Công nhân cao su Lai Châu tưz muôx luz nênhx truôx tuk

      Têx tsoz ntông hlêik uô yênhx caz chiê tso cuô mik cao su, zos chor công nhân luôs hâux lưv uô hâur yênhx hnuz. Sêiz pov cxuô lênhx công nhân uô luôs hâux lưv no, tsơưs lênhx thiêx pâuz tiêk, ntơư zos chor nênhs muôx luz nênhx txov nhêv nhoz thax tsav tox siêz; muôx iz cxiê lênhx tưz nhiês cêr muk uô jos trâu saz têz qơưs suôr tror lok, cux tsik tâu iz đêiv nhiêx hlo.

          Công nhân uô luôs hâux lưv tso cuô mik cao su, piz uô txix thâuv 5-9 six têis cik sơưr nzor hâur yênhx hnuz. Txơưv tiêk, thâuv nhiv kruôr qir uô cux njiz ntâu phiv liv, viv uô tsik tâu sưv; taz sik xav txos trâu nhiv no luôs hâux lưv tso cuô mik cao su cux zôngx ziv uô thiêz muôx phênhv sâu tâu nhiêx txiêx, txơưv lênhx tưs cux shir phaz lul. Zơưv Mình x Zax, uô hâux lưv tso cuô mik cao su, nhoz công ty cao su Lai Châu II, nhoz xã Tủa Sín Chải, huyện Sìn Hồ shir phaz lul hêik: (Pêz tuôx uô hâux lưv trâu công ty, puôr lênhx tâu zuôr bảo hiểm, muôx phênhv sâu tâu nhiêx txiêx. Công ty cux paz cxiv uô tsêr trâu cur chuôz zis nhoz. Nhiv no iz hli công ty muôz 10 triệu nhiêx; li ntơư nhiêx cux txâuk sir zôngv hâur chuôz zis, têx tuz nxêik tâu muk cơưv ntơưr cxix cxuô tjiêz luz nênhx tsik yuô txov nhêv li đrav ntêx)

          Xav txos trâu nhiv no, hâur thax tsav tỉnh Lai Châu tưz muôx 7.000 ntâu ha ntông cao su tâu tso cuô mik. Trơưk li Tập đoàn Công nghiệp Cao su Việt Nam njuôk xav, tsoz chos cao su hâur thax tsav  Lai Châu cux huv đros thax tsav qơư co. Txơưv uô tâu li ntơư, taz sik grê muôs cuô mik cao su tsênhv kik, têx nhiêx nju sâu tâu tsơưs. Zơưv  Nguyễn Xuân Phú, Tổng Giám đốc Công ty Cao su Lai Châu II hêik pâuz: Chiê cov muôx liv, huv đros cxuô lênhx uô hâux lưv tso cuô mik cao su, Công đoàn Công ty cao su II Lai Châu cux moz siêz txos cxuô lênhx uô hâux lưv hâur công ty; zos lênhx tưs uô tâu hâux lưv jông, công ty puôr lênhx muôz nhiêx cxaz nzir thiêz muôx tsênhv chêi tsês trâu chor pox niêv xênhz tuz ci. Đros co, thâuv têx cán bộ, công nhân hâur công ty muôx moz gênhk, njiz trâus têx phiv liv,  công ty cux muk sêiz shuôk zênhx max. Lar hêik zos cxiv uô tsêr niêv côngv siêz trâu công nhân nhoz truôx thiêz cux muôx nhiêx quiv trâu iz cxiê công nhân kir txêik huôv tsar uô nox, muôx luz nênhx truôx tuk jux juk: (Shông 2020, Công ty tưz muôx 300 lênhx zos tsôngv px hêir nênhs tsơưs nhoz thax tsav txov nhêv thiêz muôx ntâu jiês nhiês cêr muk uô jos trâu saz Suôr têz tror lok. Iz gơưv niêv txir uô hâux lưv tso cuô mik cao su, công ty cxiv uô iz luz tsêr trâu nhoz, grê nhiêx zos tas  25 - 30 triệu đêiv. Đros ntơư, công đoàn hâur công ty cux tsês nhiêx quiv chiê muôz trâu công nhân hâur công ty kir txêik huôv tsar tu zus kêiz buô, nhux tưv, nhux đas”

          Txơưv tsênhv yuôr ntâu txov nhêv lok huôv tsar uô kôngz lôngk, huôv tsar cêr uô nox, taz sik công đoanx công ty cao su Lai Châu II li cxuô luôs hâux lưv uô muôx liv trâu tsôngv px hâur thax tsav qơư co. Txix ntơư, tưz cxơưz cxiz tâu chôngz lênhx ntâu tus px tuôx uô hâux lưv tso mik cao su, tsôngv px muôx phênhv sâu tâu nhiêx txiêx, iz thênhv jux juk txo grêk tâu cêr yêiz pluôs, muôx luz nênhx truôx tuk./.

Tsu cxêik nhênhv-Khắc Kiên- CQTT Tây Bắc

Bộ đội lâus nênhs Cho hla đhâu cêr pluôs cxôngx vax-jôngr

Cxaz chuôz nghĩa vụ quân sự 2 shôngk ntâu, kaz shôngk shông 1988, zơưv Tặng Văn Bình tror lok tiv phaz nhoz jos Suối Khem, xã Phiêng Luông, huyện Mộc Châu, tỉnh Sơn La. Pos zơưs tưz lâus, mê nhuôs tsênhv zâu, zơưv chuôz zis tsuôk tos njôngr lok hâux lưv chos poz cưk, chos blêx têz. Đros siêz xar zênhx zos iz lênhx bộ đội tsuv sir jos hla đhâu têx phêv liv, zơưv yênhx hnuz yênhx hmo xar tơưv tsưr ziv chiê chuôz zis hla đhâu cêr pluôs. Xar tâu mak txơưv uô, zơưv đros pox niêv krêz phaz thiêz ndaz ndơưv têx jôngr đo chiê txeik pênhr zênhx hangx chos jôngr thiêz ntông nox txir. Zơưv Bình heik: “Thâuv ntêx chuôz zis luz nênhx lok six txov nhêv, cur tưz sir jos cơưv shâuv chênhz zênhv uô nox, truôx siêz txeik pênhr zênhx hangx chos ntông nox txir, yuôx zêx thiêz chos jôngr, txos nhiv no tưz sâu tâu. Luz nênhx muôx nox muôx tsês, cur thâuv tưs cux truôx siêz pheiz kênh trâu pox nhuôs hâur jos uô lơưr, paz nôngz zuz tsi zuôr nhiêx liv”.

          10 shông no, sâuv mênhv chêx đar 3 hecta ntâu, chuôz zis zơưv Tặng Văn Bình tưz chos cxuô zav shôngz ntông, yuôx zêx thiêz txos nhiv no tưz qir sâu tâu. Nhoz buôk co zos zơưv li vax ntông nox txir li txir lưs jôngr, txir thênhx caz...ntâu shông no chox lok phênhv sâu lox trâu chuôz zis. Lơưr zơưv Bình: Kror coaz tsôngv tiv zix hâur tsêz chos kôngz lôngk zos tsuv sir jos cơưv shâuv, txơưx zôngv têx KHKT yiêz zos tsiv uô. Viv li, sâuv ar têz chos ntông nox txir, zơưv chos têx zav nôngz yiêz, uô trơưk tsưr ziv chos viv li shông tưs cux sâu tâu siêz, iz shông sâuv tâu 14 tênhr txir lưs jôngr, txir thênhx caz, 5 tênhr txir khơưz; mênhv chêx yuôx zêx đar zuôr xar 1 hecta iz shông sâu tâu 25 tênhr ntâu yuôx; zuôr xar 2 hecta jôngr ntông chiêz thiêz shôngz nhiv no tưz sâu tâu. Tsi xav têx nhiêx txiêx tưz yưv zơưv chuôz zis muôx phênhv sâu zos 500 tsov đeiv ntâu.

          Shông 2017, zơưv Tăng Văn Bình tưz cxiv yiêz tâu luz tsêr lox đar thiêz jông đuô, zuôr tâu ntâu chuôz zênhx tsiv grê phưx vưv luz nênhx thiêz muôx nhiêx txiêx tsês chiê ntơưv zênhx hangx. Yênhx iz hâur têx chuôz zis bluô nux nhoz xã Phiêng Luông, zơưv Bình ndo njôngr paz max tsôngv box pluôs hâur xã cxôngx paz pox nhuôs nôngz, zuz, paz pênhr, heik kriê tsưr ziv uô chiê pox nhuôs sik đros hla đhâu cêr pluôs. Zơưv Lý Trọng Sinh, iz hâur têx chuôzz is hâur xã tâu zơưv Bình paz huôv tsar kinh têr chuôz zis pheiz kênh: “Zơưv Bình chuôz zis xuz thơưx truôx siêz hlôngr yiêz tsoz chos, tsi taz txơưx uô nox mak tsênhv muôx phênhv sâu siêz. Zơưv Bình pheiz kênh chênhz zênhv uô nox trâu cur thiêz ntâu chuôz zis txơưr hâur jos li paz nôngz zuz, paz pênhr. Viv li nhiv no cur chuôz zus cux jông đuô tuôx, ntâu chuôz zis hâur jos tâu cơưv Bình paz mak mê nhuôs tâu muk cơưv ntơưr, pêz uô tsâus zơưv Bình lok six ntâu”.

          Đros têx gôngr côngv jông hâur hlôngr yiêz tsoz chos, tsiêx tu zus, zơưv Bình tâu trung ương Hội nôngx mênhx VN khơưk muôz ntơưr kruôk viv txơưx huôv tsar kinh têr chuôz zis, ntâu shông tsi so tâu huyện Mộc Châu kruôk thiêz yênhx lênhx bộ đội lâuk jông hâur phongz  yaox txơưx uô kinh têr nhoz xã Phiêng Luông. Zơưv thiêz chuôz zis thâuv tưs cux uô jông Đảng, têz qơưk li chủ trương, cêr chei, vênhv tôngv pox nhuôs hâur jos uô lơưr, sik côngv siêz cxiv tsa thax tsav qơư nhoz vênhx huôv. Zơưv Bàn Văn Quang, Bí thư, tsar jos Suối Khem, xã Phiêng Luông heik: “Nhoz Suối Khem, xã Phiêng Luông, muôx chuôz zis zơưv Tặng Văn Bình zos chuôz zis jông hâur huôv tsar kinh têr, ntâu shông zos chuôz zis vênhx huôv. Zơưv tâu pox nhuôs njênhs njôngr viv zơưv thâuv tưs cux uô ntêx nyuôk hâur cxuô phongz yaox, paz max ntâu chuôz zis sik đros huôv tsar kinh têr”.

          Lênhx bộ đội lâuk Tặng Văn Bình li siêz xar thiêz tsưr ziv uô kinh têr lok six jông chiê pox nhuôs sđ sik đros cơưv shâuv uô lơưr./.

Chẻo Thu-Txâur Vax cxeik nhênhv