Têx tsưr ziv phax tar tror chos zax zênhz

          Ntơưv huyện Mường Tè, tỉnh Lai Châu, số laov thôngz sâu cxôngx hli 10/2016 txos tas shông 2019 tso pov, têx chiz coaz muôx txơưx jênhv tưz đoz, luôx por tsês zuôr xar 56 cxênhz yiv ndis mênhv chêx chos zax zênhz. Ntơưv Điện Biên, thâuv hli 3 shông no, công an huyện Nậm Pồ tưz đros têx lưx lươngv luôx por tsês 300 yiv ndis ntâu ar chos zax zênhz tsi trơưk chei ntơưv thax tsav ntus đriv Lào nhoz thax tsav 2, jos Ngải Thầu 1 xã Nà Bùng. Lưx lươngv muôx txơưx jênhv têx tỉnh li: Sơn La, Thanh Hóa, Nghệ An hâur shông no puôr lênhx pov cov lok qênhx shênhx tsôngv box nhiês chos zax zênhz, tiv zix zos ntơưv têx thax tsav tox siêz ar cxaz, nhoz buôk têz qơưk Laox. Chênhr zos li hêik ntơư, tsuv uô li chas chiê tir tar qênhx shênhx nhiês chos zax zênhz ntơưv têx thax tsav tsôngv box mênhx cxưx tsơưs nênhs?   Lơưr zơưv Ly Tuôv x Zax, cán bộ jos Tia Ma Mủ, xã Tà Tổng, huyện Mường Tè, tỉnh Lai Châu, nhiv no ntơưv têx jôngr choz trâu têx ziv chuôz zis tsôngv box coar lik, jos puôr lênhx reik txơưx jênhv txos yênhx tsưr jôngr, zos pov muôx mênhv chêx jôngr tưs chos zax zênhz, lênhx tsưr jôngr co tsuv trâus tik cêr cxâuv zos đrêiv chêi têz qơưs tso tơưv. Choz txơưx jênhv đros yax mông txos yênhx lênhx tsôngv box zos tsưr ziv uô tsênhv:“Tsoz zax zênhz, qir thơưx chos tâu mak tsuv heik tiêk zuôr uô zênhr shar txos đas jos. Tiv 2 zos uô pox nhuôs ziv yeiz pluôs. Pêz yax mông li ntơưv. Nhiv no pox nhuôs tưz uô trơưk chủ trương cêr chei”.

          Lơưr trung tá Đặng Văn Đông, zênhx pênhz phax Tân Xuân (huyện Vân Hồ, tỉnh Sơn La), lênhx nênhs sêiz car 4 luz jos muôx nênhs muôx zênhs zax zênhz chôngz tiv zix nhoz xã Tân Xuân, tsưr ziv tsênhv zos uô jông luôs hâux lưv yax mông chiê hlôngr yiêz tsôngv box luz nênhx, tsik tsêz chos tsoz chos zax zênhz. Hâur co, tsov cưv txos têx lâuk jos, tsar jos li pưs txux hâur côngv thôngx. Trung tá Đặng Văn Đông pheiz kênh: “Tuêv côngz xưv muk vênhv tông, yax mông lok six ntâu. Pir đros kuôk nor 2-3 shông tov ntêx mak txu grês lok six ntâu. Chiê yax mông đros tsôngv box mak zuk tsuv zos lênhx nênhs tâu tsôngv box njênhs njôngr, tiv zix zos nhoz tox siêz, xênhv nênhs tưs muôx nênhs uô cxâuv mak muk xênhv nênhs co, xênhv tưs muôx têx txir ndâux txir luk mak heik lơưr đros muk vênhv tôngv, xênhv Shôngx, xênhv Thox, xênhv Muôk...mak tsuôk chuôz zis thiêx gôngr ziv chênhv tâu”.

          Choz zok hâux lưv trâu yênhx ziv chuôz zis lok coar lik por vêv jôngr, yax mông đêz đar txos tsôngv box, tsov cưv yax mông vênhv tôngv lênhx txir ndâux txir luk thiêz yax mông lơưr yênhx xênhv nênhs, nriêr tsưr ziv yiêz huôv tsar kinh têr trâu tsôngv box...puôr lênhx zos têx tsưr ziv zuôr trâus thiêz muôx chêx cuk paz têx tiv phaz tir tar tsik tsêz chos zax zênhz. Iz chas co, chinhr quyênx ntơưv qơư tsuv uô truôx luôs hâux lưv heik pâuz lok têx lênhx nênhs muôx zênhk zax zênhz, nênhs phamv cxâuv thôngz đhâu “thôngz ntơưr heik kriê”. Nhoz ntâu tiv phaz, tsuv hêik pâuz têx xor mông tsiv grê, zos pov lênhx nênhs fêv tưs tsêz chos zax zênhz, tsuv trâus tik cêr cxâuv. cxôngx co paz têx chiz coaz muôx txơưx jênhv pov nzor thiêz muôx tsưr ziv tir thêir cov tâu truôx. Iz cxiê tsưr ziv txơưr, co zos chuôz tsar xưv bluô đros têx lênhx nênhs cxoz txưv uô cxâuv. Co zos njiêz luv tâu seiz lax ntơưv têx lưx lươngv muôx txơưx jênhv li ntâu jiês hêik txos.

          Lơưr zơưv Hoàng Quốc Khánh, Chủ tịch Ub tỉnh Sơn La, txơưv tsi zos thax tsav cuz nxor lok hâux lưv tror chos zax zênhz, taz sik ntu đhâu tỉnh no tsênhv muôx ntâu mênhv chêx nhiês tsêz chos zax zênhz trâus qênhz pov. Đros têx mênhv chêx tưz xav tênhv tâu nênhs chos, tỉnh Sơn La tưz muôx tsưr ziv xưv bluô huv đros, cê taz por tir tar, cê zaoz zux côngv thôngx. Lơưr co, têx ziv chuôz zis chos zax zênhz zuôr tsi tâu côngz jênhv chuôz zis vênhx huôv, tsi tâu jênhv têz qơưk têx phênhv paz txưv, trâus bluô nhiêx. Đros têx chuôz zis tror chos ntâu jiês, chiz coaz công an zuôr tso tơưv cuiz tênhv tik cêr cxâuv zos đrêiv chêi têz qơưs tso tơưv.

          Hâux lưv coar lik thiêz tơưv txênhz chiê txu grês lênhx nênhs muôx zênhs zax zênhz hâur têx shông zuôr txos, zos luôs hâux lưv zov chênhr chiê tir tar qênhx shênhx tsik tsêz chos zax zênhz./.

Hoàng Thái-Txâur Vax cxeik nhênhv

Têx tsưr ziv uô jông paz tsôngv box ntus đriv Điện Biên pâuz lok têx chêi têz qơưk

Lưx lươngv Bôv đôiv Pênhz phax tỉnh Điện Biên tsik so sik côngv đros chính quyền chor huyện Mường Nhé, Nậm Pồ, Mường Chà, Điện Biên thiêz chor zênhx Pênhz phax nhoz sâuv thax tsav tsưr tsix sir jos yax kriê, piêr pâuz zoz zux pháp luật trâu cán bộ, Pêx xênhv nhoz thax tsav ntus đriv. Tsênhv njiêz yax kriê tsêx trung trâu chor hâux lưv li: Yax kriê đạo tsik zos chêi; Chêi Ntus đriv têz qơưk; Chêi phax, tar chơưr bia li têx uô hiêv…Chor nênhs yax kriê tsêx trung cán bộ chênhr chor xar, tsar jok, lâul jok muôx suôz bê zos chor nênhs muôx luk hêik, tâu côngv thôngx sơưr đơưk njênhs njôngr, tiv zix zos tsôngv box mênhx cxưx tsơưs nênhs uô nênhx nhoz ntơưv thax tsav ntus đriv. Zơưv Gia Xênhv Thox, Tsar jok Huổi Khon 2, xar Nậm Kề, huyện Mường Nhé puz pâuz: nhiv no jok cux tsênhv yuôr 18 ziv chuôz zis, 100 ntâu lênhx nênhs cux tsênhv uô vax tsưr tsix trơưk chêi. Taz sik, đhâu lưx lươngv Bôv đôiv Pênhz phax Điện Biên li jiês yax kriê no, zơưv tưz pâuz tâu ntâu đuô thiêz muôx nzir txux chi chiê lok hêik kriê trâu pox nhuôs sơưr đơưk pâuz:“Thâuv ntêx mak hâur jok muôx 23 ziv chuôz zis muk uô vax tsưr tsik trơưk chêi, taz sik nhiv no tưz muôx 6 ziv chuôz zis tror lok. Cur lok six uô tsâus Đảng, Têz qơưk tưz moz siêz txos yax kriê piêr pâuz lok chêi têz qơưk chiê pox nhuôs sơưr đơưk pâuz tâu”.

Thiếu tá Vũ Ngọc Hiệp, Phưv zênhx tsar Zênhx Pênhz phax Mường Mương, đôiv yax kriê piêr pâuz zoz zux pháp luật, Bôv Chỉ huy Bôv đôiv Pênhz phax tỉnh Điện Biên puz pâuz: Chiê côngz xưv yax kriê uô tâu jông thâuv yax kriê zuôr tsuv muôx ntâu zav đuôz shav, têx jax pêv muôx yưv tsik jông cik txos uô vax tsưr tsik zos chêi lok sik tso cán bộ zos tsôngv box mênhx cxưx hêik mênhx cxưx têx luk chiê piêr cov cxix cxuô, huv đros tiv zix tsênhv njiêz têx chêi txos trâu nênhs mnôngs pâuz:“Tsênhv njiêz yax kriê pêz tsêx trung lok Thủ tướng Chính phủ li Chỉ thị 05 lok uô lơưr phongz yaox tas nro pêx xênhv đros uô por  vêv tsưr qênhx ngaz tuk ntus đriv, Chính phủ li têx Nghị định thiêz tiv zix zos têx hâux lưv lok phax tar uô vax tsưr tsik trơưk chêi thax tsav ntus đriv. Đros tsênhv njiêz yax kriê đạo tsik zos chêi, pêz tưz uô tsênhz mênhx têx kror tsuv jênhv pâuz, phiv liv tsik jông txos pêx xênhv luz nênhx hêik cxuô, chiê tsôngv box pâuz tsênhz, tsik mnôngs, tsik uô trơưk chor nênhs fêv nziêk đas”.

Đrâuv chor nênhs zos tsôngv box mênhx cxưx tsơưs nênhs uô nênhx nhoz ntơưv têx thax tsav jê ntus đriv zov chênhr li: Nầm Kè, Leng Su Sìn, Na Cô Sa, Nậm Nhừ…côngz xưv yax kriê piêr pâuz pháp luật tâu lưx lươngv Bôv đôiv Pênhz phax moz siêz txos chor cán bộ, cưk kriê ntơưr thiêz shux xênhz. Lường Thị Hậu, mênhx cxưx Thái, shux xênhz lớp 12C1, Tsêr cơưv cxênhx pêz huyện Mường Nhé hêik:“Jiês yax kriê tưz paz muôx lok six ntâu txux chi jông trâu pêz, iz zav li Việt Nam muôx ntus đriv jê đros têx têz qơưk tưs, cêr coangz siv huôv tsar têz qơưk oz tos uô cê. Đhâu jiês yax kriê cur zuôr lok yax kriê trâu pox nhuôs hâur jok, chor nênhs cxênhz jê hâur chuôz zis tsuv pâuz tsênhz mênhx đuô lok tsưr qênhx Việt Nam thiêz zuk tsuv uô li chak”

Khov lơưr qênhx shênhx tsênhv tsênhz ntơưv têx taz viv, thax tsav ntus đriv, lưx lươngv Bôv đôiv Pênhz phax tỉnh Điện Biên tưz kriz uô truôx jông têx tsưr ziv li, kriz lớp hêik kriê, kriz phim sêiz, muôz ntâuz ntơưr yax kriê lok pháp luật...trâu pêx xênhv pâuz. Trung tá Nguyễn Đức Cảnh, Phưv chủ nhiệm Chính trị, Bôv Chỉ huy Bôv đôiv Pênhz phax tỉnh Điện Biên puz pâuz:“Hâur jiês yax kriê no pêz tưz uô ntâu tsưr ziv yax kriê sik txơưr. Đrâuv tsưr tsix jiês cơưv yax kriê tsêx trung pêz kriz uô chor tsưr ziv yax kriê txơưr đuô li muôz ntâuz ntơưr piêr pâuz lok pháp luật, sik thav luk hêik kriê pháp luật chiê cov cán bộ, pêx xênhv nhoz thax tsav ntus đriv pâuz tâu thiêz uô truôx jông lơưr Đảng, Têz qơưk têx cêr chêi. Txix co đros lưx lươngv Bôv đôiv Pênhz phax sêiz car por vêv truôx đrênhk tsưr qênhx têz qơưk, ngaz tuk ntus đriv têz qơưk hâur ntu yiêz”./.

Vũ Lợi-Lik Thox cxêik nhênhv