Luz tsêr cơưv “lênhx tưs cux jênhv paz

max mê nhuôs shux xênhz”

Chu Văn Minh, zos shux xênhz mênhx cxưx Cho muôx luz nênhx lok six txov nhêv. Thâuv nhiv kruôr tâu 2 shông, Minh niêv tưz por Minh trâu tov cêr jê niêv teik tsêr thiêz tsir lơưv. Minh txir viv li mak yax six hâuk chơưr uô trâu luz nênhx ziv hnuz ziv txov nhêv đuô. Đros siêz xar tâu cơưv ntơưr jông li têx fôngx zưs txơưr, hnuz tưs Minh cux mul tơư mul cơưv ntơưr. Cưk kriê thiêz têx fôngx zưs txơưr khênhr pov Minh mul cơưv ntơưr mak “tsi muôx khâu trâu, tsi muôx ntâuz ntơưr, pix, tsi muôx hnaz ntơưr, tsi muôx six hơưv”. Hluz Minh, cưk kriê Đoàn Thị Thảo tưz jênhv paz max Minh, hluz Minh li zuk mê nhuôs. Cưk kriê tsoz phưz cxôngx yênhx pluôs mor, txos tris yo, pav, vix tsav... “Qir thơưx Minh cux lok six chav thơưx, mul cơưv ntơưr mak hnuz nzor hnuz lis, viv Minh txir tsi chox Minh mul cơưv ntơưr, niêx hnuz tsi pov nhoz tsêr, mul uô hâux lưv lok sik mul hâuk chơưr. Chênhr viv li cur tưz thix ziv đros tsêr cơưv jênhv paz max Minh. Hnuz tưs tsi pov Minh mul cơưv ntơưr mak cur mul tos, lok sik hu tênhv heik têx lênhx nênhs nhoz jê Minh tsêr paz chox Minh mul cơưv ntơưr, hnuz tưs Minh txir so nhoz tsêr mak paz chox Minh mul tsêr”.

          Cxôngx têx cưk kriê hâur tsêr cơưv li siêz jông, thiêz cxôngx “niêv Thảo” li cêr hluz tsês trâu Minh, nhiv no Minh tưz car đros fôngx zưs uô si, pâuz ntơưr đuô. Cxôngx iz lênhx mê nhuôs nzâus khôngv, tsi car đros lênhx tưs uô si, lớp 1 tsi pâuz iz khur ntơưr, nhiv no luz chêr tưz pov muôx greix mê njik, txơưx jênhv ntơưr thâuv qir cơưv lớp 2. Six hơưv nox tsiêz shông 2018, Minh trâus ntos thiêz lor ciês cxeik tês xik, tsuv nhoz tsêr kho moz chiê kho moz. Cưk kriê Thảo ho tsoz phưz Minh, hu grus côngv thôngx paz txưv chiê Minh muôx nhiêx txiêx kho moz: “Tris yo, ntâuz ntơưr puôr lênhx zos cưk kriê Thảo zuôr trâu cur, shông no ndê lớp 4, cưk kriê tsênhv zuôr yêz tuôv trâu cur thiêz. Cur zuôr sir jos cơưv ntơưr cov txươx chiê cưk kriê jông siêz, thiêz zuôr cơưv tas lớp 9 chiê mul uô hâux lưv”.

          Shông cơưv 2019-2020, Tsêr cơưv cxênhx iz thiêz cxênhx oz Tô Mậu muôx 33 lênhx cán bộ, cưk kriê, đros 487 lênhx shux xênhz, hâur co, muôx 160 ntâu lênhx muôx luz nênhx txov nhêv thiêz 39 lênhx muôx luz nênhx lok six txov nhêv. Đros thiêz têz qơưk li paz txưv, 33 lênhx cưk kriê hâur tsêr cơưv tưz jênhv paz max tsơưs tiv zix 1 lênhx mê nhuôs shux xênhz muôx luz nênhx txov nhêv, chiê paz têx mê nhuôs tâu mul cơưv ntơưr. Viv phênhv ntâu têx mê nhuôs puôr lênhx muôx luz nênhx txov nhêv li: niêv txir mul uô hâux lưv đêz iz lênhx nhoz tsêr, chuôz zis txov nhêv, muôx moz gênhs, njuôs nos lok sik niêv txir por tsês cxôngx ciês thâuv tsênhv zâu...viv li têx cưk kriê li paz max tsi zos nhiêx txiêx, chuôz zênhx cxuô zav, mak tsênhv zos tsoz phưz, tsov cưv li iz lênhx niêv, lênhx txir. Pox Nguyễn Thị Hương, Phưv tsar phongx zaoz zux thox cxov huyện Lục Yên, tỉnh Yên Bái puz pâuz: Chiê paz max têx mê nhuôs shux xênhz muôx luz nênhx txov nhêv, Phongx tưz phuôx tôngv cxiv vênhv tôngv “Iz lênhx cưk kriê paz max iz lênhx shux xênhz muôx luz nênhx txov nhêv tiv zix” txos tas nro têx taz viv tsêr cơưv sâuv thax tsav: “Iz cxiê tsêr cơưv mak tập thêv jênhv paz max, iz cxiê tsêr cơưv txơưr mak cưk kriê jênhv tsoz phưz, paz max chuôz zênhx cxuô zav chiê mê nhuôs cơưv ntơưr jông tiv zix. Txos nhiv no phongz yaox tưz tâu krêz uô đêz đar thiêz têx taz viv puôr lênhx uô jông côngz xưv no”.

          Cxôngx têx cưk kriê li siêz jông, ntâu lênhx shux xênhz txov nhêv nhoz Tô Mậu heik taz, huyện Lục Yên heik cxuô txu gris tâu phênhv tưs têx phêv liv hâur luz nênhx, sir jos đô chiê cơưv ntơưr. No zos trâur nuv lok six zuôr trâus tâu krêz uô đêz đar chiê paz max mê nhuôs shux xênhz mul cơưv ntơưr./.

 (Thừa Xuân- Txâur Vax cxeik nhênhv)

Tsuv muôx têx ntâuz ntơưr tưs chiê tâu sơưv chế độ xênhz zus mê nhuôs thâuv muk njuôk shuôk mê nhuôs hâur chêr?

Nữ: Niêv tix Lường Thị Mai nhoz xar Tú Nang, huyện Yên Châu, tỉnh Sơn La nus:

Cur tsênhv xênhz mê nhuôs hâur chêx hli tiv 4, phongx nhân sự cur công ty hêik tiêk cur tsuv muoz ntơưr njuôk shuôk mê nhuôs hâur chêr 5 hli tsik so thiêx tâu paz nhiêx xênhz zus mê nhuôs. Zos li cur xar pâuz cui tênhv no zos li chak? Cur xar tsik thôngz thiêz lok six cxơux, thor paz têz trâu cur pâuz.

Têz:

Nam: Grê 31 Luật BHXH lok tsả rtov tâu sơưv chêz độ xênhz zus mê nhuôs cui tênhv li đrav kaz:

1. Nênhs lox tiingv tâu sơưv chế độ xênhz zus mê nhuôs zos iz hâur têx krỏ rli đrav kaz no:

a) Lox tôngv pox niêv xênhz nhuôs hâur chêr;

b) Lox tôngv pox niev zus mê nhuôs;

c) Lox tôngv pox niêv paz xênhz mê nhuôs thiêz lênhx nênhs paz xênhz zus mê nhuôs;

d) Nênhs lox tôngv jênhv tu zus mê nhuôs puôs tsik tâu muôx 6 hli;

đ) Lox tôngv pox niêv lox vox tsik muôx mê nhuôs, nênhs lox tôngv uô tsưr ziv tsik xênhz zus mê nhuôs;

e) Lox tôngv txir nênhx tsênhv thêv nhiêx BHXH muôx pox niêv zus mê nhuôs.

Nhạc cắt

2. Nênhs lox tôngv cui tênhv ntơưv chor điểm b, c thiêz d khoản 1 Grê no Grê no tsuv thêv nhiêx BHXH txix txưv 6 hli tror sâur hâur six hơưv 12 luz hli uô ntêx thâuv zuôr zus mê nhuôs lok sik jênhv tu zus mê nhuôs puôs.

3. Nênhs lox tôngv ntơưv điểm b khoản 1 Grê no tưz thêv nhiêx BHXH txix txưv 12 hli tror sâur mak thâuv xênhz nhuôs hâur chêr tsuv so hâux lưv chiê tsoz phưz mê nhuôs hâur chêr lơưr qơư njuôk kho moz muôx qênhx li hêik kriê mak tsuv thêv nhiêx BHXH txix txưv 3 luz hli tror sâur hâur six hơưv 12 hli uô ntêx thâuv zuôr zus mê nhuôs”.

Nhạc cắt

Grê 32, Luật BHXH lok six hơưv chế độ thâuv njuôk shuôk mê nhuôs cui tênhv:

“1. Hâur six hơưv xênhz nhuôs hâur chêr, lox tôngv pox niêv tâu so hâux lưv chiê muk njuôk shuôk mê nhuôs5 jiês, iz jiês iz hnuz; zos tiêk nhoz đêz qơư qơư njuôk kho moz lok sik nênhs xênhz nhuôs hâur chêr muôx moz gênhs lok sik tuk mê nhuôs xênhz hâur chêr tsik jông phiv liv mak tâu so oz hnuz trâu iz jiês njuôk shuôk mê nhuôs.

2. Six hơưv so hâux lưv sơưv chế độ xênhz zus mê nhuôs cuiz tênhv ntơưv Grê no xav lơưr hnuz uô hâux lưv tsik xav txos hnuz so ntênhk, tsiêz, hnuz so yênhx ciêz”.

Chiê tâu sơưv chế độ xênhz zus mê nhuôs yênhx jiês muk njuôk shuôk mê nhuôs, co tsuv muôz trâu côngz ty Ntơưv cungz jênhv so hâux lưv sơưv BHXH hêik txos muk njuôk shuôk mê nhuôs hâur chêr./.

(Thanh Thủy-Lik Thox cxêik nhênhv)