôx nhoz trâu thax tsav qơư co, tsuôk zos khưr chos caz tsiz, chos cà Phê, tu zus tsiêx cxu muôs trâu tuz luôv ciêz đrôngl, sâu tâu nhiêx txiêx tsơưs. Taz sik, txix huôv tsar uô nduôr tsax txos trâu nhiv no, tưz pov njôngr luz nênhx muôx txâuk nox txâuk hnar; hâur iz shông muôs nduôr tsax cux sâu tâu 100 -200  triệu đêiv nhiêx. Pos Nguyễn Thị Vị hêik pâuz nzir: “Thâuv nhiv kruôr qir uô nduôr tsax muôs mak hâur iz hnuz tsuôk muôs tâu 20 ntâu luz, jux juk tov kaz no hâur iz hnuz cux muôs tâu nto puô luz hâur iz hnuz. Xav txix uô nduôr tsax muôs, cur cux muôx phênhv sâu tâu nhiêx txiêx cxaz nzir trâu chuôz zis thiêz muôx txâuk nox txâuk hnar”.

Ntơưv jos 10, xã Hát Lót, muôx 160 ntâu chuôz zis thiêz nhiv no tưz muôx txos 50 chuôz zis uô nduôr tsax muôs thiêz khưr uô cxuô zav muôs mak iz lênhx nênhs sâu tâu  35 triệu đêiv nhiêx hâur iz shông. Zơưv Nguyễn Đình Tuyên, bí thư chi bộ jos 10, xã Hát Lót hêik pâuz: “Pêz tsênhv taz tov qênhz yuôx chor chuôzzis huôv tsar uô nduôr tsax, tsuv uô cov zos đrêiv chêi kriê thiêz tsuv uô cov huv đros thiêz txix shông 2019 txos trâu shông 2020, pêz tsuv cxiv tsa uô hợp tác xã uô nduôr tsax thiêz pêz cux hêik trâu uỷ ban huyện Mai Sơn pâuz lok  têx luôs hâux lưv uô nduôr tsax co”

Hâur iz shông thâuv  zuôr txos trâu tsiêz 30 têz qơưs, cxuô chuôz zis px nhoz thax tsav jos 10, xã Hát Lót, txơưv lênhx tưs cux shir phaz lul uô nduôr tsax muôs trâu tsôngv kruô đhâu muk lok thiêz tsôngv kruô nhoz trâu cxuô qơư hâur thax tsav./.

                         (Tsu cxêik nhênhv-Đắc Thanh, CTV CQTT Tây Bắc)