Jax sâu thưr 7, hnuz xiêz 9/4/2016:

Tây Bắc hâur chêix tuôx njuôs

Faz Bắc muôx cxuô zav njuôs: ntơư zos njuôs shôngz hlor, njuôs shôngz yik; njuôs shôngz co triêv…Iz zav njuôs, nox kaz txơưr  jông tsik siz thôngx thiêz tâu tsôngv kruô sđ nhiêv nox.

Njuôs shôngz nxêz zos muôz chox lok ciz shơư kix, nox cux kaz; thiêz muôz fuô jiêz uô njuôs kruôr, hâu shơư poz cxa buô, nox cux kaz, muôx chôngz lênhx ntâu tus nhiêv nox.

Njuôs shôngz nxêz; njuôs shôngz hlor; njuôs kaz jiz thiêz njuôs shôngz iêz thâuv hâu lok sik muôz ciz tâu siêr, tsôngv kruô sđ cux nhiêv nox; taz sik thax tsav faz Tây Bắc thiêx muôx ntâu.

          Cxênhx lâuk hêir nênhs poz ziz muôx jax đaz nênhs hêik tiêk: “Thâuv ntêx thâuv nzor uz, muôx iz lênhx tuz hluôk xênhz zus tâu hâur iz ziv chuôz zis pluôs, niêv txir muôz tik bê hu uô khôm-luk poz ziz hêik zos iêz. Txơưv uô nênhx pluôs txov nhêv njuôr, taz sik lênhx tuz hluôk ntơư gruôs uô liêx uô têz thiêz txơưx zok tuô tsiêx kuk cơưs thiêz lênhx tuz hluôk ntơư, txơưx yuôz kênhx cơưs, uô trâu cxuô lênhx nxêik hâur jos, tus tưs tưz nhiêv txos thiêz lênhx nxêik Ban zos iz lênhx jông gâux yax thax tsav ntơư, muôz iz txox fuôv txiêx uô puôr fênhx chiê tênhv txos chêix ntux yiêz, siz zuôr uô txix gơưv. Taz sik, ho muôx iz tus huôz têik ar ho tuôx nxov nxêik Ban chox muk uô krêr. Lênhx tuz hluôk Khôm thiêz cxêik Ban thiêx siz puk khiêr muk trâu har jôngr har tsuôs, fênhx muk fênhx muk, tus huôz teik cux châuv  trơưk kaz thiêz uô trâu lênhx hluôk khôm thiêz nxêik Ban trâus ntos tuôs yêiz. Txix ntơư, cxêik Ban luz nza thiêx tuôx iz tsoz ntông, blôngx hlar njuôz mok nhôngk; txos luz chêix ntux yiêz, tsoz ntông ntơư tơưs pax uô 5 chês tsư kaz chuôs cxêik gâux Ban. Yuôr lênhx tuz hluôk Khôm luz nza ho tuôx iz tsoz shôngz iêz thiêz txos luz chêix piz uô têz, tsoz shôngz ntơư thiêx tuôx njuôs iêz”.

          Đaz nênhs poz ziz mak piêr li ntơư: Nhiv no, txos trâu txos luz chêix cxuô zav njuôs shôngz tuôx, hêir nênhs poz ziz thiêx muk lor cxuô zav njuôs chox lok uô trâu tsôngv kruô nox./.

                                                    (Tsu cxêik nhênhv-Báo Yên Bái)

Phênhv thưr 7, hnuz 9/4/2016

Tsôngv box Thêir đuz nhoz Tây Bắc li chei txi côngv ntux nas hâur luz nênhx

Lơưr tsôngv box Thêir: Cxuô tsar zav chiv xênhz đrox tsuôs, keiz nôngk, caz côngx…. Zos ntux tsiv, ntux uô. Lênhx tiz nênhs cux zos ntux tso lok ntiêx têz uô nênhx cxiv tsa jêx jok, huôv tsar uô nox. Chênhr viv li thâuv ntux kruôr tsi muôx nas lok, lênhx nênhs zuôr uô ntênhs txi côngv têx đaz xênhz têz qơưs, car đêx car ar, zơưv sơưz tso nas lok trâu tsôngv box chiê muôx đêx zôngv, uô kôngz. Zơưv Lo Văn Phớ, nhoz jok Him Lam 2, TP Điện Biên Phủ, tỉnh Điện Biên heik pâuz:

“ Thâuv ntêx nênhs Thêir khênhr tsưr tsix ntênhs txi côngv “ thor ntux nas” trâu thâuv hli 4, hli 5 zax lix, shông tưs ntux kruôr, tsi muôx txâuk đêx uô kôngz, txos luz cheix tsêz chos kôngz jov jơưk, ntux tsi lok nas. Luôs khênhr tsưr tsix txi côngv jôngr, muôx jôngr li muôx đêx, uô ntênhs txi côngv têx đaz xênhz têz xênhz qơư, car đêx car ar, lơưr li tso nas lok, lơưr hnor txos tsôngv box têx luk hu thor mav tso đêx lok ntiêx têz, muôx đêx li uô tâu kôngz lôngk, muôx pluôk nox”.

Uô ntêx thâuv zuôr tsưr tsix txi côngv thor ntux nas, tsôngv box xeir têx tuk pox njuôv, tsi muôx txir uô tsar đoanx thiêz hlôngr njêx muôs trâu tsôngv box, cưr tix nênhx tsa sđ hâur jok, viv tsôngv box xar tiêk, lênhx pox njuôv tsi muôx txir ntơư luz nênhx txov nhêv, thâuv krêz ndâux luk hu thor txos mak ntux zuôr hluz, pâuz tâu lênhx nênhs ntơư têx cêr txov thiêz phiv liv hâur luz nênhx đuô. Côngv thôngx nênhs Thêir, lơưr tsơưs uô hiêv, tsi uô đaz uô tuôs txos têx lênhx pox njuôv viv lơưr nyei ntux tuô, ntux tsiv. Đros đoanx muk zos têx lênhx tuz nxeik hluôk hâur jok, chor hluôk ntơư mak lơưr gra đros chưx ntak, iz zav chuôz zênhx tsôngv box khênhr zôngv chiê cưr blêx, poz cưk, pox niêv tâuz hâu ntông câuk mov, êv iz luz tơưz, muôz shôngz hiêz, chor pox niêv heir nênhs Thêir khênhr zôngv, muk txix tov hâur jok txos trâu kaz jok. Lênhx pox njuôv ntơư hlôngr njêx muôs trâu tas nro đoanx muk uô ntêx hu thor ntux nas. Pos Tòng thị Ban, nhoz jok Bó, phường chiềng An, TP Sơn La,  shông no tưz muôx 90 shông heik pâuz nzir lok têx chei txi côngv thor ntux nas li no:

“ Nhoz tsêr lok tsi nhoz, niêv nzơưv txir nzơưv, pêz tuôx thox đêx uô liêx, thor nas uô kôngz, thor nas uô blêx, chos poz cưk, têx kôngz tsênhv trâus kruôr njưk tuôs tas viv tsi muôx đêx, lênhx nênhs nhoz txov nhêv njuôr viv tsi muôx nox…. Thor pox sơưz zơưv sơưz tso nas lok, paz tsôngv px uô tâu kôngz lôngk, sâu tâu nju, sđ đros muôx nox muôx hnar, cxiv tsa chuôz zis truôx njês, jêx jok tsâu sor….”.

Thâuv đoanx muk thor ntux nas, txos iz ziv chuôz zis jux juk thor, lênhx tsưr tsêr sơưr ntơưv tơư ntêir thor đêx nas ( thâuv ntêx tsêr tsar lơưx, nênhs Thêir tsês iz luz câuv tơư ntêir trâu têx car đêx, zos chiê thor đêx) sơưr ntơưv kror qơư co muôz yoz đêx ntor, seiz ntơư xưk li ntux nas. Chuôz zis tưs muôx nôngz pax mak muôz hur si têx nôngz pax co por trâu đoanx tuôx hu thor ntux nas. Lênhx tsưr tsêr uô li co tas, krưr mor krưr jâuz, ntiv đêx hâuk trâu đoanx, chor tuz hluôk zos têx lênhx lênhk txeik têx jâuz mor thiêz đêx muôz puz ntơư. Uô li co tax tas iz ziv chuôz zis jux juk hâur jok, ntênhs txi thor ntux nas tsưr tsix uô hâur 3 hmo siz lơưr liês. Hmo suôx câuv ntênhs thor ntux nas, tsôngv box sđ siz zâuv muk trâu ntơưv hâur đêx hâur jok, sik đros heik gâux, nox têx jâuz mor muk thor tâu lok. Pos Tòng Thị Ban heik pâuz nzir:

“ Muk tas hur si têx ziv chuôz zis hâur jok, txos luz tsêr tưs cux thor. Uô tas li ntơư, đoanx uô cê muk trâu ntơưv hâur đêx hâur jok uô si, siz ntor đêx, hu ntux lok nas paz tsôngv px….”.

Txos nhiv no, tsôngv box Thêir đuz têx chei txi côngv thor ntux nas cux tsênhv tâu tuôr tsês chiê nhoz iz cxiê suôv qơư, thax tsav hâur têx tỉnh Tây Bắc, đros têx lênhx tsôngv box nhoz tox siêz uô đreiv liêx têz siêz vav xar njôngr lok iz luz nênhx tsâu sor, kôngz lôngk uô sâu tâu nju./.

( Lường Hạnh-Riê Lâux cxeik, nhênhv)