Jax sâu thưr 7, hnuz 30/1/2016:

Pêz Hmôngz li mox poz muôx ntâu cêr shir phaz

 

 

Hla trâu shông yiêz nhoz trâu cxuô thax tsav jêx jos tox siêz,  cxuô tox trôngz câuv har chuôs li tưz muôx ntâu kror hlôngr yiêz đros trâu cxuô gơưv tuz nxêik hluôk cux sik thav uô shir phaz lul. Ntux yiêz lok, pêz Hmôngz li mox poz cux gra txos trâu cxuô lênhx tuz nxêik hluôk sđ nhoz cxuô jêx jos, muôx ntâu cêr shir phaz, cêr lov jêv thiêz zok nriêr tus zuk hluz zuk nhiêx chiê uô fôngx zưs. Pêz hêir nênhs Hmôngz têx tuz nxêik hluôk têx tsưr ziv siêz xar thiêz siêz nhiêv thiêz ndo yuô, thâuv tưs cux muôz uô suôz sênhr hêik cưr cxiêx, suôz trax đros trâu mox poz chiê xa txos trâu tus zuk hluz, zuk ndo yuô.

Hâur têx hnuz chêix ntux yiêz no, zos muk txos trâu pêz hêir nênhs Hmôngz cxuô jêx jos, thâuv tưs cux pov njôngr tsôngv hluôk sđ sik tưr ntâuk vix vôngs lok zos ntâuk tuôx luz thiêz tưr yuôz kênhx đros trâu por poz uô lov jêv ntưk. Sao x Tsaz, nhoz jos Co Sông, xã Đông Sang, huyện Mộc Châu hêik pâuz:

Pêz chor nxêik hluôk Hmôngz luz mox poz, zos muôz ntâuz xươk tâu por nthuôr uô cêr lov jêv hâur têx hnuz shông yiêz. Lar hêik zos pêz hêir nênhs Hmôngz têx mox poz ntươ, chênhr zos gra tâu cêr uô fôngx zưs, cêr shir phaz, cêr ndo yuô thiêz paz phênhv trâu têx tuz nxêik hluôk xêir tâu tus zuk hluz, zuk nhiêv chiê uô fôngx zưs thiêz yênhxx txix yênhxx gơ]v, uô luz nênhx.

“Pêz hêir nênhs Hmôngz mak thâuv txos luz tsiêz, tsôngv tuz nxêik hluôk sđ, thâuv tưs cux nthuôr uô cêr lov jêv por poz thiêz ntâuk tik kêiz. Por poz zos chor tuz nxêik hluôk sđ têx cêr lov jêv chiê siz xêir tus zuk hluz zuk nhiêv thiêz thâuv por poz ntơư cux sik tưr hêik cưr cxiêx siz lưr uô lov jêv lul”.

Pêz hêir Hmôngz luz mox poz, zos por nthuôr uô cêr lov jêv hâur têx hnuz tsiêz thiêz gra cêr shir phaz trâu chôngz lênhx ntâu tus tuz nxêik hluôk yênhx txix yênhx gơưv, cxiv tsa ziv chuôz zis, uô luz nênhx yar ntux đris./.

                                                                (Tsu cxêik, nhênhv-Việt Anh)

 

 

 

Phênhv thưr 7, hnuz 30/1/2016:

Suz thax tâuv cuôz xênhz-Zav suz thax seiz zôngx ziv mak nox kaz

 

 

 

Txơưv tiêk têx suz thax tâuv cuôz xênhz muôx muôs nhoz ntâu qơư taz sik iz thax tsav nhiêk muôx nhiêk iz tsưr ziv uô thiêz bê hu txơưr tsi siz thôngx. Txix faz Bắc txos faz Trung, sơưr đơưk muôx têx tâu nox Nam Định têx suz thax kaz jiz Sìu Châu, nduôr Cu đơ nhoz Nghệ An-Hà Tĩnh; tâu nox têx suz thax tâuv cuôz xênhz, tsiz muôx nhoz Cố Đô Huế. Thiêz muk txos Quảng Ninh, zuôr tâu nox iz zav suz thax kaz txơưr: Tsư ha, jôngx, blâuv thiêz zôngx ziv nox, ntơư zos suz thax tâuv cuôz xênhz.

Têx uô trâu zuk nhiêv thiêz ndo njôngr lok zav suz thax no zos muôz têx txir tsuôs tâuz txiêx siêr lok jak uô liêz thiêz têx blôngx lok krưr, seiz  lok six jông. Zav suz thax no nox mê njik khênhr lo hniêr viv lok six blâuv thiêz jôngx jông nox. Têx zav lơưr muôz uô suz thax zos thax njêr, hmôngr mok, tâuv cuôz xênhz viv li thâuv nox mak hnor tsư kaz, blâuv, jôngx tâu tsôngv box sơưr đơưk nhiêv zuôr txos, lar heik zos têx lênhx kruô lơưr tuôx ndis shuôs ntux, iz tuk thav kriê trâu iz tuk, zok nriêr zuôr thâuv muôx six hơưv tuôx seiz têz qơưs txos Quảng Ninh.

Hâur iz jiês tuôx txos Quảng Ninh, tâu nox siv têx thax li heik sâuv, tix lâus Nguyễn Văn Nam nhoz Thái Bình heik:

“  Cur pov chor suz thax tâuv cuôz xênhz nhoz Tiên Yên  nox lok six kaz. Iz jiês tuôx ndis uô si txos Quảng Ninh cur khênhr zuôr muk trâu chuôz zis thiêz chor nênhs cxênhz jê nox. Sơưr đơưk hâur cur chuôz zis lênhx tưs cux kruôs tiêk, chor thax Tiên Yên jông nox thiêz kaz”.

Suz thax tâuv cuôz xênhz muôx thâuv nzor nzor lok, zos têx lâuv kriê trâu têx hluôk uô, iz fâuv đhâu iz fâuv tax txos nhiv no. Ntơư zos iz zav xiv huv jông muôx thâuv nzor nhoz suôv qơư Tiên Yên, nhiv no hâur huyện tsuôk muôx 3 chuôz zis thiêx pâuz uô zav suz thax no. Pos Vvũ Thị Liên, nhoz Phố Lý thường Kiệt, huyện Tiên Yên, tỉnh Quảng Ninh, zos iz hâur 3 ziv chuôz zis uô đreiv zav suz thax co heik pâuz:

“ Cur chuôz zis tưz uô đreiv zav suz thax thâuv nzor lok, co zos iz zav xiv huv tâu sơưr đơưk nhiêv nox thiêz zuôr txos, txix têx lâuk txos têx hluôk thiêz chor nhuôs zâu lênhx tưs cux nhiêv. Pêz cux vav chiê siêz tiêk, zav xiv huv no zuôr ziv hnuz ziv tâu ntâu lênhx chôngz tuk nhoz cxuô qơư pâuz thiêz đros zuôr txos”.

Tsôngv box nhoz no sik  thav tiêk, thâuv hâuk yuôx zêx mak tsi muôx tuk tsi jông thiêz kaz bâuv li nox đros chor suz thax heik sâuv. Đêx yuôx zêx, suz thax tâuv cuôz xênhz zos  2 zav lok six jông nox thiêz hâuk uô cê, viv txix têx qơư muôs huv ntơưv têx ntus cêr txos trâu taz kruô hâur vax hâur tsêr lok cux jông hur si. Tsơưs muôx zav suz thax tưs nziv đros hâuk đêx yuôx zêx li chor suz thax tâuv cuôz xênhz co, viv zav no zôngx ziv, jôngx thiêz muôs jông nox. Nox suz thax, hâuk iz pak đêx yuôx zêx, uô lênhx tiz nênhs siêz lax nziês. Chor suz thax ntơư txơưv lênhx tưs lok tưz puôr lênhx nox tâu, nox suz thax, hâuk đêx yuôx zêx chiê tror ndo txos têx chiv nhênhv, cêr uô nênhx đrav ntêx, zos zav xiv huv uô sơưr đơưk ndo txos têx kuz têz kuz qơư, ndo txos nênhs VN têx txux chi vênhx huôv, zos iz kro huv muôx liv trâu têx lênhx tsôngv  kruô đrâuv luôs 2 chas têz qơưs jiês xuz thơưx tuôx txos VN.

Ntơư zos iz zav suz thax muôx ntâu kror jông, lar heik zos luz bê hu, tuk nxiêz tsư uô yênhx iz zav xiv huv jông, tsuôk pov muôx nhoz huyện Tiên Yên./.

                                   (TTĐB-Riê Lâux cxeik, nhênhv)