Jax thưr 7, hnuz 2/4/2016:

Nênhs Thêir Tây Bắc suôz sênhr heik cưr cxiêx “Long tông”

 

 

Suôz cưr cxiêx..................

Suôz sênhr cưr cxiêx Long tông, lơưr nênhs Thêir “Khắp” zos sênhr suôz heik, “ long tông” zos heik cưr cxiêx muk tơư ndis seiz têx liêx, xa pax luk, suôz sênhr đros huôz đros chuô za. Zav sênhr suôz heik no phênhv ntâu zos heik lok sâuv cêr gâux cêr đrâul, đax luôs, heik tsi muôx lênhx nênhs seiz thiêz mnôngs. Thâuv muk tâus cêr, uô liêx têz iz lênhs, tsi muôx tuk đros thav pêv, heik luk, nênhs Thêir khênhr sênhr suôz heik chiê xa têx cêr qiv, kho siêz đros huôz chuô za, đros blôngx kruô jênhs, caz nôngk kuôx. Têx thâuv xar thiêz ndo txos têx fôngx zưs, tuk hluz nhoz đêz, lơưr cux khênhr heik cưr cxiêx long tông hâur têx hmo kêiv hli jông chiê heik txos têx cêr hluz, ndo yuô siz ndêiv tâu ntâu hmo ntêr hnuz tsi tâu chuôs njiz. Zav sênhr suôz heik no muôx têx zos iz lênhs nưv chiv chir heik nưk, lok sik iz paz muk uô hâux lưv, uô liêx têz, lơưr cê muk cê sênhr suôz heik cưr cxiêx tâus cêr. Zơưv Tòng Văn Xôm, nhoz jok Mòng, xã Hua La, TP Sơn La, tỉnh Sơn La zos iz hâur têx lênhx nênhs pâuz thôngz lok nênhs Thêir têx suôz sênhr heik cưr cxiêx no heik pâuz:

“ Heik cưr cxiêx Long tông zos nênhs Thêir đuz thax tsav Tây Bắc iz txux chi sênhr suôz heik cưr cxiêx lov jêv, đax luôs heik cxuô. Muôx têx pox niêv lok sik txir nênhx puôr lênhx heik tâu hur si, lơưr khênhr heik trâu thâuv têx hmo kêiv hli đris, muk iz, oz lênhs uô cê lok sik iz lênhs muk tâus cêr, muôx têx gra đros trax, zav trax yuôz ntơư muôx 2, 3 zak shôngz mê lok siz txuôk uô cê chiê yuôz, lar heik zos thâuv luz hli kêix, zuôr đuô trôngz, pov têx tsêr tsar lơưx jux juôs xưk li têx đuôz, uô trâu lênhx tiz nênhs siêz nhoz tsi kaz, tsi tsưv. Têx lênhx tsi muôx trax yuôz mak lơưr sênhr suôz heik cưr cxiêx trơưk luz suôz trax đror, ntơư zos heik cưr cxiêx long tông. Yuôr têx lênhx nxeik hluôk, lơưr muôx têx heik tâu, heik trâu thâuv đruôz hnuz, 1, 2 lênhs muk đê jâuz nox jâuz buôk, uô liêx têz, txiêr tơưk, thâuv gênhs, so jâuv sênhr suôz heik mê njik cưr cxiêx, lok sik heik tâus cêr…. Ntơư zos nênhs Thêir đuz Tây Bắc li txux chi sênhr suôz heik cưr cxiêx long tông”.

( Cưr cxiêx long tông….)

Pêz sđ nhiv kruôr mnôngs tas suôz cưr cxiêx muôx njiêz luk “ heik lok têx cêr hluz, siz ndo yuô puk đros huôz đros chuô za” đhâu niêv lâuk Tòng Thị Dâu li suôz heik, iz hâur têx lênhx muôx suôz sênhr heik tâu jông yax nhoz tỉnh Sơn La nhiv no. Niêv lâuk Dâu moz siêz thiêz qir cơưv heik cưr cxiêx Thêir txix thâuv tsênhv hluôk, muôx 18, 20 shông, niêv lâuk pâuz sênhr suôz heik ntâu zav cưr cxiêx, taz sik hâur ntơư lax cơưv yax cux zos têx cưr cxiêx sênhr heik li sâuv, taz niêv lâuk cux sir jos cơưv shâuv. Niêv lâuk Tòng Thị Dâu heik pâuz: Heik cưr cxiêx long tông zos têx suôz sênhr chor lâuk khênhr heik đrav ntêx, viv li lok six lax sênhr tâu suôz heik jông thiêz huv, xar heik tâu mak tsuv sir jos thiêz moz siêz cơưv li heik tâu jông. Thâuv têx suôz cưr cxiêx no tâu heik đros suôz trax đror mak ziv uô trâu lênhx tiz nênhs siêz kâus lêik, mnôngs tsi đhuôr:

“ Lok sâuv tsưr ziv heik cưr cxiêx long tông, tiv iz zos tsuv jông suôz, uô tâu pa siz luôs, zos thâuv sênhr suôz heik, bo tsi tâu pa ntêr thiêz siz luôs mak zuôr tsi jông. Tiv 2 zos truz pa ntêr, lâus suôz heik trơưk suôz trax thiêx jông. Tsênhv tsênhz heik iz zav li cur sênhr heik no”.

Têx suôz sênhr heik cưr cxiêx long tông jông li ntơư, taz  sik nhiv no iz hnuz tưz trâus pôngz plox jux juk. Qir tiv zov chênhr tưz tsi muôx tuk kriê taz sik lênhx tiz nênhs cơưv ziv tsi muôx, lar heik têx hluôk zos heir nênhs Thêir nhiv no chuôs li tsi muôx lênhx tưs pâuz heik cưr cxiêx long tông, txơưv muôx lok cux lok six tsơưs lênhx. Chor nênhs pâuz heik cưr cxiêx long tông li niêv lâuk Tòng Thị Dâu cux sir jos tuôr chiê, kriê trâu têx lênhx nhiêv cơưv shâuv têx txux chi vênhx huôv, suôz sênhr heik ntơư, taz sik uô tsi tâu tâu trơưk li tsưr ziv, siêz xar. Niêv  lâuk Dâu heik:

“ Cur vav thiêz xar njôngr cov têx cưr cxiêx long tông no tuôr tâu tsês jông đros đreiv tsôngv box luz nênhx xênhz huôx. Đros zuk têx txux chi vênhx huôv tuôr tâu chiê, cur zuôr sir jos kriê trâu têx cưr tix nênhx tsa, tuz nxeik hluôk, mê tuz mê nhuôv chiê lơưr pâuz txos têx suôz sênhr heik cưr cxiêx long tông. Lênhx nênhs no pâuz sênhr suôz, tror kriê trâu lênhx tov, tuk đrâuv chiê sđ siz chos por hưv, tuôr tsês tsi chiê pôngz plox”.

(Cưr cxiêx long tông…..)

Suôz cưr cxiêx long tông Thêir heik tâu tuk thiêz jông mnôngs xưk li nênhs Thêir Tây Bắc têx siêz xar, luk heik jông. Têx suôz sênhr cưr cxiêx no tsuv tâu tuôr tsês chiê thiêz  cxươz cxiz cxuô heir nênhs txơưr đuô muôx nzir ntâu zav txux chi vênhx huôv jông./.

( Tòng Anh-Riê Lâux cxeik, nhênhv)

 

 

Phênhv thưr 7 hnuz 2/4/2016

Ciêz hmo ntux Đà Lạt: Sor so hâur têx mo ntux no nhoz tox siêz

 

 

Trơưk txox cêr muk chênhr txos trâu tsênhv qơư thành phố, muk đhâu tuk qox hla pak đêx Hồ Xuân Hương thiêz ntu cêr Nguyễn Thị Minh Khai zos txos luz ciêz hmo ntux Đà Lạt. Nhoz no mak tsik pov lênhx tưs muk iz lênhs. Phênhv tâu zos yênhx gơưv nênhs siz tuôr têk, têx paz nênhs muôx 67 lênhx muk uô cê. Lơưr zok zuôr cxuô zav…lok sik zok nox cxuô zav nox kaz. Niêv tix Hà Diễm My nhoz quận Thủ Đức, thành phố Hồ Chí Minh đros chuôz zis tuôx uô si thâuvkaz ciêz puz pâuz:

“Thâuv tưs tuôx mak cux lok six nhiêv muk luz ciêz hmo ntux no, tuôx ntơưv no mak zuôr zuôr tâu têx zav huv tâu uô txix xor. Thiêz zuôr jâuz txir lok trâu sơưr đơưk nox, têx jâuz txir co mak lok six kaz pir li thành phố Hồ chi Minh”.

Txơưv tiêk zos  tox siêz taz sik ciêz hmo ntux Đà Lạt mak tâu tsôngv kruô lok six nhiêv tiv têx zav nox txix đêx hiêr. Têx zav txix đêx hiêr nhoz no tâu uô yênhx têx zav nox kaz; gri tsik civ cux zôngx ziv nox, huv vêv xênhz. Tiv zix, zav nox tưs cux cuz lus, lok six jông nox hâur qiv hơưv txiêk. Tix lâus Nguyễn Đức Tình nhoz Mê Linh, tỉnh Vĩnh Phúc hêik:

“Ciêz hmo ntux Đà Lạt muôx ntâu zav nox lok six kaz. Têx zav jâuz kok lok cux njuôz jông nox lk six kaz. Têx zav nox cxiêz nhoz Đà Lạt mak cux kaz, chơưr lok cux kaz thiêz muôx ntâu zav”.

Muôx ntâu zav, gri muôs huv đros phưx vưv jông zos têx kror mak du lịch Đà Lạt tsênhv kriz uô chiê huv tsôngv kruô siêz. Đros co, lênhx tov tiv phaz li tsưr ziv uô hax huv du lịch zos paz tsar tov trâu chor nênhs uô lax luôv kinh doanh phưx vưv tsôngv kruô cux zos kror tâu Đà Lạt uô jông. Niêv tix Lê Thị Hồng Nhung tsưr qơư muôs huv sổ 35A Nguyễn Minh Khai nhoz ciêz hmo ntux Đà Lạt puz pâuz:

“Chính quyền Đà Lạt mak sir jos paz, cxơưz cxiz pêx xênhv tiv phaz muôs huv tsơưr lươngv, muôx ntâu zav hax huv zos kror paz tsar tov trâu pêx xênhv kinh doanh jông đuô. Cur muôs chor huv muôx nhoz Đà Lạt li jâuz txir kok, cà phê tas nro puôr lênhx tâu uô ntơưv tiv phaz. Tsôngk kruô du lịch mak muk thâuv hmo ntux ho nhoz Đà Lạt mak lơưr tuôx ciêz tsik so”.

Phưx vưv yênhx hnuz, ciêz hmo ntux Đà Lạt ziv hnuz ziv tâu tsôngv kruô nhiêv. No tưz tsik tiêk zos qơư sơưr đơưk tuôx ndis uô si thiêz zuôr têx zav huv jông nhoz Đà Lạt lok trâu sơưr đơưk, nox têx zav nox kaz ciês ntơưv qơư thiêz cux  tsênhv zos qơư chiê sơưr đơưk uô si, siz njiz hêik tơưv tâu têx siêz nhiêv tsôngv kruô nhoz tox siêz./.

                                               (TTTN-Lik Thox cxêik nhênhv)