Jax  sâu thưr 7, hnuz xiêz 9/1/2016:

Hêir nênhs poz ziz muôx ntơưr xav hli, xav hnuz nhôngl

 

 

          Đhâu ntâu tiêv lok, hêir nênhs poz ziz tsir têz qơưs txos trâu Mường Lò Yên Bái, tưz muôx tus tuôr xav txos hnuz jông hnuz fêv. Hêir nênhs poz ziz muôx ntơưr xav hli, xav hnuz nhôngl jông hâur iz cxênhz shông.  Cxuô luôs hâux lưv txix zâu txos lox: Pir li cxiv uô tsêr, nox yôngz hâuk cok, tsêz chos kôngz lôngk…puôr lênhx xav txos hnuz jông.

          Hêir nênhs poz ziz xav tiêk: Txix thauv xênhz zus tâu, uô nênhx nhoz sâuv ntiêx têz puôr muôx pêz kro. Ntơư zos siz zuôr uô txix gơưv, cxiv uô vax tsêr,  thiêz huôv tsar cêr thôngx siêz.  Trơưk li zơưv Lường Văn Tun nhoz jos Nà Lính, huyện Thuận Châu, tỉnh Sơn La hêik pâuz:

          Băng: “Hêir nênhs poz ziz, txơưv xênhv nênhs tưs cux xêir hnuz nhôngl tsêz chos kôngz lôngk. Ntơư, zos chor lâuk zênhx tuôr xav tâu thâuv ntêx lok”.

          Lok sâuv luôs hâux lưv huôv tsar tsêz chos kôngz lôngk cux zov chênhr cơưs; trơưk li pozz Lò Thị Xỏm, nhoz jos Cang Mường, huyện Sông Mã, tỉnh Sơn La hêik pâuz:

          Băng: “Zos ndax trâu hnuz chox niêv txir njux plis lok tsêr, tsik jông muk uô kôngz lôngk; txơưv muk uô kôngz lôngk cux zênhx tsik jông. Zos tsêz chos kôngz lôngk trâu hnuz niêv txir tâu tas siv nênhx mak, kôngz lôngk mêx njik trâus nak nôngs nox”.

          Hâur têx hnuz chêir, puôr lênhx xav trơưk hêir nênhs poz ziz lịch ntơưr. Viv lịch ntơưr poz ziz muôx ntâu xor mông hêik lok  ntux yar ntux nas.

          Viv huôv tsar cêr uô nênhx mêx njik thôngx iz zav. Viv li, hêir nênhs Laox cux sir zôngv hêir nênhs poz ziz lịch ntơưr chiê xav hnuz nhôngl huôv tsar tsêz chos kôngz lôngk. Zơưv Lò Văn Chuông, hêir nênhs lok tsuôk, nhoz jos Cang Mường, huyện Sông Mã, tỉnh Sơn La, thâuv tưs tưz sir zôngv hêir nênhs poz ziz lịch ntơưr xav hnuz nhôngl.

Băng: đọc trên nền…

          Hêir nênhs lok tsuôk thiêz hêir nênhs poz ziz têx cêr uô nênhx, nox nhoz muk lok jông iz zav; luôs hâux lưv sêiz hnuz jông hnuz fêv cux jông iz zav. Pir li chor lok tsuôk nhoz Mường Và-Sốp Cộp, Mường Lạn cux li ntơư. Luôs hâux lưv nox yôngz hâuk cok thiêz hnuz nhôngl tsêz chos kôngz lôngk cux xav iz zav”.

          Xav txos shông 1990, iz cxiê lênhx nênhs  nhênhz chơưv nhoz Sơn La tưz cxiv sâu tâu lịch ntơưr poz ziz. Thâuv ntêx, tsuôk sâu trâu hâur têx fâu ntơưr mê; đhâu ntơư tưz cxiv uô tâu lịch ntơưr chiê sêiz hli, sêiz hnuz nhôngl./.

                                                                      (Lường Hạnh)

 

 

 

 

 

 

          Phênhv thưr 7, hnuz xiêz 9/1/2016:

Mông tsưr ziv ntok ntâuz max

 

 

          Nus: Thox Vav shôngx, thor nus cox mê njik, cox uô nênhx xênhz zus hloz trâu thax tsav têz qơưs trôngz poz jêz; têx jiês cox cux pâuz Hmôngz luôs hâux lưv ntok ntâuz max lok gtsik pâuz. Ntơư, cox pok xav tiêk zos iz luôs hâux lưv ntok ntâuz max chiê xơưk tsôngk trik yo thiêz uô tơưv nhiêx txiêx; Cox hêik trâu pêz pâuz mê njik zov?

          Têz: Txix thâuv cur tsênhv zâu mak cux tsik tâu pâuz txos pêz hêir Hmôngz luôs hâux lưv tsêz chos max thiêz ntok ntâuz max. Taz sik, thâuv lox hloz mê njik, niêv txir cov zuk uô zav tưs, zuk cux uô zav ntơư. Zos tsêz chos max ntok ntâu mak phiv liv hênhr, viv tsik muôx máy uô. Taz sik, tsôngv pox niêv, vir ndâuk Hmôngz cux uô tâu ntâuz max chox lok xơưk tsôngk trik yo, xơưk tiêz sir zôngv hâur luz nênhx txos trâu nhiv no tsik chiê plox.

          Nus: Cur thor nus cox nzir mê njik thiêz; nhoz têx thax tsav, jêx jos txơưr đuô, chuôs li max puôr lênhx tsêz chos trâu têx ar jông, max thiêx jông; uô li nhoz thax tsav tox siêz trôngz poz jêz, ho tsêz chos max li chas?

          Têz: Tsêz  chos max tsik zôngx ziv ciês? Zos thax tsav têz qơưs cur nhoz mak, tsôngv pox niêv vir ndâuk Hmôngz tsênhv trik êv ar chox lok nduôr trâu têx cik poz jêz thiêx tsêz chos tâu max thiêz cur pov thâuv tưs tsôngv piox niêv vir tưz sơưk ntuôs. Txơưv thâuv muk cêr, oz cxêik têk cux sơưk ntuôs, jâuv mak oz cxêik têk cux sơưk ntuôs hur tiz si. Ntơư cux zos chor pox niêv vir ndâuk gruôs thiêx ntok thiêz xơưk tâu iz đêiv ntiêz ntâuz max chox lok hnar”

          Nus: Têx luôs hâux lưv, tsôngv pox niêv vir ndâuk Hmôngz khưr  sơưk ntuôs li cox nhiv  kruôr hêik tas ntơư. Kror muôs njiê cêr, oz cxêik têk sơưk ntuôs, uô li pok muôx têx lo luk kruôk txos zov. Taz sik têx lo luk ntơư tsuôk zos muôz uô suôz sênhr cưr cxiêx hêik kruôk txos tsôngv pox niêv, vir ndâuk têx luôs hâux lưv ntok ntâuz . Uô li, cox pok pâuz txos têx grê cưr cxiêx ntơư?

          Têz: Cur cux pâuz mê njik thiêz, viv cur niêv thiêz têx muôv puôr lênhx tsêz chos max; taz sik nhiv no tsuôk chos mê njik chiê uô yuôx lơưv xưz. Viv tsêz chos max mak txov nhêv hênhr thiêz nhiv no tsuôk muk zuôr đuô zav ntâuz đrav ciêz đrôngl chox lok xơưk tsôngk trik yo, tsôngk tiêz hnar zos phênhv ntâu lơưv. Xav tsêz chos max, sơưk ntuôs mak txov nhêv hênhr, taz sik tsuv tâu tsêz chos max chox lok xơưk tsôngk trik yo lâuk, thâuv pur 120 shông thiêx tâu hnar muk chuôs pox côngz zơưv côngz. Thiêz cur cux hnor chor lâuk piêr tiêk: Xar pâuz tus tưs uô nênhs gruôs mak tsuv njiê sâuv nthaz; xar pâuz tus tưs jông gâux, tsuv sêiz têx pax tiêz tsôngk trik yo. Đhâu ntơư, tus tưs gruôs, tus tưs tuz gênhs, zênhx pâuz ciês.

                                          Thox vav shôngx, uô cox tsâu ntâu.

                                                                         (VOV4)