Phênhv
thưr 2, hnuz 11/1/2016
Tsôngv box siêz vav xar njôngr uô ntêx
Đảng Đại hội 12
Nhoz hnuz nhôngs tưz lâuk, đas jos ntâus tas, Luật sư
Lê Đức Tiết, cux tsênhv sir jos uô nuv, moz siêz txos têx hâux lưv hâur têz qơưs. Luật sư Lê
Đức Tiết heik: shông 2015 têz qơưs muôx ntâu kror jông, iz chas ntơư cux muôx
ntâu phiv liv. Chiê sir jos uô tâu jông têx luôs hâux lưv, hla đhâu phiv liv,
tsôngv box vav chiê siêz njôngr trâu Đảng đại hội zuôr tso tơưv tâu têx chei,
cui tinhv yiêz lok têx ar liêx têz, zoz zux, côx phax-txiv ngaz thiêz tênhx
qơư…. Uô ntêx Đảng Đại hội, tsôngv pêx xênhv moz siêz txos ntâu hâux lưv li:
Phax tar nox nhiêx têz qơưs, uô tuôr xuôv nhiêx txiêx. Viv tsênhz tiês tưz uô
tuôr xuôv ntâu lok nhiêx txiêx, ar têz , six hơưv, pênhr jos. Lơưr Luật sư Lê
Đức Tiết, mông lok hâux lưv thôngz sâu têx chuôz zênhx cux tsênhv uô tsi tâu
tsi tiêr nhoz ntâu cấp. Hâu nov thênhv siêz tsuv zos têx lênhx uô ntêx nyuôs
chiê ntơưv qơư cơưv shâuv, uô trơưk. Tsi thav hlôngr yiêz tsưr ziv uô viv luật
tưz cui tinhv tsênhz mênhx. Uô ntêx, têx lênhx canr bôv, đảng viên tsuv zos têx
lênhx uô luôs hâux lưv no nhoz zuk thax tsav qơư nhoz chiê tsôngv box muôx vax
huôv nuk. Iz chas ntơư, Đảng đại hội 12 tsuv xeir têx lênhx muôx txux chi, tsưr
ziv, pênhr xưv uô nuv chiê lês car têx hâux lưv, chox têz qơưs hla đhâu têx
phiv liv viv cxiv tsa têz qơưs, viv tsôngv pêx xênhv luz nênhx:
“ Hâur Đảng Đại
hội jiês no xeir cov tâu têx lênhx muôx txux chi tsưr ziv jông, zos têx lênhx
tâu tsôngv box sơưr đơưk nhiêv, njênhs njôngr thiêz zos lênhx hâur six hơưv
đhâu muôx tsưr ziv jông gôngr paz trâu têz qơưs huôv tsar. Têx lênhx heik ntơư
tsi zos xeir zuôr trơưk hnuz nhôngs, trơưk hâux lưv tưz uô đhâu. Tsôngv box tsi
vav chiê siêz tuk tsi ntâu mak tsuôk vav chiê siêz cov xeir tâu têx lênhx muôx
txux chi tsưr ziv, pênhr xưv lês car uô têx nuv hâur XH, choz kriê tâu
tsôngv pêx xênhv uô têx nuv jông, huôv
tsar uô nox thiêz têx lênhx Ủy viên Bộ chính trị, Ủy viên T.Ư tsuv zos têx
lênhx uô ntêx nyuôs hâur luôs hâux lưv no. Co zos kror mak tsôngv box vav xar
njôngr chiê uô uô ntêx hâux lưv phax tar nox nhiêx têz qơưs”.
Phuôx huiz tsôngv box sơưr đơưk cêr thôngx siêz thiêz
jênh tsuv XH cux zos kror mak tsôngv box moz siêz txos, vav tok njôngr ntơưv
Đại hội jiês no. Zơưv Đỗ Duy Thường, Phưv seiz car Hội đồng heik kriê têz qơưs
têx chei, cui tinhv, Ủy ban T.Ư MTTQ VN heik: Đảng Đại hội 12 têx ntâuz ntơưr
jiês no tưz krêz uô jông thiêz đar đuô. Taz sik, jênh tsuv uô ntêx tsuv zos gra
cêr muôx liv lok trâu tsôngv box, gra cêr tsâu sor trâu sơưr đơưk. Lar heik,
tsuv krêz uô đar jênh tsuv hâur Đảng,
hâur têz qơưs:
“ Tsôngv box
siêz vav, xar njôngr zos cov têz qơưs tror krêz uô đar jênh tsuv, xar uô tâu
côngz fênhx tsuv muôx têz qơưs têx chei, cui tinhv. Cur heik têz qơưs tso tơưv
têx chei, cui tinhv cik txos tsôngv box vax huôv, tsưr ziv mak Hiến pháp tưz
cui tinhv. Cơ quan uô hâux lưv têz qơưs, đại biểu tsôngv box xeir tsov, canr
bôv công chức uô hâux lưv têz qơưs li
vax huôv seiz kaz têx hâux lưv uô zos uô trơưk tsôngv pêx xênhv tsưr ziv, siêz
xar. Li ntơư zos tsôngv box cxaz chuôz vax huôv, tsưr ziv trâu cxiv tsa Đảng,
cxiv tsa têz qơưs”.
Txix uô đreiv têx hâux lưv mênhx cxưx hâur ntâu shông,
zơưv Lù Văn Que, kuz phưv seiz car Ủy ban mênhx cxưx heik: Xar muôx cêr thôngx
siêz hâur cxuô heir nênhs thiêz têx Tôn giáo tsuv pâuz tsênhz thiêz uô jông
lơưr Đảng têx cui tinhv, tsưr ziv sik
thôngx siêz thiêz Lâuk Hôx têx luk choz kriê, tsuv zuôr sơưr đơưk luk heik,
thix ziv uô ntêx chiê tsov uô trơưk, tsuv seiz lok têx cui tinhv ntơư chiê đơưk
uô jông cxuô luôs hâux lưv cov muôx liv trâu sơưr đơưk hâur XH. Zos thâuv tưs
nhoz thax tsav qơưs tưs uô tsi tâu jông têx hâux lưv muôx liv mak nhoz thax
tsav ntơư sơưr đơưk tsi tâu muôx vax huôv siz luôs thiêz cêr thôngx siêz. Iz
chas ntơư tsuv pâuz tâu tsôngv box tsưr ziv, siêz xar chiê cxiv tsa cêr thôngx
siêz, siz paz nhoz thax tsav tsôngv box nhoz, thâuv ntơư li muôx tâu cêr thôngx
siêz. Zơưv Lù Văn Que heik:
“Xar muôx cêr
thôngx siêz, uô ntêx tsuv uô jông jênh, tsuv txoz cxơưx, đơưk uô tâu jông têx
muôx liv trâu tsôngv box. Đơưk uô tâu côngz fênhx thiêx muôx cêr thôngx
siêz. Thôngx siêz li uô tâu têx luôs
hâux lưv lox. Lar heik zos tsuv đơưk uô tâu têx muôx liv trâu sơưr đơưk, trâu
cxuô heir nênhs. Cur seiz, ntơư zos hâux lưv zov chênhr thiêz jông. Chênhr viv
li tsuv hlôngr yiêz tsưr ziv uô têx hâux lưv mênhx cxưx”.
Chiê uô tâu têx tsưr ziv huôv tsar kinh tế-XH, hâur
ntơưr zos zuôr trâus txos têx lênhx canr bôv moz siêz uô hâux lưv, muôx txux
chi tsưr ziv jông. Đhâu Đại hội, tsôngv box siêz vav xar njôngr zos chuôz tsar
tiês cxiv tsa Đảng hur truôx jông; zos tsi uô jông luôs hâux lưv no mak ntơư
zos Đảng hâux lưv phiv liv lox yax zuôr tsuv tâu đơưk uô. Uô ntêx Đại hội Đảng
jiês tiv 12, tsôngv box Bắc Ninh lok six moz siêz, xar vav njôngr Đại hội
hlôngr yiêz tâu txux chi, tsưr ziv uô nuv tror lês car kinh tế-XH huôv tsar,
lar heik zos txiv ngaz XH thiêz por hưv tênhx qơư. Nguyễn Văn Hùng, Phưv Chủ
tịch MTTQ tỉnh Bắc Ninh heik:
“ Pêz cux vav
chiê siêz njôngr, Đại hội 12 muôx ntâu chei, tsưr ziv jông cik txos txiv ngaz
XH chiê gra siêz luz nênhx nox nhoz trâu tsôngv box. Hâur ntơư, moz siêz txos
paz tsôngv box pluôs, têx lênhx nênhs tsi muôx qơư khov vav, lênhx nênhs muôx
luz nênhx txov nhêv. Xar cov muôx têx chei, cui tinhv tsênhz lok tênhx qơư chiê
cxiv tsa qơư nox nhoz hur si, jông đu lus txos trâu cxuô thax tsav tsôngv box
nhoz, têx cơ quan, taz viv chiê tsôngv box muôx tâu têx qơư nox nhoz hur jông
đuô”.
Đhâu zuôr xar
30 shông hlôngr yiêz, pêz têz qơưs tưz uô tâu ntâu luôs hâux lưv jông, muôx liv
paz cxiv tsa thiêz tsưx phưv têz qơưs. Taz sik, tsưr ziv, hâux lưv cxiv tsa pêz
têz qơưs cux tsênhv zuôr uô ntêr thiêz ntâu phiv liv. Chênhr viv li, Đảng Đại
hội 12 zuôr txos, tsôngv box vav chiê siêz tiêk Đảng zuôr tso tơưv tâu têx
chei, cui tinhv huv đros sơưr đơưk, krêz đar hâu cêr huôv tsar kinh tế-XH. Lar
heik, đhâu Đại hội xeir tâu têx lênhx muôx txux chi tsưr ziv, pênhr xưv lês car
têx hâux lưv têz qơưs cov ziv hnuz ziv huôv tsar, truôx jông đuô./.
( TTT-Riê Lâux cxeik, nhênhv)
Viết bình luận