Lai châu phêiz qơư njuôk, kho moz phax tar Covid-19

Hâur têx hnuz đhâu lok no, yênhx puô lênhx pêx xênhv hâur thax tsav tuôx njuôk, kho moz ntơưv tsêr kho moz Đa khoa tỉnh Lai Châu puôr lênhx tâu tok lok six jông. Ciês thâuv tuôx txos ntơưv trôngx vas tsêr kho moz, pêx xênhv zuôr  tâu heik kriê muk trâu qơư txêik tok chiê phêiz muk trâu têx qơư njuôk, kho moz. Đros chor nênhs hnôngk, cuz lok sik muk lok txix têx qơư muôx caz moz, zuôr tâu hêik kriê muk trâu qơư njuôk shuôk moz tưz  tâu cêv kuôk. Bác sĩ Bùi Tiến Thanh, Giám đốc tsêr kho moz Đa khoa tỉnh Lai Châu puz pâuz: tsênhv zos six hơưv cêv kuôk xar hôiv, viv li chor nênhs tuôx njuôk, kho moz ntơưv tsêr kho moz grêk tsơưs ntâu. Taz sik, têx hâux lưv txêik tok, njuôk shuôk moz trâu nênhs moz zênhx tâu kriz uô jông,  ntơư zos njuôk kho phênhz têx zav moz Covid-19 trâu tas nro cxuô lênhx nênhs:“Ntu zuôr txos tsêr kho moz Đa khoa tỉnh tror sir jos uô đuô, taz por cov phêiz chor nênhs moz txix ciês ntơưv trôngx vas; sik côngv đros lưx lươngv công an chiê phêiz têx yêz muk lok hâur tsêr kho moz, qênhz yuôx cov truôx jông. Thiêz tiv zix zos phêiz ciês chor nênhs moz txix trôngx vas tsêr kho moz lơưr Bôv Y têr, Ban chox kriê têz qơưk li tsưr ziv kriê”.

Tsêr kho moz Đa khoa tỉnh Lai Châu nhiv no muôx 350 luz txax, tâu phêiz uô oz kror qơư njuôk thiêz kho moz, qơư chơưv kho têx zav moz txơưr thiêz qơư chơưv kho cêv kuôk. Nhiv no, ntơưv qơư chơưv kho cêv kuôk tsuôk yuôr tsơưs lênhx nênhs moz, zos chor muk đhâu thax tsav  qơư muôx moz tror lok trâu zuk qơư nhoz. Qơư chơưv kho têx zav moz txơưr mak tsênhv kho moz trâu 200 ntâu lênhx nênhs. Khov muôx têx cấp, têx nganhx sir jos yax kriê, viv li pêx xênhv tuôx njuôk kho moz tưz uô jông trơưk têx tsưr ziv, cui tênhv tso tơưv;  viv li tưz paz txo grêk tsơưs chor nênhs trâus cik caz moz. Zơưv Trần Văn Huynh, Trưởng phongx tsưr tsix cán bộ, Tsêr kho moz Đa khoa tỉnh Lai Châu puz pâuz:“Lok chor nênhs moz  tuôx njuôk, kho moz mak lơưr Ban chox kriê li hêik kriê tưz grêk tsơưs lok six ntâu, viv tsênhv cêv kuôk xar hôiv. Viv li pêz tsênhv sêiz shuôk chơưv kho trâu chor nênhs moz nhiv no tsênhv chơưv kho hâur tsêr kho moz. Chor nênhs  tuôx njuôk shuôk thiêz kho moz cux grêk tsơưs lok six ntâu”.

Tỉnh Lai châu nhiv no muôx 30 ntâu taz viv uô lơưr cêv kuôk xar hôiv chiê phax tar moz covid-19, hâur co muôx tas nro thax tsav thành phố Lai Châu. Uô trơưk tsưr ziv no, tsêr kho moz Đa khoa tỉnh Lai Châu tưz tso iz đraz cán bộ chiê uô hâux lưv ntơưv tsêr, chor nênhs uô hâux lưv njuôk, kho moz tuôx uô hâux lưv, taz sik tsuv uô truôx jông têx tsưr ziv phax, tar caz moz. Giám đốc tsêr kho moz Bùi Tiến Thanh puz pâuz nzir, chiê bax phax tar moz Covid-19 tsik chiê cik đêz đar trâu cxuô thax tsav qơư, Lai châu tưz uô tiêr tsêr kho moz muôx 200 luz txax bax chiê thâuv muôx chôngz lênhx nênhs trâus cik caz moz thiêx muôx qơư kho moz, cêv kuô nênhs moz. Nhiv no tas nro tsêr kho moz li têx qơư chơưv kho moz tưz tâu tsuôs yuôx tuô lov caz moz chiê taz por trâu côngz xưv njuôk, kho moz: “Zos iz luz tsêr kho moz chiê chơưv kho tas nro chor nênhs trâus moz hnhar nhoz tỉnh Lai Châu txix têx huyện yêv tuôx, zos tsêr kho moz trâus tir tar mak zuôr tsik zos tsêr kho moz Đa khoa tỉnh. Li co pêx xênhv zuôr tsik muôx qơư chiê njuôk, kho moz, tiv zix zos têx hâux lưv chơưv kho lox li fêik kho, chơưv paz”.

Tỉnh Lai Châu tưz zênhx muôx nênhs trâus moz Covid-19 zos nênhs moz tiv 133, taz sik txos nhiv no lênhx nênhs co tưz tâu chơưv kho jông moz. Đros uô truôx jông têx hâux lưv thâuv txêik tok, njuôk thiêz kho moz trâu nênhs moz, Tsêr kho moz Đa khoa tỉnh Lai Châu tsênhv sir jos uô trơưk cxuô faz tsưr ziv tso tơưv chiê txo grêk tsơưs chor nênhs trâus cik moz Covid-19 hâur thax tsav./.

(Lik Thox cxêik nhênhv)